منتدي أسرة البابا كيرلس السادس العلمية


العودة   منتدي أسرة البابا كيرلس السادس العلمية > المنتديات المسيحية > منتدى القصص الهادفة

إضافة رد
 
أدوات الموضوع طريقة عرض الموضوع
  #1  
قديم 13-06-2007, 10:43 AM
farah
زائر
 
المشاركات: n/a
افتراضي حوارى مع الرب


ذات يوم تخيلت إنني أحاور السيد الرب...فكان هذا الحوار...

يا رب أنا عارف إنك موجود و شايفني و حاسس بيّ...

أنا موجود فعلاً يا ابني...موجود منذ الأزل و باقي إلى الأبد...بس أنت بتخدع نفسك...أنت مش مؤمن إني موجود

إزاي يا رب...إزاي...أنا حاسس بيك و عارف إنك خالق كل الأشياء بحسب قدرتك...

- لا يا ابني...أنت لو عارف كده...كنت تخافني و تهابني و تعمل حساب لوجودي...أنت لو حاسس بيّ...كنت ما خفتش و ما قلقتش...كنت هاتعرف إني نقشتك على كفي...كنت هاتعرف إن اللي يمسَك يبقى مس حدقة عيني...

- يا ربــي وإلهي...أنا...أنا...-

طبعا مش عارف تقول إيه...مش عارف تبرر خطاياك و إهمالك...مش عارف تلاقي حجة مقبولة...أنا يابني رَيّحتك من ده كله...أنا اتجسدت و جيت عشانك...عشان أحمل كل عار الخطية عنك...عشان أديك حب و فرحة وغفــران...عشان أشيل عنك...عشان إنت ما تحملش أي هم أو خوف...أنت مهما عملت مش هاتقدر توّفي مطالبي...مطالب العدل الإلهي...أنا بس اللي أقدر أوفيها...وجيت و ظهرت في جسد إنساني كامل...حسيت بأحزانك...بكيت لآلامك...عرفت ضعفك...عشت كل محنك...النفسية و الجسدية...نزلت من علو سماواتي...عشان أحس بيك...عشان أعرف قد إيه أنت بتعاني...أنا بقيت زيي زيك...ما كنتش أختلف عنك غير في الخطية بس...وريتك المثال الصالح...إديتك نعمتي...و طلبت منك تكون زيي...وإديتك كمان وعد إنك ممكن تعمل أعمالي بل و أعظم منها...شفت قد إيه أنا إديتك...و شايف أنت قد إيه بتزدري بنعمتي...بتهملني...بترفضني أنا الحبيب...بتتكلم عني كتير...و قليل ما بتتكلم معايا...إنسى يا حبيبي كل الناس... كل همومك... كل طموحك...كل طمعك...كل شهوتك...كل أنانيتك...كل خوفك...كل قلقك...كل نجاحك...كل فشلك...كل إحباط...كل يأس...كل تردد...كل حيرة...كل ضياع...كل تشتت...كل محبة عالمية...كل خبرة شر...كل وسيلة شر...كل إهمال...كل كسل...كل تبلد...كل ضعف...كل شــــيء...و أفتكرني أنـــا بس...لأني أنا كل شيء...أنا مدبر كل شيء...أنا هو الطريق و الحق و الحياة...أنا الرب يسوع المسيح...أنا اللي غلبت و بأغلب و هاغلب...أنا بس اللي في إيدي السلطان...أوعى تنسى كلامي يا حبيبي...أوعى تحتقر حبي...حبي هو الشيء الوحيد اللي ممكن يشبع قلبك الجائع...قلبك ها يفضل يدور دايماً على حب...حب من إمتلاك شيء...من صديق...من أب...من أم...من حبيب...من حبيبة...من شهوة...من لذة...و لا عمره ها يشبع...هايفضل جائع على طول...فارغ...مش لاقي الفتات...كل المحبات اللي فاتت دي فتات بالنسبة لحـــبي...حبي أزلي...حبي أبدي...أنا حبيتك و بحبك و هاحبك...من غير ما يكون فيك شيء يتحب و لا هايكون...أنا بحبك لأني بحبك...من غير ميزة فيك...من غير شيء حلو فيك يجذبني إليك...أنا محبتي زي النهر...دايما بيجري و فياض...كل محبة العالم لهدف أو لسبب...حتى محبة والديك...عشان أنت ابنهم ليس إلا...و محبة الأصدقاء مرتبطة بصفات معينة أو مصالح معينة...كل محبة العالم معتمدة على رد فعلك...تصرفاتك...ظاهرك...لكن الناس لو عرفت دواخلك...محدش هايحبك...الكل هايحتقرك...لكن أنا يا حبيبي...أنا بحبك من غير ماكون عايز منك حاجة...أنا اللي بأدي...بسخاء و لا أعَير...أنا مستعد أديلك كل اللي تطلبه من غير شروط و لا تعيير...مستعد أنسالك كل خطية و كل نقص...شرط تتوب عنه...و أنساها زي ما تكون ما عملتهاش بالضبط...يابني، عمرك ما هاتلاقي أحن مني في البشر...أنا ساتر عليك...على كل عيوبك و خطاياك...بس هو طلب واحد...عايزك تحبني و تخافني...أنا حنــــــــون لأقصى درجة و كمان عـــادل لأقصى درجة...عايزك ترتمي في حضني...عايزك تحكيلي و تشكيلي...أنا يابني مش هازيد حاجة لما تصليلي...لكن أنت اللي محتاجني...محتاج كل لحظة بتقضيها معايا...مش هاتندم أبدا على تضحياتك ليّ...لكن الندم الحقيقي هو لما تترك محبتي و تحب العالم......

- ولكن يارب أنا بحاول أكون كده...و عايز أعمل كده...بس مش عارف ليه أنا عايز حاجة و بأعمل حاجة عكسها...عايز أحبك و ما أخطئش...بس ألاقيني بعمل الخطية تاني و تاني....

ده صراع بينك و بين قوى الشر اللي بتحاول تبعدك عني...بتغريك بلذة و راحة الخطية...بتخدعك بأن الوقت لسه بدري...بتخدعك بشبابك و قوتك...بتوهمك إن طريقي تعب و مرار أنت مش قده...بترميك في فخ التسويف و التأجيل...أو حتى بتشكك في وجودي أو في كلامي...بس صدقني يا حبيبي، أنا غلبت كل قوى الشر و انتصرت عليها يوم ما مت على الصليب و يوم ما قمت من الأموات

- يارب أنا عارف أنك قوي و جبار و بتغلب...بس بصراحة أنا خايف أخش في طريقك...اللي أنت قلت عنه بنفسك أنه ضيق و كرب...حاسس أني هافشل فيه و ده معمول للقديسين...

- (يبتسم الرب)...دي حجة كل البشر...خوفهم من الطريق الضيق...بيحبوا الطريق الواسع الرحب...مش عايزين شيء يعطلهم عن اللذة و الراحة...مش عارفين إن طريقي في أوله يبان صعب...لكنه بعدين بيبقى أسهل بكتير من طريق العالم...تقدر تقوللي، مين في البشر مشي في الطريق الواسع و فضل معاه واسع لحد نهايته؟...مين؟...مفيش حد...لأنه محدش بينجو من الألم و العذاب و الفشل و الخسارة و فقدان الأحباب و كل تجارب الحياة...مين حتى اللي يبان انه بينهل من ينابيع السعادة سواء في مال أو صحبة...ماتعرضش لألم أو خسارة أو ضياع...
بس بقى تفرق في اللي اختار الطريق الضيق من اللي مشي في الواسع...اللي في الطريق الضيق، أنا معاهم شخصيا، باعزيهم و أديهم البلسم الشافي لجروحهم، و بإيدي الحنونة بامسح كل دمعة من عيونهم...لكن اللي بعيد عني، بيفترسهم اليأس و القنوط، و يمرضوا أو ينتحروا...ما بيستحملوش الصدمة، لأن مفيش حد من البشر يقدر يعزيهم...


- شكرا ليك يا رب على وقتك اللي اديتهوني وسط مشغولياتك...-

(يبتسم الرب)...يا بني يا ريت أنت اللي تديني جزء من وقتك وسط مشغولياتك الكتير اللي بتلهي بيها نفسك عني...و بتتهرب بيها مني...أما أنا فمعاك على طول...طول يومك...أنا عيني عليك من أول السنة لآخرها...أنا باسكت الملايكة عشان اسمع صوتك...أنا الزمن مالوش سلطان عليّ...ده في إيديّ...أنا الأبدي الأزلي...أنا مالك الماضي و الحاضر و المستقبل...-

شكرا لك يارب يا ملك الملوك...يا رب الأرباب...لك الحمد و الشكر دائما...يارب سامحني و أعن ضعفي...أطرد خوفي العالمي...و سمر خوفك في لحمي...أعطني يا رب إني احبك و اعرف قيمة حبك...كل ما فينا يا رب من خير فهو منك...اعطني يا رب أني اعرف قيمتي الحقيقية...فلا أنتفخ لأني تراب و رماد...و لا تصغر نفسي في عيني لأني ابن الملك...انا يارب بدونك لا شيء أبداً...و إجعلنا مستحقين أن نتضرع إليك بشكر قائلين:
أبانا الذي في السموات
ليتقدس اسمك
ليأتِ ملكوتك
لتكن مشيئتك
كما في السماء
كذلك على الأرض
خبزنا كفافنا أعطنا اليوم
و أغفر لنا ذوبنا
كما نغفر نحن أيضا للمذنبين إلينا
و لا تدخلنا في تجربة
لكن نجنا من الشرير
بالمسيح يسوع ربنا
لأن لك الملك و القوة و المجد
إلى الأبد
آميـــــــــــــن



p,hvn lu hgvf

من مواضيعي 0 مثلث برمودا
0 الاربعاء 21|3|2007
0 الإنترنت
0 الروحانية الأرثوذكسية:
0 الاباء الكهنة
رد مع اقتباس
  #2  
قديم 15-06-2007, 09:50 PM
الصورة الرمزية mena azer
mena azer mena azer غير متواجد حالياً
المشرف العام
 
تاريخ التسجيل: Oct 2006
المشاركات: 2,442
إرسال رسالة عبر مراسل MSN إلى mena azer إرسال رسالة عبر مراسل Yahoo إلى mena azer إرسال رسالة عبر Skype إلى mena azer
افتراضي رد: حوارى مع الرب

موضوع رائع معاتب للنفس البعيده عن الرب باسلوب جميل
ربنا يعوضك
ولكن سامحينى انا لفت نظرى التعبير ده

اقتباس:
أنا باسكت الملايكة عشان اسمع صوتك...
الرب ممتلئ آذانا و أعين يعني ربنا يقدر يسمع كل الناس في نفس الوقت فهو وحده له القدره
من مواضيعي 0 صلولى
0 ثيمات رائعه للـ XP
0 مجسمات حديدية
0 صور تنفع لتواقيع البنات
0 بتحب تاكل فى الهواء الطلق
__________________
الساعة الاكثر ظلمة هي الساعة التي تسبق شروق الشمس

يارب ارحمنا ونجينا ووفقنا
رد مع اقتباس
  #3  
قديم 15-06-2007, 09:54 PM
farah
زائر
 
المشاركات: n/a
افتراضي رد: حوارى مع الرب

ميرسى ليك مينا بجد على تعليقك الجميل وابقى اخد بالى وانا بكتب الموضوع عشان ميطلعش فيه اخطاء ربنا يعوضك
من مواضيعي 0 **حزر فزر !!!!!!!:**
0 حكمة حلوة فى حلقى مثل الشهد
0 حوار بين الزوج والزوجه فى منتهى الرومانسيه
0 يسوع حلو
0 **نكت..اتفضلوا يا رب تعجبكم:**
رد مع اقتباس
  #4  
قديم 15-06-2007, 09:59 PM
ربنا موجود ربنا موجود غير متواجد حالياً
عضو فعال
 
تاريخ التسجيل: Mar 2007
المشاركات: 278
افتراضي رد: حوارى مع الرب

ليس المقصود بذلك أن الله محدود السمع ولكنه تعبير عن محبة الله العظيمة للانسان والذي لصوته تطيب أذن الله
من مواضيعي 0 خفة دم سيدنا البابا
0 استخدامات كلمة أنا
0 عقيدة الكفارة والفداء إعلان محبة الله وعدله على الصليب بقلم نيافة الأنبا بيشوى
0 مثل السيد والعبد
0 أحد المخلع
رد مع اقتباس
  #5  
قديم 15-06-2007, 10:04 PM
farah
زائر
 
المشاركات: n/a
افتراضي رد: حوارى مع الرب

خلاص متزعلش نفسك يا ربنا موجود احنا عارفين انه تعبير عن محبه ربنا بس احنا خابقبن الا ممكن يقرا الموضوع يفهم غلط ويمكن دى وجهات نظر واختلاف الراى لا يفسد للود قضيه

وميرسى ليك على مرورك ربنا يعوضك
من مواضيعي 0 جديد فى جديد
0 أختبر درجة ذكاءك
0 خطية تافهة
0 الهى الهى كن قائدى
0 صلوا كل حين و لا..................
رد مع اقتباس
  #6  
قديم 15-06-2007, 10:57 PM
ربنا موجود ربنا موجود غير متواجد حالياً
عضو فعال
 
تاريخ التسجيل: Mar 2007
المشاركات: 278
افتراضي رد: حوارى مع الرب

يا فرح أنا قصدت الدفاع عن وجهة نظرك وليس هجوم
من مواضيعي 0 أهمية الوقت فى الحياة ،
0 مثل السيد والعبد
0 كيف أصلي بالمزامير ؟
0 الحق هريدي شغال جاسوس !!!!!!!!!!!!!!!!!!!!!!!!!!!!!!!!
0 هل الشيطان موجود فعلاً أم أنه مجرد خرافة،
رد مع اقتباس
  #7  
قديم 15-06-2007, 11:11 PM
farah
زائر
 
المشاركات: n/a
افتراضي رد: حوارى مع الرب

عارفه يا عمو جمال انا كنت اقصد انك تدافع عن وجهه نظرى بس متزعلش هههههههه احنا الاتنين فهمنا غلط ربنا معاك وميرسى ليكم كلكم على تعليقاتكم الجميله
من مواضيعي 0 **كم اسم بنت في القصيده (اتحداك تعرف) .....:**
0 أختبر درجة ذكاءك
0 انواع الشباب ع النت
0 صر للبابا كيرلس جميلة
0 **طــــــريق مخلصى :**
رد مع اقتباس
  #8  
قديم 21-06-2007, 09:39 PM
shiconona shiconona غير متواجد حالياً
عضو برونزي
 
تاريخ التسجيل: Nov 2006
المشاركات: 914
افتراضي رد: حوارى مع الرب

ياااااااااااااااااااااااااااااااااااااااااااااه أد ايه جميله و فى وقتها انا بجد كنت محتاج هذه التعذبيه صلولى كتيييييييييييييييييييييييييييييييير بجد و شكرا على هذا الموضوع الجمييييييييييييييييييييييييييييل
من مواضيعي 0 دي أوائل اشعاري
0 الخــــــــــــــــــــــوف
0 انتي علمتني منقول
0 كليب لترنيمة لا لن ارى حبا رؤيتى
0 سلام رغم الإعدام
رد مع اقتباس
  #9  
قديم 22-06-2007, 12:11 AM
farah
زائر
 
المشاركات: n/a
افتراضي رد: حوارى مع الرب

ميرسى خالص يا شريف لمرورك ربنا يعوضك
من مواضيعي 0 ماما تعبانه صلولى
0 ايه رايكم في المجلة الاسبوعية؟
0 مشكلة
0 موقع ديني:
0 ماسنجر (هوت ميل) أحتياطى
رد مع اقتباس
  #10  
قديم 28-06-2007, 06:24 AM
الصورة الرمزية fade
fade fade غير متواجد حالياً
عضو برونزي
 
تاريخ التسجيل: Jan 2007
الدولة: فى حضن المسيح
المشاركات: 729
إرسال رسالة عبر مراسل Yahoo إلى fade
افتراضي رد: حوارى مع الرب

ياريت افضل حاسس بالاحساس ده علطول احساس بالندم وتأنيب الضمير واحتكار الذات لاكن للاسف الاحساس
هيتبخر مع اول مواجها مع الحياه انا حاسس انى ضايع ضايع
من مواضيعي 0 لما يكون الارز يبانى
0 حوار بين عاشقين لحظة الفراق
0 صورة ومعلومة
0 قصيده محشش
0 خد بالك من القلم الجاف
__________________
رد مع اقتباس
إضافة رد

شارك أصدقائك هذا الموضوع في مواقعك المفضلة

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر رد
هو الرب ! ! ! ashraf william منتدي الروحيات 7 12-09-2010 06:20 PM
الرب نورى وخلاصى ممن اخاف الرب حصن حياتى ممن ارتعب(امثال1:27) ramzy1913 منتدى القصص الهادفة 3 30-06-2010 10:36 PM
الرب أعطى والرب أخذ، فليكن إسم الرب مباركا... shiconona منتدى القصص الهادفة 5 04-02-2007 12:35 PM
الرب أعطى .. الرب أخذ! ناردين منتدي الروحيات 3 22-01-2007 11:34 AM
الرب أعطى .. الرب أخذ ناردين القصص القصيرة و التأملات 1 24-10-2006 10:40 AM


الساعة الآن 01:30 AM.



Powered by Pope Kirillos Scientific Family
Copyright ©2001 - 2018