منتدي أسرة البابا كيرلس السادس العلمية


العودة   منتدي أسرة البابا كيرلس السادس العلمية > المنتديات المسيحية > الخدمة و الخدام

الخدمة و الخدام هذا المنتدي مخصص لمناقشة مواضيع خاصة بالخدمة و الخدام و إعداد الخدام

إضافة رد
 
أدوات الموضوع طريقة عرض الموضوع
  #21  
قديم 06-02-2010, 11:05 AM
الصورة الرمزية ϲσɗɛ вяɛακɛɍ
ϲσɗɛ вяɛακɛɍ ϲσɗɛ вяɛακɛɍ غير متواجد حالياً
عضو ماسى
 
تاريخ التسجيل: Jul 2007
المشاركات: 7,035
افتراضي رد: اسكتشات مسرحيات نصوص لاى مرحله سنويه

مسرحية مين هيمثل...؟؟


الشكر و الحمد ليك يا رب اماابتدي انظف المكان عشان الولاد..بتوع فريق التمثيل لما يجوا لاقوا كل حاجة نظيفة زي الفل و يقعدوا يشتغلوا براحتهم مخلص:
(تدخل جميلة مع هاني)
شفت يا هاني اشتريت امبارح جاكيت انما ايه بحوالي 200 دينار جميلة:
أوو..هو إنت مش بتجيبي حاجتك من أوروبا زيي و لا ايه؟ هاني:
طبعا يا ابني بس النهاردة كنت مزنوقةعلشان معاد البروفة ده فكان لازم أجيبه من هنا جميلة:
أنا لولا إني كلمت بابي على الموبايل وقلت له يعدي يأخذني من الpartyاللي كنت فيها ويجبني هنا كان زماني جيت متأخر زي العادة وزمنهم مش بيكلموني كويس هاني:
هما كده دايما مش عاجبهم حاجة..أي حاجة البسها أو أي تسريحة شعر جديدة أعملها يبقوا متغاظين مني..أصلهم مش وش نعمة أكمن يعني ربنا أداني شوية جمال ..عايزين يحسدوني عليه جميلة:
ولا يهمك يا جميلة ..هم ما بيقدروش المواهب اللي عندنا..الله..عم مخلص إنت هنا ؟! هاني:
إزيك يا عم مخلص..بصراحة إنت اللي فيهم جميلة:
إزيك إنت يا بنتي ..إزيك يا هاني يا بني مخلص:
تعالى بقى اما أسمعك الشريط ده..(و يجلسون على جنب) هاني:
(تدخل راحيل و مراد)
قولي بقى يا مراد يا أخويا..مواظب على الصلاة والصوم و قراءة الكتب الروحية و لا لأ راحيل:
يعني.. مراد:
يعني ايه!؟..غلط..كده غلط.. كدةإنت بتضيع نفسك ..أمال الكتب الروحية اللي بتذخر بها الكنيسة القبطية فايدتها إيه .. مش علشان تعلمنا البكاء من أجل خطايانا الكثيرة علشان ربنا يقبل توبتنا .. والأصوام المقدسة.. اتعملت ليه مش علشان نذل الجسد ونموته.. والصلاة اتعملت ليه مش علشان تسمو بروحك فوق مستوى كل الكائنات الحية. راحيل:
حاضر ..حاضر.. كائنات حية.. تعالي نشوف بقيت الناس جم ولا لسة.. إزيك يا عم مخلص. مراد:
أهلا أهلا عم مخلص.. أنا اللي بيعجبني فيك يا عم مخلص إنك مواظب على كل القداسات في الكنيسة ملبتفوتش قداس واحد. راحيل:
طبعا يا بنتي لازم يواظب على كل القداسات .. ماهو أصلا عايش في الكنيسة . مراد:
إيه ده .. جميلة .. لا لا لا..أنا مستحيل أقف معاها دي مابتصومش ال55 يوم كلهم.. لا لا .. مسنحيل راحيل:
إزيكم يا جماعة مراد:
هاي.. إزيك إنت يا مراد هاني:
هاي يا مراد .. قولي إيه رأيك في جاكيتي الجديد جميلة:
يا بختك يا جميلة كل يوم جاكيت جديد .. طبعا ما انتوا عندكم فلوس أد كدة .. اشمعنى انتم.. ليه مايبقاش عندي فلوس كتيرة كدة زيكم مراد:
بتقول إيه يا مراد هاني:
لا خليك في اللي انت فيه .. ليك حق تعمل كدة.. بتاكل أحلى أكل وبتلبس أحلى لبس.. وبتتفسح أحلى فسح وأي حاجة بتطلبها بتجيلك.. أخ.. مراد:
أطلبوا أولا ملكوت الله وبره وهذه كلها تزاد لكم راحيل:
يوه يا مراد ..إنت دايما كده تطمع في حاجة غيرك.. بكرة لما تكبر ويبقى عندك واحد زي بابي ..يبقى عندك كل حاجة .. خلاص هاني:
( يدخل حربي )
أهلا.. إزيك يا عم مخلص.. وحشتنا يا راجل حربي:
( يكون بيقش المكان ) أهلا يابني ماتشفش وحش مخلص:
( المقشة تلمس رجله ) إيه مش تحاسب ؟!! كدة وسختلي البنطلون أديني شفت وحش أهه حربي:
معلش ..معلش.. ماكنش قصدي مخلص:
خلاص ..خلاص حربي:
إزيك يا حربي ..مالك متعصب ليه ؟ مراد:
أهلا إزيكم كلكم..أبدا أبدا ده الراجل اللي إسمه عم مخلص وسخلي البنطلون حربي:
و لا يهمك تحب أجيبلك واحد غيره.. هاني:
لا يا سيدي شاكرين أفضالك حربي:
المهم شفت جاكيتي الجديد يا حربي؟؟ ايه رأيك حلو؟؟ جميلة:
يعني..مش قوي حربي:
إيه يا حربي إنت المفروض تبكي على اللي عملته مع عم مخلص لأن ده يعتبر خطيئة و المسيح علمنا نبكي على خطايانا راحيل:
يوه..هو ده وقته إنت كمان.. حربي:
أمال فين رولا و ناردين ..ما شفتهمش يا عم مخلص؟ جميلة:
لا يا بنتي صدقيني ..أنا هطلع أشوفهم برة مخلص:
هاها تلاقي رولا مش عارفة تيجي بإتوبيس ولا بتاكسي ما إنت عارفها مترددة مراد:
ناردين بقى تلاقيها مصلتش النهاردة الصبح فربنا عاقبها راحيل:
يا راحيل معقولة علشان اتأخرت شوية بابا يسوع يعمل معاها كده هاني:
(تدخل ناردين و رولا)
بس محدش يكلمني خالص..محدش له دعوة بي خالص..لما تبقوا تعرفوا تيجوا في مواعدكم أبقى آجي أنا كمان في معادي..ما انتوا أصلكم معندكوش أي احساس بالمسؤولية ..ناس مش ملتزمة ناردين:
هاي يا رولا هاني:
ازاي..إزيكم يا جماعة معلش آسفة على التأخير..بس أصلي ما كنتش عارفة هقدر آجي و لا لأ..سامحوني يا جماعة ..أنا آسفة سامحوني..ما كنتش قصدي رولا:
كده احنا كاملين ..أطلع بقه يا هاني انده شريف المخرج من الأوضة مراد:
يا يا مراد ملقتش غيري ..أنا تعبان يا أخي و عايز أرتاح شوية هاني:
ترتاح ..ترتاح من ايه يا بني ده إنت جي بعربية مرسيدس آخر موديلfull option ..تعبان على ايه؟..ده أنا لو عندي واحدة زيها كنت لفيت الدنيا بيها مراد:
خلاص.. يا ساتر على النق بتاع الناس .. هاروح أهه هاني:
تفتكري المسرحية بتاعة السنة دي هتكون عن إيه يا ناردين ؟ جميلة :
تكون زي ماتكون.. المهم دوري يبقى فيها حلو والناس تسقفله جامد.. بس أنا عارفة طول ماأنا معايا ناس دماغها فاضية زيكم .. يبقى مش هننجح أبدا ناردين:
ياه يا جماعة.. نفسي آخد دور البطولة وابقى البطل الوحيد في المسرحية.. و بعد كدة الناس تيجي تتبرعلي بفلوسها علشان أبقى نجم مشهور وكبير والناس تشاور علي وابقى أنا وبس.. مراد:
ياه ده انت طماع قوي ومعندكش روح التعاون.. وانت يا رولا مانفسكيش تاخدي دور حلو في المسرحية جميلة:
أنا ماستاهلش إني آخد دور.. أنا ماستاهلش إني أمثل معاكم.. انتوا أحسن مني بكتير وعندكم مواهب إنما أنا ماعنديش مواهب خالص.. ومش هاعرف أبقى زيكم أبدا..أبدا رولا:
أما أنا..نفسي آخد دور السيد المسيح لما طرد الباعة من الهيكل ..قد إيه كان عصبي لدرجة إنه مسك الكرباج وكان هايديهم على دماغتهم. حربي:
أنا نفسي آخد دور القديسة مريم التائبة.. علشان أنا باعرف أعيط كويس .. وأحب الأدوار التراجيدية راحيل:
(يدخل شريف المخرج ومعه هاني و ماري )
صباح الخير يا جماعة.. إزيكم..؟ شريف:
شفت جاكيتي الجديد يا شريف جميلة:
حلو يا جميلة شريف:
قولي يا شريف ..أنا هاخد دور البطولة في المسرحية السنة دي ولا لأ ؟ مراد:
هي المسرحية بتتكلم عن إيه؟ هاني:
طبعا نص من نصوص الكتاب المقدس.. تاريخية يعني.. بتتكلم عن مأساة البشرية راحيل:
وأطلع أنا في دور عصبي علشان أعملكم مأساة فعلا حربي:
مش ممكن الدوشة اللي انتوا عاملينها دي..غلط..غلط إنه كل واحد يتكلم عن نفسه و بس ناردين:
وانت يا رولا عايزة تقولي حاجة؟ شريف:
أنا..أنا..ماستحقش..أنا ماستهلش إن حضرتك تديني فرصة أتكلم..سامحني رولا:
بصوا يا جماعة..أحب الأول قبل ما نبتدي أعرفكم على مؤلف المسرحية.. اتفضلي يا ماري شريف:
أوو.. هوده بقى المؤلف !! هاني:
ياي.. لبسها مش شيك خالص جميلة:
معقولة أنا هامثل في مسرحية مألفها واحدة بنت ناردين:
انتوا الظاهر مش عارفين انتوا بتعملوا إيه حربي:
إوعي يا حضرة المؤلفة تكوني مألفة مسرحية برة تراث الكنيسة.. أو كوميدية لاسمح الله إحنا لازم نتعلم من الكتاب المقدس كل الدروس الحميدة راحيل:
يا حميدة.. قصدي يا راحيل.. اقعدي.. لما نشوف المسرحية بتتكلم عن إيه الأول هاني:
طبعا بما إننا بنحتفل بعيد القيامة.. مالقتش حاجة نقدمها للناس في المناسبة دي غير أعظم قصص الإنسانية و المحبة وهي قصة السيد المسيح.. بس الأول أحب أتعرف عليكم.. ماري:
هاني..( يقوم كل فرد بذكر اسمه بطريقة شخصيته) هاني:
إحنا بقى إنشاءالله.. هنمثل قصة السيد المسيح من البداية وحتى الصلب شريف:
أوو..دي تبقى طويلة قوي و هنتعب بسرعة هاني:
إيه..لالالا..كدة يبقى هنلبس هدوم قديمة .. لأ جميلة:
يووه.. انت مافيش حاجة تهمك غير الهدوم وبس ناردين:
عايزين نركز أكتر على المواقف اللي كان المسيح بيبكي فيها راحيل:
لأ وأكتر على كره الفريسيين ليه حربي:
وطبعا أنا هاخد دور البطولة.. دور السيد المسيح مش كدة مراد:
بصراحة هي دي بقى المشكلة اللي واقعين فيها أنا و ماري.. مين اللي يقدر فعلا يجسد شخصية المسيح و يعيش بنفس طريقته شريف:
ومين اللي تقدم دور العذراء بنفس قوتها.. في الوقت اللي إحنا فيه ده ماري:
على الأدوار دي علشان نختار بينكم testطبعا لازم كلكم تعملوا شريف:
طبعا أنا جميلة جدا وأنفع في دور السيدة العذراء جميلة:
مش المهم الجمال.. المهم تكوني حافظة آيات الكتاب المقدس كلها صم راحيل:
رولا.. مش عايزة تعملي دور السيدة العذراء شريف:
ده بصراحة يبقى كرم كبير قوي منكم أنا مستحقوش خالص.. انا بصراحة .. مش عارفة.. رولا:
بصوا يا جماعة.. اللي هياخد دور العذراء.. مش البنت الجميلة أو اللي حافظة الإنجيل كويس.. عايزين تمثلوا دور السيدة العذراء أو السيد المسيح .. يبقى لازم تعرفوا المفتاح الأول شريف:
مفتاح !! الجميع:
أيوة .. لازم تعرفوا مفتاح الشخصيات دول الأول شريف:
يالا اقعدوا بقى على جنب و خلونا نجرب و نشوف كل واحدة في ..الموقف اللي فيه العذراء راحت لأليصابات علشان تزورها..( و تعطي النص لـرولا) ماري:
"تعظم نفسي الرب وتبتهج روحي بالله مخلصي.. لأنه نظر إلى اتضاع أمته.. فهوذا منذ الآن جميع الأجيال تطوبني" .. أنا ماستحقش كل ده.. أنا ضعيفة في إيماني جدا رولا:
الكلام ده فين !! .. ده موجود في النص.. شريف:
بس فعلا أنا حاسة إني ضعيفة جدا ..مقدرش أعمل دور السيدة العذراء.. مش عارفة أعمل.. مش عارفة.. رولا:
طب اقعدي دلوقتي.. إهدي وبعدين هانشوف الحكاية دي ماري:
تعالي يا ناردين.. مثلي.. مشهد العذراء لما جه الملاك يبشرها بالميلاد شريف:
إيه الدوشة دي..مش تحسوا شوية إني بحاول أركز ومش عارفة أمثل ناردين:
إيه يا ناردين مالك !! ماري:
إنت مش قادر تسكتهم ولا إيه يا شريف.. وبعدين النص صعب جدا ..مش هاقدر عليه ناردين:
خلاص يا ستي حقك علي.. اقعدي طيب دلوقتي على ما أهديهم.. تعالي يا رولا مثلي نفس المشهد شريف:
أنا بصراحة ماستحقش كل ده منكم.. كل الإهتمام ده منكم ..أنا بصراحة مش عارفة.. أنا فعلا مش فاهمة أي حاجة رولا:
خلاص خلاص ولا يهمك.. قومي يا جميلة مثلي نفس المشهد شريف:
"كيف يكون هذا وأنا لست أعرف رجلا " ..الملاك .. "الروح القدس يحل عليك و نعمة الآب تظللك".. وبعدين.. هوذا أنا..هوذا أنا ..أنا.. جميلة:
إيه يا جميلة.. الآية بتقول ..هوذا أنا أمة الرب.. مش صعبة خالص شريف:
ماهو أمة دي يعني .. خادمة..وبصراحة ده صعب علي جدا إني أبقى خادمة.. صعب على مركزي و جمالي إني أعمل كدة.. جميلة:
خلاص.. مافضلش غيرك يا راحيل علشان تعملي الدور ده ماري:
طبعا.. علشان أنا حافظة الإنجيل كله.. وكلام الكتاب المقدس هو سراج لرجلي.. أكيد أنا اللي هانفع في الدور ده ..طالما إنه دور طقسي ونصه من الإنجيل المقدس.. خليني بقى أعمل مشهد السيدة العذراء لما كانت تبكي و تنوح على المسيح المصلوب راحيل:
اتفضلي يا راحيل.. هتعملي دور العذراء.. في عرس قانا الجليل شريف:
... يا يسوع.. إحرق كل الخمر اللي عندهم.. راحيل:
إيه ده يا جماعة .. انتوا بتقولوا كلام مش موجود في النص شريف:
طبعا.. ماهو أصل مش معقول يسمح المسيح بتحويل الماء للخمر..فين الحزن على الخطايا اللي الإنجيل بيعلمهولنا راحيل:
و هو الإنجيل قال نعيش حزانى طول حياتنا ماري:
خلاص يا ماري سبيهم.. نبقى نقعد نتكلم في موضوع الأدوار ده بعدين شريف:
طب نجرب أدوار الولاد بسرعة ؟ ماري:
يالا يا هاني ..تعالىOk شريف:
أنا كنت واثق إنك هتختالاني يا شريف.. لأنك مش قادر تتجاهل المواهب اللي عندي هاني:
بص يا هاني.. هتعمل مشهد السيد المسيح و هو بيطرد باعة الحمام من الهيكل.. بس لو سمحت إقلع الطقية اللي إنت لابسها دي الأول شريف:
.. .. أوو.. معقولة .. معقولة يسوع يعمل كدة !!Ok no problem هاني:
مالك ..مستغرب ليه ماري:
لأ بس ده كان شديد قوي عليهم.. يمكن يكونوا كدة زعلوا منه هاني:
ماهو لازم يعمل كدة شريف:
لا لا..صعب.. أنا ناقدرش أزعق أبدا.. ده دور شديد علي قوي هاني:
دور شديد !!.. ليه..بالعكس.. ده أحسن دور ساعة مايطردهم من الهيكل بكل عصبية.. حربي:
طيب اطلع إنت يا حربي.. إعمل دور السيد المسيح في.. أيوة.. وقت ما يسلمه يهوذا.. شريف:
" يا يهوذا.. أبقبلة تسلم ابن الإنسان ؟ " .. دي حاجة تغيظ .. دي حاجة تفقع.. حربي:
إيه خير ..رايح فين حضرتك ؟؟!! شريف:
ماهو أصل مش معقول ربنا يقبل يهوذا بعد ما سلمه ويكلمه بالراحة !!.. دي أقلها ينزل فيه خناق.. حربي:
خلاص خلاص.. اقعد انت دلوقتي لحد مانشوف الباقي.. ماري:
خلاص يا مراد.. مبروك يا عم هتاخد الدور شريف:
طبعا طبعا ..لازم البطولة تبقى بتاعتي مراد:
بس الأول هنجربك ماري:
أكيد طبعا..وبرضه هاخد البطولة مراد:
خد يا مراد هاتمثل مشهد إشباع الجموع شريف:
" وكانوا نحو خمسة أرغفة و سمكتين.." فأخدهم المسيح وأكلهم كلهم مراد:
إيه ده..ده مش في النص ماري:
ماهو مش معقولة يبقى في خمس خبزات وسمكتين بس.. ويسوع يديهم للناس ويبات هو جعان مع التلاميذ بتوعه مراد:
بس مش هو ده اللي حصل ماري:
طب وأنا أعمل إيه..أنا مش معقولة أطلع وأنا بمثل قدام الناس ويبقى في إيدي أكل قليل بالشكل ده.. وأقولهم إني مش هاخدهم لي مراد:
خلاص يا مراد.. اقعد دلوقتي ونبقى نشوف موضوعك بعدين شريف:
أنا أخدت الدور طبعا مش كدة مراد:
بصوا يا جماعة.. هنتجمع تاني بعد عشر دقايق .. وكلكم هتعرفوا النتيجة إنشاءالله.. تعالي يا ماري أنا عايز آخد رأيك في كام حاجة كدة ..( يخرج شريف و مارى ) شريف:
( يخرج الجميع ثم يدخل عم مخلص)
ياه..الولاد سابوا المسرح مفتوح وخرجوا..طب لما أنظفهلهم لغاية لما يرجعوا تاني..( تدخل جميلة و هاني) مخلص:
بس يا ستي و طبعا أنا مبعرفش أزعق عشان كده قلتلهم إني مش هقدر أعمل الدور هاني:
طب وبعدين احنا كده ممكن نخرج بره الفريق..هما مش مدركين المواهب اللي عندي إن هما لازم يستغلوها جميلة:
معلش هما الخسرانين..الله عم مخلص..تقدر تقولنا نعمل ايه مش إنت كنت سامع كل حاجة؟ هاني:
أيوة يا ابني أنا شفت كل حاجة مخلص:
طب وايه رأيك؟ جميلة:
العذراء يا بنتي لما بشرها الملاك فرحت جدا بي و حبها لإلها مخلهاش تفكر غير في أنها تتواضع أدامه مخلص:
حبها لإلها..تتواضع؟!! جميلة:
إنت يا هاني يا ابني عمر ما المسيح كان بيكره حد حتى لما طرد بياعين الحمام من الهيكل ده من حبه للكنيسة ..كان لازم يبقى حازم معاهم ويعاملهم بقسوة مخلص:
حبه للكنيسة ..حازم معاهم؟؟! هاني:
لازم يا أولادي تتعلموا المحبة الصح و ساعتها محبتكم دي هتخليكوا تتنازلوا عن حاجات كتيرة(لجميلة) و تاخدوا الحكاية جد(لهاني)"تغيروا عن شكلكم بتجديد أذهانكم" مخلص:
أنا مش العذراء إزاي تطلب من المسيح إنه يحول الماء للخمر ..انتوا هنا يا جماعة راحيل:
يسوع معملش حاجة غلط أبدا..اللي عملتوا العذراء علشان بتحب الناس دي مرضتش إنهم يزعلوا و يسوع أداهم بركة الفرح من عنده برضة علشان بيحبهم مخلص:
علشان بيحبهم!! راحيل:
أمال فين مراد دي حاجة تزهق حربي:
وإنت كامن يا حربي يا ابني ماكنتش لازم تتكلم كده لإن إلهنا يسوع من محبته للتلاميذ كلهم استحملهم بغلطهم و سامح يهوذا و ماحبش يعاقبه مخلص:
محبته...سامحه؟؟ حربي:
(يدخل مراد و ناردين و رولا)
مش ممكن لسة برده المخرج مجاش..؟؟ ناردين:
شفت يا عم مخلص أنا هاخد دور البطولة مراد:
(يضحك) ..البطولة الحقيقية يا ابني في المحبة مخلص:
محبة ايه..يا عم مخلص..فيه ايه؟؟ مراد:
سيبك منه ده راجل كبير في السن ناردين:
المحبة يا ولادي هي اللي خلت المسيح يعمل كل حاجة علشانا..يتولد من العذراء و يتألم و يتصلب و يقوم ..كل ده علشان هو بيحبنا مخلص:
بيحبنا ؟؟! مراد:
معقولة ؟! ناردين:
علشان بيحبنا ؟! رولا:
بولس الرسول قال: " إن كنت أتكلم بألسنة الناس و الملائكة و لكن ليس لي محبة فقد صرت نحاسا يطن أو صنجا يرن..إن كانت لي نبوة و أعلم جميع الأسرار و كل علم وإن كان لي كل الإيمان حتى أنقل الجبل ولكن ليست لي محبة فلست شيئا " مخلص:
" هكذا أحب الله العالم.. راحيل:
حتى بذل ابنه الوحيد " هاني:
تعالوا يا جماعة بسرعة ..أنا عندي حاجة عايز أقولهلكم(و يخرج الجميع) مراد:
(يدخل المخرج و معاه ماري المؤلفة)
طب وإنت ناوي تعمل ايه دلوقتي يا شريف؟ ماري:
أنا هكلمهم بمنتهى الصراحة و هما يقرروا هما عايزين يعملوا ايه شريف:
(يدخل أعضاء الفريق و يجلسون في هدوء)
برافوا..كلكم جايين في المعاد اللي اتفقنا عليه تمام ماري:
بصوا يا جامعة الموقف صعب جدا..طبعا انتوا عايزين تعرفوا مين اللي هتعمل دور العذراء ومين اللي هيعمل دور المسيح..بس قبل ما أقول مين..لازم أقولكم على حاجة..يسوع لما جه على الأرض قال: " في العالم سيكون لكم ضيق و لكن ثقوا أنا قد غلبت العالم " و الناس كانوا عايزين يعرفوا إزاي المسيح هيغلب العالم ..لغاية لما اتصلب كانت الغلبة للمسيح على الشيطان و كان سر الغلبة دي هي.. شريف:
المحبة الجميع:
(مستغرب) فعلا المسيح بموته و قيامته علمنا قد ايه هو بيحبنا..بس انتوا عرفتوا منين ؟؟! شريف:
مش مهم عرفنا منين..المهم عرفنا إن كل واحد فينا لازم يتغير علشان.. مراد:
عشان يقدر يمثل دور المسيح بجد في المكان اللي هو عايش فيه رولا:
مانجريش ورا كل حاجة ممكن تبعدنا عن ربنا جميلة:
" احرسوا من الثعالب الصغيرة المفسدة للكروم " هاني:
و المفتاح في المحبة زي ما ربنا حبنا و مات علشانا..نحب بعض و نحبه من كل قلبنا ناردين:
" نحن نحبه لإنه أحبنا أولا " حربي:
كل واحد فينا كان جواه سور بيبعده عن ربنا..لازم نكسر السور ده ونوصل لربنا برضه بالمحبة " أما الآن فيثبت الإيمان و الرجاء و المحبة هذه الثلاثة ولكن أعظمهم المحبة "

(( ترنيمة ))
راحيل:
حياة السيد المسيح من بدايتها لنهايتها..قصة محبة عظيمة بس لازم علشان نعرف نمثل أدوارنا في القصة دي لازم نشيل صليبنا و نمشي وراه..و نرمي ورا ظهرنا كل: ماري:
طمع أو حسد مراد:
إدانة أو عنف ناردين:
كسل او تراخي هاني:
تعصب أو تحزب راحيل:
تردد أو ضعف رولا:
غضب أو كره حربي:
غرور أو تكبر جميلة:
طب و مين بقى هيعمل دور السيد الميسح و السيدة العذراء شريف:
أنا أقولكم مين اللي هيعمله..ثانية و احدة..تعالى يا عم مخلص..اتفضل ناردين:
يا عم مخلص الولاد قرروا إنك إنت اللي تعمل دور السيد المسيح شريف:
دور السيد المسيح و السيدة العذراء..و القديس بولس الرسول و القديسة مريم المجدلية..و القديس البابا كيرلس و القديسة دميانة وأدوار كل القديسين اليي عرفتهم الكنيسة...اللي هيعملها الناس دول(يشاور على الجمهور)..بولس الرسول قال علينا:" إذ نسعى كسفراء عن المسيح كأن الله يعظ بنا " مخلص:


النهاية
من مواضيعي 0 كلنا بنقولك كل سنه وانت طيب يا مجدى
0 كليب بابا نويل للاطفال
0 ماذا يعني عيد الميلاد بالنسبة لك
0 تحذير هااااام
0 رحلة فى تاريخ الأرض(الا هيطلع يحجز)
__________________


يا رب لسـ،،ـت أعلم ما تحمله الأيـ،ـام لى و لكن يكفينـ،ـى شيئـ،ـا واحدا
ثقتـ،ـى أنك معى تعتنـ،ـى بى و تحـ،ـارب عنى


ربنا مــوجــ،ـود
رد مع اقتباس
  #22  
قديم 06-02-2010, 11:05 AM
الصورة الرمزية ϲσɗɛ вяɛακɛɍ
ϲσɗɛ вяɛακɛɍ ϲσɗɛ вяɛακɛɍ غير متواجد حالياً
عضو ماسى
 
تاريخ التسجيل: Jul 2007
المشاركات: 7,035
افتراضي رد: اسكتشات مسرحيات نصوص لاى مرحله سنويه



اسكتش ينبوع الحـــــــــب




عادل : انت مش قادر تفهمينى يا سامى
سامى : مش قادر افهمك ايه .. بقى تسيب ابحاثك وتجاربك علشان تعمل وردة
عادل : الوردة دى مش عادية.. دى وردة الحب الانسان اللى يشمها يحب كل الناس
سامى : ياسلام
عادل : انا هوريك
سامى : ازاى بقى ؟
عادل : انده مصيلحى البواب علشان نجربها عليه
سامى : اشمعنى مصليحى
عادل : بيكره كل الناس وكمان علشان مبيعملش حاجة الا بفلوس
سامى : عادل انت متاكد
عادل : اندهله وانت تشوف ( يخرج ثم يدخل وهو يدفع مصيلحى )
سامى : ادخل بقى عزبتنى
مصيلحى : متزقنيش بقى .. انا مش شغال عندك
سامى : بقولك ادخل
مصيلحى : بقولك ايه منيش داخل يعنى منيش داخل
عادل : يا مصيلحى اهدى .. ما انت دخلت خلاص
مصيلحى : هه دخلت .. طب منيش خارج
عادل : خلاص يا مصيلحى .. تعال تعال انا عايزك
مصيلحى : ايوه يا بيه .. بس ابعد مرتك عنى
عادل : انا عايزك فى حاجة مهمة
مصيلحى : خير يا بيه
عادل : اسمع .. انا هعمل معاك صفقة
مصيلحى : صفقة اوه ...يا بيه يعنى انت هتطبل وانا اصقف.
عادل : اصقف ايه واطبل ايه .. صفقة يعنى بزنس
مصيلحى : ايوه ايوه .. بس بس قطط يعنى
عادل : قطط ايه .. بقولك ايه سيبك من كل ده .. قولى يا مصيلحى انت بتحب
مصيلحى : ليه يا بيه حضرتك شايف لى عروسة
عادل : عروسة .. لا يا مصيلحى مش قصدى الحب ده .. انا قصدى الحب التانى
مصيلحى : ايوه فهمت يا بيه
عادل : فهمتى ايه "؟
مصيلحى : انا بحب الملوخيى بالتقلية
عادل : تقليه ايه يا مصيلحى .. انا اقصد حب الناس.. تحب الناس ويحبوك .. يعنى انت مثل ايه رايك فى سامى اخويا . بتحبه
مصيلحى : قبر يلمه قال يزقنى واحبه
سلوى : انت بتقول ايه ؟
عادل : استنا بس يا سامى . طيب انا هعمل معاك اتفاق ... لو شميت الوردة دى هديك 5 جنيه
مصيلحى : معقول اشم وردة واخد 5 جنيه .. طيب بقول لك ايه يا بيه انا هعمل معاك صفقة .. اكلها وتدينى 10 جنيه
عادل : يا مصيلحى انت هتشمها وبس وتاخد 5 جنيه
مصيلحى : خلاص يا بيه هات
عادل : براحة يا مصيلحى وانت بتشمها

مصيلحى : متخافش يا بيه دا نا شمام كبير
عادل : فعلا انا كنت شاكك فى كده من زمان
سامى : احنا استحملناك كتير قوى متشم بقى وتخلصنا
مصيلحى : عادل بيه ابعد الراجل ده عنى
عادل : تعال هنا يا سامى ( مصيلحى يشم الوردة ويطوح ثم يسقط ) ايه ده .. الظاهر انه مات .. نجحت يا سامى
سامى : نجحت نجحت ايه بس .. دا باين عليه مات فعلا .. انا كان قلبى حاسس
عادل : مصيبة ليكون مات بجد
سامى : ايهده دا ابتدى يتحرك اهوه
مصيلحى : اه يا دماغى اه يا نفوخى
عادل : مصيلحى .. حاسس بايه؟
سامى : انا هجيب له كباية ميه
عادل : بسرعة يا سامى
مصيلحى : نفوخى يا باه .. حاسس ان فيه قردين عيتعاركوا فيها
عادل : عيتعاكو يعنى ايه ؟
مصيلحى : يا عيتخانقوا يا بيه
سامى : الميه اهه
عادل : خد خد يا مصيلحى اشرب
مصيلحى : ايه دى ميه .. معندكمش عصير كلب اشيله
سامى : فى عصير فى الدنيا اسمه كلب تشيله
مصيلحى : ايوه
سامى : ميكونش قصدك كابتشينو
مصيلحى : ايوه هو ده.
سامى : لا معندناش. اشرب بقى كوباية الميه دى
عادل : اشرب الميه يا مصيلحى علشان تفوق
مصيلحى : حاضر يا بيه
عادل : كفايى يا مصيلحى الكوباية جالها جفاف .. هه حاسس بايه؟
مصيلحى : خلاص يا بيه كانت دوخة وراحت
عادل : طيب والقردين
مصيلحى : بينهم اتصالحو .. انى نفوخى دلوقيت عامل زى الصفحة البيضة.. حاسس انى بحبك بحبك قوى يا عادل بيه .. ( يعفصه فى حضنه ) وانت كمان يا سامى بيه
عادل : بالراحة يا مصيلحى ضلوعى
مصيلحى : حاسس انى بحب مرتى وبنتى وبحب كل الناس
عادل : نجحت يا سامى نجحت
سامى : مبروك يا عادل مبروك
عادل : خد يا مصيلحى ال5 جنية اللى وعدتك بيها اهيه
مصيلحى : 5 جنيه ايه يا بيه .. انى بتاع الحاجات دى برضك .
عادل : هايل شوفتى يا سامى اخيرا قدرت اوصل للحب الحقيقى
سامى : فعلا يا عادل دى معجزة.
مصيلحى : اه يا راسى .. ( يطوح)
سامى : ايه ده مصيلحى بيطوح
عادل : ايه يا مصيلحى مالك
مصيلحى : اه يا دماغى .. بقولك ايه يا بيه ادينى ال5 جنيه اللى قولت لى عليها خلينى امشى
عادل : ما انا قولت لك خدها وانت مرديتش
مصيلحى : معقول يا بيه .. حد يقولى خد 5 جنيه وقوله لا
عادل : خلاص يا مصيلحى خد ال5 جنيه اهيه
سامى : طيب عايزاك تجيب لى شوية طلبات يا مصيلحى
مصيلحى : انت .. مش فاضى .. قبر يلمك


عادل : ايوه بس انت لسه قايل انك بتحبه وبتحب كل الناس
مصيلحى : انى قولت اكده محصلش يا بيه الظاهر انك شارب حاجة .. عن اذنك يابيه ومتشكر على ال5 جنيه
عادل : معقول فشلت بعد كل التعب ده
سامى : مش مهم المهم ان الوردة كان ليها تاثير حتى لو كان قصير
عادل : ايوه بس مش هو ده الحب اللى كنت بدور عليه .. ان بدور على حب حقيقى حب ابدى
سامى : اهدى يا عادل
عادل : انا راجع معملى تانى اشوف الغلط فين ( يخرجون ثم يعود عادل ومعه سلوى)
عادل : ايوه كده انا عرفت الغلط فين.
سلوى : عادل انت متاكد من الكلام اللى انت بتقوله
عادل : ايوه .. المهم عايزين نجرب
سلوى : عايز تجرب فى مين ؟ ( يرن جرس الباب ) دى ماما يا عادل
عادل : يا سلام جيتى فى وقتك .. اهلا .. اهلا يا حماتى
الحما : اهلا يا خويا
عادل : عاملة ايه كويسة ؟
الحما : كويسة .. المهم عاملة ايه يا سلوى يا بنتى مع المنيل ده
سلوى : ماما متقوليش كده .. دا حتى عادل بيحبك
الحما : حبه برص وعشرة خرس .. انا عارفة ختيه على ايه الاهبل المجنون ده
عادل : هايل هايل يا حماتى
الحما : مش قولت لك اهبل .. من قلة الرجالة ختك يا اهبل يا ابو ريالة
عادل : وايه كمان يا حماتى .. قولى كلامك عسل
الحما : هو ايه ده .. مالك فى ايه ؟ اكيد عامل عملة وعايز تجر ناعم ( تنزل فيه ضرب ) انطق اتكلم عملت ايه ؟
عادل : الحقونى .. انا معملتش حاجة ..
الحما : اوعى يكون مد ايده عليكى يا بت
سلوى : لا يا ماما .. كفاية هيموت فى ايدك
عادل : دانا من حبى ليكى يا حماتى جيبت لك وردة .. اهيه خدى شميها
الحما : وردة .. جايب لى انا وردة .. دالمرحوم معملهاش
عادل : عقبال ما تروحي له
الحما : ايه بتقول ايه ؟
عادل : بقول الله يرحمه .. شمى بقى الوردة وقولي رايك ايه ( تشم الوردة ) هه حاسة بايه ؟
الحما : هه .. دماغى دماغى
سلوى : عادل الحقها يا عادل ..
عادل : متخفيش اللى زى دى عزرائيل يخاف منها
سلوى : ماما انت حاسة بايه ؟
الحما : حاسة انى .. حاسة انى .. ايه ده انا فين؟
عادل : فى جهنم
الحما : انتوا مين .. هه انتوا مين
سلوى : ماما انا سلوى .. ودا عادل
الحما : سلوى مين وعادل مين؟ . انا مين
عادل : يانهار ابيض دى الظاهر فقدت الذاكرة ..
سلوى : ماما فقدت الذاكرة
عادل : يا خراب بيتك يا عادل يا خراب بيتك
سلوى : ايه مالك فى ايه ؟ قد كده زعلان على ماما
عادل : لا طبعا .. انا زعلان على فلوسى .. كنت مديها 5 الاف جنيه سلف دلوقتى مش هتفتكرهم
الحما : اه .. اه .. سلوى سلوى
سلوى : ماما .. انت عارفانى
الحما : ايوه طبعا عارفاكى . . هو ايه اللى حصل ؟
عادل : حماتى انت عارفانى؟
الحما : هو انا اتوه عن خلقتك العكرة دى .. انا ماشية وهستناكى بكرة يا سلوى

عادل : اكيد فى حاجة غلط. .. انا راجع معملى تانى
سلوى : وانا هسيب لك البيت ورايحة عند ماما
عادل : مع السلامة .. لازم اوصل للحب الحقيقى لازم ( يخرج ثم يدخل ) يارب تطلع صح المرة دى. زمان عمى سعيد على وصول دلوقت راجل نكدى ومتشائم وبيكره نفسه ( يدخل عمه سعيد )
سعيد : خير يا سعيد افندم عايز ايه ؟ .. ما هو انا مخدش منكم غير المصايب .. خير اتكلم .. واقف ليه زي الصنم اتكلم
عادل : هو انت مدينى فرص اتكلم يا عمى
سعيد : طيب اتكلم اتفضل .. ماتتكلم .. ساكت ليه
عادل : ( يمسك بق عمه ) عمى انت وحشتنى وعايز اتكلم معاك شوية
سعيد : يا سلام بقى جايبنى هنا علشان كده .. انا قولت انك اتشليت غورت فى مصيبة جات كارثة
عادل : بس كفاية ارجوك .. كل ده علشان قولت لك انك وحشتنى .. امال لو قولت لك بحبك كنت قولت ايه ؟
سعيد : اسمع انا معنديش وقت اضيعه معاك .. عايز ايه ؟ خلصنى
عادل : عمى ايه رايك فى الوردة دى ؟
سعيد : نعم وردة .. انت اتجننت
عادل : طيب خد شمها كده دى ريحتها جميلة جدا
سعيد : اشم ايه ؟ ايه الكلام الفارغ ده
عادل : عمى انا مش عايز منك غير انك تشم الوردة وتقولى ايه رايك فى ريحتها
سعيد : هو ده الموضوع اللى انت عايزنى فيه .. حاضر يا سيدى وادى الوردة اهيه( يشمها )
عادل : هه ايه رايك؟
سعيد : ريحتها غريبة قوي .. وردة ايه دى ؟ اه دماغى دماغى
عادل : هايل المفعول ابتدى .. حاسس بايه دلوقتى ؟
سعيد : حاسس ان دماغى هطير
عادل : ممتاز ..
سعيد : ايه ده .. عادل ..ابن اخويا .. وحشتنى قوى ( يحضنه )
عادل : الحمد لله نجحت
سعيد : تعال فى حضنى يا ابن اخويا تعال
عادل : انا مش مصدق نفسى .. نجحت.
سعيد : هه جبت لى ايه معاك من موزنبيق
عادل : موزنبيق .
سعيد : ايوه موزنبيق .. انا كنت هناك امبارح بس معديتش عليك كنت متاخر .. كان عندى معاد فى كندا
عادل : كندا .. عمى
سعيد : انا مش عمك .. انا هاملت ..
عادل : هاملت .. يا نهار اسود
سعيد : حاسب .. حاسب
عادل : ايه فى ايه ؟
سعيد : الصرصار كان هيدوسك
عادل : الحمد لله .. انقذت حياتى
سعيد : لابد ان تموتى .. قبل ان يطلع الفجر .. لكى اغسلك فومين فى طشت الغسيل
عادل : طشت الغسيل
سعيد : هى الساعة كام ؟
عادل : الساعة 6 .. ليه ؟
سعيد : اصل عندى معاد الساعة 5 .. مع ابو الهول يادوب الحق
عادل : ابو الهول
سعيد : ايوه ابو الهول .. زميل الدراسة والطفولة ..
عادل : ابو الهول كان زميلك
سعيد : الحضارة .. التاريخ .. المسقعة .. الكوسة ( ويخرج )
عادل : اكيد فى حاجة غلط لازم اراجع تانى

عادل : تعالى يا سميرة
سميرة : انا مش مصدقة الكلام اللى انت بتقوله ده يا عادل يا اخويا
عادل : انت مش بتشتكى من ان جوزك بيكرهك ودايما بيتخانق معاكى
سميرة : ايوه .. بس حكاية الوردة دى
عادل : متقلقيش .. وبعدين مش هتخسرى حاجة .. المهم هو فين ؟
سميرة : انا اتصلت بيه وزمانه جاى دلوقتى
عادل : طيب لما يجى سبينى انا اتصرف
سميرة : اما نشوف اخرتها ايه ؟ اهوه جه ( يدخل مايكل )
مايكل : مساء الخير
عادل : اهلا مساء النور ازيك يا مايكل ؟ عامل ايه ؟
مايكل : من غير لت وعجن .. خير فى ايه ؟
عادل : ممتاز هايل
مايكل : هو ايه الممتاز وهايل .. انتوا عايزين ايه ؟
سميرة : احنا عايزين نتكلم معاك شوية
مايكل : ليه خير ؟
سميرة : هو انا مش مراتك برضه يا مايكل
مايكل : وبعدين
سميرة : ولا قبلين .. عادل عايز يقولك على حاجة
مايكل : طب غور انت من وشى اما نشوف المحروس ااخوكى عايز ايه ؟
عادل : انا كنت عايز اتكلم معاك بخصوص المشاكل اللى بينك وبين سميرة
مايكل : انا مش عايز اتكلم فى الموضوع ده .. مبحبش اجيب سيرتها
عادل : طيب بلاش نغير الموضوع .. ايه رايك فى الوردة دى ؟
مايكل : طول عمرى اقول عليك هايف .. وردة ايه ؟
عادل : دى وردة جميلة جدا وريحتها حلوة قوى شمها كده
مايكل : ( يشمها ) ولا حلوة ولا حاجة .. ريحتها زى طبيخ اختك .. لاطعم ولا ريحه .. اه دماغى
عادل : كويس .. ابتدينا
سميرة : كويس ايه دا شكله بيموت
عادل : دا كده معناه ان المفعول ابتدى
سميرة : عادل .. ان مش مطمنة
عادل : استنى بس .. هه يا مايكل حاسس بايه؟
مايكل : حاسس ان .. حاسس ان
سميرة : حاسس بايه يا مايكل مالك
مايكل : انت سميرة مراتى
عادل : ايوه مراتك امال امك
مايكل : سميرة انا حاسس انى .. انى بكرهك .. بكرهك وبكرهك انت كمان .. وبكره كل الناس
عادل : انت بتقول ايه ؟
مايكل : ايوه انا بكرهكم بكرهكم كلكم ( ثم يخرج )
عادل : مش ممكن مش معقول .. ازاى
سميرة : مايكل .. مايكل
عادل : اظاهر انى فشلت .. انا خلاص فشلت .. اظاهر ان الحب الحقيقى ملوش وجود فى عالمنا ده
مينا : مين اللى قال كده ؟
عادل : اهلا يا مينا .. ازيك يا رانيا
رانيا : مين اللى قالك ان الحب الحقيقى مش موجود
عادل : ان اتاكدت انه مستحيل
مينا : احنا كنا زيك فاكرين كده
عادل : كنتوا يعنى ايه ؟
رانيا : يعنى لاقينا الحب الحقيقى
عادل : انتوا .. انتوا اخر ناس ممكن تتكلموا عن الحب .. دانتوا دايما فى مشاكل وخنقات مع بعض .. محدش بيحبكم من قلبكم اللى مليان كراهية.. انتوا حتى بتكرهو نفسكم
مينا : دا كان زمان قبل ما نلاقى ينبوع الحب
عادل : ينبوع الحب
رانيا : ايوه ينبوع الحب .. النهر اللى بيفيض ويزيد بالحب العظيم
عادل : هو فين ؟ هو فين ؟
مينا : بص للصليب .. وانت تشوفه
رانيا : هتشوف قصة الحب العجيب
مينا : هتشوف المسيح وهو بيدفع تمن خطيتنا وجرمنا وهو ملوش ذنب
رانيا : هتشوف ازاى ضحى بنفسه علشانك .. بدون مقابل
مينا : هتشوف اعظم حب فى الوجود
عادل : ( ينظر للصليب ) فعلا هو ده الحب الحقيقى اللى بدور عليه .. بس ازاى اقدر انول الحب ده
رانيا : بالتوبة .. توب عن خطايك وتاكد ان المسيح هيقبلك
مينا : اترمى فى حضن كنيستك واسرارها
رانيا : سلم حياتك للمسيح .. هيديلك قلب مليان حب
مينا : هيديلك حياة جديدة كلها حب
عادل : انا هتوب .. وهكلم كل الناس وقولهم انى لاقيت ينبوع الحب
من مواضيعي 0 موسوعة موسيقى الترانيم
0 ماذا يعني عيد الميلاد بالنسبة لك
0 شيرررررررررررررررى المشرفه هام جدااااااااااا ارجو الدخول منك
0 القاب القديسين والاباء والشهداء
0 الحقونى مش عارفه الا شوفته معناه ايه؟؟؟؟؟؟؟؟؟؟؟ظ
__________________


يا رب لسـ،،ـت أعلم ما تحمله الأيـ،ـام لى و لكن يكفينـ،ـى شيئـ،ـا واحدا
ثقتـ،ـى أنك معى تعتنـ،ـى بى و تحـ،ـارب عنى


ربنا مــوجــ،ـود
رد مع اقتباس
  #23  
قديم 06-02-2010, 11:06 AM
الصورة الرمزية ϲσɗɛ вяɛακɛɍ
ϲσɗɛ вяɛακɛɍ ϲσɗɛ вяɛακɛɍ غير متواجد حالياً
عضو ماسى
 
تاريخ التسجيل: Jul 2007
المشاركات: 7,035
افتراضي رد: اسكتشات مسرحيات نصوص لاى مرحله سنويه


اسكتش الاهل و المراهقين

*يدخل ولد و بنت في ثانوي رافعين يُفط مكتوب عليها (أنا عاوز حد يقول لي شكرا) و (أنا عاوزه حد يحبني))
جي جي : الله ..... هما راحوا فين ؟
جورج : أكيد حسوا بالمظاهرة اللي احنا عاملينها .... عشان كده مشيوا ........ ماما .. يا ماما.....
جي جي : لا يا شيخ ... قصدك إنهم هيخافوا مننا يعني ... أنت الموضوع وسع معاك قوي .. (ينزلوا اليفط و يخلوها في إيديهم )
جورج : وسع و الا ماوسعش ...... المهم إننا نوصل لهم صوتنا .... و نفضفض عن اللي جوانا
جي جي : يعني فكرك فيه أمل لسه ؟
جورج (بصوت جهوري وخطابي ) : لا يأس مع الحياة ..... و لاحياة مع اليأس
تدخل الأم و تقول : ماشاء الله عليكوا ........... سايبين مذاكرتكم وواقفين هنا بتعملوا ايه ؟... بتقولوا خطب ؟
جي جي : إحنا عاوزين نكلمكم في موضوع مهم يا ماما ... هو بابا فين ؟
الأم : بيلبس و نازل .... وسعوا خلوني أروح أعمل له الشاي
جوروج : بابا مش هينزل النهاردة يا ماما
يدخل الأب فجأةَ و يقول : يعني ايه يا ولد مش هنزل .... انت هتحبسني و الا ايه ؟ ... إيه التهريج ده ؟
جورج ( يقفز مخضوضاً من مكانه ويقول مرتبكاً ) : انا ...أنا مقصدتش يا بابا
جي جي : (تكمل كلامه ) : جورج يقصد يا بابا ... إن احنا عاوزين نكلمك في موضوع مهم قبل ما تنزل
الأب : و الموضوع ده يستاهل تعطلوني عشانه ؟ ...
جورج : متهيألي يابابا حضرتك خارج تقعد ع القهوة ... يعني مش هنعطلك عن حاجه مهمه قوي
الأب : القهوة اللي أنا بروحها عشان أرفه عن نفسي شوية .... بعد ما بطفح الدم عشانكوا طول اليوم ... أيه حرام يعني أشم نفسي شوية .؟
جي جي : و احنا برضه يا بابا عاوزين نشم نَفَسنا شوية ... و نتكلم معاكوا
الأب (يجلس علي كرسي و تجلس الأم بجانبه ) : ماشي ... أدي قعده .... اتفضلي يا أنسة يا غلباوية .... عايزة ايه ؟
(يرفع الاتنين اليفط ليقرأها الأب و الأم )
الأم (تقرأ) : أنا عاوزه حد يحبني .(تخبط علي صدرها).... إيه قلة الأدب دي يا بت ؟؟ .... و بتقوليها كده في وشنا .... أدي أخرة الفرجه ع الدِش والكلام الفارغ طول اليوم.... شوف بنتك بتقول ايه ؟
الأب : لأ و ايه الباشا أخوها كمان عاوز حد يشكره .... يشكرك علي ايه يافالح ... ع المذاكرة اللي مقطعه بعضها ؟ .... و الا علي أدبك و أخلاقك و انت بترد علي أبوك و أمك ؟
جورج : إدونا فرصه نتكلم .... و نشرح لكم
جي جي : اسمعونا لو سمحتم .... نبوس ايديكم اسمعونا
الأب : اتفضلوا ... قولوا .... اشرحوا ... أدينا قاعدين
جي جي : أنا بروح المدرسة و الدروس ألاقي المدرسين بيشكروا فيَّ و في شطارتي و اخلاقي و أدبي .... و لما أروح الكنيسة القادة دايماً بيشجعوني و يحسسوني إن أنا ليَّ قيمة كبيرة و أصحابي كمان بيحبوني قوي ... بآجي البيت هنا ما بلاقيش حاجه من كل ده ... كله أوامر و زعيق و شخط ... و يا ويلي لو فيه حاجة قصرت فيها رغم إني بعمل حاجات كتير كويسة برضه (صوتها مختنق بالبكاء )
جورج : ده نفس احساسي أنا كمان ... محدش هنا بيقول لي كلمة حلوة و لا كلمة تشجيع.. كأني إنسان آلي معنديش مشاعر و لامحتاج حد يقول لي شكراً .... و يقدرني زي ما الناس بتقدرني و تشجعني بره البيت
(الأب و الأم مبلمين و مبرقين )
جي جي : احنا نفسنا نسمع الكلام ده منكم إنتوا حتى لو مفيش حد تاني هيقولهولنا
جورج (يكمل كلامها ) : أيوة ... لأن الحياة كده ماتنفعش ... أنا خلاص مش طايق أقعد في البيت .
الأب : خلاص .... خلصتوا الكلام اللي عندكم ؟
جي جي : أيوة يا بابا .... هو ده الكلام اللي نفسنا نقوله من زمان .... زعلتوا مننا ؟
الأب : لأ ما زعلناش و لا حاجه ... (بتريقة) و دي تيجي برضه ؟ .... مفيش أي مشاكل ..... عاوزني أشكركم ... أوكي ... هأزود علي مسئولياتي غير إني أأكلكم و أشربكم و أكسيكم و أجيب لكم فلوس للدروس و كروت الشحن و مش عارف ايه ... و في أخر كل يوم ها أبقي أسمعكم وصلة شكر و تشجيع.
الأم : عندك حق ياخويا ..... أدي إللي ناقص كمان ... و هو احنا يعني كان حد بيشكرنا و لا بيفتكرنا حتى ... دا أنا طول اليوم من الطبيخ للغسيل للتنضيف ... ومحدش حتي بيجيب لنفسه كوباية مية ....
جي جي : (تقاطعها ) احنا عارفين الكلام ده كله ... و سمعناه منكم كتير قبل كده ... مش معقولة كل مانكلمكم تروحوا مكررين نفس الكلام .
ا لأب : و مش معقولة ليه ... هو انتوا بس اللي محتاجين حد يقدركم و يشجعكوا و احنا لأ؟ .. حاسبوا نفسكم زي ما بتحاسبونا ... حد فيكم بيحس بالتعب اللي احنا بنتعبه عشانكم ... حد فيكم فكر مرة الفلوس اللي بتحتاجوها دي بتيجي ازاي ؟ ... انتوا فاكريني بطفش من البيت و أروح أقعد مع أصحابي ع القهوة ليه ؟ ما هو انا برضه محدش بيقدرني ولا بأعرف أتبسط في البيت ده.
الأم : بالراحة يا أخويا علي نفسك... عاجبكوا كده.......تضايقونا وتنكدوا علينا .هي ناقصاكوا يعني؟؟
جورج: مش قصدنا ..صدقوني مش قصدنا ...احنا بنحبكوا قوي...ومقدرين تعبكوا وكل اللي بتعملوه عشانا
الأم(تقاطعه): محبة ايه دي اللي أنت بتتكلم عليها؟؟ هي فين المحبة والتقدير ده؟؟ دا كلام بس لما تبقوا محتاجين حاجة.
جي جي: يا ماما مش معني اننا مختلفين في الرأي اننا مبنحبكمش....بس الكلام اللي احنا قلناه هوه فعلا اللي احنا حاسين بيه.
الأب: يعني م الآخر كده عاوزين ايه؟؟
يرفع جورج وجي جي اليفط تاني أمام الأب والأم ويقولان معا: هوه ده اللي احنا عاوزينه
الأب : يعني أنتوا مصرين علي رأيكوا لسه؟؟
جي جي وجورج: أيوه ..مصرين
يأخذ الأب الأم إلي الخارج وهو يقول: طييييييب....تعالي يا ماما
جورج وجي جي معا: أنتوا سايبينا ورايحين علي فين؟؟
يعود الأب والأم سريعا إلي المسرح وهما ماسكين يُفط في ايديهم (لكن لم يرفعوها بعد)
الأب: اشمعني انتوا يعني ليكوا طلبات ...احنا كمان عاوزين الناس تسمع صوتنا
( ثم يرفع الأب والأم اليُفط معا ) واحدة مكتوب عليها "أنا عاوز حد يحس بيّ" والثانية مكتوب عليها "أنا عاوزة حد يقدّر تعبي".
يلتفت الأربعة إلي الجمهور ويقولون بصوت واحد: شوفوا لنا أنتوا بقي الحل
من مواضيعي 0 100 معلومة ومعلومة !
0 فريق كرمال الصليب
0 من هنا بدات معزوفه السلام مش ناوى ترجع؟
0 مجموعة صور لأحداث العهد القديم
0 كيف نحصل على السعادة وما هي؟؟
__________________


يا رب لسـ،،ـت أعلم ما تحمله الأيـ،ـام لى و لكن يكفينـ،ـى شيئـ،ـا واحدا
ثقتـ،ـى أنك معى تعتنـ،ـى بى و تحـ،ـارب عنى


ربنا مــوجــ،ـود
رد مع اقتباس
  #24  
قديم 06-02-2010, 11:09 AM
الصورة الرمزية ϲσɗɛ вяɛακɛɍ
ϲσɗɛ вяɛακɛɍ ϲσɗɛ вяɛακɛɍ غير متواجد حالياً
عضو ماسى
 
تاريخ التسجيل: Jul 2007
المشاركات: 7,035
افتراضي رد: اسكتشات مسرحيات نصوص لاى مرحله سنويه

اسكتش كومدى جدااااااا
رجل فى عصر العولمة



للتحميل



منقول



من مواضيعي 0 هل يستحيل على الرب شيء
0 تحميل قاموس أسباني مباشره بدون لينكات
0 اكبر موسوعة ترانيم 2009
0 موسوعه اكسسوارات جميييييله
0 عبارات خاطئه يجب ان نعرفها
__________________


يا رب لسـ،،ـت أعلم ما تحمله الأيـ،ـام لى و لكن يكفينـ،ـى شيئـ،ـا واحدا
ثقتـ،ـى أنك معى تعتنـ،ـى بى و تحـ،ـارب عنى


ربنا مــوجــ،ـود
رد مع اقتباس
  #25  
قديم 06-02-2010, 11:10 AM
الصورة الرمزية ϲσɗɛ вяɛακɛɍ
ϲσɗɛ вяɛακɛɍ ϲσɗɛ вяɛακɛɍ غير متواجد حالياً
عضو ماسى
 
تاريخ التسجيل: Jul 2007
المشاركات: 7,035
افتراضي رد: اسكتشات مسرحيات نصوص لاى مرحله سنويه

لو مكنتش خاطى

الفصل الاول
تفتح الستار على منظر لشقة ويوجد فيها شخص يقوم بغسل ملابسة
ميمو : الغسيل دخل عنيا والصابون بوظ ايديا ويقوم بعصر الغسيل بطريقة مضحكة
كيمو : هة هة هة .. اية دة انت بتعمل اية ميمو هةهة بتغسل هة هة

ميمو : هة هة . اة بغسل انت مالك انت . هو انا كنت طلبت منك حاجة بتضحك عليا لية
كيمو : انا مش بضحك عليك انا انا انا .. اهةهةهة
ميمو : بردة بتضحك لالا .. انا هسبلك الحتة كلها وهطلع انشر
كيمو : تنشر اية بس استنى يا راجل انت راجل اللى يعمل الحاجات دى هى البنات مش الرجالة
ميمو : اولا مفيش حاجة اسمها راجل وست ,, ثانيا انت لو ربنا خلقك بنت كنت هتقول كدة ..
كيمو : لاء طبعا بس .. بس
ميمو : مفيش بس . الانسان هو الانسان فىاى وقت وفىاى مكان
ربنا عما خلقنا مقلش لكل واحد يشتغل اية
كيمو : صح .. بس بردة فى حجات الواحد بينكسف يعملها قدام الناس
ميمو : طبعا فى حجات الواحد بينكسف يعملها قدام الناس بس يخسارة بيعملها قدام ربنا
يعنى بيخاف من الناس ومبيخفش من ربنا صح صح يا كيمو
كيمو : قصدك اية (بتردد)
ميمو: لاء انت فاهمنى طبعا وفاهم انا عاوز اقول اية
كيمو : لاء مش فاهم قلتلك مش فاهم
ميمو : انا باءة هفهمك ( اية دى )*يدخل يدة فى جيب كيمو ويخرج علبة سجائر
كيمو : هات السجائر دى انت عرفت منين انى بشرب سجائر
ميمو : اسمع انا مش هتكلم معاك كتير انا هقول لجدو فهيم وهو الى هيتصرف معاك
كيمو : لاء لاء ارجوك يا ميمو اوعى تقول لجدو اوعى دة ممكن ... يزعل منى خالص وانا بحبة ومقدرش ازعلة
ميمو : يسلام خايف قوى كدة على زعل جدو فهيم ؟؟؟ ومش خايف على زعل ربنا منك
بتعمل الحاجة من ورا الناس وبتعملها كدة قدام ربنا الى شايفك زى منا شيفك كدة بظبط
كيمو : اية بتقول ربنا شايفنى زى منا شايفك كدة
ميمو : طبعا

صوت خارجى ...... يا ميمو يا ميمو
كيمو: الحق يا ميمو دا صوت مرمر اوعى اوعى تقولها حاجة عن السجائر ربنا يخليك
ميمو: حاضر حاضر يا كيمو
مرمر : اية انتو نايمين ولا اية
ميمو : لاء لاء احنا صاحيين انتى كنتى عايزة حاجة
مرمر : اة طبعا ::: حظروا فظروا انا كنت فين النهاردة
كيمو : هو احنا نعرف حد قالك ان احنا بنشم على دهر ادينا متقولى وخلاص انتى كنتى فين ..
مرمر : اية دة انت بتشخط فية لية ( وتبكى )* اة اةاةه
ميمو : لاء لاء انتى بتعيطى متعيطيش : كيمو مش قصدة حاجة بس هو متضايق شوية
مرمر : انا مالى يا خويا يشخط فية لية لاء مليش دعوة انا مش هكلمة تانى خالص .........
ياخذ كيمو على جنب****

ميمو : اية دة اية الى انت بتعملة دة انت مش هتبطل الاسلوب الى بتتعامل بية دة
كيمو : هو انا قلتلها حاجة
ميمو : كل دة ومقلتلهاش حاجة ( انت لازم تعرف ان الجواب اللين يصرف الغضب ) * وانت لحد دلوقتى بتحدف طوب
كيمو : فعلا انا ذوتها شوية انا لازم اعتذر
ميمو: ايوة .. لازم تعتذر
كيمو l(يذهب فى اتجاة مرمر)
كيمو :مرمر انا اسف يا مرمر انا انا مش عارف انا كلمتك كدة ازاى معلش انا اصلى زهقان شوية
مرمر : خلاص انا مش زعلانة منك يا كيمو
كيمو : بجد بجد مش زعلانة يا مرمر
مرمر : ايوة مش زعلانة
كيمو : هية مرمر معندهش دم
مرمر : باة كدة ماشى ماشى يا كيمو(وتخرج غاضبة من على المسرح)*
يدخل جدو فهيم على خشبة المسرح ببطىء
جدو فهيم : اية اية جرى اية يا ولاد مالكم انتو صوتكم عالى كدة لية ومال مرمر خارجة زعلانة قوى كدة لازم فى حد زعلها
ميمو : بصراحة ياجدو اة كيمو زعل مرمر
جدو : لية كدة يا كيمو
كيمو : بص بأة يا جدو انا اة زعلتها بس رجعت وصالحتها وهى خلاص صالحتنى

جدو : اسمع يا كيمو انا مش عاجبنى خالص الى انت بتعملة انت ماشى ورا الشيطان والشيطان ضاحك عليك
كيمو : لو سمحت يا جدو كل اصحابى بيعملوا زيى كدة ؟ انت عارف يا جدو الى مابيكلمش زى منا بتكلم وبيعمل الحركات دى الى بضحك دى يقولو علية كلام وحش خالص
انت تعرف بيقولو اية على ميمو
جدو : بيقولو اية
كيمو : بيقولو علية خيخة وميعرفش يعمل اى حاجة خالص
جدو : وانت شايف اية يا كيمو : انا شايف انة جدع خالص وبيعمل كل حاجة وشاطر كمان
جدو: يبقى مين الصح ومين الغلط
كيمو :ميمو صح وانا غلط ... بس بس كلة بيعمل كدة اشمعنا انا
جدو : الجميع ذهبوا وفسدو واعوزهم مجد الله
كيمو : يعنى اية يا جدو :
جدو: يعنى احنا مسيحين . ربنا بيقول. لينا ( انتم نور العالم . انتم ملح الارض فاذا فسد الملح بماذا يملح ) لم يعد صالح يرمى خارجا ويداس من الناس)
يعنى انت ياكيمو وانت يا ميمو نور للعالم دة كلة لازم تعملو حاجات حلوة كتيرة علشان الناس تعمل زيكم
مش تعملو زى الناس الى بيعملو حاجات وحشة
مرمر : جدو جدو ... تعرف انا كنت فين يا جدو النهاردة
جدو : كنت فين يا مرمر
مرمر : انا كنت فى دير جميل خالص
ميمو دير دير اية يا مرمر
مرمر : دير القديس الانبا موسى الاسود
كيمو : موسى الاسود : . هما سموة كدة لية يا جدو
جدو : مش مهم هما سموة كدة لية المهم ان القديس العظيم دة حكايتة شبة حكايتك يا كيمو
كيمو : معقول قديس عظيم كدة يبقى فية شبة من حكايتى لاء انا مش مصدقك يا جدو
ميمو : لاء صدق يا كيمو , فعلا جدو عندة حق انت تعرف ان القديس دة كان قاطع طريق ,.....
كيمو : قاطع طريق
ميمو : وكمان كان بيسرق من الناس اموالهم ....
جدو : مش كدة وبس دة كان مصاحب ناس اشرار جدا كان بيتقال عنة انة مفيش خطية معملهاش ....
كيمو : معقول طيب ازاى بأة قديس
جدو : بأة قديس علشان كان بيدور على الالة الحقيقى
ميمو : ايوة تعرف انة عبد الشمس
كيمو : معقول فى حد يعبد الشمس
جدو : ايوة . بس لاقة ان الشمس بتطلع بالنهار وتمشى باليل يعنى بتختفى
كيمو : وبعدين يا جدو انا نفسى اسمع القصة دى
ميمو : عبد القمر : .... بس لقة ان القمر بيطلع باليل ويختفى بالنهار اول مالشمس تطلع
جدو : ايوة راح لناس تانين قالهم انا ببحث عن الالة الحقيقى قالوا لو اعبد معانا النار هو دة الالة الحقيقى
ميمو : بس لقة ان النار فى عز مهى متقادة ممكن شوية مية تطفيها
كيمو : وبعدين يا جدو اية الى حصل
جدو : فى يوم وهو بيقطع الطريق قبض على قافلة كان فيها ناس مسيحين ورهبان
مرمر : صح يا جدو تعرف يا كيمو لاقهم بيقولوا اية
كيمو : ايوة اعرف انتى فاكرانى اية معرفش حاجة خالص
مرمر : كانوا بيقولوا انقذنا يارب يسوع
كيمو : اة اة .... وبعدين اكيد قتلهم
جدو : لاء طبعا مقتلهمش دة سابهم
كيمو : سابهم لية
ميمو : علشان كان عاوز يعرف مين هو الالة
مرمر : كان عاوز يعرف مين هو يسوع
جدو : كان عاوز يعرف مين هو الالة الحقيقى
كيمو : وعمل اية .... بعد كدة
جدو : مش هو الى عمل ربنا هو اللى عمل يا كيمو ربنا ارشدة الى احد الاديرة علشان يلتقى براهب عرفة الالة الحقيقى مين هو
كيمو : بس كل الجرائم الى عملها معقول ربنا سامحة عليها
ميمو : طبعا سامحة عليها
مرمر : طيب تعرف يا كيمو هو سامحة عليها لية
كيمو : لاءلاء ........ معرفش
جدو : انا اقولك سامحة عليها لية ,,, سامحة عليها علشان موسى مكنش يعرف الالة الحقيقى وعلشان ربنا اب بيحب ولاادة يرجعولة هو الة الخطاة يسوع لما جة ...جة ليدعو خطاة الى التوبة ليس الى الابرار ولانة حس ان موسى من جواة عاوز يتغير
كيمو : وموسى ساب اصحابة الى كان معاهم ونسيهم خالص
جدو : يا ابنى اصحاب مين موسى نسى نفسة مع ربنا
ميمو : اصلك مش عارف هو كان بيعمل اية فى الدير
مرمر : تعرف يا كيمو دة فى يوم اعترف بخطاياة كلها قدام كل الرهبان
كيمو : معقول قال كل الحجات الوحشة قدام كل الناس كدة ومتكسفش
ميمو : منا قلتلك قبل كدة ؟؟؟مش صح ان الانسان يخاف من الانسان الى زية وميخفش من ربنا علشان ربنا اية ؟؟؟؟؟
كيمو : عارف عارف ! ربنا شايفنا فى كل وقت وكل زمان
جدو : انت نستنى. تعرف انة بعد ما اعترف بخطاياة قدام الرهبان كلهم اية الى حصل
مرمر : انا عارفة يا جدو ؟؟؟ كل الخطايا الى كانت مكتوبة على اللوح الخشبى اتمسحت كلها و بأت بيضة زى الثلج
كيمو : اية بتقولى اية ؟؟ هو يكتب خطايا قدام كل الناس وربنا يمسحالة بردة قدام الناس
جدو طبعا طبعا يا كيمو يا حبيبى ربنا عمرة ما يزعل حد عاوز يرجعلة
ميمو : تعرف يا جدو ان موسى دة كان قوى جدا وكان ممكن يضرب اى حد
جدو : تعرف انت هو عمل اية بقوتى دى بعد ما تاب عن خطاياة وباة مع ربنا
كيمو : عمل اية يا جدو
جدو : دة كان بيحمل الناس الى ميقدروش يمشو وكان يلف على كل الرهبان واحد واحد علشان يديلهم المية علشان يشربوا والمية طبعا كانت بعيدة جدا
كيمو : يا ... كان بيخدم الرهبان ويشيل التعبانين ويساعد المحتاجين بعد مكان سيد وامرة مطاع عند\ الجميع
ميمو : اية رايك باة يا عم فى الحكاية دى اكيد عجبتك
كيمو : لاء معجبتنيش ؟!!!!!!!!!!!!!!!!
جدو : ميمو : مرمر : اية (فى نفس واحد)**
كيمو : دى فوئتنى رجعتنى لعقلى ..... ياجدو . انا كنت بشرب سجاير.كنت باخد فلوس الدرس ومرحش الدرس. والعب بيها قمار مع اصحابى . كنت باخد من اصحابى الفلوس غصب عنهم واضربهم ....... كنت بشتم واحلف واضحك عليك كل يوم ..مكنتش بروح الكنيسة يوم الجمعة ولا مدارس الاحد وكنت بضحك عليك واقول كنت بروح.. حتى الامتحان كنت بغشة من ميمو كل الحجات دى عملتها يا جدو
سامحنى ياجدو سامحنى يا ميمو سامحنى يا مرمر
ميمو : يعن هتبطل الحجات دى كلها يا كيمو
جدو : هتسمع الكلام يا كيمو
مرمر : هتبطل تزعق فية يا كيمو
كيمو : صدقونى هبطل بس سامحونى سامحونى
جدو : مش احنا الى هنسمحك با با يسوع هو الى هيسمحك يا كيمو صلى وقلوا يارب اعتبرنى زى القديس موسى الاسود واغفر لية خطياى وسامحنى عليها واكيد يا كيمو ربنا هيسمحك
مرمر : ايوى ولازم تبعد عن اصحابك الوحشين الى خلوك تعمل الحجات دى كلها
ميمو : ايوة وتذاكر بجد علشان تنجح بمجهودك بدل الغش
كيمو : خلااص وانا هاروح دلوقتى لى ابونا واعترفلة بكل الخطايا الى عملتها
يا ابونا يا ابونا

(وتقفل الستار )*********

مع ترنيمة

لا تشمتى فى يا عدوتى





من مواضيعي 0 قصه حلوة خالص وجميله قوى
0 الاهلي ولاعبيه علي مدي التاريخ.....
0 ماذا كان سيحدث لو لم يأت السيد المسيح إلى هذا الكوكب الشقي (الأرض)؟
0 100 معلومة ومعلومة !
0 كلمة أحبـــــــــــــــــــك لمن تقال ؟
__________________


يا رب لسـ،،ـت أعلم ما تحمله الأيـ،ـام لى و لكن يكفينـ،ـى شيئـ،ـا واحدا
ثقتـ،ـى أنك معى تعتنـ،ـى بى و تحـ،ـارب عنى


ربنا مــوجــ،ـود
رد مع اقتباس
  #26  
قديم 06-02-2010, 11:11 AM
الصورة الرمزية ϲσɗɛ вяɛακɛɍ
ϲσɗɛ вяɛακɛɍ ϲσɗɛ вяɛακɛɍ غير متواجد حالياً
عضو ماسى
 
تاريخ التسجيل: Jul 2007
المشاركات: 7,035
افتراضي رد: اسكتشات مسرحيات نصوص لاى مرحله سنويه

اسكتش لما نروح
الجامعه كوميدي جدااااا

نص جميل جدااااااااااااااا

للتحميل




برضه منقول


من مواضيعي 0 ضربات اكثر
0 اسكتشات مسرحيات نصوص لاى مرحله سنويه
0 كيف نلقي مرساتنا على شاطئ الابدية
0 كلمات متنوعة للاباء(رائعة جدا)
0 كل واحد يختار 5 اعضاء قريبين منه فى المنتدى
__________________


يا رب لسـ،،ـت أعلم ما تحمله الأيـ،ـام لى و لكن يكفينـ،ـى شيئـ،ـا واحدا
ثقتـ،ـى أنك معى تعتنـ،ـى بى و تحـ،ـارب عنى


ربنا مــوجــ،ـود
رد مع اقتباس
  #27  
قديم 06-02-2010, 11:15 AM
الصورة الرمزية ϲσɗɛ вяɛακɛɍ
ϲσɗɛ вяɛακɛɍ ϲσɗɛ вяɛακɛɍ غير متواجد حالياً
عضو ماسى
 
تاريخ التسجيل: Jul 2007
المشاركات: 7,035
افتراضي رد: اسكتشات مسرحيات نصوص لاى مرحله سنويه




شقاوة عرائس


راوى ازيكم عاملين ايه كل سنه وانتم طيبين انا اسمى كيتى وانا عروسه فى مسرح العرايس وححكيلكم دلوقتى على موقف حصلنا انا واخواتى العرايس جاهزين .........
احنا كنا عايشين فى مسرح العرايس فى امان وسلام وبعدين تعالوا بقه نشوف مع بعض
المشهد الاول
اضاءة عادية
الاستاذ يا مريم يامارك هو مفيش حد هنا ولا ايه ؟
احنا كده حنتاخر على ميعاد البروفه
(يدخل المسرح)
مش عارف لازم يكون فيه حبه نظام فى المسرح ده
يا مارك
مارك ايوه ايوه يا استاذ انا هنا هه
الاستاذ ايه يا مارك ساعه بنادى عليك ، ايه اخبار البروفه ، الشباب جاهزين ؟ انا مش عايز تاخير
مارك كله جاهز يا استاذ فادى بس انا عايز اقول .........
الاستاذ والعرايس اهم حاجة العرايس اتنضفوا واتروقوا ولا زى كل مرة ياباشا
مارك لا صدقنى كله تمام ونضفتهم ولمعتهم وحلفتلهم شعر وذقن كمان بس انا عايز اقول .........
الاستاذ يا واد يا بكاش يا اونطجى اوعى تكون كسرت اى حاجه فى العرايس رجل ولا ايد لحسن انا عارفك
مارك : لا لا لا هو انا اقدر هو انا يعني ما عرفش ايمه العرايس دي عندك
الاستاذ ماشي ياسي مارك علي العموم انا حدخل اطمن عليهم بنقس/ الله ايه ده حضرتك واقف هنا من بدري ، مش تعرفني يا مارك
مارك ايوه يا استاذ فادي ما انا باحاول من بدري اتكلم / ده صاحبي وحبيبي سامر كان نفسه يشترك معانا في الفريق بس هو هنده مشكله لازم اقولها لك
(صوت من الخارج ـ تليفون يا مارك تليفون بسرعة)
دقيقة واحده يا استاذ ارد علي التليفون واجي
الاستاذ اهلا وسلها يا سامر بص بقي يا سيدي انا طبعا موافق انك تنضم للمسرح بتاعنا / بص يا سيدي انا كونت الفريق ده علشان اخدم بيه الاطفال الصغيرين اللي بيحبوا مسرح العرائس / طبعا احنا هدفنا الاول والاخير هو ربنا وازاي نوصل كلمته للاطفال عن طريق مسرحيات جميله وانا هنا المسئول من الفريق ، انا المخرج وانا كمان اللي بعمل العرايس بايدي يمكن بتعب فيهم كتير لكن اول لما بخلص العرايس بحس انهم زي اولادي بالضبط لاني انا اللي عملتهم بإيدي علي فكرة انا بكلمهم ويكلموني بس لازم البس المسك ده علشان يشفوني لانهم مش بيشوفوا غير الفسفوري بس المهم احنا عيله واحده واحنا يسعدنا انك تنضم لينا طالما انك صاحب مارك
مارك ايوه يا استاذ انا اسف بس عندي ليك خبر حيفرحك / الاول بس المشكلة بتاعت سامر انا عايز اقول يعني انه هو كل حاجه فيه تمام بس هو ما بيسمعش
الاستاذ ما ايه
مارك ما بيسمعش هو فيه ايه / المهم جوزيف صاحبي كلمني دلوقتي وقالي انه تم الاعلان عن المسابقة الكبري اللي علي مستوي الجمهورية وكل الفرق بدات تستعد للمشاركة
الاستاذ بجد الله ده خبر حلو اوي انا فرحان جدا ، ياه الفرصة دي انا مستنيها من زمان ، يا لا يا مارك لازم تستعد ، شوف مؤلف يألف لنا الاوبريت وملحن والديكور وكل حاحة بسرعة بسرعة
مارك طيب وسامر ؟
الاستاذ معانا معانا ، انا رايح افرح العرايس
(اظلام ، راوي)
المشهد الثاني
*ترنيمة سعيدة للعرايس تبرز الحياه السعيده التي يعيشونها
العرايس ضحك وفرفشه وتعب
الاستاذ يا ولاد يا فلفول يا نمروا صاحيين ولا نايميين (بدون دخول المسرح)
العرايس بسرعة بسرعة ناموا ناموا الاستاذ جاي
(يتظاهرون بالنوم)
الاستاذ ايه ده انتوا نايمين ولا ايه اصحوا بقه يا فلفول يا كيتي يا وزي يا نمور يا بندق
العرايس اصوات نوم
الاستاذ اه ده انتوا نايمين خالص بقه طيب يا خسارة كنت حاقول لكم علي مفاجأة حلوه
العرايس مفجأة مفاجأة ... مفاجأة ايه ؟
الاستاذ (يهجم عليهم بهزار) اه يا عفاريت
فلفول احنا بنهزر معاك يا استاذ ولا ايه يا نمرو
نمورا ايوه يا خبيبي احنا بنهزر سويه من الانت مانت عرافنا بنخب الهزار زي اينينا
(الكل يضحك)
الاستاذ الله يا نمروا انت لسه درو الخواجه الاجنبي مأثر معاك من المسرحيه اللي فاتت ولا ايه
نمرو طبعا طبعا يا استاذ يا روخ الالب بتاع الانا هو انا اقدر انسي المسرحية الجمليه دي صح يا فلفول
فلفول ايوه واني كمان لمنكن ابدا ابدا اجدر انس درو الفيل الصعيدي اللي عملته النوبه اللي فاتت ده كان اجمل دور جمت به في حياتي كلها
الاستاذ وانتوا يا حلوين لسه برضه فاكرين ادواركم
كيتي طبعا يا استاذ انا فاكره كل كلمه في كل المسرحيات اللي مثلناها
بندق وانا كمان فاكرها كلها
ويزي وانا واناوانا المسرحيات دي يا استاذ احلي حاجة في حياتنا كلها
كيتي والفضل كله يرجع ليك يا استاذ
الاستاذ يا سلام يا ست كيتي
بندق طبعا مش حضرتك اللي صنعتنا وعملتنا بايدك
ويزي بعد ما كنا شويه ورق وخشب وكرتون ملهمش لزمه جيت حضرتك وعملت من الحاجات دي عرايس جميله ومفيده بتسعد كل الناس
فلفول ايوه وخلتنا عايشين معاك هنا في المسرح واحنا في منتهي السعادة والانبساط والانشكاح كمان
نمرو ايوهن سخيخ يا خبيبي اخنا كلنا بنخبك اوي اوي اوي
الاستاذ ربنا يخليكوا ليا يا عرايس يا حلوين انتوا ، الله ده انا نسيت اقول لكم علي المفاجأة
عرايس اه المفاجأة ده احنا نسينا
الاستاذ بصوا بقي يا حلوين المفاجأة هي هي هي
الكل ها
الاستاذ فيه اوبريت جديد
الكل هيه يه اوبريت جديد
الاستاذ ومش بس كده ده احنا حندخل به مسابقه كبيرة علي مستوي الجمهورية
الكل هيه (ويهتفون له )
الاستاذ يالا بقه استعدوا علشان حنبدأ البروفات اول لما الوبريت يجهز اوكيه
الكل اوكيه احنا جاهزين من دلوقتي
الاستاذ طيب باي باي
(باي ويهيصوا سعداء) (اوبريت جديد) 2 هيه
اظلام
رواوي وفعلا استعدينا كلنا للعرض لكن بعد اسبوع جه يوم غير كل حاجه
المشهد الثالث
(اضاءه عاديه) والاستاذ يقرأ في بعض الاوراق
مارك هه يا استاذ ايه الاخبرا عجبك نص الاوبريت
الاستاذ لا يا مراك مش عاجبني برضه
مارك يا استاذ ده رابع نص نجبهولك تقراه والمؤلفين عارفين يرضوك ازاي
الاستاذ مش عارف يا مراك نفسي في حاجة تعجبني مافيش ولا حاجة من اللي انا قراتهم عجباني / دي مساقة كبيرة ولازم ادخل بفكره قويه ونص قوي يخدم الفكره اللي في دماغي
مارك ويا تري ايه الفكره دي يا استاذ ؟
الاستاذ نفسي في اوبريت قوي يتكلم عن حب ربنا لينا ، ياه
مارك فعلا يا استاذ انا بحس بحب ربنا لينا في كل خطوه ي حياتي بحس بحبه وانا نايم وكمان وان صاحي وانا بذاكر وانا بلعب بس يا تري هو ربنا بيحبنا ليه ؟
الاستاذ ربنا بيحبنا له يا سلام الموضوع ده يتكتب فيه كتب ياسي مارك بس انا هابسطهولك قوللي يا مارك انا بحب العرايس اد ايه
مارك ياه يا استاذ قوي دول تقريبا اهم حاجة بالنسبه لك هنا في المسرح
الاستاذ تمامانا بموت في العرايس بتاعتي وده علشان انا عملتهم بايدي شفتهم وهما بيكبروا قدامي لحظه بلحظه وعلشان كده بخاف عليهم من الهوا الطاير وهو ده اصل محبه ربنا لينا لانه خلقنا باديه و خلقنا علي صورته ومثاله لدرجة انه قال من يمسكم يمس حدقه عيني وخالانا لما نقف ادامه نقوله يا ابانا ودعانا اولاد ليه
(صوت خبط علي الباب)
الاستاذ شوف مين يا مارك
مارك حاضر يا استاذ
الاستاذ يا سلام يارب اشكرك ، علي محبتك العظيمة لينا ، اشكرك علي الموهبه الجميله اللي انتا ادتهالي وخلتني اعمل العرايسالجميله دي علشان تخدم اسمك القدوس
مارك الحق يا استاذ شوف لقيت ايه علي الباب
الاستاذ ايه عروسه غريبه قوي الحكايه دي ، مين اللي حطها علي الباب
مارك مش عارف انا بصيت كويس مالقتش حد
الاستاذ غريبه اوي ده اكيد حد عارف ان ده مسرح عرايس بس سابها كده ليه المهم خدها دخلها مع باقي العرايس لغاية لما يبانلها اصحاب
مارك ايه بس دي عروسه غريبه وممكن تضر باقي العرايس
الاستاذ ما تخافش يا مارك حطها معاهم بس
مارك حاضر تحت امرك
الاستاذ وتعالي بسرعة علشان نكمل باقي موضوعنا
(اظلام)
المشهد الرابع
اضاءه فسفوي
فلفول ايه ياني ده الواحد شكله نام كتير اوي ، ايه ده ايه اللي جاب ده هنا استر يا بتستر يا كيتي يا نمرو يا ويزي يا بندق اصحوا شوفوا ايه ده
كيتي ايه يا فلفول فيه ايه
نمرو هو انت كده دايما تقلقنا من النوم
بندق فيه ايه بقي ياس فلفول / بتصحينا ليه
ويزي هو الواحد ما يعرفش ينام شويه في المسرح ده
فلفول بصوا بصوا لقيت ايه نايم جنبي
الكل ايه ده مين ده وايه اللي جابوا هنا
الكل ايه ده ده بيتحرك
زقزق صباح الخير انتوا حتتفرجوا عليا كده كتير ولا ايه ، انا زقزوق زميلكم الجديد
نمرو ايه بس استاذ فادي ماقالناس انه عمل عروسه جديده
زقزوق ايوه ما انا ضيف عندكم هنا مؤقته وهو معملنيش ولا حاجة ، ايه بقي مش هنتعرف ولا ايه
فلفول اه طبعا انا فلفول اكبر عروسه فيهم وده نمرو وكيتي ويزي وبندق شرفتنا يا زقزوق
زقزوق اه طبعا اهلا وسهلا
نمرو طيب مادام حنبقي اصحاب وزمايل انا حرحب بيك
اخلا وخلا يا زكزوك انت سرفت البيت بتاع الاخنا ونورت الالب بتاع الاخنا ويا الف محربا يا خبيبي في مسرخ العرايس بتاع الاخنا
فلفول تمام هو ده الكلام يا ولد عمي نمرو ، نورت المسرح ياسي (زجزوج)
الكل (يضحكون)
زقزوق يا سلام علي التمثيل ده انتوا موهوبين جدا
بندق طبعا والبركه في الاستاذ بتاعنا
زقزوق اه قولتولي
كيتي يالا يا جماعة سيبو الضيف يستريح (وينصرفوا عنه)
زقزوق تمام كده الخطه ماشيه مضبوط ونكمل بقه ، يا فلفول يا فلفول
فلفول ايوه يا زقزوق محتاج حاجه
زقزوق لا يا حبيبي شكرا قولتلي بقه اب انت اكبر واحد فيهم مش كده
فلفول اه ليه انا الاكبر سنا وتقريبا حجما كمان
زقزوق اه يعني انت الريس بتاعهم
فلفول ريس ، لا طبعا احنا معندناش ريس دي حاجات متلاقيهاش هنا
زقزوق ازاي انت المفروض الريس بتاعهم لازم كلامك الكل يسمعه و ينفزه امال لو ماسمعوش كلامك حيسمعوا كلام مين
فلفول ايه الكلام اللي انته بتقوله ده ، ده كلام غريب جدا ، كلامي انا ليه ما كلنا اخوات وحبايب
زقزوق ولا غريب ولا حاجة انا قلبي عليك يا سلام لما تكون انت الريس الملك بتاعهم كلامك واوامرك يتقال ليهم سمعا وطاعه يا فلفول لازم تعرف انك الزعيم بتاع المسرح ده
فلفول تفتكر ؟
زقزوق طبعا ده انت الكبير وانت العظيم روح جرب وانت حتدعيلي لاخوك
فلفول كلامك صح يا زقزوق ، انتوا يالا كل واحد يروح ينام
ويزي لا يا فلفول احنا خلاص صحينا ومش عايزين ننام
فلفول انا قلت تناموا يعني تناموا سامعين ولا لأ
بندق ايه يا فلفول مالك
فلفول مليش انتوا تسمعوا الكلام علطول لان انا الريس والزعيم بتاعكو انتوا فاهمين ولا لأ
نمرو ايه يا فلفول ايه اللي حصلك مالك ايه اللي بتقوله ده
فلفول محدش ليه دعوه نفزوا الكلام علطول
نمرو سيبني يا زقزوق لما اشوف ايه اللي بيحصل هنا ده
زقزوق تعالي بس براحه هدي اعصابك ده عامل فيها ريس ولازم يقف عند حدث ومفيش حد حيوقفه عند حده غيرك انت
نمرو ازاي بس
زقزوق انت قوي ونمر جامد حاول تأذيه باي طريقه وبكده حتنتصر عليه وتعيشوا في امان وسلام زي ما كنتم عايشين وسيبك من الكلام وادخل عليه جامد ده انت نمر واقوي منه يالا يالا يا شجاع
نمرو تمام كلامك صح تعالي ابقي منا
(وتظهر العرائس وكأنها في وضع تشاجر)
زقزوق كده بقه كله تمام نيجي بقه للخطه رقم 3 يا واد يا زقزوق انت يا ابو مخ جنان
راوي اه ياني ويارتها جت علي كده وبس ده اليوم ده كان اخطر يوم في حياتنا كلها
اظلام
المشهد الخامس
(اضاءه فسفوري)
تظهر العرائس وهي متخاصمة وزقزوق في المنتصف
زقزوق وبعدين يا عرايس حتفضلوا كده ايه يا جماعه ده انتوا اخوات ، عيب كده ما يصحش قوم يا فلفول اعتذر لاختواتك
فلفول لأ مش حعتذر لحد هما اللي يعتذرولي
زقزوق صدقني عندك حق طيب قوم يا نمرو اعتذر
نمر لأ هما برضه اللي يعتذرولي
زقزوق يوه بقه يا جماعه حيرتوني معاكم بس لقيتها انا عندي اللي يريحكم ويبسطكم بدل الكآبه والحزن اللي انتوا فيهم دول
بندق خلاص بقه مابقاش فيه حاجه تبسطنا ده كان زمان
كيتي لا ياجماعه فوقا بقه فين المحبه اللي كانت بنا فين السلام فين الحياه السعيدة فين التسامح ليه نسيتوا كل ده فوقوا بقه
زقزوق ايه الكلام ده استني شويه كل ده حلو بس بعدين اسمعوا الفكره بتاعتي ، السعادة والفرح مش هنا السعادة بره بره المسرح ده في العالم الجميل الممتع
ويزي بره المسرح ده احنا عمرنا ما خرجنا بره المسرح طول عمرنا عايشين هنا مع استاذنا اللي عملنا بأيده
زقزوق ايوه ما هوعلشان كده هو بيتحكم فيكم مش عايزكم تخرجوا بره علشان ماتشوفوش الحاجة الجملية اللي بره
كيتي ايه الكلام ده مش ممكن يحصل ابدا احنا طول عمرنا عايشين هنا في سلام وامان وعمرنا ما احتاجنا حجاه بره المسرح ، انته جتلنا منين حرام عليك
زقزوق اسكتي انتي ، يا جماعه اللي عايز يجي معايا ويشوف الانبساط الحقيقي ويتمتع بحياته لازم ياخد القرار دلوقتي
فلفول انا معاك
نمرو وانا كمان انا زهقت بقه
بندق ايا يعني ممكن اجي اتفرج
ويزي خدوني معاكم بس نستأذن من استاذ فادي الاول
زقزوق مافيش استأذان يالا ياجماعه قبل ما يحس بينا يالا
كيتي لأ لأ حرام علكيم حرام استنوا استنوا ....
(ويخرجوا ويتركوها وحدها)
(تجلس كيتي تبكي ويدخل عليها الاستاذ)
كيتي الحق يا استاذ الحقنا الحق باقي العرايس العروسة الجديده اللي ....
الاستاذ عارف عارف كل حاجه يا كيتي
كيتي عارف ، كل حاجة ازاي
الاستاذ انا سمعت كل حاجه من الاو ل خالص
كيتي طيب ليه سيبت زقزوق يعمل فيها كده ليه ليه (وتبكي)
الاستاذ انا سيبته يعمل كده علشان اعرف محبتكم ليها اد ايه سيبته ومارضيتش اتصرف علشان كل واحد منكم عنده عقل بيفكر بيه يقدر يعرف الخير من الشر والوحش من الحلو
ربنا يا كيتي لما خلقنا احنا البشر عمل معانا كده حبنا جدا لانه عملنا / حبنا حب بدون حدود واده لكل واحد مننا عقل يفكر بيه ويقدر يختار بيه الطريق يأما نحب ربنا زي ما حبنا يأما نبعد عنه ومع كده برضه لو احتجناه بنلاقيه جنبنا والعرايس برضه لو احتاجوا مساعده حاكون انا اول واحد يقف جنبهم ويساعدهم
كيتي يا يا استاذ فادي ده انت حنين قوي
الاستاذ اتعلمت كده من ابويا اللي في السما
كيتي وحياتك يا استاذ فادي ماتسبنيش ابدا
الاستاذ اسيبك ازاي وانت الوحيد اللي فضلتي جنبي
راوي وفضلت انا مع استاذ فادي واحنا في منتهي الحزن علي اخواتي لكن بعد شهر كانت فيه مفاجأة
(ترنيمه تشرح الفكره)
(يجلس الاستاذ مع كيتي في جانب المسرح ويدخل عليهم بندق)
بندق الحقنا الحقنا يا استاذ فادي الحقنا
كيتي بندق بندق ايه اللي جرالك
الاستاذ بندق حبيبي حمد الله عالسلامه ايه مالك تعبان كده ليه
بندق ثواني اخد بس نفسي واحكيلكم علي كل حاجة
كيتي يا حبيبي يا بندق ، ايه اللي حصلك وفين باقي اخواتي ، طمني عليهم
الاستاذ براحه يا كيتي دلوقتي نعرف
بندق مفيش وقت لازم تتصرف بسرعة يا استاذ وتنقذ باقي اخواتي
الاستاذ حاضر حاضر بس فهمني ايه اللي حصل طول الشهر اللي فات وانقذهم من ايه
بندق زقزوق ، زقزوق يا استاذ دخل بينا هنا وفرق مابينا وخلانا نخاصم بعض واقنعنا ان احنا نسيب المسرح ومخرج وفعلا خجرنا معاه ، شهر يا استاذ شهر شفنا الويل معاه من شارع لحاره لزقاق ادبهدلنا واتمرمطنا وما عرفناش نرجع وودانا عند راجل شرير شغلنا خدامين عنده واتضح ان كل ده كان خطه بين زقزوق والراجل الشرير علشان يستغلونا وفي الاخر دلوقتي عايز يقطعنا حتت ويبعنا خشب وكرتون وورق وانا هربت بالعافيه علشان تلحق باقي اخواتي الحقهم بسرعه بسرعه يا استاذ صدقني احنا بنحبك بس اللي حصل ده كان غصب عننا
الاستاذ انا عارف عارف طبعا يالا بسرعه قبل ما يعمل فيهم حاجه بسرعة
كيتي ربنا معاكم يارب كون معانا
اظلام
المشهد السادس
(اضاءه عاديه)
العرائس ومعهم شخص غريب
الاستاذ العرايس العرايس بتاعتي
الرجل اهلا وسهلا يلزم خدما عرايس ايه وبتاعتي ايه
الاستاذ ايوه العرايس دي بتاعتي وانت والعروسه ده خططتوا علشان تستغلوا العرايس دي لمصلحتكم الشريرة
الرجل ايوه تمام انا شرير انا شيطان بس العرايس دي دلوقتي ملكي انا وحكسرهم وابيعهم واكسب فلوس كتير
الاستاذ ايوه انت شرير وما تحبش الخير لاي خير واول عروسه حتكسر دي (يشاور علي صديقه) خدوها كسروها ، علشان تعرف انا اد ايه طيب ها تحب بقه الدور يكون علي مين
الاستاذ مش حتلحق لاني قبل ما اجي هنا بلغت عنك وعن شرك ولازم تاخد عقابك
الرجل بقه كده طيب كسروهم كلهم كلهم
الاستاذ لأ لأ لأ (ويحمي العرايس)
اظلام وغلق الستارة
راوي (يشرح ان الامور عادت علي خير وبعد شهر اعدت العرايس اوبريت هديه للاستاذ)
راوي الحمد لله الموضوع عدي علي خير وقدر استاذنا ينقذنا ورجعن كلنا لمسرح العرايس لكن هو اتصاب اصابات جامده وكان تعبان ومابيقمش من السرير علشان كده قررنا انا واخواتي نعمل احنا الاوبريت اللي كان نفسه فيه وبعد 3 اسابيع دخلنا المهرجان
المشهد السابع
صوت من خلف الستاره
فلفول ها يا اخواتي جاهزين
كيتي طبعا جاهزين ده الاوبريت والمسابقه اللي كان مستنيها استاذنا من زمانت
نمرو خلي بالكم يا جماعه دي اول مره لينا نألف فيها اوبريت ونلحنه ونخرجه وانتوا عارفين انه هديه ورد جميل لاستاذنا فادي
ويزي طبعا دي اقل حاجه نأدمها له بعد كل التعب اللي شافه بسببنا ، ربنا يشفيه
بندق بس تفتكروا انه حيجي
فلفول بأذن الله حيخف ويجي يحضر العرض المهم نأدم احسن ما عندنا جاهزين
الكل جاهزين
فلفول افتحوا الستاره
وتقدم ترنيمه هدفها ان الله يحبنا وضحي من اجلنا بحياته لاننا صنعه يديه ويكون القرار مركز جدا يعاد في النهاية عده مرات
وفي النهاية يدخل عليهم الاستاذ ويحضنهم ويحضنوه تغلق الستاره
الراوي هي دي حكايتنا انا واخواتي العرايس ومن يومها واحنا عايشين في حضن اللي عملنا باديه ياريت انتوا كمان تعيشوا طلو عمكرم فأيد اللي علمكم بأيده وحبكم
النهاية
من مواضيعي 0 الاهلي ولاعبيه علي مدي التاريخ.....
0 رحلة فى تاريخ الأرض(الا هيطلع يحجز)
0 اتفقا الا يتفقا
0 من اجمل الترانيم التى نالت اعجاب الجميع وهم ترنميتين غاية الروعة
0 موسوعه كامله لترانيم الام بى ثرى
__________________


يا رب لسـ،،ـت أعلم ما تحمله الأيـ،ـام لى و لكن يكفينـ،ـى شيئـ،ـا واحدا
ثقتـ،ـى أنك معى تعتنـ،ـى بى و تحـ،ـارب عنى


ربنا مــوجــ،ـود
رد مع اقتباس
  #28  
قديم 06-02-2010, 11:15 AM
الصورة الرمزية ϲσɗɛ вяɛακɛɍ
ϲσɗɛ вяɛακɛɍ ϲσɗɛ вяɛακɛɍ غير متواجد حالياً
عضو ماسى
 
تاريخ التسجيل: Jul 2007
المشاركات: 7,035
افتراضي رد: اسكتشات مسرحيات نصوص لاى مرحله سنويه




شقاوة عرائس


راوى ازيكم عاملين ايه كل سنه وانتم طيبين انا اسمى كيتى وانا عروسه فى مسرح العرايس وححكيلكم دلوقتى على موقف حصلنا انا واخواتى العرايس جاهزين .........
احنا كنا عايشين فى مسرح العرايس فى امان وسلام وبعدين تعالوا بقه نشوف مع بعض
المشهد الاول
اضاءة عادية
الاستاذ يا مريم يامارك هو مفيش حد هنا ولا ايه ؟
احنا كده حنتاخر على ميعاد البروفه
(يدخل المسرح)
مش عارف لازم يكون فيه حبه نظام فى المسرح ده
يا مارك
مارك ايوه ايوه يا استاذ انا هنا هه
الاستاذ ايه يا مارك ساعه بنادى عليك ، ايه اخبار البروفه ، الشباب جاهزين ؟ انا مش عايز تاخير
مارك كله جاهز يا استاذ فادى بس انا عايز اقول .........
الاستاذ والعرايس اهم حاجة العرايس اتنضفوا واتروقوا ولا زى كل مرة ياباشا
مارك لا صدقنى كله تمام ونضفتهم ولمعتهم وحلفتلهم شعر وذقن كمان بس انا عايز اقول .........
الاستاذ يا واد يا بكاش يا اونطجى اوعى تكون كسرت اى حاجه فى العرايس رجل ولا ايد لحسن انا عارفك
مارك : لا لا لا هو انا اقدر هو انا يعني ما عرفش ايمه العرايس دي عندك
الاستاذ ماشي ياسي مارك علي العموم انا حدخل اطمن عليهم بنقس/ الله ايه ده حضرتك واقف هنا من بدري ، مش تعرفني يا مارك
مارك ايوه يا استاذ فادي ما انا باحاول من بدري اتكلم / ده صاحبي وحبيبي سامر كان نفسه يشترك معانا في الفريق بس هو هنده مشكله لازم اقولها لك
(صوت من الخارج ـ تليفون يا مارك تليفون بسرعة)
دقيقة واحده يا استاذ ارد علي التليفون واجي
الاستاذ اهلا وسلها يا سامر بص بقي يا سيدي انا طبعا موافق انك تنضم للمسرح بتاعنا / بص يا سيدي انا كونت الفريق ده علشان اخدم بيه الاطفال الصغيرين اللي بيحبوا مسرح العرائس / طبعا احنا هدفنا الاول والاخير هو ربنا وازاي نوصل كلمته للاطفال عن طريق مسرحيات جميله وانا هنا المسئول من الفريق ، انا المخرج وانا كمان اللي بعمل العرايس بايدي يمكن بتعب فيهم كتير لكن اول لما بخلص العرايس بحس انهم زي اولادي بالضبط لاني انا اللي عملتهم بإيدي علي فكرة انا بكلمهم ويكلموني بس لازم البس المسك ده علشان يشفوني لانهم مش بيشوفوا غير الفسفوري بس المهم احنا عيله واحده واحنا يسعدنا انك تنضم لينا طالما انك صاحب مارك
مارك ايوه يا استاذ انا اسف بس عندي ليك خبر حيفرحك / الاول بس المشكلة بتاعت سامر انا عايز اقول يعني انه هو كل حاجه فيه تمام بس هو ما بيسمعش
الاستاذ ما ايه
مارك ما بيسمعش هو فيه ايه / المهم جوزيف صاحبي كلمني دلوقتي وقالي انه تم الاعلان عن المسابقة الكبري اللي علي مستوي الجمهورية وكل الفرق بدات تستعد للمشاركة
الاستاذ بجد الله ده خبر حلو اوي انا فرحان جدا ، ياه الفرصة دي انا مستنيها من زمان ، يا لا يا مارك لازم تستعد ، شوف مؤلف يألف لنا الاوبريت وملحن والديكور وكل حاحة بسرعة بسرعة
مارك طيب وسامر ؟
الاستاذ معانا معانا ، انا رايح افرح العرايس
(اظلام ، راوي)
المشهد الثاني
*ترنيمة سعيدة للعرايس تبرز الحياه السعيده التي يعيشونها
العرايس ضحك وفرفشه وتعب
الاستاذ يا ولاد يا فلفول يا نمروا صاحيين ولا نايميين (بدون دخول المسرح)
العرايس بسرعة بسرعة ناموا ناموا الاستاذ جاي
(يتظاهرون بالنوم)
الاستاذ ايه ده انتوا نايمين ولا ايه اصحوا بقه يا فلفول يا كيتي يا وزي يا نمور يا بندق
العرايس اصوات نوم
الاستاذ اه ده انتوا نايمين خالص بقه طيب يا خسارة كنت حاقول لكم علي مفاجأة حلوه
العرايس مفجأة مفاجأة ... مفاجأة ايه ؟
الاستاذ (يهجم عليهم بهزار) اه يا عفاريت
فلفول احنا بنهزر معاك يا استاذ ولا ايه يا نمرو
نمورا ايوه يا خبيبي احنا بنهزر سويه من الانت مانت عرافنا بنخب الهزار زي اينينا
(الكل يضحك)
الاستاذ الله يا نمروا انت لسه درو الخواجه الاجنبي مأثر معاك من المسرحيه اللي فاتت ولا ايه
نمرو طبعا طبعا يا استاذ يا روخ الالب بتاع الانا هو انا اقدر انسي المسرحية الجمليه دي صح يا فلفول
فلفول ايوه واني كمان لمنكن ابدا ابدا اجدر انس درو الفيل الصعيدي اللي عملته النوبه اللي فاتت ده كان اجمل دور جمت به في حياتي كلها
الاستاذ وانتوا يا حلوين لسه برضه فاكرين ادواركم
كيتي طبعا يا استاذ انا فاكره كل كلمه في كل المسرحيات اللي مثلناها
بندق وانا كمان فاكرها كلها
ويزي وانا واناوانا المسرحيات دي يا استاذ احلي حاجة في حياتنا كلها
كيتي والفضل كله يرجع ليك يا استاذ
الاستاذ يا سلام يا ست كيتي
بندق طبعا مش حضرتك اللي صنعتنا وعملتنا بايدك
ويزي بعد ما كنا شويه ورق وخشب وكرتون ملهمش لزمه جيت حضرتك وعملت من الحاجات دي عرايس جميله ومفيده بتسعد كل الناس
فلفول ايوه وخلتنا عايشين معاك هنا في المسرح واحنا في منتهي السعادة والانبساط والانشكاح كمان
نمرو ايوهن سخيخ يا خبيبي اخنا كلنا بنخبك اوي اوي اوي
الاستاذ ربنا يخليكوا ليا يا عرايس يا حلوين انتوا ، الله ده انا نسيت اقول لكم علي المفاجأة
عرايس اه المفاجأة ده احنا نسينا
الاستاذ بصوا بقي يا حلوين المفاجأة هي هي هي
الكل ها
الاستاذ فيه اوبريت جديد
الكل هيه يه اوبريت جديد
الاستاذ ومش بس كده ده احنا حندخل به مسابقه كبيرة علي مستوي الجمهورية
الكل هيه (ويهتفون له )
الاستاذ يالا بقه استعدوا علشان حنبدأ البروفات اول لما الوبريت يجهز اوكيه
الكل اوكيه احنا جاهزين من دلوقتي
الاستاذ طيب باي باي
(باي ويهيصوا سعداء) (اوبريت جديد) 2 هيه
اظلام
رواوي وفعلا استعدينا كلنا للعرض لكن بعد اسبوع جه يوم غير كل حاجه
المشهد الثالث
(اضاءه عاديه) والاستاذ يقرأ في بعض الاوراق
مارك هه يا استاذ ايه الاخبرا عجبك نص الاوبريت
الاستاذ لا يا مراك مش عاجبني برضه
مارك يا استاذ ده رابع نص نجبهولك تقراه والمؤلفين عارفين يرضوك ازاي
الاستاذ مش عارف يا مراك نفسي في حاجة تعجبني مافيش ولا حاجة من اللي انا قراتهم عجباني / دي مساقة كبيرة ولازم ادخل بفكره قويه ونص قوي يخدم الفكره اللي في دماغي
مارك ويا تري ايه الفكره دي يا استاذ ؟
الاستاذ نفسي في اوبريت قوي يتكلم عن حب ربنا لينا ، ياه
مارك فعلا يا استاذ انا بحس بحب ربنا لينا في كل خطوه ي حياتي بحس بحبه وانا نايم وكمان وان صاحي وانا بذاكر وانا بلعب بس يا تري هو ربنا بيحبنا ليه ؟
الاستاذ ربنا بيحبنا له يا سلام الموضوع ده يتكتب فيه كتب ياسي مارك بس انا هابسطهولك قوللي يا مارك انا بحب العرايس اد ايه
مارك ياه يا استاذ قوي دول تقريبا اهم حاجة بالنسبه لك هنا في المسرح
الاستاذ تمامانا بموت في العرايس بتاعتي وده علشان انا عملتهم بايدي شفتهم وهما بيكبروا قدامي لحظه بلحظه وعلشان كده بخاف عليهم من الهوا الطاير وهو ده اصل محبه ربنا لينا لانه خلقنا باديه و خلقنا علي صورته ومثاله لدرجة انه قال من يمسكم يمس حدقه عيني وخالانا لما نقف ادامه نقوله يا ابانا ودعانا اولاد ليه
(صوت خبط علي الباب)
الاستاذ شوف مين يا مارك
مارك حاضر يا استاذ
الاستاذ يا سلام يارب اشكرك ، علي محبتك العظيمة لينا ، اشكرك علي الموهبه الجميله اللي انتا ادتهالي وخلتني اعمل العرايسالجميله دي علشان تخدم اسمك القدوس
مارك الحق يا استاذ شوف لقيت ايه علي الباب
الاستاذ ايه عروسه غريبه قوي الحكايه دي ، مين اللي حطها علي الباب
مارك مش عارف انا بصيت كويس مالقتش حد
الاستاذ غريبه اوي ده اكيد حد عارف ان ده مسرح عرايس بس سابها كده ليه المهم خدها دخلها مع باقي العرايس لغاية لما يبانلها اصحاب
مارك ايه بس دي عروسه غريبه وممكن تضر باقي العرايس
الاستاذ ما تخافش يا مارك حطها معاهم بس
مارك حاضر تحت امرك
الاستاذ وتعالي بسرعة علشان نكمل باقي موضوعنا
(اظلام)
المشهد الرابع
اضاءه فسفوي
فلفول ايه ياني ده الواحد شكله نام كتير اوي ، ايه ده ايه اللي جاب ده هنا استر يا بتستر يا كيتي يا نمرو يا ويزي يا بندق اصحوا شوفوا ايه ده
كيتي ايه يا فلفول فيه ايه
نمرو هو انت كده دايما تقلقنا من النوم
بندق فيه ايه بقي ياس فلفول / بتصحينا ليه
ويزي هو الواحد ما يعرفش ينام شويه في المسرح ده
فلفول بصوا بصوا لقيت ايه نايم جنبي
الكل ايه ده مين ده وايه اللي جابوا هنا
الكل ايه ده ده بيتحرك
زقزق صباح الخير انتوا حتتفرجوا عليا كده كتير ولا ايه ، انا زقزوق زميلكم الجديد
نمرو ايه بس استاذ فادي ماقالناس انه عمل عروسه جديده
زقزوق ايوه ما انا ضيف عندكم هنا مؤقته وهو معملنيش ولا حاجة ، ايه بقي مش هنتعرف ولا ايه
فلفول اه طبعا انا فلفول اكبر عروسه فيهم وده نمرو وكيتي ويزي وبندق شرفتنا يا زقزوق
زقزوق اه طبعا اهلا وسهلا
نمرو طيب مادام حنبقي اصحاب وزمايل انا حرحب بيك
اخلا وخلا يا زكزوك انت سرفت البيت بتاع الاخنا ونورت الالب بتاع الاخنا ويا الف محربا يا خبيبي في مسرخ العرايس بتاع الاخنا
فلفول تمام هو ده الكلام يا ولد عمي نمرو ، نورت المسرح ياسي (زجزوج)
الكل (يضحكون)
زقزوق يا سلام علي التمثيل ده انتوا موهوبين جدا
بندق طبعا والبركه في الاستاذ بتاعنا
زقزوق اه قولتولي
كيتي يالا يا جماعة سيبو الضيف يستريح (وينصرفوا عنه)
زقزوق تمام كده الخطه ماشيه مضبوط ونكمل بقه ، يا فلفول يا فلفول
فلفول ايوه يا زقزوق محتاج حاجه
زقزوق لا يا حبيبي شكرا قولتلي بقه اب انت اكبر واحد فيهم مش كده
فلفول اه ليه انا الاكبر سنا وتقريبا حجما كمان
زقزوق اه يعني انت الريس بتاعهم
فلفول ريس ، لا طبعا احنا معندناش ريس دي حاجات متلاقيهاش هنا
زقزوق ازاي انت المفروض الريس بتاعهم لازم كلامك الكل يسمعه و ينفزه امال لو ماسمعوش كلامك حيسمعوا كلام مين
فلفول ايه الكلام اللي انته بتقوله ده ، ده كلام غريب جدا ، كلامي انا ليه ما كلنا اخوات وحبايب
زقزوق ولا غريب ولا حاجة انا قلبي عليك يا سلام لما تكون انت الريس الملك بتاعهم كلامك واوامرك يتقال ليهم سمعا وطاعه يا فلفول لازم تعرف انك الزعيم بتاع المسرح ده
فلفول تفتكر ؟
زقزوق طبعا ده انت الكبير وانت العظيم روح جرب وانت حتدعيلي لاخوك
فلفول كلامك صح يا زقزوق ، انتوا يالا كل واحد يروح ينام
ويزي لا يا فلفول احنا خلاص صحينا ومش عايزين ننام
فلفول انا قلت تناموا يعني تناموا سامعين ولا لأ
بندق ايه يا فلفول مالك
فلفول مليش انتوا تسمعوا الكلام علطول لان انا الريس والزعيم بتاعكو انتوا فاهمين ولا لأ
نمرو ايه يا فلفول ايه اللي حصلك مالك ايه اللي بتقوله ده
فلفول محدش ليه دعوه نفزوا الكلام علطول
نمرو سيبني يا زقزوق لما اشوف ايه اللي بيحصل هنا ده
زقزوق تعالي بس براحه هدي اعصابك ده عامل فيها ريس ولازم يقف عند حدث ومفيش حد حيوقفه عند حده غيرك انت
نمرو ازاي بس
زقزوق انت قوي ونمر جامد حاول تأذيه باي طريقه وبكده حتنتصر عليه وتعيشوا في امان وسلام زي ما كنتم عايشين وسيبك من الكلام وادخل عليه جامد ده انت نمر واقوي منه يالا يالا يا شجاع
نمرو تمام كلامك صح تعالي ابقي منا
(وتظهر العرائس وكأنها في وضع تشاجر)
زقزوق كده بقه كله تمام نيجي بقه للخطه رقم 3 يا واد يا زقزوق انت يا ابو مخ جنان
راوي اه ياني ويارتها جت علي كده وبس ده اليوم ده كان اخطر يوم في حياتنا كلها
اظلام
المشهد الخامس
(اضاءه فسفوري)
تظهر العرائس وهي متخاصمة وزقزوق في المنتصف
زقزوق وبعدين يا عرايس حتفضلوا كده ايه يا جماعه ده انتوا اخوات ، عيب كده ما يصحش قوم يا فلفول اعتذر لاختواتك
فلفول لأ مش حعتذر لحد هما اللي يعتذرولي
زقزوق صدقني عندك حق طيب قوم يا نمرو اعتذر
نمر لأ هما برضه اللي يعتذرولي
زقزوق يوه بقه يا جماعه حيرتوني معاكم بس لقيتها انا عندي اللي يريحكم ويبسطكم بدل الكآبه والحزن اللي انتوا فيهم دول
بندق خلاص بقه مابقاش فيه حاجه تبسطنا ده كان زمان
كيتي لا ياجماعه فوقا بقه فين المحبه اللي كانت بنا فين السلام فين الحياه السعيدة فين التسامح ليه نسيتوا كل ده فوقوا بقه
زقزوق ايه الكلام ده استني شويه كل ده حلو بس بعدين اسمعوا الفكره بتاعتي ، السعادة والفرح مش هنا السعادة بره بره المسرح ده في العالم الجميل الممتع
ويزي بره المسرح ده احنا عمرنا ما خرجنا بره المسرح طول عمرنا عايشين هنا مع استاذنا اللي عملنا بأيده
زقزوق ايوه ما هوعلشان كده هو بيتحكم فيكم مش عايزكم تخرجوا بره علشان ماتشوفوش الحاجة الجملية اللي بره
كيتي ايه الكلام ده مش ممكن يحصل ابدا احنا طول عمرنا عايشين هنا في سلام وامان وعمرنا ما احتاجنا حجاه بره المسرح ، انته جتلنا منين حرام عليك
زقزوق اسكتي انتي ، يا جماعه اللي عايز يجي معايا ويشوف الانبساط الحقيقي ويتمتع بحياته لازم ياخد القرار دلوقتي
فلفول انا معاك
نمرو وانا كمان انا زهقت بقه
بندق ايا يعني ممكن اجي اتفرج
ويزي خدوني معاكم بس نستأذن من استاذ فادي الاول
زقزوق مافيش استأذان يالا ياجماعه قبل ما يحس بينا يالا
كيتي لأ لأ حرام علكيم حرام استنوا استنوا ....
(ويخرجوا ويتركوها وحدها)
(تجلس كيتي تبكي ويدخل عليها الاستاذ)
كيتي الحق يا استاذ الحقنا الحق باقي العرايس العروسة الجديده اللي ....
الاستاذ عارف عارف كل حاجه يا كيتي
كيتي عارف ، كل حاجة ازاي
الاستاذ انا سمعت كل حاجه من الاو ل خالص
كيتي طيب ليه سيبت زقزوق يعمل فيها كده ليه ليه (وتبكي)
الاستاذ انا سيبته يعمل كده علشان اعرف محبتكم ليها اد ايه سيبته ومارضيتش اتصرف علشان كل واحد منكم عنده عقل بيفكر بيه يقدر يعرف الخير من الشر والوحش من الحلو
ربنا يا كيتي لما خلقنا احنا البشر عمل معانا كده حبنا جدا لانه عملنا / حبنا حب بدون حدود واده لكل واحد مننا عقل يفكر بيه ويقدر يختار بيه الطريق يأما نحب ربنا زي ما حبنا يأما نبعد عنه ومع كده برضه لو احتجناه بنلاقيه جنبنا والعرايس برضه لو احتاجوا مساعده حاكون انا اول واحد يقف جنبهم ويساعدهم
كيتي يا يا استاذ فادي ده انت حنين قوي
الاستاذ اتعلمت كده من ابويا اللي في السما
كيتي وحياتك يا استاذ فادي ماتسبنيش ابدا
الاستاذ اسيبك ازاي وانت الوحيد اللي فضلتي جنبي
راوي وفضلت انا مع استاذ فادي واحنا في منتهي الحزن علي اخواتي لكن بعد شهر كانت فيه مفاجأة
(ترنيمه تشرح الفكره)
(يجلس الاستاذ مع كيتي في جانب المسرح ويدخل عليهم بندق)
بندق الحقنا الحقنا يا استاذ فادي الحقنا
كيتي بندق بندق ايه اللي جرالك
الاستاذ بندق حبيبي حمد الله عالسلامه ايه مالك تعبان كده ليه
بندق ثواني اخد بس نفسي واحكيلكم علي كل حاجة
كيتي يا حبيبي يا بندق ، ايه اللي حصلك وفين باقي اخواتي ، طمني عليهم
الاستاذ براحه يا كيتي دلوقتي نعرف
بندق مفيش وقت لازم تتصرف بسرعة يا استاذ وتنقذ باقي اخواتي
الاستاذ حاضر حاضر بس فهمني ايه اللي حصل طول الشهر اللي فات وانقذهم من ايه
بندق زقزوق ، زقزوق يا استاذ دخل بينا هنا وفرق مابينا وخلانا نخاصم بعض واقنعنا ان احنا نسيب المسرح ومخرج وفعلا خجرنا معاه ، شهر يا استاذ شهر شفنا الويل معاه من شارع لحاره لزقاق ادبهدلنا واتمرمطنا وما عرفناش نرجع وودانا عند راجل شرير شغلنا خدامين عنده واتضح ان كل ده كان خطه بين زقزوق والراجل الشرير علشان يستغلونا وفي الاخر دلوقتي عايز يقطعنا حتت ويبعنا خشب وكرتون وورق وانا هربت بالعافيه علشان تلحق باقي اخواتي الحقهم بسرعه بسرعه يا استاذ صدقني احنا بنحبك بس اللي حصل ده كان غصب عننا
الاستاذ انا عارف عارف طبعا يالا بسرعه قبل ما يعمل فيهم حاجه بسرعة
كيتي ربنا معاكم يارب كون معانا
اظلام
المشهد السادس
(اضاءه عاديه)
العرائس ومعهم شخص غريب
الاستاذ العرايس العرايس بتاعتي
الرجل اهلا وسهلا يلزم خدما عرايس ايه وبتاعتي ايه
الاستاذ ايوه العرايس دي بتاعتي وانت والعروسه ده خططتوا علشان تستغلوا العرايس دي لمصلحتكم الشريرة
الرجل ايوه تمام انا شرير انا شيطان بس العرايس دي دلوقتي ملكي انا وحكسرهم وابيعهم واكسب فلوس كتير
الاستاذ ايوه انت شرير وما تحبش الخير لاي خير واول عروسه حتكسر دي (يشاور علي صديقه) خدوها كسروها ، علشان تعرف انا اد ايه طيب ها تحب بقه الدور يكون علي مين
الاستاذ مش حتلحق لاني قبل ما اجي هنا بلغت عنك وعن شرك ولازم تاخد عقابك
الرجل بقه كده طيب كسروهم كلهم كلهم
الاستاذ لأ لأ لأ (ويحمي العرايس)
اظلام وغلق الستارة
راوي (يشرح ان الامور عادت علي خير وبعد شهر اعدت العرايس اوبريت هديه للاستاذ)
راوي الحمد لله الموضوع عدي علي خير وقدر استاذنا ينقذنا ورجعن كلنا لمسرح العرايس لكن هو اتصاب اصابات جامده وكان تعبان ومابيقمش من السرير علشان كده قررنا انا واخواتي نعمل احنا الاوبريت اللي كان نفسه فيه وبعد 3 اسابيع دخلنا المهرجان
المشهد السابع
صوت من خلف الستاره
فلفول ها يا اخواتي جاهزين
كيتي طبعا جاهزين ده الاوبريت والمسابقه اللي كان مستنيها استاذنا من زمانت
نمرو خلي بالكم يا جماعه دي اول مره لينا نألف فيها اوبريت ونلحنه ونخرجه وانتوا عارفين انه هديه ورد جميل لاستاذنا فادي
ويزي طبعا دي اقل حاجه نأدمها له بعد كل التعب اللي شافه بسببنا ، ربنا يشفيه
بندق بس تفتكروا انه حيجي
فلفول بأذن الله حيخف ويجي يحضر العرض المهم نأدم احسن ما عندنا جاهزين
الكل جاهزين
فلفول افتحوا الستاره
وتقدم ترنيمه هدفها ان الله يحبنا وضحي من اجلنا بحياته لاننا صنعه يديه ويكون القرار مركز جدا يعاد في النهاية عده مرات
وفي النهاية يدخل عليهم الاستاذ ويحضنهم ويحضنوه تغلق الستاره
الراوي هي دي حكايتنا انا واخواتي العرايس ومن يومها واحنا عايشين في حضن اللي عملنا باديه ياريت انتوا كمان تعيشوا طلو عمكرم فأيد اللي علمكم بأيده وحبكم
النهاية
من مواضيعي 0 شريط بتفسر دمعاتى ليديا شديد و هانى نبيل و زكريا حنا "& صناع الفرح (و...مشهتندم)
0 رد: كيفية تحضير الجن
0 شرايط هايدى منتصر (حلوييين جداااااااااااا)
0 اكبر موسوعة ترانيم 2009
0 هييييييييييييييييييييييه باركولى هييييييييه باركولى
__________________


يا رب لسـ،،ـت أعلم ما تحمله الأيـ،ـام لى و لكن يكفينـ،ـى شيئـ،ـا واحدا
ثقتـ،ـى أنك معى تعتنـ،ـى بى و تحـ،ـارب عنى


ربنا مــوجــ،ـود
رد مع اقتباس
  #29  
قديم 06-02-2010, 11:16 AM
الصورة الرمزية ϲσɗɛ вяɛακɛɍ
ϲσɗɛ вяɛακɛɍ ϲσɗɛ вяɛακɛɍ غير متواجد حالياً
عضو ماسى
 
تاريخ التسجيل: Jul 2007
المشاركات: 7,035
افتراضي رد: اسكتشات مسرحيات نصوص لاى مرحله سنويه


مسرحية ينبوع الحب

عادل : انت مش قادر تفهمينى يا سامى
سامى : مش قادر افهمك ايه .. بقى تسيب ابحاثك وتجاربك علشان تعمل وردة
عادل : الوردة دى مش عادية.. دى وردة الحب الانسان اللى يشمها يحب كل الناس
سامى : ياسلام
عادل : انا هوريك
سامى : ازاى بقى ؟
عادل : انده مصيلحى البواب علشان نجربها عليه
سامى : اشمعنى مصليحى
عادل : بيكره كل الناس وكمان علشان مبيعملش حاجة الا بفلوس
سامى : عادل انت متاكد
عادل : اندهله وانت تشوف ( يخرج ثم يدخل وهو يدفع مصيلحى )
سامى : ادخل بقى عزبتنى
مصيلحى : متزقنيش بقى .. انا مش شغال عندك
سلوى : بقولك ادخل
مصيلحى : بقولك ايه منيش داخل يعنى منيش داخل
عادل : يا مصيلحى اهدى .. ما انت دخلت خلاص
مصيلحى : هه دخلت .. طب منيش خارج
عادل : خلاص يا مصيلحى .. تعال تعال انا عايزك
مصيلحى : ايوه يا بيه .. بس ابعد مرتك عنى
عادل : انا عايزك فى حاجة مهمة
مصيلحى : خير يا بيه
عادل : اسمع .. انا هعمل معاك صفقة
مصيلحى : صفقة اوه ...يا بيه يعنى انت هتطبل وانا اصقف.
عادل : اصقف ايه واطبل ايه .. صفقة يعنى بزنس
مصيلحى : ايوه ايوه .. بس بس قطط يعنى
عادل : قطط ايه .. بقولك ايه سيبك من كل ده .. قولى يا مصيلحى انت بتحب
مصيلحى : ليه يا بيه حضرتك شايف لى عروسة
عادل : عروسة .. لا يا مصيلحى مش قصدى الحب ده .. انا قصدى الحب التانى
مصيلحى : ايوه فهمت يا بيه
عادل : فهمتى ايه "؟
مصيلحى : انا بحب الملوخيى بالتقلية
عادل : تقليه ايه يا مصيلحى .. انا اقصد حب الناس.. تحب الناس ويحبوك .. يعنى انت مثل ايه رايك فى سامى اخويا . بتحبه
مصيلحى : قبر يلمه قال يزقنى واحبه
سلوى : انت بتقول ايه ؟
عادل : استنا بس يا سامى . طيب انا هعمل معاك اتفاق ... لو شميت الوردة دى هديك 5 جنيه
مصيلحى : معقول اشم وردة واخد 5 جنيه .. طيب بقول لك ايه يا بيه انا هعمل معاك صفقة .. اكلها وتدينى 10 جنيه
عادل : يا مصيلحى انت هتشمها وبس وتاخد 5 جنيه
مصيلحى : خلاص يا بيه هات
عادل : براحة يا مصيلحى وانت بتشمها
مصيلحى : متخافش يا بيه دا نا شمام كبير
عادل : فعلا انا كنت شاكك فى كده من زمان
سامى : احنا استحملناك كتير قوى متشم بقى وتخلصنا
مصيلحى : عادل بيه ابعد الراجل ده عنى
عادل : تعال هنا يا سامى ( مصيلحى يشم الوردة ويطوح ثم يسقط ) ايه ده .. الظاهر انه مات .. نجحت يا سامى
سامى : نجحت نجحت ايه بس .. دا باين عليه مات فعلا .. انا كان قلبى حاسس
عادل : مصيبة ليكون مات بجد
سامى : ايهده دا ابتدى يتحرك اهوه
مصيلحى : اه يا دماغى اه يا نفوخى
عادل : مصيلحى .. حاسس بايه؟
سامى : انا هجيب له كباية ميه
عادل : بسرعة يا سامى
مصيلحى : نفوخى يا باه .. حاسس ان فيه قردين عيتعاركوا فيها
عادل : عيتعاكو يعنى ايه ؟
مصيلحى : يا عيتخانقوا يا بيه
سامى : الميه اهه
عادل : خد خد يا مصيلحى اشرب
مصيلحى : ايه دى ميه .. معندكمش عصير كلب اشيله
سامى : فى عصير فى الدنيا اسمه كلب تشيله
مصيلحى : ايوه
سامى : ميكونش قصدك كابتشينو
مصيلحى : ايوه هو ده.
سامى : لا معندناش. اشرب بقى كوباية الميه دى
عادل : اشرب الميه يا مصيلحى علشان تفوق
مصيلحى : حاضر يا بيه
عادل : كفايى يا مصيلحى الكوباية جالها جفاف .. هه حاسس بايه؟
مصيلحى : خلاص يا بيه كانت دوخة وراحت
عادل : طيب والقردين
مصيلحى : بينهم اتصالحو .. انى نفوخى دلوقيت عامل زى الصفحة البيضة.. حاسس انى بحبك بحبك قوى يا عادل بيه .. ( يعفصه فى حضنه ) وانت كمان يا سامى بيه
عادل : بالراحة يا مصيلحى ضلوعى
مصيلحى : حاسس انى بحب مرتى وبنتى وبحب كل الناس
عادل : نجحت يا سامى نجحت
سامى : مبروك يا عادل مبروك
عادل : خد يا مصيلحى ال5 جنية اللى وعدتك بيها اهيه
مصيلحى : 5 جنيه ايه يا بيه .. انى بتاع الحاجات دى برضك .
عادل : هايل شوفتى يا سامى اخيرا قدرت اوصل للحب الحقيقى
سامى : فعلا يا عادل دى معجزة.
مصيلحى : اه يا راسى .. ( يطوح)
سامى : ايه ده مصيلحى بيطوح
عادل : ايه يا مصيلحى مالك
مصيلحى : اه يا دماغى .. بقولك ايه يا بيه ادينى ال5 جنيه اللى قولت لى عليها خلينى امشى
عادل : ما انا قولت لك خدها وانت مرديتش
مصيلحى : معقول يا بيه .. حد يقولى خد 5 جنيه وقوله لا
عادل : خلاص يا مصيلحى خد ال5 جنيه اهيه
سامى : طيب عايزاك تجيب لى شوية طلبات يا مصيلحى
مصيلحى : انت .. مش فاضى .. قبر يلمك
عادل : ايوه بس انت لسه قايل انك بتحبه وبتحب كل الناس
مصيلحى : انى قولت اكده محصلش يا بيه الظاهر انك شارب حاجة .. عن اذنك يابيه ومتشكر على ال5 جنيه
عادل : معقول فشلت بعد كل التعب ده
سامى : مش مهم المهم ان الوردة كان ليها تاثير حتى لو كان قصير
عادل : ايوه بس مش هو ده الحب اللى كنت بدور عليه .. ان بدور على حب حقيقى حب ابدى
سامى : اهدى يا عادل
عادل : انا راجع معملى تانى اشوف الغلط فين ( يخرجون ثم يعود عادل ومعه سلوى)
عادل يدخل ) يارب تطلع صح زمان عمى سعيد على وصول دلوقت راجل نكدى ومتشائم وبيكره نفسه( يدخل عمه سعيد )
سعيد : خير يا سعيد افندم عايز ايه ؟ .. ما هو انا مخدش منكم غير المصايب .. خير اتكلم .. واقف ليه زي الصنم اتكلم
عادل : هو انت مدينى فرص اتكلم يا عمى
سعيد : طيب اتكلم اتفضل .. ماتتكلم .. ساكت ليه
عادل : ( يمسك بق عمه ) عمى انت وحشتنى وعايز اتكلم معاك شوية
سعيد :يا سلام بقى جايبنى هنا علشان كده انا قولت انك اتشليت غورت فى مصيبة جاتكارثة
عادل : بس كفاية ارجوك .. كل ده علشان قولت لك انك وحشتنى .. امال لو قولت لك بحبك كنت قولت ايه ؟
سعيد : اسمع انا معنديش وقت اضيعه معاك .. عايز ايه ؟ خلصنى
عادل : عمى ايه رايك فى الوردة دى ؟
سعيد : نعم وردة .. انت اتجننت
عادل : طيب خد شمها كده دى ريحتها جميلة جدا
سعيد : اشم ايه ؟ ايه الكلام الفارغ ده
عادل : عمى انا مش عايز منك غير انك تشم الوردة وتقولى ايه رايك فى ريحتها
سعيد : هو ده الموضوع اللى انت عايزنى فيه حاضر يا سيدى وادى الوردة اهيه( يشمها )
عادل : هه ايه رايك؟
سعيد : ريحتها غريبة قوي .. وردة ايه دى ؟ اه دماغى دماغى
عادل : هايل المفعول ابتدى .. حاسس بايه دلوقتى ؟
سعيد : حاسس ان دماغى هطير
عادل : ممتاز ..
سعيد : ايه ده .. عادل ..ابن اخويا .. وحشتنى قوى ( يحضنه )
عادل : الحمد لله نجحت
سعيد : تعال فى حضنى يا ابن اخويا تعال
عادل : انا مش مصدق نفسى .. نجحت.
سعيد : هه جبت لى ايه معاك من موزنبيق
عادل : موزنبيق .
سعيد : ايوه موزنبيق .. انا كنت هناك امبارح بس معديتش عليك كنت متاخر .. كان عندى معاد فى كندا
عادل : كندا .. عمى
سعيد : انا مش عمك .. انا هاملت ..
عادل : هاملت .. يا نهار اسود
سعيد : حاسب .. حاسب
عادل : ايه فى ايه ؟
سعيد : الصرصار كان هيدوسك
عادل : الحمد لله .. انقذت حياتى
سعيد : لابد ان تموتى .. قبل ان يطلع الفجر .. لكى اغسلك فومين فى طشت الغسيل
عادل : طشت الغسيل
سعيد : هى الساعة كام ؟
عادل : الساعة 6 .. ليه ؟
سعيد : اصل عندى معاد الساعة 5 .. مع ابو الهول يادوب الحق
عادل : ابو الهول
سعيد : ايوه ابو الهول .. زميل الدراسة والطفولة ..
عادل : ابو الهول كان زميلك
سعيد : الحضارة .. التاريخ .. المسقعة .. الكوسة ( ويخرج )
عادل : اكيد فى حاجة غلط لازم اراجع تانى
عادل : تعالى يا سميرة
سميرة : انا مش مصدقة الكلام اللى انت بتقوله ده يا عادل يا اخويا
عادل : انت مش بتشتكى من ان جوزك بيكرهك ودايما بيتخانق معاكى
سميرة : ايوه .. بس حكاية الوردة دى
عادل : متقلقيش .. وبعدين مش هتخسرى حاجة .. المهم هو فين ؟
سميرة : انا اتصلت بيه وزمانه جاى دلوقتى
عادل : طيب لما يجى سبينى انا اتصرف
سميرة : اما نشوف اخرتها ايه ؟ اهوه جه ( يدخل مايكل )
مايكل : مساء الخير
عادل : اهلا مساء النور ازيك يا مايكل ؟ عامل ايه ؟
مايكل : من غير لت وعجن .. خير فى ايه ؟
عادل : ممتاز هايل
مايكل : هو ايه الممتاز وهايل .. انتوا عايزين ايه ؟
سميرة : احنا عايزين نتكلم معاك شوية
مايكل : ليه خير ؟
سميرة : هو انا مش مراتك برضه يا مايكل
مايكل : وبعدين
سميرة : ولا قبلين .. عادل عايز يقولك على حاجة
مايكل : طب غور انت من وشى اما نشوف المحروس ااخوكى عايز ايه ؟
عادل : انا كنت عايز اتكلم معاك بخصوص المشاكل اللى بينك وبين سميرة
مايكل : انا مش عايز اتكلم فى الموضوع ده .. مبحبش اجيب سيرتها
عادل : طيب بلاش نغير الموضوع .. ايه رايك فى الوردة دى ؟
مايكل : طول عمرى اقول عليك هايف .. وردة ايه ؟
عادل : دى وردة جميلة جدا وريحتها حلوة قوى شمها كده
مايكل : ( يشمها ) ولا حلوة ولا حاجة .ريحتها زى طبيخ اختك .. لاطعم ولا ريحه .. اه دماغى
عادل : كويس .. ابتدينا
سميرة : كويس ايه دا شكله بيموت
عادل : دا كده معناه ان المفعول ابتدى
سميرة : عادل .. ان مش مطمنة
عادل : استنى بس .. هه يا مايكل حاسس بايه؟
مايكل : حاسس ان .. حاسس ان
سميرة : حاسس بايه يا مايكل مالك
مايكل : انت سميرة مراتى
عادل : ايوه مراتك امال امك
مايكل : سميرة انا حاسس انى .. انى بكرهك .. بكرهك وبكرهك انت كمان .. وبكره كل الناس
عادل : انت بتقول ايه ؟
مايكل : ايوه انا بكرهكم بكرهكم كلكم ( ثم يخرج )
عادل : مش ممكن مش معقول .. ازاى
سميرة : مايكل .. مايكل
عادل : اظاهر انى فشلت اظاهر ان الحب الحقيقى ملوش وجود فى عالمنا ده
مينا : مين اللى قال كده ؟
عادل : اهلا يا مينا .. ازيك يا رانيا
رانيا : مين اللى قالك ان الحب الحقيقى مش موجود
عادل : ان اتاكدت انه مستحيل
مينا : احنا كنا زيك فاكرين كده
عادل : كنتوا يعنى ايه ؟
رانيا : يعنى لاقينا الحب الحقيقى
عادل : انتوا .. انتوا اخر ناس ممكن تتكلموا عن الحب .. دانتوا دايما فى مشاكل وخنقات مع بعض .. محدش بيحبكم من قلبكم اللى مليان كراهية.. انتوا حتى بتكرهو نفسكم
مينا : دا كان زمان قبل ما نلاقى ينبوع الحب
عادل : ينبوع الحب
رانيا : ايوه ينبوع الحب .. النهر اللى بيفيض ويزيد بالحب العظيم
عادل : هو فين ؟ هو فين ؟
مينا : بص للصليب .. وانت تشوفه
رانيا : هتشوف قصة الحب العجيب
مينا : هتشوف المسيح وهو بيدفع تمن خطيتنا وجرمنا وهو ملوش ذنب
رانيا : هتشوف ازاى ضحى بنفسه علشانك .. بدون مقابل
مينا : هتشوف اعظم حب فى الوجود
عادل : ( ينظر للصليب ) فعلا هو ده الحب الحقيقى اللى بدور عليه .. بس ازاى اقدر انول الحب ده
رانيا : بالتوبة .. توب عن خطايك وتاكد ان المسيح هيقبلك
مينا : اترمى فى حضن كنيستك واسرارها
رانيا : سلم حياتك للمسيح .. هيديلك قلب مليان حب
مينا : هيديلك حياة جديدة كلها حب
عادل : انا هتوب .. وهكلم كل الناس وقولهم انى لاقيت ينبوع الحب
ستار
من مواضيعي 0 كل ترانيم المرنمة الرائعة / نرمين وهبه (15 ترنيمة)
0 رد: عــــــــ اسئـــله ــــــدت
0 طلبات الباوربوينت
0 نعمه الصمت
0 كلام جميل جدا يمس كل انسان وانا اول واحده تمسنى
__________________


يا رب لسـ،،ـت أعلم ما تحمله الأيـ،ـام لى و لكن يكفينـ،ـى شيئـ،ـا واحدا
ثقتـ،ـى أنك معى تعتنـ،ـى بى و تحـ،ـارب عنى


ربنا مــوجــ،ـود
رد مع اقتباس
  #30  
قديم 06-02-2010, 11:17 AM
الصورة الرمزية ϲσɗɛ вяɛακɛɍ
ϲσɗɛ вяɛακɛɍ ϲσɗɛ вяɛακɛɍ غير متواجد حالياً
عضو ماسى
 
تاريخ التسجيل: Jul 2007
المشاركات: 7,035
افتراضي رد: اسكتشات مسرحيات نصوص لاى مرحله سنويه

" مدينة بابا يسوع "
" المشهد الاول "


( يفتح الستار علي مسرح ينقسم الي نصفين نصف ناحية يمين الجمهور يرمز الي مدينة الرب ونصف ناحية الشمال يرمز الي مدينة الشيطان وخلفية نصف مدينة الشيطان يمتاز باللون الاحمر وخلفية نصف مدينة الملائكة تمتاز باللون الابيض ويتوسطها صليب وصور ملائكة علي خلفية المسرح )
( هناك اولاد يلعبون بمكعبات وهو فرحون في مدينة الرب وهناك شيطان في مدينته يجلس مكتئب وهوا يخطط كيف يستطيع ان ياخذ الاطفال لمدينته )
( هناك موسيقي عذبة تنبعث ويتم التركيز علي مدينة الرب )
ماريان : ( تلقي ما بيدها من مكعبات ) انا زهقت
ايريني : ايه اللي بتقوليه ده ياماريان ؟
ماريان : ايوه زي ما سمعتي انا زهقت من الالعاب اللي هنا كلها قديمة ونفسي يبقي عندنا العاب جديدة وحلوة
مينا : بس الالعاب مش كل حاجة يا ماريان مش كفاية ربنا في وسطينا وبيحبنا
كيرلس : طبعا ده احسن من أي حاجة في الدنيا يا مينا
مريم : احنا ملناش غير ربنا يهتم بينا
ماريان : كل واحد حر في رائيه بس انا خلاص زهقت من العابنا دي
ايريني : بس احنا مش بنلعب وبس احنا بنصلي ونرنم وربنا بيدينا حاجات حلوة كتيرة
مينا : وبيدينا فرحة ومحبة للكل
مريم : ده اتصلب علشانا وعملنا مدينة جميلة ومفرحة
كيرلس : ده غير انه دايما بيهتم بينا وبياخد باله مننا
ماريان : انا مش قصدي حاجة يا اخوتي انا اسفه
ايريني : ما تزعليش يا ماريان ويلا كلنا نصلي
( يركع الاولاد جميعا ويبدا مينا بالصلاة )
مينا : بنشكرك يا بابا يسوع انك بتحافظ علينا دايما وبتحافظ علي بابا وماما واخوتنا ودايما بتفرح قلوبنا بنطلب منك انك تكون معانا وتبعتلنا العاب جديدة علشان اختنا ماريان شكرا يا بابا يسوع انك بتسمع وتستجيب لنا دائما
كيرلس – ماريان – ايريني ومريم : امين
( يجلس الاولاد ويحاولون تكوين شكل وهمي بالمكعبات )
( يتم التركيز علي الشيطان وهو جالس ويضع يده تحت ذقنه فيبدا يقوم وهو يتكلم بصوت عالي غاضب )
الشيطان : انا عايز كل الناس تجيلي وتعيش في مملكتي ومش عارف ليه الناس كلها كارهاني وكاره مملكتي مع انها جميلة خالص وفيها بحيرات نار حلوة واغاني جميلة وفيه جنبي شوية اولاد صغيرين مش عارف اخليهم يجوا مدينتي الجميلة بس انا مش ها اسيبهم ها افضل وراهم لهاية لما اجبهم لهاية عندي انا مش بيأس ( بصوت عالي )
( يدخل شيطان صغير )
الشيطان الصغير : بتصرخ ليه كدا يا ابليس
ابليس : عايز ادخل المدينة دي ومش قادر
الشيطان الصغير : وليه مش قادر
ابليس : جرب بنفسك وانتا تعرف
الشيطان الصغير : بس كدا نجرب ما انتا عارف اني ده شغلنا
ابليس : ( بسخرية ) يلا وريني طيب
الشيطان الصغير : ( يحاول الدخول لمدينة الرب ولكنه يشعر انه مقيد ولا يستطيع ان يخطوا بداخلها خطوة واحدة ) الظاهر اني اللي موجود هنا اطفال بتصلي وبترنم علشان كدا احنا مش قادرين ندخلهم فالرب يحميهم
ابليس : ( يضحك ) فشلت يعني زيي
الشيطان الصغير : لا طبعا كل حاجة وليها علاج وحل عندنا احنا الشياطين ومش بنغلب
ابليس : وايه الحل ياابو الافكار
الشيطان الصغير : بسيطة نحاول احنا نطلعهم بره المدينة نخرجهم من المكان اللي بيحميه فيه الههم ونخليهم تبعنا
ابليس : صح عندك حق واكيد هما اطفال يعني بيدورا علي العاب وحاجات حلوة وممكن نخليهم ينسوا ربنا ويهتموا بالحاجات دي اكثر
الشيطان الصغير : بدأت تفهمني
ابليس : ( يذهب بالقرب من مدينة الرب ويبدا يتكلم مع الشيطان الصغير ) احنا عندنا العاب كثيرة وكلها جديدة وحاجات حلوة بس يا خسارة احنا 2 بس وعايزين حد يلعب معانا وياكل معانا الحاجات الحلوة بس مش لاقيين
الشيطان الصغير : بس انا سامع صوت اطفال جنبنا ما تيجي نقولهم يجوا ويستمتعوا معانا بالحاجات الحلوة
ابليس : يلا نقولهم
( عندما يذهب ابليس بالقرب من الستارة الفاصلة ليتكلم تقوم ماريان وتنصت الي صوته وتقف بالقرب من الستارة علي الناحية الاخري )
ماريان : انتوا سامعين اللي انا سمعاه
ايريني : ايه اللي سمعاه يا ماريان
ماريان : واحد بيقول انه معاه العاب جديدة وحاجات حلوة كتير بس مش لاقي حد يلعب معاه ولا يشاركه في الحاجات الحلوة
مريم : واحنا مالنا بيه احنا مبسوطين في مدينة الرب
مينا : معقول في حد بيعمل كدا
كيرلس : انا ما سمعتش حاجة
ابليس : حد موجود هنااااا انا سامع صوت اطفال
مينا : انتا مين وعايز ايه ؟
ابليس : انا واحد كريم عندي مدينة حلوة كلها حاجات جميلة والعاب جديدة وحاجات حلوة بس بدور علي اطفال تقعد فيها علشان تستمتع بيها
ايريني : بس احنا مبسوطين هنا
ابليس : طيب علي الاقل تعالوا جربوا مش هتخسروا حاجة
ماريان : اه مش هنخسر حاجة يلا نجرب
كيرلس : ايه المشكلة نجرب
ايريني : انا خايفة اسيب مدينة الرب ده بيتنا
مريم : وانا مش عايز اسيب بيت بابا يسوع
مينا : ما احنا هنرجع تاني مجرد هنشوف ايه اللي عنده ونتفرج علي الالعاب الجديدة
ماريان : يلا بينا نروح دلوقتي
ابليس : يلا بينا ادخلوا مملكتي الجميلة وانبسطوا
ابليس الصغير : بس ما ينفعش يدخلوا كدا
ابليس : ايوه صحيح ما ينفعش لبسكم ده اقلعوا الصليب ده ولبسكم الابيض وانا ها اديكم لبس جديد حلو من عندي
( ثم يبسط ستره الاسود وفي هذا الوقت يخلع الاولاد الملابس البيضاء عنهم )
ابليس : ايوه كدا دلوقتي تقدروا تدخلوا عندي
ثم تظهر ضحكة للشيطان ( ميكسر )
( ثم يغلق الستار )

" المشهد الثاني "

( يفتح الستار علي مدينة الرب وهناك كرسي قائم في منتصفها وطفلان و ماكيت كنيسة في الخلفية ورائها لمبة )
( تضئ اللمبة ويخرج صوت حزين )
الكنيسة : ( خلفية موسيقية حزينة ) ولادي راحوا فين انا بدور علي ولادي ومش لاقياهم حد يدلني عليهم ويرشدني انا مش لاقياهم في بيتي وحزينة عليهم انا بحبهم وهما طلعوا من عندي وبقيت زي راحيل حزينة ورافضة أي تعزية لغاية لما يرجعوا حد يقولي هما راحوا فين ويجبهوملي
الكاهن : ( يرشم الصليب ) انا جمعتكم النهارده يا اولادي علشان نشوف راح فين اخواتكم كيرلس ومينا وماريان ومريم وايريني وعايزين ونرجعهم تاني لمدينة الرب وحضن كنيستنا الكنيسة زعلانة خالص ودايما بتزعل لما ولادها بتسيبها واحنا لازم نرجعهم لبيتهم تاني
بولا : بس يا ابونا احنا هنرجعهم ازاي ده احنا حتي منعرفش راحوا فين
ماريا : لا انا سمعت صوت وحش بيكلمهم ويقولهم عندي العاب حلوة وعايزكم تيجوا تلعبوا بيها معايا
الكاهن : وهما راحوا بعد ما سمعوا الصوت يا ماريا
ماريا : ايوه يا ابونا الظاهر حبوا يشوفوا الالعاب دي ده غير اني الصوت قالهم اني عندي حاجات حلوة كتيرة
بولا : معقولة يسيبوا بيت ربنا علشان مجرد العاب جديدة او حاجات حلوة
الكاهن : الشيطان دايما بيحاربنا يا بولا بحاجات ممكن نشوفها حلوة بس بتبقي نتيجتها وحشة علينا
ماريا : طيب والعمل يا ابونا
بولا : اه يا ابونا معقوله هنسيبهم عند الشيطان
الكاهن : الحل الوحيد يا ولادي اننا نصلي لربنا هو اللي غلب الشيطان بدمه وصليبه المحي علشان كدا احنا نصلي ونرفع قلوبنا اني ربنا يتحنن علينا ويرجع اولاده لحضن كنيستنا
بولا – ماريا : احنا واثقين اني ربنا هيسمع صوتنا لانه بيحبنا
الكاهن : انا مبسوط با ايمانكم يا اولادي يلا كلنا نقوم نصلي مع بعض
( يقف الكاهن ناحية الشرق ويركع الولدان خلفه )
الكاهن : ( الصلاة بصوت هادئ خلفية موسيقية حزينة ) الهنا الحنون تعلمنا دائما اننا نصلي لك في الضيقات وانك تسمع لنا دائما وقت احتياجنا اليك الهنا الحبيب نحن محتاجين لك الان ان ترد اولادك لحضن كنيستنا مرة اخري ولحضنك فانت الذي لاتشاء موت الخاطئ مثلما يرجع ويحيا ندعوك بدالة البنين ان تكون مع اولادك كيرلس ومينا وايريني وماريان ومريم وتساعدهم انهم يقهروا مملكة الشر بقوتك وحدك يالهنا الحنين امين انك تسمع وتستجيب
بولا – ماريا : نؤمن انك قادر امين
( يغلق الستار علي مدينة الرب وتدوي صوت ترنيمة حزينة )



+++++++++++++++++++++++++++++++++++

" المشهد الثالث "




( يفتح الستار علي مدينة الشيطان والاولاد وجوهم سودا وملابسهم مبهدلة )

مينا : انا زهقت من اللي احنا فيه ده
ماريان : وانا اللي كنت فاكرة اني هلاقي هنا العاب جديدة تفرحنا وتبسطنا
كيرلس : هو ده التغيير اللي كنا عايزينه
ايريني : انا حزينة علي حالنا اللي بقينا فيه
مريم : فعلا من بعد بيت بابا يسوع ملقناش فرح
كيرلس : عندك حق يا مريم فين فرحنا اللي كنا بنلاقيه في بيت ربنا
مينا : فرحنا في بابا يسوع اللي كان دايما معانا
مريم : طيب والحل انا عايزة ارجع لبيت بابا يسوع ( وتبدا تبكي ) انا مليش دعوة عايزة ارجع لبيت بابا يسوع
ماريان : ( تطبط علي مريم ) ما تعيطيش يا مريم انا السبب انا اللي قولتلكم تعالوا نجرب العاب الشيطان الجديدة
كيرلس : لا يا ماريان كلنا وافقنا ورحنا برجلينا مش انتي السبب
مينا : احنا كلنا غلطانين
ايريني : بابا يسوع اكيد مش هيسبنا
مريم : ( تهدا وتكف عن البكاء ) انا واثقة من كدا بس انا مش قادرة استحمل يوم تاني هنا
كيرلس : وانا كمان تعبت
( يدخل الشيطان هو والشيطان الصغير )
ابليس : مالكم عاملين دوشة كدا ليه ؟ انتوا مش مبسوطين هنا ولا ايه ؟
الشيطان الصغير : ده حتي هنا فيه العاب جميلة خالص شوفتوا بحيرة النار الجديدة
ماريان : احنا مش عايزين نقعد هنا تاني
كيرلس : احنا كلنا عايزين نرجع لمدينتنا
مريم : مدينتنا الجميلة اللي كل اللي فيها فرحانين ومبسوطين
مينا : انا عايز ارجع لبابا يسوع
ايريني : ومش عايزين منك أي وعود تانية انك هتبسطنا هنا
ابليس : انتوا فاكرين اننا بنلعب هنااا انتوا هتقعدوا سواء رضيتوا او لا دي حاجة غصب عنكم
الشيطان الصغير : انتوا حتي لسه ما شوفتوش كهف العقارب الجديد
ايريني : مش عايزين نشوف أي حاجة في مملكتكم الشريرة
مريم : ( بلهجة بكاء ) كفاية اني حتي شكلنا اتغير وفقدنا النعمة اللي بناخدها من بابا يسوع
كيرلس : احنا مكناش كدا مكنش ده شكلنا
ماريان : ولا دي هدومنا
مينا : فين صليبنا اللي كان معانا
ابليس : شكلكم وهدومكم وصليبكم انتوا مش هتشوفوا حاجة من الحاجات دي مرة تانية انتوا خلاص هنا في مملكتي سواء رضيتوا او لم ترضوا
الشيطان الصغير : طيب انا العب مع مين في بيت الثعابين الجديد
( الاولاد ينظرون لبعضهم البعض ويتجمعوا بعيد عن الشيطان )
ايريني : انا عرفت هنطلع ازاي من هنا
مريم : انتي بتفكري في اللي انا بفكر فيه
ايريني : ايوه يا مريم مفيش غير بابا يسوع هو اللي ممكن ينقذنا
كيرلس : ايوه بابا يسوع عمره ما اتخلي عننا واكيد لما نصليله هيسمعنا
ماريان : خلاص يلا نصلي كلنا لبابا يسوع علشان يرجعنا لبيته تاني
( يسجد الاولاد ناحية الشرق )
( صوت ترنيمة رجوع للمسيح )
ابليس : لااااا انتوا فاكرين هتهزموني كدا انتوا خلاص بقيتوا في ايدي
الشيطان الصغير : ( يبدوا عليه الخوف الشديد ويبتعد عن الصلاة )
( يظهر دخان و نور ابيض يخرج من ملاك الرب )
ملاك الرب : ابتعد عنهم يا ملعون انهم ابناء الرب وارسلني الرب اليهم كي انقذهم من يدك الرب سمع لصلاتهم وساخذهم لمدينة الرب مرة اخري وليس لك عليهم سلطان ابتعد باسم ربنا يسوع المسيح
ابليس : ( بخوف ويغطي نفسه بملابس سوداء ) لاااااا ابعد عني
الولاد : نشكرك يا بابا يسوع انك سمع صلاتنا وارسلت لينا ملاكك الحارس
الملاك : السلام لكم يااحباء المسيح ارسلني الرب اليكم لارجعكم الي مدينتكم تعالوا معي
( يغلق الستار علي مدينة الشيطان وفي ذلك الوقت يلبس الاولاد ملابسهم البيضاء ويتم نزع وجوهم وييقفوا علي بداية مدينة الرب )
( يفتح الستار علي مدينة الرب )
الكاهن : اولادي انتوا رجعتوا ازاي ومين جابكم لهنا
الاولاد : ( يجروا علي ابونا ويقبلوا يده والصليب ) ابونا احنا مش مصدقين اننا رجعنا لبيت بابا يسوع مرة تانية اللي جابنا وانقذنا الملاك الحارس بابا يسوع بعته لينا
الكاهن : ( ينظر ناحية الشرق ويرشم ذاته بعلامة الصليب ) نشكرك يارب علي عظم محبتك لينا وانك رجعت اولادك لحضن الكنيسة مرة تانية
الكاهن : يلا يا اولادي نقف كلنا ونشكر ربنا علي اللي عمله معانا
الكاهن : ( ينظر ناحية الشرق ويركع الاولاد من خلفه ) بسم الاب والابن والروح القدس الاله الواحد امين يارب ربنا يسوع المسيح نشكرك انه رغم اننا اوقات بنبتعد عن طريقتك وبنختار طريق الشيطان والشر وبيغرينا العالم بمشتهياته ولكن انت لا تتركنا ابدا و سريعا ما ترجعنا الي احضانك فانت اب رحيم حنون معين لاولادك دائما شكرا علي محبتك لينا يارب وانك رجعت اولادك كيرلس ومينا وماريان و ايريني ومريم لبيتك مرة تانية نشكرك دائما وبنطلب منك انك تحافظ عليهم دائما من عدو كل خير امين انك تسمع وتسجيب
الاولاد : امين

( يغلق الستار )
من مواضيعي 0 لماذا أشعر أحياناً بأن صلاتي غير مستجابة؟!..
0 أي من العبارات الاتيه تؤلمك؟؟؟
0 تنبيه هام لكل المنتدى
0 1
0 سير القديسين الاطفال
__________________


يا رب لسـ،،ـت أعلم ما تحمله الأيـ،ـام لى و لكن يكفينـ،ـى شيئـ،ـا واحدا
ثقتـ،ـى أنك معى تعتنـ،ـى بى و تحـ،ـارب عنى


ربنا مــوجــ،ـود
رد مع اقتباس
إضافة رد

شارك أصدقائك هذا الموضوع في مواقعك المفضلة

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر رد
ماالذى يضحك حواء فى كل مرحله من عمرها ؟ عفاف شبابيات 4 07-04-2010 09:20 PM
مسرحيات قبطية george nazmy منتدي المواهب العام 5 06-04-2010 03:19 PM
نصوص اسكتشات و مسرحيات لرأس السنة و عيد الميلاد ϲσɗɛ вяɛακɛɍ الخدمة و الخدام 5 08-01-2010 04:28 PM
مكتبه فيديوهات ترانيم مسرحيات مسلسلات كل مايخص قنوات ctv,aghapy andy الأفلام القبطية 5 02-09-2009 09:40 AM
اقدم نصوص من الكتاب المقدس magdyageeb منتدي العقيدة 2 29-05-2006 02:34 PM


الساعة الآن 07:49 PM.



Powered by Pope Kirillos Scientific Family
Copyright ©2001 - 2014