منتدي أسرة البابا كيرلس السادس العلمية


العودة   منتدي أسرة البابا كيرلس السادس العلمية > المنتديات المسيحية > منتدي الروحيات

إضافة رد
 
أدوات الموضوع طريقة عرض الموضوع
  #1  
قديم 11-06-2008, 09:31 PM
moheb88 moheb88 غير متواجد حالياً
عضو مشارك
 
تاريخ التسجيل: Dec 2006
المشاركات: 34
افتراضي ضربه قويه


- هنعمل ايه مع الجدع ده بقالنا معاه اكتر من 15 سنه ومفيش فايده فيه مش عاوز يفوق من اللى هو فيه

- ده دماغه ناشفه وماشى فى سكة المسيح وشكله كده نفسه طويل , على العموم هو هايروح منا فينا

- ايوه احنا وراه لحد اخر نفس فى حياته لازم يرجع تانى

- بس احنا برده عملنا انجاز كبير معاه وخليناه يرجع تانى للخطيه ويلوم نفسه ويكرهها ويلف ويدور فى فلكها وشغالين عليه بشوية كوابيس من اللى قلبك يحبها , كل مايمسك الاجبيه يصلى اشتغل له فى الازرق والاسود كمان لما هريته وتوبته يصلى من كتر الرعب

- عندك حق ده كان الاول نشيط وشغال وقريب من ربه وكل ما يطلبه فى الكوابيس يجيله وينقذه من ايدينا

- بس اليومين دول ايه رايك عمال ينهق ويصرخ فى الكوابيس والضرب نازل عليه ومحدش عبره ياجدع ههههههههه

- اه ماهو من عمايله السودا طلعت عليه ولسه ياما هيشوف منا

- انت بتقول ايه انت وهو انا شغال على الجدع ده من يوم ما اتولد لحد النهارده وفاهمه كويس وكل شغلكم ده على مفيش ,  انا عارف كويس ايه اللى يوجعه , انتم فاكرين لما توقعوه فى الخطيه تبقوا ضحكتوا عليه يا خايبيين , ده هو اللى ضحك عليكم وسكنكم  بشوية خطاياى لا تودى ولا تجيب , ما كل الناس بتخطى هى جت عليه وفرحانين اوى , الجدع ده عاوز شغل عالى اوى انتم مش قده , تعالوا معايا افرجكم عليه وهو واخد ضربه قويه من ايد مفتريه

- شكلك كده عمال تتكلم من وسع ولا عملت حاجه ولا غيره وواجع دماغنا على الفاضى , مش انت برده اللى كنت ماسكه وفك منك وهرب , جاى دلوقتى تقول انا وانا

- طب بس تعالى اوريك شكله وخيبته , انت عارف انه بقاله شهرين مارحش الكنيسه ولا اتناول , وكمان عمال يشاور عقله كل خميس , ده حتى من كام يوم اتجرء وصلى صلاة النوم , وعنها ياعم وريته ليله اسود من شعر راسه ولو ان شعره ابيض هههههههههه , انما ايه خليته يقول حقى برقبتى , حط الاجبيه يابني فى الدرج وحرم يفتحه تانى , وصبرك عليا ان ما خليته يرميها بره البيت خالص مابقاش انا شوشو

- ده انت باين عليك داهيه كبيره , ها احكيلى احكيلى فرحنى فى الواد ده لحسن غايظنى اوى من زمان

- بص ياسيدى وما سيدك الا انا طبعا , انا ولى الفخر قارى الواد ده كويس وعارف انه غاوى محبه وحب وكلام من ده , وقلت مش هايوقعه غير قلبه , بس كانت المشكله ادخله منين , زمان اول ما اتغير وخرج من تحت طوعنا جبتله واحده قمر من رجالتنا قصدى من حريمنا . جمال ايه ومركز ايه وحسب ونسب ايه وكانت خلاص هاتجيبه الارض بس هرب منى ابن الذين ....

- بينى وبينك انا كنت مستخسرها فيه بس كله يهون المهم يرجع تانى , ها وبعدين شوقتنى

- الواد ياخويا بدل ما يضعف لقيته زى الاسد وخرج من التجربه دى اجمد من الاول ومن غبائى حاولت معاه كتير فى نفس السكه , لقيت دماغه ظلطه وساب السكه دى وقلبه بطل يوجعه من الناحيه دى سنين وسنين , بس انا قولت اصبر عليه بكره يكبر فى السن وينهار او يجيله مرض يهده ويخليه يندم على وحدته , وبرده مفيش فايده خالص لسه ماسك نفسه

- طبعا انت سلمت ورفعت ايدك عنه وزهقت منه اكيد ما انا عارفه واد خنيقه

- لا فضلت وراه مش بقولك ده عهدتى من الاول , لقيته فى يوم من الايام حاسس بوحده وعنده كلمتين عن المحبه واجعينه عاوز يقولهم ومش عارف اصطاده منين , وشويه وجانى الفرج ولقيته دخل هنا المنتدى وقعد يرغى شويه ويصاحب شويتين , قولت اسيبه لحد ما يستوى , وعليها ياعم قمت ناطط عليه ومكتف عقله وقلبه وخليته ينزل من برجه العاجى وشككته فى محبة الاخرين , اللى هم مين بقى ؟ ولاد المسيح ياسيدى

- صدق اللى سماك شيطان ده انت غلبتنى

- اه ما انا غلبت معاه الواد ماسك فى المسيح ومش عاوز يفك منه خالص , قولت فى عقل بالى السكه دى مش نافعه وانا فيها خسران , قمت سبته يعيش فى الفيلم بتاعه ولفيت له من الناحيه التانيه اللى هى ولاد المسيح , مش هو شبطان فيهم وعاوز يجاريهم , طب خد على دماغك بقى ياحلو , قعد يعيط شويه واتصدم فيهم حبتين وبعدين لقيته رجع تانى كويس , وقال فى عقل باله انا عينى على المسيح وكلامه وتعاليمه , يادى النيله رجعنى تانى لنقطة الصفر , مع انى كنت خلاص ها اخلص عليه بلا رجعه وكان هيبقى زى اللى رقصوا على السلم يابنى, وساعتها ياعم كنت هادخل عليه اخويا شيطان اليأس واخليه ينتحر ونبقى خلصنا منه دنيا واخره

- ده واد رخم تصدق عكنينى اوى وخلى مزاجى مش قد كده

- المهم انا قولت احطه فى تلاجة الخطايا شويه لحد ما اشوفله صرفه تانيه اهده بيها , بس بينى وبينك انا من تجربتى معاه قولت هى دى السكه اللى ها اوقعه فيها , اللى هى سكة ولاد المسيح , ماهو انا لما اخليه يشك فى الناس اللى سبقوه فى الايمان بالمسيح يبقى هايتبقاله ايه بعد كده , يبقى يورينى هايمسك فى مين , مش بقولك يابنى هو خرج من قلبه وبص بره يبقى بتاعى مفيش كلام , وفى يوم اسود جاله واحد من ولاد المسيح وقاله ادخل على موقع البالتاك هتلاقى هناك ولاد المسيح وحوارات حلوه , انا اول ماسمعت كده قمت مديها زغروطه صحت كل الشياطين الكسلانه وقولت هى دى فرصتى معاه ومش هيخرج مها على خير ابدا , وقد كان

- ايه ؟ فرحنى خلاص اتهد ولا لسه فيه الروح ؟

- اسكت ياعم على اللى شافه هناك , لقى ناس عماله تشتم فى اولاد العالم اللى كان منهم ولقى وسطيهم الحقد والزم والتريقه والمعايره لاولاد العالم اللى كان منهم , وكل ده باسم الكرازه , صاحبك اتلخبط على الاخر وحب يقولهم ياجماعه كده عيب , المسيح قال نصلى من اجلهم مش نشتمهم ونتريق عليهم وشوية كلام عن المحبه اللى هو مقتنع بيه وكان متخيل ان ولاد المسيح بيعملوا بيه, راحوا مهزئينه بكلمتين وبدؤا يشككوا فى ايمانه , وحاول تانى وبرده خد على دماغه , وانا سايبه دلوقتى على نار قايده فيه مش لاقى حد يعبره ولا يحن عليه خالص وبدءت احرك الكراهيه فى قلبه عشان الصوره تكمل , امال ايه مش باقولك ده شغل عالى , انا هاخليه كل مايشوف مسيحى يكرهه وخليه بقى يحب المسيح براحته هههههههههههههههههه

-  بينى وبينك هو شغل عالى اوى انا ماقدرش عليه بس انت فاتك شىء مهم ياشوشو

- ايه هو ياناصح ؟

- ان هو كمان ضحك عليك ودخل هنا المنتدى تانى بعد غيبه طويله وحكى حكايته بالتفصيل واستغلك واستغلنى معاه , ودلوقتى اصحابه يدخلوا هنا النهارده ولا بكره ويساعدوه ياحلو وكل الشغل اللى انت عملته يطير فى الهوا تانى

- ياليلة سوده ده طلع واعر اوى , الحق بسرعه ولم كل الشياطين واعملوا كبسه كبيره على المنتدى , انا عاوز الواد ده يتشتم هنا او يجرحوه او على اقل تقدير محدش يعبره ويرد عليه وياسلام لو المشرف يشيل الموضوع من اساسه تبقى كده كملت , ياسلام لو يفتكروا الوحش بتاعه ولا رسايله اللى زى وشه لاخوه سامى واخته ناردين يبقى لسه فى امل

ربى والهى ومخلصى يسوع المسيح حبيبى ارحمنى من ذاتى وقلة محبتى وانحطاط فكرى ودناسة قلبى , الضربه فعلا قويه بس انت اقوى من كل شىء وواثق من محبتك للبشريه ولكنى فاقد الثقه فى محبتى 


ضربه قويه

من مواضيعي 0 معقول فى ناس كده ؟
0 ضربه قويه
0 رفعت عنه الحصانه
0 قصة صديق داخل القلب
0 ليلة ألقداس وما أطولها
__________________
ارحمنى يا الله انا الخاطى
رد مع اقتباس
  #2  
قديم 11-06-2008, 09:46 PM
الصورة الرمزية admin
admin admin غير متواجد حالياً
Administrator
 
تاريخ التسجيل: Nov 2005
المشاركات: 6,061
افتراضي رد: ضربه قويه

يستجيب لك الرب في يوم شدتك ينصرك إسم إله يعقوب يرسل لك عونا من قدسه و من صهيون يعضدك يذكر جميع زبائح و يستسمن محرقاتك يعطيك حسب قلبك و يتتم كل مشوراتك.

" 1- ليستجب لك الرب في يوم الضيق ليرفعك اسم اله يعقوب.
2- ليرسل لك عونا من قدسه و من صهيون ليعضدك.
3- ليذكر كل تقدماتك و يستسمن محرقاتك سلاه.
4- ليعطك حسب قلبك و يتمم كل رايك.
5- نترنم بخلاصك و باسم الهنا نرفع رايتنا ليكمل الرب كل سؤلك.
6- الان عرفت ان الرب مخلص مسيحه يستجيبه من سماء قدسه بجبروت خلاص يمينه.
7- هؤلاء بالمركبات و هؤلاء بالخيل اما نحن فاسم الرب الهنا نذكر.
8- هم جثوا و سقطوا اما نحن فقمنا و انتصبنا.
9- يا رب خلص ليستجب لنا الملك في يوم دعائنا
" ( مز 20)
من مواضيعي 0 بيي
0 تحبوا نعمل قسم رياضي؟
0 مبروك السيرفر الجديد
0 زرعة الأعضاء
0 رحلة للأسكندرية
__________________

Pray for me
John
رد مع اقتباس
  #3  
قديم 12-06-2008, 05:23 PM
sam minan sam minan غير متواجد حالياً
مشرف
 
تاريخ التسجيل: Mar 2007
المشاركات: 3,015
إرسال رسالة عبر مراسل MSN إلى sam minan
افتراضي رد: ضربه قويه

لا تشمتي بي يا عدوّتي.اذا سقطت اقوم.اذا جلست في الظلمة فالرب نور لي. مي 7 : 8

فلا تخف منهم تث 7 : 18

انظر.قد جعل الرب الهك الارض امامك.اصعد تملك كما كلمك الرب اله آبائك.لا تخف ولا ترتعب تث 1 : 21


والرب سائر امامك.هو يكون معك.لا يهملك ولا يتركك.لا تخف ولا ترتعب تث 31 : 8

لا تخف لان الذين معنا اكثر من الذين معهم 2مل 6 : 16

لا تخف لاني معك.لا تتلفت لاني الهك.قد أيدتك واعنتك وعضدتك بيمين بري. اشع 41 : 10

لاني انا الرب الهك الممسك بيمينك القائل لك لا تخف انا اعينك اشع 41 : 13

والآن هكذا يقول الرب خالقك يا يعقوب وجابلك يا اسرائيل .لا تخف لاني فديتك.دعوتك باسمك.انت لي. اشع 43 : 1

لا تخف من وجوههم لاني انا معك لانقذك يقول الرب. ار 1 : 8

هكذا يقول الرب صانعك وجابلك من الرحم معينك.لا تخف يا عبدي يعقوب ويا يشورون الذي اخترته. اشع 44 : 2

قد جعلت جبهتك كالماس اصلب من الصوان فلا تخفهم ولا ترتعب من وجوههم حز 3 : 9

لا تخف بل تكلم ولا تسكت اع 18 : 9
من مواضيعي 0 **قوة الضعف التى فى الصليب.!:**
0 من هو يسوع؟
0 +* سر السقوط المتكرر*+نش 2 :15
0 الأوزُّ في العاصفة
0 مجد المسيحيين وغناهم
__________________
لا تجدف ان أبى لا يموت............<br /><br />[center][/center
رد مع اقتباس
  #4  
قديم 12-06-2008, 08:18 PM
roula roula غير متواجد حالياً
عضو فعال
 
تاريخ التسجيل: May 2006
المشاركات: 269
افتراضي رد: ضربه قويه

أحبك يا رب قوتي وصخرتي
الرب يرعانا ويكون معنا في كل تجربة
من مواضيعي 0 مَنْ هو يسوع المسيح
0 لاهوت الأيقونة الأرثوذكسية
0 دعو الأطفال يأتون إلي ولا تمنعوهم
0 أقوال آبائية في تربية الأولاد
0 في اللباس والزواج والفتاة
__________________
أحبك يا رب قوتي وصخرتي
رد مع اقتباس
  #5  
قديم 13-06-2008, 10:38 PM
الصورة الرمزية cherry berry
cherry berry cherry berry غير متواجد حالياً
المشرف العام
 
تاريخ التسجيل: Oct 2007
المشاركات: 4,272
افتراضي رد: ضربه قويه

لاتخف لان الذي معك اكثر من الذين عليك ولا تترك يد فاديك بل تمسك بيه يعطيك القوه والغلبه الرب يحفظك من كل سوء ويحفظ دخولك وخروجك


وعند في شطشط واعوانه احنا اخوات نتخانق نتصالح وشطط مايخلش بيننا لان الدخل بيننا خارج

من مواضيعي 0 البوم بدايه جديده
0 انا كمان عضوه جديده ويارب اكون متنوعه وفريده تكون موضوعاتي جديده
0 طريق السماء >>>> رحله الصوم 4
0 من فضلكم
0 ياريت تساعدوني
رد مع اقتباس
  #6  
قديم 21-06-2008, 03:56 PM
moheb88 moheb88 غير متواجد حالياً
عضو مشارك
 
تاريخ التسجيل: Dec 2006
المشاركات: 34
افتراضي رد: ضربه قويه

ربنا يعوضكم على هذه الصلوات وتعب محبتكم
ياريت تذكرونى فى صلواتكم
دى اول مره فى حياتى اطلب فيها الصلاة من اجلى
يارب سلم
من مواضيعي 0 رفعت عنه الحصانه
0 هل استطيع الاجابه ؟
0 كم تبقى لى من العمر ؟
0 فعلتها الاجبية ولم تجدى صلاته
0 يمكن اكون واحد منهم... مين عارف
__________________
ارحمنى يا الله انا الخاطى
رد مع اقتباس
  #7  
قديم 21-06-2008, 04:48 PM
sam minan sam minan غير متواجد حالياً
مشرف
 
تاريخ التسجيل: Mar 2007
المشاركات: 3,015
إرسال رسالة عبر مراسل MSN إلى sam minan
افتراضي رد: ضربه قويه

ربنا يسوع المسيح محبته ليست لها حدود وليس لها حسابات ولا تخضع لاى قوانين البشر فهى ثابته دائمآ وتتجه نحو الانسان فى كل وقت

ولا تبالى بما نحن فيه من ضعف وعدم قدرة

فربنا يسوع معك بيحبك حب ليس له منتهى .

عينه عليك اينما كنت تتحرك .فى الوقت الذى ترى فيه نفسك سوادء وليس فيها اى جمال . هو ينظر لها بجمال غير عادى

انا سوداء وجميلة يا بنات اورشليم كخيام قيدار كشقق سليمان. نش 1: 5

يارب يايسوع انت الهنا الحنون الذى تعرف ضعفنا ,ارجوك اسند ضعفنا

انت تعرف اننا لا نعرف ما هو الخير لنفوسنا ودائمآ نحن نحاول ان رتب لنفوسنا ونفشل فى النهاية

ارجوك ان تقف بجانب نفوسنا وطمن نفوسنا بصوتك الداخلى .هذا الصوت الذى نحن نعرفه جيدآ

هذا الصوت الذى جعلنا نترك كل شيئ لكى نتبعك الشيطان بيشككنا فى صوتك الذى ينادى بالسلام والفرح فينا

ارجوك افتح اذنى لكى اسمع صوتك الذى كثيرآ جدآ ما سبب لى الراحة والاطمئنان فهو الذى اسير خلفه واتبعه

يارب فى ضعفى ارجوك لا تتركنى ابدآ وعندما يتركنى الجميع وينصرفون كل واحد الى حالة انت فقط الا مين لا تتركنى ولا تتحول عنى ولكن ارجوك نبهنى لحضورك

وليدك القوية التى ترتب فى حياتى وفى نفسى وكثيرآ ما لا اراها

يارب ليس لى احد اخر سواك فلا تتركنى ابدآ ارجوك .
من مواضيعي 0 المسيح الحلو ؛ المُخلص ؛
0 سر ارتفاع العذراء مريم :
0 الفرصة التي ضاعت
0 رسالة الى اخ فقد اخيه
0 الرسل الاطهار
__________________
لا تجدف ان أبى لا يموت............<br /><br />[center][/center
رد مع اقتباس
  #8  
قديم 21-06-2008, 09:21 PM
roula roula غير متواجد حالياً
عضو فعال
 
تاريخ التسجيل: May 2006
المشاركات: 269
افتراضي رد: ضربه قويه

صلوات رائعة وطلبات جميلة اذكروني في صلواتكم









من مواضيعي 0 تعليم الأولاد عن الله والمال
0 ليست الحرب من الله!
0 "في طريق الخطأة لا أقف "
0 الشباب وطريقا الحياة
0 السجدة
__________________
أحبك يا رب قوتي وصخرتي
رد مع اقتباس
إضافة رد

شارك أصدقائك هذا الموضوع في مواقعك المفضلة

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر رد
وداعا لمن يريد وضع قلبى فى قبرى ϲσɗɛ вяɛακɛɍ الترانيم و الأشعار 10 22-06-2009 03:18 AM
ادخل و اضحك و لو ما ضحكتش يبقي فيك عيب. onlife منتدى النكت و الفكاهات 15 22-11-2007 03:42 PM
شويه نكت هديه منى بلاش الصعايده يدخلوا هه  marmar* منتدى النكت و الفكاهات 16 05-10-2007 02:27 PM
هفجر فى نفسى لو مرحبتوش بيا ϲσɗɛ вяɛακɛɍ الترحيب بالأعضاء الجدد و اللإفتقاد. 11 14-07-2007 04:04 PM
نكت حلوه ياريت تقروها باسووم منتدى النكت و الفكاهات 2 04-05-2007 12:12 PM


الساعة الآن 07:07 PM.



Powered by Pope Kirillos Scientific Family
Copyright ©2001 - 2019