منتدي أسرة البابا كيرلس السادس العلمية


العودة   منتدي أسرة البابا كيرلس السادس العلمية > المنتديات المسيحية > الخدمة و الخدام > إبتدائي

إضافة رد
 
أدوات الموضوع طريقة عرض الموضوع
  #1  
قديم 03-03-2011, 02:12 AM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي اسكتش الكنز الخفى


الكنز الخفى


مقدمه : أعلنت الكنيسه عن رحله الى احد الاديرة لمرحله ابتدائى , وتم تحديد يوم الجمعه للسفر .

وكان من بين المسافرين فى هذه الرحله أصدقاء اربعه ( ماريان – مريم – ميرنا – مونيكا ) وهناك تم حضور القداس ثم الفطار وزيارة الدير ثم فترة حره لللعب , ومن بين الالعاب لعبه الكنز الخفى وهى عباره عن كل مجموعه تبحث عن الرسائل المخفيه وتتبع الاثار والعلامات والرموز التى وضعها الخدام وتحاول ان تصل أولا للكنز



ماريان : مين عارف الكتاب المقدس قال إيه عن الكنز الخفى ؟



ميرنا : مش معقول يكون مكتوب عن اللعب هدى فى الكتاب المقدس



ماريان : ربنا يسوع قال : " يشبه ملكوت السموات كنز خفى فى حقل وجده إنسان فأخفاه ومن فرحه مضى وباع كل ما كان له وإشترى ذلك الحقل " ( متى 3 : 44)



مونيكا : يعنى ربنا شبه ملكوت السموات بالكنز



ميرنا : أيوه ربنا عاوز يعلمنا إيه من المثل ده ؟



ماريان : إن ملكوت السموات غالى قوى زى الكنز



مريم : وإننا لازم نضحى بكل حاجه فى سبيل الملكوت



ماريان : وإن الكنز ده مخفى عن عيون الناس اللى بتهتم بالحياه على الارض وبس . وكل واحد عاوز ينجح ويبقى غنى ومشهور



ميرنا : ده إنتى طلعتى مثقفه قوى يا ماريان وإحنا مش عارفين ( ههههه )



ماريان : بابا يسوع عاوزنا نكون جد فى حياتنا الروحيه علشان يكون لينا رصيد فى السماء . وحياتنا الارضيه دى ايام معدوده والاهم هى الحياه الابديه مع بابا يسوع فى السما



مونيكا : بصراحه صعب إننا نبقى جد فى حياتنا الروحيه



ماريان : دة علشان إحنا طول الوقت بنملى مخنا بتفاهات العالم من اغانى وافلام وحاجات هايفه كتير . لازم نتعلم نضحى بالتليفزيون والاغانى او حتى على الاقل نقلل الوقت اللى بنقضيه فى الحاجات دى ونملأ مخنا بالصلوات والترانيم والإنجيل



ميرنا : إلحقوا أسد .... أسد ( ههههههههه) تجرى وتقول ضحكت عليكم وتكمل ( هههههههه )



مونيكا : يعنى انتى مافيش فايده فيكى ابداً



مريم : يا بنتى حرام عليكى حاولى تبطلى عمل مقالب فينا



ماريان : يا إحنا مشينا مسافه بعيده فى الصحراء



ميرنا : من الواضح إن الكلام أخذنا



مريم : والواضح إننا تهنا فى الصحراء



ماريان : انا شايفه شجر من بعيد يمكن يكون فيه ناس هناك يالا نروح ونسأل عن مكان الاتوبيسات



مريم + مونيكا + ميرنا : يلا بسرعه



راوى : سار الاصدقاء مسافه بعيده فى إتجاة الاشجار ولما إقتربوا شاهدوا مبنى وحديقه كبيره يحيطها سور عالى فإتجهوا نحو البوابه الحديديه ودفعوها بأيديهم وهم لا يدرون أن تهورهم سيقودهم الى مغامره مرعبه .

ظهر رجل يرتدى جلباب ابيض وضرخ بصوت عالى إنتم بتعلموا إيه هنا وأخذهم معه , وأدخلهم غرفه صغيره وأغلق عليهم وتركهم وإبتعد , حاولوا فتح الباب ولكنهم لم يستطيعوا



مريم : هو الراجل دة راح فين ؟



ميرنا : يا ترى هنخرج من هنا إزاى ؟



ماريان : اكيد التاسونات هيدوروا علينا وهينقذونا



مونيكا : إزاى هيقدروا يشوفونا وإحنا مسجونين هنا فى المكان الغريب دة ؟



صوت خارجى : آة ... آة حرام عليكم كفايه ضرب



ميرنا : هو إيه اللى بيحصل هنا ؟



مريم : مش عارفه



ماريان : واضح إنه مقر عصابه خطيره



صوت خارجى ( راجل ) : هنفضل نضربك لحد لما تنكر المسيح



صوت خارجى : انا مش عاوز اموت



صوت خارجى ( راجل ) : يعنى هتنكر المسيح



صوت : أيوة انا ... انا



صوت خارجى (طفل ) : لا إوعى تنكر المسيح ... صلى وإطلب معونه من ربنا هو هيسندك ويقويك



صوت خارجى ( راجل ) : اسكت لحسن نضربك



صوت طفل : بابا يسوع قال : " من ينكرنى قدام الناس أنكره قدام أبى الذى فى السموات " صلى صلى وربنا هيقويك ... إوعى تنكر المسيح إوعى تخسر إكليلك وأبديتك



ميرنا : إيه اللى بيحصل هنا ؟



مريم : ومين الناس دول ؟




hs;ja hg;k. hgotn

من مواضيعي 0 مجموعه قصص عن الكلمة الطيبة
0 شعار مهرجان الكرازة 2010
0 How God Made the World ?
0 ثقة يسوع فيك !!!
0 خيط حياتنا
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #2  
قديم 03-03-2011, 02:13 AM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: اسكتش الكنز الخفى


مونيكا : واضح إنهم إرهابيين وإحنا مش هنطلع من هنا



ماريان : إحنا كنا بنسمع عن الإضطهاد وعن الشهداء وعمرنا ما فكرنا إننا ممكن نتحط فى الموقف دة



مونيكا : المهم دلوقتى هنعمل ايه ؟



ماريان : طبعا مش هننكر المسيح



ميرنا : انا خايفه من التعذيب وما استحملش الآلم



مريم : ربنا مش بيسمح بتجربه أكبر من طاقتنا ... اكيد ربنا هيدينا نعمه ويسندنا



مونيكا : هى الكنيسه كانت بتعلم الناس زمان إنهم يروحوا من نفسهم يستشهدوا ؟



ماريان : لا طبعا ربنا علمنا " لا تجرب الرب إلهك " والكنيسه مكنش بتقول لحد يتقدم من نفسه للإستشهاد لحسن يضعف وينكر الإيمان لكن الكنيسه كان دورها مهم مع اللى بينقبض عليهم



مريم : إزى يعنى ؟



ماريان : كان الشعب بيجتمع وبيصلى وبيصوم من اجل المسجونين علشان ربنا يقويهم ومينكروش الإيمان



ميرنا : إمتى ربنا ينقذنا ويبطل كل مشورات الاشرار على اولاده وكنيسته



مريم : ربنا يبحب الناس حتى الاشرار ومش عاوز ينتقم منهم لكن عاوز يكسبهم وطلب مننا نكوت مثله نحب كل الناس حتى الاعداء



مونيكا : انا نفسى ربنا يعمل معجزى كبيره ويكسر السجن , عاوزة ربنا يظهر مجدة للناس بمعجزة جباره وكل الناس دول يؤمنوا بيه على طول وتنتهى الضيقه



مريم : دى مش طريقه ربنا ... ربنا مش محتاج الدعايه والإعلان والمظاهر والمجد بتاع العالم علشان كده ربنا علمنا إن علاقتنا بيه تكون فى الخفاء ووصانا نصلى ونصوم فى الخفاء ونعطى الفقراء فى الخفاء



ماريان : الكتاب المقدس علمنا " إن عشنا فللرب نعيش وإن متنا فللرب نموت فإن عشنا وإن متنا فللرب نحن "



ميرنا : انا شايفه إن بعض وصايا ربنا صعبه إزاى بس هنقدر نحب اعدائنا ونسامحهم ؟



مريم : ربنا هو اللى بيملى قلوبنا حب لكل الناس حتى لأعدائنا وكمان لازم نثق أن ربنا بيحبنا جدا وحاطط لينا الوصايا دى لخيرنا ومصلحتنا . إحنا اللى بنستفيد لما نسمع كلام ربنا



مونيكا : بس بصراحه منظر الشهداء وقت الإضطهاد بيبقى وحش قوى بيخسروا مراكزهم وكرامتهم وفلوسهم



مريم : ربنا مش عاوزنا نشهد له فى العالم بطريقه العالم بالمجد والغنى والكرامه ربنا عاوزنا نشهد له بطهارتنا وأمانتنا بحبنا للاعداء لما نسامح اللى بيضايقنا لما نسيب جزء من حقنا للى يطمع فينا لازم نشيل الصليب علشان نوصل للملكوت



ميرنا : بس ليه ربنا بيسمح بالضيق . ليه يسيب اولاده يتذولوا ويتهانوا ؟



مريم : إلهنا قوى ويقدر طبعا ينقذنا من العذاب والموت , يقدر يوقف أى إضطهاد فى اى لحظه لكن الله محضر لنا ملكوته العظيم فى السماء ونفسه كل اولاده يدخلوا ويعيشوا معاه فى فرح للابد



مونيكا : أنا خايفه من العذاب والألم والموت



ميرنا : الخوف دة شئ عادى إحنا كلنا بشر وضعاف تعالوا نصلى ونطلب من ربنا معونه وقوة تسندنا



ماريان : فعلا احسن حاجه إننا نصلى وقت الضيق ونسيب حياتنا بين إيدين ربنا



مريم : يارب إحنا اولادك بنحبك وواثقين إنك بتحبنا , قوينا , إسندنا , إدينا شجاعه , إدينا القوة علشان نحتمل الألم , إدينا محبه لأعدائنا علشان نقدر نسامحهم ونغفرلهم



ميرنا : انا نفسى ربنا يبعت لنا مارجرجس على حصانه يوقف الإضطهاد وينقذنا



مونيكا : إحنا لازم نكون واثقين إن ربنا بيحبنا إحنا نصلى وهو يرتب لنا الخير



مريم : المشكله إننا عاوزين نعيش مع ربنا فى الخير بس ... عاوزين ربنا يشفينا وينجحنا فى الامتحانات يبعد عنا كل ضيق وألم ومش عاوزين نتعب ونشيل الصليب معاه



ميرنا : هو الانسان كده , لكن إزاى نثبت لربنا إننا بنحبه ومستعدين نخسر كل حاجه علشانه



ماريان : ربنا علمنا مندخلش تجربه من نفسنا لكن لما تيجى الضيقه لازم نتعلم نثق فى ربنا ونسلمه حياتنا



مونيكا : انا خايفه من الألم والموت يا مارمينا ... يا ابو سيفين , إنقذنا يارب



مريم : كويس إننا نتشفع بالقديسين ... لكن إيه هو طلبنا .... عاوزين ربنا يشيل الألم بس ولا عوزين نكسب ملكوت السموات ... ربنا علمنا نصلى ونقوله : " لتكن مشيئتك " يعنى لازم نثق أن مشيئه ربنا فى حياتنا



ميرنا : كمان القديسين ربنا سمح لهم بالألم والإهانه والسجن وكانوا فى نظر العالم مش عارفين مصلحتهم , لكن فى نظر ربنا كانوا أولاده اللى بيفرح بيهم وهيبقوا معاه فى السماء



ماريان : إلحقوا فى صوت أقدام . فى حد جاى علينا



مريم : خلاص هيعذبونا ولا ايه ؟



مونيكا : انا هشوف فيه ايه ..... تعالوا ... تعالوا



ميرنا : ايه دة مش فاهمه حاجه ؟



ماريان : كاميرات تصوير .... ميكروفونات



مريم : الوضح إنهم بيصوروا فيلم دينى



مونيكا : وإحنا اللى إفتكرناهم عصابه وإرهابيين



ميرنا : ياة إنتم خلتنونا فعلا نعيش مشاعر وأحاسيس الشهداء اللى إنقبض عليهم وإتسجنوا وشعروا بالخوف



مريم : احنا عاوزين نفضل فاكرين إننا اولاد ربنا وإن حياتنا كلها بين إيديه وإحنا مستعدين نخسر اى حاجه فى الدنيا لكن منخسرش ربنا ومننساش إن الكتاب المقدس قال : " إن عشنا فللرب نعيش وإن متنا فللرب نموت فإن عشنا وإن متنا فللرب نحن "





ملحوظه : يمكن تغيير الاسماء حسب الخدمه ( بنات – اولاد )

من مواضيعي 0 دير القديسة كاترين
0 نقل: فرش المذبح
0 نقل: لماذا نطلق اسماء القديسين علي الكنائس؟؟؟؟؟؟؟؟؟
0 نقل: تاملات.............
0 نقل: تأملات وتفاسير.....................
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #3  
قديم 03-03-2011, 06:22 PM
الصورة الرمزية ashraf william
ashraf william ashraf william غير متواجد حالياً
عضو ملكي
 
تاريخ التسجيل: Apr 2010
الدولة: الاسكندرية
المشاركات: 12,162
افتراضي رد: اسكتش الكنز الخفى

شكرا لتعب محبتك
الرب يبارك حياتك
من مواضيعي 0 ( كلمة منفعة ) العمل الجاد
0 لتفادي سرطان الثدي
0 ( القرن العشرين ) البابا كيرلس السادس ( رجل الصلاة ) ( 116 )
0 حيث ينام الاطفال حول العالم
0 رجاء فى النجاة...للابونا داود لمعى
__________________
رد مع اقتباس
إضافة رد

شارك أصدقائك هذا الموضوع في مواقعك المفضلة

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر رد
اسكتش العلبه fulaa شباب 5 22-01-2011 09:28 PM
الخيط الخفى ramzy1913 منتدي الروحيات 2 06-05-2010 01:20 PM
يسوع الحلو : ؛ الكنز المخفي ؛ sam minan الكتاب المقدس 2 26-02-2010 10:50 PM
الخيط الخفى صلاح صدقى منتدي الروحيات 6 04-02-2010 08:39 PM
الخيط الخفي shiconona منتدى القصص الهادفة 1 17-06-2007 02:00 PM


الساعة الآن 04:18 PM.



Powered by Pope Kirillos Scientific Family
Copyright ©2001 - 2017