منتدي أسرة البابا كيرلس السادس العلمية


العودة   منتدي أسرة البابا كيرلس السادس العلمية > المنتديات المسيحية > منتدي الروحيات

إضافة رد
 
أدوات الموضوع طريقة عرض الموضوع
  #1  
قديم 13-01-2010, 09:19 PM
الصورة الرمزية لوزه
لوزه لوزه غير متواجد حالياً
عضو برونزي
 
تاريخ التسجيل: Sep 2009
الدولة: اسكن قلب الله
المشاركات: 889
افتراضي (حوار مع الشهيد ابانوب شهيد نجح حمادى )


(حوار مع الشهيد ابانوب شهيد نجح حمادى )


حوار مع أبانوب



كتبها د. ماهر حبيب الاثنين, 11 يناير 2010 08:40


(حوار الشهيد ابانوب شهيد حمادى - صباح الخير يا أبانوب
- صباح الخير يا كل قبطى
- أنت فين دلوقتى يا حبيبى؟
- أنا فى السما فى أحضان القديسين
-صلواتك يا أبنى
-صلوات القديسين يا عمو
-ممكن نتكلم شوية
-ومالو يا عمو
-ممكن تحكى لى إللى حصل ليلة العيد
-أنا كنت فرحان خالص بالعيد وعمال بأحلم بيوم العيد والفرحة إللى بتبقى موجودة فى البيت لما نروح الكنيسة سوى وبابا وماما وأخواتى بيوضبوا البيت ويعملوا الكحك ويستعدوا بمغارة صغيرة أنا إللى عملتها ونورتها بأيدى وكلمت إصحابى علشان نحتفل سوى بالعيد


-طب وبعدين
-رحت الكنيسة بدرى لأنى مرسوم شماس وخدمت مع سيدنا الأنبا كيرلس إللى نبه علينا نيجى بدرى علشان نخلص القداس بدرى قلت له ليه يا سيدنا قال لى قلبى مش مطمن الليلة دى وعاوزكم تروحوا بيتكم بسلام لأن الدنيا قلق المهم رحنا وإحنا صايمين إنقطاعى علشان نتناول وبعدين سيدنا يفرق علينا شوكلاتة قبل ما نروح البيت وناكل لحمة بعد صيام طويل
-ما لاحظتش حاجة يأبانوب؟
-لاحظت إن ساعة العظة مكانش فيه حد من كبارات البلد زى الراجل الغول بتاع مجلس الشعب وأعضاء مجلس المدينة لأنهم كانوا متعودين يجوا 5 دقايق ويسلموا على سيدنا ويجروا لأنهم ما بيحبوش يجوا الكنيسة ويقعدوا فيها مدة طويلة
-سألنا سيدنا هما الجماعة فين قال مش عارف ربنا يستر وكان سيدنا قلقان مش عارف ليه
-متعرفش ليه يا أبانوب؟
-مش متأكد لكن بيتهيئلى إن كان فيه مشكلة مع ولد من بلد بعيدة عننا ولكنى معرفش الولد ولا حتى المشكلة أيه وإحنا أهلنا علمونا نكون فى حالنا ونتجنب المشاكل مع الناس حتى جيرانا لو حصلت مشكلة معاهم أو مع إبن الجيران أبويا علطول بيحلها ودايما مسامح حتى لو كان الجيران هما إللى غلطانين وكان أبويا يقول لى سامح يا أبانوب لأن المسيح طلب المغفرة حتى للى قتلوه وكنا بنسمع كلامه
-وبعدين يا إبنى
-خرجنا من باب الكنيسة ولسه بنسلم على سيدنا لقينا عربية جاية بسرعة إفتكرنا واحد من أهلنا أو صحابنا لكن فجأة لقينا صوت مدفع رشاش بيضرب والناس بتصرخ والستات بتصوت ومحسيتش إلا بطلقات المدفع الجبان بتضرب صدرى ولقيت روحى بتفارق جسدى فى ثوانى ولقيت نفسى وسط الملايكة وبصيت على نفسى لقيت جثث كتيرة لأصحابى وحبايبى وناس بتتألم من كتر الألم ولقيت نجع حمادى ملفوف بالحزن وشوفت أهلى وهما يبتقطعوا حزنا على ولدهم إللى كانوا حاطين كل أملهم عليه فأنا شاطر ومجتهد وكان نفسى أبقى دكتور يعالج المرضى أو مهندس يبنى بيوت جديدة لولاد بلدى
-فهمت أيه إللى حصل ؟
-معرفش حاجة أحنا ناس فى حالنا مبنعملش مشاكل لحد وكافيين خيرنا شرنا ومابنحاولش نزعل حد علشان إحنا مش بتوع مشاكل والحاجة التانية لو حصلت مشاكل ما كانش حد بينصفنا لأننا قبط لا الظابط فى القسم ولا عضو مجلس الشعب ولا حتى عسكرى المرور
-شعورك أيه دلوقتى؟
-أنا حزين جدا على أبويا وأمى وإخواتى منظرهم كان يقطع القلب وقلبهم محروق على إبنهم أنا كنت ولد كويس وهما بيحبونى لأنى ولدهم ولأنى ولد طيب جدا ومبعملهومش مشاكل وأنا عارف حسرتهم علىّ قد أيه
-مش بس أبوك وأمك إللى قلبهم إتقطع عليك ده كل أقباط مصر والعالم حزنوا عليك وعلى أصحابك وشهداء نجع حمادى كلهم
- تفتكر قتلونى وقتلوا حبايبى ليه؟
-الكره والحقد وعدم قبول الأخر
-لكن ده المسيح علمنا نحب الجميع حتى أعدائنا
-ده المسيح يا حبيبى لكن التانيين عندهم قتل الأعداء ده فضيلة وفرض
-لكن يا عمو إحنا مش أعداؤهم
-تقول أيه يا ابنى للمخ الضيق إللى ما إتغيرش ومش حايتغير من 14 قرن
-فكرك يا عمو الحكومة حتاخد حقنا؟
-لا طبعا ده كله تمثيلية والناس إللى مسكوهم حا يطلعوا زى الشعرة من العجينة يعنى معقول الراجل بتاع مجلس الشعب حا يسيب الراجل بتاعه إللى إتوصت له علشان يطلعه من السجن علشان يعمل المصيبة دى حا يسيبه يروح حبل المشنقة ده كان الراجل المجرم ده عمله فضيحة بجلاجل
-يعنى دمنا إحنا التمانية ودم إللى إتجرحوا وإتبهدلوا حا يروح هدر
-خايف أقول لك أه لأن دم الواحد وعشرين شهيد بتوع الكشح راحوا هدر ودم عم نصحى بتاع الإسكنرية راح هدر وإحنا تقريبا متأكدين إن المرة دى زى المرات إللى فاتت فالقاضى والوزير والغفير هما هما يبقى أيه حا يتغير
-يعنى مفيش فايدة
-قالها سعد زغلول مافيش فايدة وده كان زمان أيام ما كان فيه أمل إنه يكون فيه فايدة فمابالك فى الأيام إللى بجد مفيش فيها فايدة
-أنا ما كنتش فاكر كده
-إنت كنت صغير وما تعرفش حاجة والمصيبة إنك إتقلتلت وإنت ما لكش دعوة فى أى حاجة لكن الحق على إللى بيدعوا الناس للقتل بأسم الله ليل ونهار وبيدعوا علينا فجر وضهر وعصر ومغرب وعشا ومحدش بيقول لهم تلت التلاتة كام
-إنت شايف الدنيا سوده
-أسود من قرن الخروب الناس قلبها إتملى كره للمسيحين ونفسهم يولعوا فيهم كلهم تتخيل إن فيه ناس فرحانه جوه قلبها على جريمة قتل الشباب فى عمر الزهور
-ياساتر يارب
-أبانوب يا إبنى عاوزك تقول لهم كلمة
-يا ناس حبوا بعضكم إقبلوا الأخر ده إحنا فى الأول والأخر أبناء مصر إللى باركها ربنا إطرحوا البغض عنكم إحنا بنحبكم لكن مش ممكن كل ما نمد أيد المحبة تقابلوها بالكره والحقد ده وبأقول لأبويا وأمى وإخواتى قلبى عنكم الصدمة صعبة والجرح عظيم صلوا لربنا يملأ قلبكم بالصبر ودايما إفتكروا إن كان عنكم ولد إسمه أبانوب على إسم القديس أبانوب أطلبوا شفاعته علشان ربنا يعزيكم ويعزى أقباط مصر كلهم لأنى قبطى إبن قبطى ومصر بلدنا وحا تفضل بلدنا إلى يوم القيامة ومهما قتلوا مننا أو إضطهدونا إحنا ولاد الشهداء ومش حا نسيب بلدنا مهما حصل وشدوا حيلكوا يا أقباط علشان تأخدوا حقنا بس بسلام ودون إراقة دماء فالمسيح طلب من تلميذه بطرس أن يرد سيفه فى غمده لأن من أخذ بالسيف بالسيف يؤخذحبيبى يا أبانوب أنا مكنتش أعرفك لكن قلبى بيتقطع عليك وعزاؤنا إنك مع الشهداء وقد ربحت الفردوس يا عريس السماء.




الحوار ده خلى دموعى تنزل



وبكانى بجد اذكرنى ياابانوب امام عرش النعمه



ياعريس السماء


(الاقباط الاحرار)


منقووووووول



(p,hv lu hgaid] hfhk,f aid] k[p plh]n )

من مواضيعي 0 اعصر مخك وحاول تجيب كلمه من غير نقط ......
0 العلم اثبت انه يوجد ثلاث حقائق لا يمكن تغييرها .........
0 اوصف الحياه فى 5 كلمات
0 اعرف اسم السفر
0 قصه شاب لم يقبل ان يتوب
رد مع اقتباس
  #2  
قديم 13-01-2010, 11:47 PM
الصورة الرمزية MORAMARMAR
MORAMARMAR MORAMARMAR غير متواجد حالياً
عضو ماسى
 
تاريخ التسجيل: Jun 2008
الدولة: روح البابا كيرلس
المشاركات: 6,516
افتراضي رد: (حوار مع الشهيد ابانوب شهيد نجح حمادى )

انا الحوار دة مخلاش دموعى بس تنزل يا لوزة دة قلبى اتقطع واتجرح واتكسر وكل معانى الحزن مش هتوصف ولا هتكفى ابانوب راح عند حبيبة وبيصبرنا كلنا وبيعزى اهلة وحبايبة واصحابة وكل قبطى فى مصر
اذكرنا يا ابانوب يا شهيد الرب امام عرش النعمة وصلى لاجلنا كلنا ربنا يرحمنا ويصبرنا ويصبر اهلك على فراقك
ابانوب كان حاسس انة هيجرالة حاجة ليلة العيد بس بجد يا بختة عيد فى الفردوس مع صاحب العيد وام النور
ودى منى ليك يا ابانوب علشان تعرف اد اية احنا بنحبك وحزانا على فراقك ودى مش باسمى لوحدى دى باسم كل اللى بيحبوك واللى حزنوا عليك وكل قبطى قلبة اتقطع عليك
وباسم اهلك اللى قلبهم نار
متنسناش يا ابانوب قدام عرش النعمة وصلى لربنا يرحمنا
من مواضيعي 0 صفات المرأة ؟؟؟؟؟؟؟؟؟
0 من هى المراة الافضل؟؟؟؟؟؟؟؟؟؟؟؟؟
0 انتى لست فتاة بل انك الحياة
0 ربنا بيرسم لينا حياتنا !!!!!!
0 كيف تعرف انك واقع فى حالة حب ؟؟؟؟
__________________


لية الحزن معايا تملى ؟؟؟
رد عليا يا ابويا وقولى
سايب لية دمعى يسيل كتر الظلم بيقتل فيا
لية الجرح تملى عشانى لية دايما دموع فى عينيا
اة محتاج ابكى وتسمعنى نفسى احس بالحنية لو بنتك عليك هتهون هرضى بجرحى مهما يكون
رد مع اقتباس
  #3  
قديم 14-01-2010, 02:48 AM
الصورة الرمزية صلاح صدقى
صلاح صدقى صلاح صدقى غير متواجد حالياً
مشرف
 
تاريخ التسجيل: May 2008
الدولة: القاهرة
المشاركات: 12,144
افتراضي رد: (حوار مع الشهيد ابانوب شهيد نجح حمادى )

اذكرنا فى صلاتك يا شهيد الهنا يسوع المسيح
من مواضيعي 0 قل لمن جرحوك تسع جمل
0 اخطر تسعة حيوانات فى استراليا
0 مفيش فايدة ابتسم
0 تمجيد لشهداء نجع حمادى
0 الهوية الأرثوذكسية
__________________





لو كنت استطيع ان ألمس قوس قزح لكتبت اسم امي على قمته لأجعل الجميع يعرفون كم هي جميلة ألوان حياتي بوجود امرأة عظيمه كأمي
رد مع اقتباس
  #4  
قديم 15-01-2010, 10:23 PM
الصورة الرمزية لوزه
لوزه لوزه غير متواجد حالياً
عضو برونزي
 
تاريخ التسجيل: Sep 2009
الدولة: اسكن قلب الله
المشاركات: 889
افتراضي رد: (حوار مع الشهيد ابانوب شهيد نجح حمادى )

عزائنا انك فى احضان القديسين
من مواضيعي 0 نكتة خطيرة ...... الدخول للبنات فقط
0 من يحمينى منهم ؟
0 ده حب ده ولا ايه ؟؟؟؟؟؟
0 هشتكيك لمامتك
0 اغرب صداقه يااااااااسلام
رد مع اقتباس
  #5  
قديم 16-01-2010, 01:48 AM
الصورة الرمزية bosycat
bosycat bosycat غير متواجد حالياً
عضو فضي
 
تاريخ التسجيل: Dec 2007
الدولة: في الدنيا
المشاركات: 2,697
افتراضي رد: (حوار مع الشهيد ابانوب شهيد نجح حمادى )

انا بجد زعلانه اووووي وحزينه جدااااااا علي اللي بيحصل دا
اذكرنا امام عرش النعمه ياابانوب
بس ياجماعه اللي حصل دا هو اللي هايخلينا نقرب من ربنا اكتر
ممكن ال 8 اللي ماتوا دول يخلوا الف واحد يبعدوا عن الخطيه ويقربوا من ربنا
وهما دلوقتي اكيد مبسوطين انهم في الفردوس ياريتنا كنا ماكنهم بس احنا مانستاهلش
ربنا يصبر اهاليهم بجد ربنا يكون في عونهم
من مواضيعي 0 هل تتاثر لموت من جرحك يوما؟‏
0 هل اتذيت او اتألمت من شخص قريب ليك؟
0 لماذا انت حزين؟
0 رسالة من الانبا موسى أسقف الشباب للفتيات المسيحيات
0 امامك ست ساعات فقط؟؟؟‏
__________________

(ثق ان الذي اختار لك اول الطريق لن يتركك في منتصفه)
((كن مطمئن جدا جدا ولاتفكر في الامر كثيرا بل دع الامر لمن بيدة الامر))
رد مع اقتباس
  #6  
قديم 16-01-2010, 11:02 AM
agmal_love agmal_love غير متواجد حالياً
عضو فعال
 
تاريخ التسجيل: Nov 2006
المشاركات: 344
افتراضي رد: (حوار مع الشهيد ابانوب شهيد نجح حمادى )

بجد مش عارف اقول اية غير ربنا يصبر اهلة ويقويهم ..

اذكرنا امام عرش النعمه يا عريس السماء .
من مواضيعي 0 السلام الكامل
0 اشتغالة بمليون جنية
0 عتاب على جميع المشرفين
0 كيف اعترف؟ و ما هى الخطايا التى اعترف بها؟
0 مكان فى قلب الاب
__________________

رد مع اقتباس
  #7  
قديم 22-01-2010, 06:29 PM
aksanynun aksanynun غير متواجد حالياً
عضو مشارك
 
تاريخ التسجيل: Oct 2009
الدولة: منقوش على كف المسيح
المشاركات: 10
افتراضي رد: (حوار مع الشهيد ابانوب شهيد نجح حمادى )

اذكرنا امام عرش النعمة يا شهيد الرب
من مواضيعي
رد مع اقتباس
إضافة رد

شارك أصدقائك هذا الموضوع في مواقعك المفضلة

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر رد
معجزات الشهيد ابانوب النهيسى صلاح صدقى منتدى المعجزات 8 18-05-2010 05:19 PM
معجزات الشهيد ابانوب النهيسى(2) صلاح صدقى منتدى المعجزات 7 08-03-2010 08:42 PM
اسرة الشهيد ابانوب ريموندة عبد المسيح منتدي أخبار الكنيسة 7 20-02-2010 12:22 AM
معجزة شهيد نجع حمادى صلاح صدقى منتدى المعجزات 16 18-02-2010 10:09 PM
الشهيد بيسر شهيد نجران peto50 تاريخ الكنيسة و سير القديسين 0 10-03-2008 09:54 AM


الساعة الآن 05:06 AM.



Powered by Pope Kirillos Scientific Family
Copyright ©2001 - 2019