منتدي أسرة البابا كيرلس السادس العلمية


العودة   منتدي أسرة البابا كيرلس السادس العلمية > المنتدي العام > منتدى الشكاوي

إضافة رد
 
أدوات الموضوع طريقة عرض الموضوع
  #1  
قديم 21-01-2010, 09:22 PM
agmal_love agmal_love غير متواجد حالياً
عضو فعال
 
تاريخ التسجيل: Nov 2006
المشاركات: 344
افتراضي شكوى


هيا شكوى بس مش ليكم انتم دية لنفسى اللى ضاعت واللى حاولت كتير علشان احافظ عليها ومعرفتش .

النهاردة بس عرفت ان مكانى مش هنا مش معاكم ولا فى وسطكم المكان دة اولى بية منى ناس تانية كتير احسن منى وتستاهل حبكم لكن انا لا .

حاولت كتير اكون زيكم وواحد منك لكن معرفتش حابيت اوى روحكم الحلوة الجميلة وحبكم لبعض .اللى بجد هفتقدهم اوى

انا دايما كنت بعيد عن ربنا ولما اقرب ارجع ابعد تانى واقرب من جديد دايما حرب بينى وبين ابليس اوقات بنتصر علية واوقات هو بيغلبنى

ويوقعنى فى الخطية .بس زى اى حد بيقع ويقوم من تانى ومفيش حد مش بيغلط او يوقع فى الخطية .

بس اللى عملتة النهاردة خلانى وقعت ومش هقوم تانى خلاص لانى عملت شىء محدش ممكن يسامحنى فية عملت حاجة طول عمرى لما كنت

بقرى قصص عنها او اشوفها مكنتش بصدق ان فى حد ممكن يوصل للمرحلة دية ويعمل كدة واقعد اقول ازاى الشخص ممكن يعمل كدة او

يوصل للدرجة دية .. لكن النهاردة بس عرفت ازاى لما وقعت انا بنفسى فى الخطية دية عرفت ازاى ابليس ضحك عليا والحاجة اللى كنت

طول عمرى بقول ازاى ممكن حد يعمل كدة لاقيت نفسى عملتها الحاجة اللى كنت ببصلها واقول مستحيل اعمل كدة مهما غلط او كنت انسان

بعيد عن ربنا عمرى ما اعمل كدة وكنت شايف ان الخطية دية بالذات بعيدة اوووووى عنى . لكن من غير ما اخد بالى لاقيت ابليس بيقربنى

منها وانا مش دارى زى ما يكون سلم وبطلعة خطوة خطوة ودرجة درجة لحد ما فاجئة لاقيت نفسى وصلت وصلت للخطية اللى عمرى ما كنت

افكر نفسى انى اعملها فى يوم من الايام مهما حصل .

النهاردة اخر يوم هتشوفونى فية واخر مرة ادخل فيها هنا خلاص بقى مكانى مبقاش معاكم ولا انا استهال انى اكون فى وسطكم .

انا بس عايز قبل ما امشى اقول شكرا لناس هنا اثرت فيا بجد وحاولت كتير انها تقربنى من ربنا وتقف معايا وكتير كانوا بيسعدونى .

اول واحد جون بجد انا من اكتر الناس اللى بتحبك وكان نفسى اكون زيك رغم ان فرق السن بينا مش كبير.لكن دايما حاسس ان فى فرق
كبير بين وبينى . بس بجد اثرت فيا بروحك وحكمتك

وعقلك وقلبك الكبير . دايما بحب اشوف موضوعاتك حتى ردودك يا جون مجرد انى المح اسمك فى اى موضوع بجرى اشوفة .

تانى شخص اثر فيا اوى ناردين اخت لينا كلنا بعدت عننا وكلنا نفسنا ترجع تانى عايز اقولك يا ناردين انك اخت غالية اوى عليا ياما نصحتينى

ووقفتى جامبى وساعدينى كتير ودايما كنتى بتصليلى بجد ربنا يعوضك عن تعبك معايا .

تالت شخص هيا فرح فرحة المنتدى كلة بروحها الحلوة وشقاوتها . مفيش مرة غبت عن المنتدى اللى لما ارجع والاقى منك رسايل كتير

بتسالى فيها عليا وبتطلبى منى ارجع عمرك ما زهقتى ولا ماليتى منى ودايما تسالى عليا .ساعدينى كتير وتعبتك كتير معايا فى حاجات كتير

اوى .بجد بقولك ربنا يخليكى ليا ولكل اخواتك فى المنتدى هنا ويعوضك على كل تعبك ويحميكى ويحافظ عليكى .

اخر شخص هو ارميا اللى ساعدنى ووقف جامبى من غير ما يعرف انا مين . كل اللى كان يعرفة ان لاقى واحد بيكلمة وبيقولة عايز مساعدة

منك . ساعدنى ووقف معايا لا همة انا مين ولا عرفتة منين ولا جبت اميلة منين كان كل همة انة يساعدنى ويقف جامبى ويصليلى وينصحنى

ويرشدنى للصح . عايز اقولك يا ارميا انك مثال لابن المسيح وانى كنت اتمنى انى ابقى زيك وبجد كتير كنت باخدك قدوة ليا فى حياتى .

انتوا الاربعة بجد اكتر ناس اثرت فيا .وبجد بشكركم اوى ربنا يعوضكم عن اللى عملتوة معايا

مش انتوا بس كل المشرفين والاعضاء اللى هنا كتير بحبهم وغاليين عليا اوى .

اتمنى ميكونش اى حد فيكم زعلان منى فى حاجة وانا كمان معتقدش انى زعلت حد فيكم .يمكن مفيش غير شيرى ممكن تكون زعلانة منى

لانى فى ساعة غضب منى وعصبية رديت عليها فى موضوع من المواضيع بشكل عصبى بقولها انا اسف متزعليش منى وسامحينى .

انا بجد بحبكم اوى اوى وكان نفسى افضل معاكم بس خلاص مبقاش ينفع لو حد فيكم عرف انا عملت اية معتقدش انة ممكن يتشرف بمعرفتى بعد

كدة وعلشان كدة انا شايف انى خلاص مبقاش ليا مكان فى وسطكم.

ادعولى وصلولى كتير يمكن ربنا يسامحنى مع انى معتقدش ان ممكن ربنا يسامحنى فى حاجة زى دية .

سلام



a;,n

من مواضيعي 0 هل انت اوثق حتى النهايه ؟؟.........
0 مكان فى قلب الاب
0 سوال عن مرض التنيا الجلدى
0 تحية للفراشين
0 عتاب على جميع المشرفين
__________________

رد مع اقتباس
  #2  
قديم 21-01-2010, 09:42 PM
الصورة الرمزية nonaa
nonaa nonaa غير متواجد حالياً
عضو فضي
 
تاريخ التسجيل: Jun 2009
الدولة: قلب بابا يسوع
المشاركات: 1,578
افتراضي رد: شكوى

ايه اللى بتقوله دة انت اخونا ومفيش انسان ف الدنيا مبيغلطش لكن الغلط انك تيأس من رحمة ربنا
صدقنى الشيطان هو اللى بحاربك ويخليك تيأس عشان يخليك تخسر ابديتك ويحسسك انه مستحيل رجوعك
لكن الحقيقة غير كدة الحقيقة انك اشتريت بتمن غالى اوى ارجوك متضيعوش وتخلى الشيطان يضحك عليك صدقنى ربنا بيحبك وبمجرد انك تطلب منه يسامحك وترجعله بندم دى خاجة هتفرح قلبه كتير ومتقولش كدة تانى لانك اخونا واحنا كلنا اسرة واحدة واعضاء ف جسد واحد مينفعش تبعد عنا
من مواضيعي 0 حوار بين الفرح والحزن
0 سبعه اشياء تحكي مابداخلك ...
0 فاقد الشيء لا يعطيه
0 شعر هندى
0 الحب و الاحترام
__________________
احبك يارب ياقوتى
رد مع اقتباس
  #3  
قديم 21-01-2010, 10:17 PM
الصورة الرمزية Armia
Armia Armia غير متواجد حالياً
عضو ماسى
 
تاريخ التسجيل: Oct 2007
الدولة: Egypt
المشاركات: 8,033
إرسال رسالة عبر مراسل Yahoo إلى Armia
افتراضي رد: شكوى

لو تفتكر انا قولتك ايه انت فاكر انى انسان احسن منك بس افتكر انا قولتك ايه لو فاكر انى قولتك بالرغم انى بهزم الشيطان كتير بس انا بوقع فى الخطيه بيوقعنى لازم يوقعنى بس المهم انى اقوم واصلى بعد ما اقع فى الخطيه ده فى حد ذاتو انتصار بالرغم انى وقعت فى الخطيه انتصار لان خليت الشيطان يشوفى انى بصلى بعد ما اعمل الخطيه لدرجه انو ممكن يقول انا مش هوقعك فى الخطيه تانى عشان كل ما اوقعك تقوم تصلى وده مش فى مصلحته الشيطان

مهما كان نوع الخطيه مهما كانت خطيره او صعبه او بشعها المسيح بيحبك صدقنى المسيح نزل الارض مش عشان المؤمنين عشان اللى زيك وزيى اللى انت فيه دلوقتى اسمو خداع الخطيه
الشيطان بيخدك وبيصورلك انك متستحقش انك تكون وسطينا وانت مش كويس لا صدقنى ده بيضحك عليك بيضحك عليك بالقوى وعارف نقطه ضعفك

الله لا يحتاج مننا فى مقاومة الخطية سوى كلمة ( لا )هذة الكلمة الصغيرة عندما نقولها فى وجه الخطية وهى فى الذهن قبل فعلها فان الرب يدافع عنا وروحه يشتغل فينا لكى لا نفعل الخطية
مقاومة الشهوة هى صعبة لكن بوجود كلمة (لا)
والمساعدة التى تليها من روح الله نصبح قادرين على التغلب عليها


فى حاجه اسمها بحر النسيان عند ربنا انت عارف لو طلبت من المسيح وانت بتصلى قولو يارب
انا عملت خطيه مش كويسه ارجوك من اجل ابنك اغفرها ليا بدمك اغسلها بدمك واطرحها فى بحر النسيان صدقنى بعد الصلاه خلاص انت نقى بدم المسيح بس الشيطان عايزك تبقى كده فاهم انك مش كويس والناس احسن منك لا صدقنى ده اسمو خداع الخطيه من الشيطان

فعلا انا وانت اتكلمنا كتير بالرغم انى مكنتش عارف حتى اسمك ولا عرفك
بس عايز اقولك انك اللى بتعملو ده بيبن انك انسان كويس
وانا عن نفسى معاى اميلك ويشرفنى انك صحبى مهما حصل مدام انت اخويا فى المسيح

قبل ما اخلص عايز افكرك

دواد النبى زنا
القديس موسى الاسود مفتكرش انك انت عملت ولو شكه منو هل ربنا افتكرلو الزنا والاغتصاب
والسرقه وكل اللى بيعلمو لا موسى قال لربنا اغفرلى خطايا واعترف بيها وربنا طرحها فى بحر النسيان وبقى قديس عظيم
عشان خاطر كل اخواتك اللى فى المنتدى مش تسيب المنتدى انت اخر لينا مهما يحصل

من مواضيعي 0 ان كان اللة معنا فمن علينا
0 نصائح تخلى الصلاة بالاجبية متعة
0 لماذا تذهب الى الكنيسة ؟؟
0 فلاش البحث عن وجه الله.
0 قصه
__________________







انت تحتض وجودى برعايتك وكأنك لا تتطلع على اخر سواى تسهر على
وكأنك قد نسيت الخليقة كلها تهبنى عطياك وكأنى وحدى



التعديل الأخير تم بواسطة Armia ; 21-01-2010 الساعة 10:20 PM
رد مع اقتباس
  #4  
قديم 21-01-2010, 10:48 PM
الصورة الرمزية kirlos_milad
kirlos_milad kirlos_milad غير متواجد حالياً
عضو فضي
 
تاريخ التسجيل: Sep 2006
الدولة: طنطا
المشاركات: 2,383
إرسال رسالة عبر مراسل Yahoo إلى kirlos_milad
افتراضي رد: شكوى

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههه حبيبي ازيك اهلا وسهلا عملت اللي انا عايزه الف مبروك عليا حلو قوي اهو ده اللي انا كنت عايزه بالظبط اهو انت كده تعجبني بصراحه انا مستنيك من زمان يالا يا حبيبي تعالي انا مستنيك نكمل بقيت المشوار لسه و لسه في حاجات تانيه جايه هانعملها مع بعض دا احنا لسه في اول الطريق يا حبيبي شوف انا بحبك قد ايه و بدلعك و اقولك يا حبيبي بجد انت واحشني كتير يالا بقي ماتضيعش وقت اكتر من كده وتعالي عايزين نشوف ايه جاي هانعمله ادي المنتدي اللي انت كنت شغال فيه وبيقربك شويه من ربنا هانسيبه سوا يالا لسه عايزين نشوف الكنيسه و الاجتماعات و الصلاه و الصوم لسه لسه واوعي تفكر تندم اصل انت لو ندمت وبكيت علي غلطاتك لربنا و توبت و اعترفت ربنا هايقبل توبتك اصله حنين قوي وبيحبك اصل انت ابنه وحبيبه ماهو ياخويا نزل فاداك بنفسه واتهان علشانك و اللي بيتوب و بيعترف بيقبله لا لا اوعي تروح في الطريق ده وتروح تعمل زي القديسين و تعترف و تبقي زيهم حلو ومنور و ابن ربنا لا لا اوعي ازعل منك ياحبيبي ده لسه البدايه وانا بكلمك مختصر قوي علي اللي حصل و هايحصل ليك اوعي بس تروح لربنا وتتوب و تعترف اصلي ازعل منك يالا بقي يا حبيبي اصلي فيه غيرك مستني في الطابور عايز اشوف هاعمل معاهم ايه ؟؟؟ و هاخليهم يبعدوا ازاي عن طريق ربنا اللي بيتمسكوا بيه ؟؟؟ اصل ربنا قايلهم الصديق يقوم و يسقط سبع مرات في اليوم دا الصديق واخد بالك انت من الكلام مش الانسان العادي البشري يالا ماطاولش عليك وافتكر اللي قلتهولك اوعي تتوب و تندم علي خطيتك اصلها مهما كانت وانت لو هتتوب و تعترف و تتناول وتبقي انسان جديد ياعم وربنا هايقبل توبتك لو كانت صادقه و استني بقي منا مش هاسيبك هارجعلك برده نشوف طريق جديد نمشي فيه سوا ولو قمت هاوقعك تاني متنساش و هاتقوم وهاتقع دا لسه بدري عليك في الحياه لحد ماواحد فينا يسكب و اوعي بقي تبقي زي بقيت اصحابك المسيحين اللي بيعذبوني ويبهدلوني بالصلاه و الصوم اوعي.... يالا ماعطلكش دلوقتي دي جزء بسيط من الرساله بتاعتي بسيط جدا و ارجوك اوعي تقوم وترجع تاني لربنا انا حابك كده يالا باي باي يا حبيبي يا نور قلبي

الامضاء
الشيطان ابليس الخبيث عدو البشريه و الخير و كل اللي تقدر تقوله قوله




ارجو يا اجمل لاف ان الرساله تكون وصلتلك انا مش هاتكلم اكتر من كده دلوقتي علشان الامتحانات و مش قادر اقعد اكتر من كده علي العموم توب و اعترف واتناول وابكي علشان خاطر ربنا و غلاوتي وغلاوه كل اصحابك عندك اقعد مع نفسك و ابكي كتير ابكي لاب اعترافك ماتتكسفش صدقني مهما عملت مش هاتيجي جنبي حاجه في الخطيه صدقني بس اديني بحاول وواثق من محبه ربنا دا ابويا السماوي وانا ماليش غيره وماعرفش غيره مهما عملت مش هاتيجي جنبي حاجه دا انا و الشيطان بقينا اصحاب من كتر خطيتي ماتبكنيش علي حالي الله يخليك ارجع وتوب وشف ربنا هيساعدك ازاي و افتكر دايما دي اوعي تنساها


هانا واقف علي الباب اقرع ان سمع احد وفتح لي ادخل و اتعشي معه

ربنا مستنيك صدقني بس روحله بس وقوله انا جاي يارب اخبط علي بابك اظن عارف بابه بيبقي فين روح الكنيسه وصلي واكيد ربنا هايقبلك من جديد وهايفتح معاك صفحه جديده نظيفه ومليانه خير ومحبه وسلام وصلاه وبركه وتسبيح وكل حاجه حلوه

وتغلب الملعون
و انا واثق من الجمله دي هاتغلبه دا انت مرشوم بالميرون اللي بيرعبه ومعك الصليب

بركه امك العدرا وشفاعتها معاك وحبيبنا البابا كيرلس ومارجرجس وكل القديسين الحلوين تكون معاك ترشدك وتساعدك


اخوك كيرلس
من مواضيعي 0 الرجل الذي ابتلع نفسه
0 هل كل شيئ من الله؟ لقداسة البابا شنوده الثالث
0 اجمع ريش الطيور
0 ليس كالبشر
0 ندم و اعتذار
__________________
ياعدرا يا ام النور ... دبريلي الامور

فلنبكي بكاءا حسنا عما فعلناه كثيرا في حق الرب و لنتوب عنها بدموع حاره ونعترف بها حتي اذا جاء يوم الرب فنكون قد سلكنا ببر و طهاره .......... كيرلس ميلاد
http://www.youtube.com/watch?v=bEWIt...layer_embedded

http://www.youtube.com/watch?v=oskBnFsKs5k

يا رجاء من ليس له رجاء و يا معين من ليس له معين ... اعن ضعفي يارب

التعديل الأخير تم بواسطة kirlos_milad ; 21-01-2010 الساعة 11:00 PM
رد مع اقتباس
  #5  
قديم 21-01-2010, 10:56 PM
الصورة الرمزية a7balmase7
a7balmase7 a7balmase7 غير متواجد حالياً
Administrator
 
تاريخ التسجيل: Feb 2006
المشاركات: 7,680
افتراضي رد: شكوى

اية يا اجمل لف الكلام الصعب دا دا ربنا ميستحملش دمعة من عنيك
فى اية فى الانجيل بتقول اية
" هكذا احب اللة العالم حتى بذل ابنة الوحيد لكى لا يهلك كل من يؤمن بة بل تكون لة الحياة الابدية "
ولما نروح للاصل اليونانى للاية نلاقى كلمة المحبة المذكورة هنا مش المحبة البشرية الى بين اى اثنين بل هنا بمعنى المحبة الالهية يعنى ربنا بيحبك محبة الهية يعنى عمرة مبيزعل منك
بس بيزعل من الشئ الى بتعملة وطبعا فى فرق كبير فى التعبير صح
تانى حاجة فى حاجة انا حستها فى كلامك انت بتقول انى سعات بهزم الشيطان والخطية احنا مبنقدرش على كدة دا وقوف ربنا جمبك هوة الى بيخليك تعمل كدة وتهزمة جايز خطايا كتير نعتبرها وعمرنا منفكر اننا نعملها بس بنقع فيها علشان منحسش بالذات وتعرف ان ذاتك قابلة للسقوط فى اى وقت ودا بيكسر روح الانا الى مممكن تظهر عند اى حد فينا
يبقى انك تطلب معونة ربنا هية الى تقف جمبك وتسندك
ربنا يوم القيامة مش هيسالك من اين سقط انما هيسالك انت لية متوبتش
قوم بسورعة واعترف على الخطية وتاكد ان ربنا عمرة مهينساك ولا يعود ايضا يذكرها
ولو عدتلك قد اية ناس كتير كانوا خطاة وتابوا
التوبة تجعل الزناة بتوليين
دا انت لو بصيت لداود النبى ربنا قال فتشت فلم اجد مثل قلبة وان قلبة شبة قلبى
ومع ذلك موقعش فى خطية الزنا بس دا القتل كمان والنظرة الشريرة
وتاب وربنا قبل توبتة
وموسى الاسود الابيض و بطرس نفسة انكر المسيح والمسيح سسامحة
يهوذا الاسخيروطى لو كان تاب ربنا كان سامحة
دا المسيح سامح الى صلبوة تفتكر مش هيسامحك
اقول اقوم الان واذهب الى ابى واقول لة يا ابى اخطات الى السماء وقدامك ولست مستحقا ان ادعى لك ابنا بل اجعلنى كاحد اجراءك
وانا مستنية اى حد معاة اميلك يكلمك ويقولك قد اية احنا نحب تكون وسطنا
دا احنا خطاة اكتر منك ومحتاجين صلاتك
انا هستنى تدخل
من مواضيعي 0 مواقع ممكن تهمك
0 *** لا تطفىء النور قبل أن أقرا الورق كله!!!!! ***
0 طريقة عمل كيكة الشطرنج
0 دعوة للحب
0 صور لبعض المعجزات
__________________
رد مع اقتباس
  #6  
قديم 21-01-2010, 10:58 PM
الصورة الرمزية ϲσɗɛ вяɛακɛɍ
ϲσɗɛ вяɛακɛɍ ϲσɗɛ вяɛακɛɍ غير متواجد حالياً
عضو ماسى
 
تاريخ التسجيل: Jul 2007
المشاركات: 7,035
افتراضي رد: شكوى

مفيش انسان بلا خطيه
تعا وسطينا وسط اخاتك هنضمك احنا ونقف جنبك لحد ماتتخلث من اى خطيه
وترجع اجمل لف العثليه بضحكته
لان الحزن والابتعاد مش حل يا غالى
لو تعرف مريم السائحه المصريه والانبا موسى الاسود كانوا ايه بالخطيه
وربنا قبلهم تانى وبقوا قديسين وسواح
وياغالى ربنا جه عشان المحتاجين الخطاه
هو محتاجكك ترجعله
ومتسمحش لابليس يكمل تدمير فيك
تعالى اختبئ وسطينا وبحضن المسيح

مش تسيبنا وحيات ماما العذرا
من مواضيعي 0 فيلم القديسه بائيسه
0 لغات لاتعرف الكــــــــــــذب
0 وحشــــــــــتـــــــــــــــــنــــا
0 الحقونىىىىىىى اعمل اييييييييه
0 1
__________________


يا رب لسـ،،ـت أعلم ما تحمله الأيـ،ـام لى و لكن يكفينـ،ـى شيئـ،ـا واحدا
ثقتـ،ـى أنك معى تعتنـ،ـى بى و تحـ،ـارب عنى


ربنا مــوجــ،ـود
رد مع اقتباس
  #7  
قديم 21-01-2010, 11:10 PM
الصورة الرمزية MORAMARMAR
MORAMARMAR MORAMARMAR غير متواجد حالياً
عضو ماسى
 
تاريخ التسجيل: Jun 2008
الدولة: روح البابا كيرلس
المشاركات: 6,516
افتراضي رد: شكوى

لية كدة بس يا اجمل لف متقولش ابدا انك هتسيب اخواتك ولا منتدى حبيبك البابا كيرلس
وبعدين فيها اية لما تقع فى الخطية ما كلنا بنقع فى خطايا هو احنا ملايكة ولا اية
وبعدين حتى لو الخطية اللى انت وقعت فيها دى كبيرة للدرجة دى وفيها اية بارضو ومالة
فى ربنا بيسامح وبيغفر خطايانا ربنا هو اللى يقدر يدين وهو اللى يقدر يغفر وهو اللى يقدر يسامح
ارجعلة يا اجمل لف بقلبك واترمى تحت رجلة وهو مش هيسيبك وهيسامحك
زى الابن الضال فاكرة ولا نسيت لما عمل خطايا كتير وكل اللى انت ممكن تتخيلة
وناسى موسى الاسود بكل شرورة ولما رجع للمسيح انتهت كل حاجة وربنا خلى صفحة حياتة بدل من السواد خلاها صفحة بيضا وناصعة البياض كمان يبقى مش هيسامحك انت يا اجمل لف
احنا اخواتك وبنحبك وكمان بابا يسوع والبابا كيرلس
مش تسيب اخواتك فى المنتدى وتمشى ومش تسيب المنتدى
بابا يسوع باعتلك رسالة وبيقولك
ارجعلى انا مستنيك يا اجمل لف
من مواضيعي 0 ترتيبك فى العائلة قد يحدد شخصيتك!!!!
0 لغة الورود!!!!!!!!!!
0 ليلة فى الهيلتون !!!
0 12 قانون لكل يوم
0 الرب صخرتى وحصنى ومنقذى
__________________


لية الحزن معايا تملى ؟؟؟
رد عليا يا ابويا وقولى
سايب لية دمعى يسيل كتر الظلم بيقتل فيا
لية الجرح تملى عشانى لية دايما دموع فى عينيا
اة محتاج ابكى وتسمعنى نفسى احس بالحنية لو بنتك عليك هتهون هرضى بجرحى مهما يكون
رد مع اقتباس
  #8  
قديم 21-01-2010, 11:29 PM
الصورة الرمزية صلاح صدقى
صلاح صدقى صلاح صدقى غير متواجد حالياً
مشرف
 
تاريخ التسجيل: May 2008
الدولة: القاهرة
المشاركات: 12,144
افتراضي رد: شكوى

متهيألى كده انت ظالم نفسك جدا ومصور لنفسك اشياء من الخيال مهما الأنسان عمل فى حياته مش هيوصل لواحد فى المائة من اللى عمله موسى الأسود من قتل وسرقة واغتصاب وزنا و........
بس المهم انه اعتبر كل الخطايا دى هى الصخرة اللى وقف وصعد عليها علشان يوصل للملكوت
اخى الحبيب لا تظن انك عملت خطية لا تستطيع ان تتوب عنها فكل الخطايا ممكن الأنسان ان يتوب عنها مادام فى الجسد فلا يوجد خطية بلا توبة وتعال نقرأفى رسالة بولس الرسول فى رسالته الى اهل رومية
رومية 5: 20 واما الناموس فدخل لكي تكثر الخطية. ولكن حيث كثرت الخطية ازدادت النعمة جدا
مش عيب الأنسان يخطىء ولكن العيب ان لا نتوب عن هذه الخطية مهما سقطنا فيها مرات كثيرة جدااااااااااااااااااا فالله لا يحاسبنا عن الخطية ولكن سيحاسبنا لماذا لم نتوب عن تلك الخطية وتذكر ان اللص اليمين سرق الملكوت فى اخر لحظة من حياته ونحن امامنا فرص كثيرة للتوبة فلماذا لا نتوب عن الخطايا فجميعنا يخطىء ويسقط ثم نتوب مرة اخرى ثم نسقط ثم نتوب ثم نسقط ثم نتوب والأنسان بمرور الوقت ورغبته فى العيش مع فادينا ومخلصنا سيسعى الى حياة الجهاد الروحى والسهر وداخل الانسان الروح القدس الذى يأنبه على فعل الخطية فالانسان دائما معرض للسقوط ولكن يجب على الانسان ان يقوم كلما سقط اخى الحبيب انا ايضا اخطىء بخطايا كبيرة جدا وهل فعلى للخطية ينسينى ان اتوب طبعا لااااااااا انا كلما اسقط اسعى ان اعترف واتوب مهما كانت الخطية التى ارتكبتها لأنى اثق فى اله يحب الخطاة الذين مثلى وانت ايه يعنى مريت بلحظة ضعف وسقط مفيش مشكلة لازم تقول لنفسك انا سأقوم من تلك الخطية وتصمم على حياة التوبة والتمتع بالعيش فى حضن فادينا مهما حصل وان سقط مرة اخرى برضه مفيش مشكلة قم مرة اخرى واعترف واتناول وحاول تبعد عن مصادرالخطية التى تسقطك فى الخطية انا شايف انك انت بصراحة قفلت على نفسك باب التوبة ومش عايز تفتحه انا عايزك تجبر نفسك على حياة التوبة و تصمم انك كل ما تقع فى الخطية قول لا تشمتى بى يا عدوتى لأنى ان سقط اقوم عيش قوى فى حياتى ولا تستسلم للخطية ابداااااااااااااااااا وانشاء الله ترجع لينا فى اسرع وقت واحنا اخوتك اللى بتحبك فلا تتركنا احنا بنحبك مهما حصل

من مواضيعي 0 دى اخرتها
0 شارك وبلاش سلبية
0 دعوى للبحث عن الصعايدة
0 أسماك تمشي في قاع البحر
0 مين الأبخل فيهم
__________________





لو كنت استطيع ان ألمس قوس قزح لكتبت اسم امي على قمته لأجعل الجميع يعرفون كم هي جميلة ألوان حياتي بوجود امرأة عظيمه كأمي
رد مع اقتباس
  #9  
قديم 22-01-2010, 12:08 AM
الصورة الرمزية admin
admin admin غير متواجد حالياً
Administrator
 
تاريخ التسجيل: Nov 2005
المشاركات: 6,061
افتراضي رد: شكوى

صدقني يا اجمل لف و انا بقرا كلامك دة و كلام اخواتي اللي كتبينه كنت هعيط.
ارجووووووووك متقلش كدة, قوم الآن و قول مع الإبن الشاطر الآن اقوم و ارجع إلي أبي و اقول له أخطأ يا ابتاه في السماء و قدامك و لست مستحقا أن ادعي لك ابنا بل إجعلني كأحد أجرائك. صدقني ربنا هيقبلك و مهما عملت, فليست خطية بلا مغفرة إلا التي بلا توبة و اسحق شيطان اليأس بأسم ربنا و مخلصنا يسوع المسيح, قوم و صلي و ربنا منتظرك صدقني منتظرك و منتظر انك تقوله توبني يا رب فأتوب, و لو كان علي عدم الإستحقاق لكنت انا اول من لا يستحق.
صدقني يا اجمل لف ربنا بيحبك و قادر انه يحول ضعفك لخيرك, بس اسمحله يدخل حياتك, فربنا هو المحول المعوجات مستقيمات و القفر طرقا مسلوكة و المخرج من الجافي حلاوة, لولا سقوط داود مكناش اتمتعنا بمزامير التوبة العظيمة اللي كتبها و اللي تقودنا كلنا في توبتنا و رجوعنا ليه, ربنا قادر انه يحول ضعفك للخير بس اهزم شطان اليأس و متسبش ربنا.
وهقولك قصة أحد الرهبان كان تملي بيقع في خطية الزنا ولكنه كان كل ما يقع يقوم و يصلي و يقول للشطان انت بتضرب مرزبة و انا هصلي و اضرب مرزبة لغاية ما ربنا يرحمني و بالفعل نظر الرب له و لمثابرته و جهادة و رفع عنه الحرب.
ربنا عاوزك زي مانت لأنه اللي خلقك و عارف ضعفك و هو عنده العلاج بس روح له و ارجع له, و ربنا مش هيقولك انت غلط ليه لكن هيقولك انت متوبتش ليه. و كلامك ده اول الطريق للتوبه لأنك حسيت بالغلط ارجع لربنا و صلي و صدقني هترتاح و ربنا هيرفع عنك خطيتك بتوبتك و اعترافك بها. ارجوك لا تجعل كلامنا يكون سبب ادانة لك, بل سبب خلاص لنفسك.
ارجوك لا تحزن قلبي و صلي و لا تترك الرب و لا تتركنا نحن اخواتك و منتظر ردك.
ربنا معاك و يرحمنا كلنا و يغفر لنا خطايانا بشفاعة امنا العدرا و كل مصاف القديسين.
من مواضيعي 0 حل مشكلة تغير ساعة الويندوز بعد توقف العمل بالتوقيت الصيفي في مصر
0 موقع صديق
0 دموع الورد عيد ميلاد سعيد
0 رحلة للأسكندرية
0 نيابة أمن الدولة تحقق فى اتهام "العادلى" بالتورط فى تفجير القديسين
__________________

Pray for me
John
رد مع اقتباس
  #10  
قديم 23-01-2010, 10:52 AM
magdyageeb magdyageeb غير متواجد حالياً
عضو فضي
 
تاريخ التسجيل: Dec 2005
المشاركات: 1,708
افتراضي رد: شكوى

شوف ااخى الحبيب مش هاقول كلاام كتير لكن عاوزك تردد ايه جميله جدا

لااتشمتى بى ياعدوتى فان سقطت اقوووووووووووووووم

طبعا فى الاايه دى بيقصد الخطيه ويكفى اعترافك يخطيتك قدم توبه لربنا وهو مستنيك بس انت تعالى
وصدقنى مش هتكون زى موسى الااسود ابرز مثال لللتوبه لو دخلت وقريت المواضيع وشفت اخواتك بيقولو ايه ليك هتعرف ان ابوك السماوى بيحبك وبعتلك اخوات حلوين ارجع لربنا وهو مستنيك ومفيش حدا كامل غير الله وحده كلنا بنخطى وخطاه
ربنا يعينك ويرجعك ويقبل توبتك بس انت ترررررررررررررجع
من مواضيعي 0 سر الاعتراف
0 مواقع دينيه مسيحيه تهمك
0 الهويه الاورثوذوكسيه
0 ++ من اقوال القديس القوى الانبا موسى الاسود ++
0 حكاية رقم (9) جزء ثالث
__________________



رد مع اقتباس
إضافة رد

شارك أصدقائك هذا الموضوع في مواقعك المفضلة

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر رد
شكوى ومحتاج رد سريع ارجوكم jovany سباق المواقع القبطية 13 19-05-2009 10:51 PM
شكوي في سباق المنتديات san-mina سباق المواقع القبطية 7 16-05-2009 03:14 PM
شكوى mina_ramsis منتدى الشكاوي 4 30-10-2006 11:51 AM


الساعة الآن 06:22 PM.



Powered by Pope Kirillos Scientific Family
Copyright ©2001 - 2017