منتدي أسرة البابا كيرلس السادس العلمية


العودة   منتدي أسرة البابا كيرلس السادس العلمية > المنتديات المسيحية > الخدمة و الخدام

الخدمة و الخدام هذا المنتدي مخصص لمناقشة مواضيع خاصة بالخدمة و الخدام و إعداد الخدام

إضافة رد
 
أدوات الموضوع طريقة عرض الموضوع
  #1  
قديم 06-01-2010, 11:44 PM
الصورة الرمزية ϲσɗɛ вяɛακɛɍ
ϲσɗɛ вяɛακɛɍ ϲσɗɛ вяɛακɛɍ غير متواجد حالياً
عضو ماسى
 
تاريخ التسجيل: Jul 2007
المشاركات: 7,035
افتراضي نصوص اسكتشات و مسرحيات لرأس السنة و عيد الميلاد





((مسرحيه ميلاد يوم الميلاد))




الشخصيات
1- ميلاد
2- نادر
3- هلانه
4- الرجل ( العام الجديد)
5- شحات
6- الصديق


ميلاد : يدخل انا عملت ايه فى دنيتى ههههه كويس كل سنه العيال تيجى وتقولى عايزيين فلوس عايزيين فلوس اجبلكم منين يا خفيف منك له اسرق ولا اسرق دة حلو واللهى
نادر : يا بابا بابا بابا بابا بابا
ميلاد: يخربت ابوك عايز ايه يا مؤذى
نادر: مش عايز يا بابا صاحبك هو اللى عايز ك ...
ميلاد : صاحبى مين دة و عايز ايه خليه يخش وشيل الاكل دة
الصديق 1: اذيك يا ميلاد كل سنه وانت طيب
ميلاد : اهلن .. فيه حاجه .. انت عرفت مكانى ازاى وبعدين احنا مش كنا مع بعض فى الشغل
الصديق : اة كنا مع بعض بس يا سيدى نسيت اعزمك على حفله عيد راس السنه
ميلاد : رأس مين يا خويا ... انا لبحضر حفلات ولا بروح فى حته انا كافى خيرى شرى
الصديق : اة صحيح وايه المكان اللى انت ساكن فيه دة معقول واحد فى مركزك يسكن هنا انت مرتبك لوحدة يسكنك فى اعظم حته فى البلد
ميلاد : انا مبسوط كدة ياسيدى انتا هتشاركنى متقعد .. ولا اقولك متمشى انتا علشان تلحق مشوارك ..
الصديق : طب يا اخى اعزمنى على حاجه دا انا فى بيتك
ميلاد : مفيش قصدى مفيش حد فى البيت يعملك حاجه منتا عارف
الصديق : على العموم كل سنه وانت طيب احنا كنا هنفرح قوى لو جيت وسهرت معانا
على العموم فكر احنا هنستناك
ميلاد : مع نفسك مع السلامه
((يخرج الصديق ))
ميلاد : يجلس ينظف حذائه ........ يدخل عليه ابنه وابنته
نادر: بابا بابا بابا بابا
ميلاد : عايز ايه
هلانه : بابا انت عارف ان النهاردة عيد رأس السنه

ميلاد : وانا مالى راس ولاء رجل
هلانه: راس السنه يا بابا يعنى النهاردة بدايه سنه جديدة
نادر: النهاردة اتولد السيد المسيح له المجد
ميلاد: وانا مالى انا اللى اعرفه النهاردة انك واخد منى 3 جنيه انتا واختك عملتوا بيهم ايه
نادر: 3 جنيه ايه بس احنا عايزين نعمل زى مكل الناس بتعمل
ميلاد : والناس بتعمل ايه يا فالح
هلانه : الناس فى اليوم دة بتروح الكنيسه وتلبس هدوم نضيفه وتزين شجرة الميلاد وبتاخد هدايا من بابا نويل
ميلاد : تاخد هدايا ببلاش
نادر : اه يا بابا ببلاش هو دة اللى همك يعنى
ميلاد : طبعا والهدايا دى تيجى لها بكام
هلانه : هى الهدايا بقيمتها
ميلاد : ههههههه امال بايه يا فلسوحه
هلانه : يابابا انا اللى هقولك اكبر هديه هيا ميلاد السيد المسيح له المجد لينا
ميلاد : انتى اتعلمتى الحاجات دى منين يا بت انتى وهو
نادر: من واحد بيجى بليل يا بابا يقعد معانا ويقعد يحكى لينا حكايات عن بابا يسوع وازاى اتولد وعرفنا حاجات كتير قوى
ميلاد : واحد مين دة ياوله بيجى امتى وانا مش موجود
هلانه : يابابا الراجل دة بيجى يوم راس السنه بس ومش بنشوفه غير فى اليوم دة وهيجى النهاردة وكنا عايزين نعمل حفله ونعشيه معانا اصله اكيد بيجى من مشوار طويل
ميلاد : انا هقول كلمتى حالا انتى وهو تمشو من قدامى ومش عايز طلبات تانى وكفايه 3 جنيه اللى لهفتوهم وانا عايز الراجل دة يجى تانى وانا باة هستقبله
هلانه : طب ممكن نروح الكنيسه انا وميلاد
ميلاد : روحوا الكنيسه بس مفيش مواصلات خدوها مشى اة انا معييش فلوس
هلانه و نادر : مشى حراااااااااااااااااااااااام
ميلاد : هو دة اللى عندى عايزين تروحوا روحوا مشى عايزين تقعدوا تخشوااااااا تنامواااااااا
هلانه و نادر: لاء خلاص هنروح وامرنا لله سلام يابابا ولو جه الراجل الغلبان اللى كان بيقعد معانا علشان خطرنا قابلوا كويس واقعد معاة
ميلاد : عنيا الاتنين بس هو يجى .............

((يغادر ميلاد وهلانه خشبه المسرح))


ميلاد : يمسك حذائه ... ايه دة العيال دى بتتكلم بجد ولا بتهزر اكيد بتهزر
يدخل عليه رجل فقير
الفقير : ياعم انتا يا عم حاجه لله جعان جعان
ميلاد : امشى يا رجل انتا من هنا بدل مقطع عليك الشبشب دة اللى مش عايز ينضف
الفقير : اعمل خير يا ابنى
ميلاد : انا معرفكش امشى يا رجل انتا من هنا امشى ويضربه بكسرة خبز
الفقير : (( يمسك بكسرة الخبز ويمشى )
ميلاد : يا ساتر ايه دة .. ناس شحاتين المهم العيال مشيت اقعد باة اعد الفلوس
الله الله كل دى فلوس يااااااااا حبيبى انتو اللى قعدت طول عمرى احوش فيكم

يدخل شخص يرتدى ملابس بيضاء وراءة
ينظر اليه ويرتعب منه
ميلاد : انت مين
الرجل : هتعرف انا مين بعدين
ميلاد : بعدين ايه ؟ انت مين ودخلت كدة ازاى ؟
الرجل : انا اقدر ادخل اي مكان واخرج منه من غير اي ابواب ماتمنعني
ميلاد : انتا عاوز مني ايه اه اه انتا الراجل بتاع الحواديت
الرجل : انتا هتيجي معايا
ميلاد : اجي اروح فين مش عاوز اروح في حته
الرجل: انتا بتكره عيد راس السنه وعاوز تخلي اولادك كمان يكرهوه بتحاول تشيل منهم فرحتهم بالعيد وتحرمهم منه
ميلاد: انتا مالك انتا ولادي وانا حر فيهم اه وهما بالمناسبه مشيوا ومعندناش حد تاني بيسمع حواديت يلا اخرج بقي بس اقفل الباب وراك
الرجل : انا عاوز احكيلك حكايه
ميلاد : لا شكرا دماغي مصدعه روح وتعالي بكرا
الرجل : مش هاخد من وقتك كتير صدقني
ميلاد : طب ياسيدي احكي ها
((بدخول موسيقي بسيطه والرجل يبدا الحكايه))
الرجل : فاكر زمان عيد راس السنه ده كان بيبقي بالنسبه ليك ايه وانتا طفل صغير قد ايه انتا كنت بتبقي فرحان بيه اوي كانت الكنيسه مليانه بالترانيم وكل الناس لابسه لبسها الجديد
والاطفال بتجري وبتلعب فرحانه فاكر ؟
ميلاد : اه فاكر
الرجل : طب فاكر فى البيت كان بيبقي راس السنه عامل ازاي كنتم بتقعدوا كلكم انتا وابوك وامك واخواتك وبتحتفلوا بيه وشجره الكريسماس منورة في البيت باجمل اشكالها وبتلاقي هديتك موجوده جنبها فاكر
ميلاد : فاكر اه فاكر كنت ببقي فرحان اوي وقتها عارف كنت بقعد اركب النور بتاع الشجره وكنت انا واخواتي بنفتح الهديه ده حتي مرة اخويا الصغير وهو بيفتح هديته لقي ...(ثم يقول منتبها ) انتا مين وعرفت كل ده ازاي ؟
الرجل: (ثم يقول الرجل وهو ينظر الي ميلاد بصوت مرتفع قليلا )
الرجل : مع الزمن ومع الوقت بدأت تبعد وتنشغل بدأت تقلل من مرواحك الكنيسه ومتحتفلش في البيت ومرة في التانيه في التالته انشغلت عن العيد وبطلت تروح خالص بعد عنك العيد لما انتا بعدت عنه

ميلاد : الشغل كان واخد كل وقتي مكنش عندي وقت اعمل اي حاجه تانيه
الرجل: مش الشغل اللي كان مانعك عن عيد راس السنه انتا اللي بدأت تحب الفلوس وفضلت تجمع وتكون في الفلوس ومكنتش بتروح علشان متدفعش اي مصاريف وتقول عيد ايه دي حاجات هايفه وملهاش لازمه هو انا هصرف علي الناس كمان

ميلاد : انتا عاوز ايه مني ؟
الرجل : عاوز افرجك حالا الناس بتعمل ايه في العيد تعالي
(ياخد الرجل ميلاد ويوريه اولاده واصحابهم وهو ملتفين حول شجره الكريسماس)

ميلاد : ايه ده دول ولادي وصاحابهم
الرجل : شايف قد ايه فرحانين شايف ازاي كلهم اتعاونوا ودفعوا وتعبوا علشان يعملوا احسن شجره للكريسماس شايف السعاده في عيونهم شايف الحب قد ايه بينهم
سامع بيوقولو ا ترانيم
ميلاد : اه بيوقولوا ترانيم اهم
الرجل : اه وبابا نويل اهه بيديهم هدايا كمان
ميلاد : اه اياك بس تطلع هدايا غاليه
الرجل :شفت قد ايه انتا بتبص لكل حاجه علي قيمتها الماديه بكام بتجيب فلوس قد ايه وتكون وتحوش في الفلوس

ميلاد : لالا انا بحوش علشان ولادي لما يكبروا يلاقوا ليهم مستقبل

الرجل : وميلاد ربنا مش يستاهل انك تستقبله كل سنه تعدى وانتا زى منتا ربنا يديك سنه جديدة وانت زىمنتا مش عايز تتغير ربنا بيديك الفرصه وانت مش عايز تستغلها
الرجل: تعالي بقي اوريك حاجه تانيه
(ياخده الرجل علي منظر اخر وهو بعد مماته لاتنين من اصحابه المعزيين ويدور حوار بينهم )

الصاحب الاول : يااااه شوف كان غني قد ايه وكان عايش في بيت عامل ازاي
الصاحب التاني : كان بخيل جلده ده انا اعرف انه حتي الاكل لولاده كان بخيل فيه
الصاحب الاول : اه ده معاه فلوس تشتري بلد لكن اهه مات وساب كله الفلوس ومخدش حاجه معاه
االصاحب التاني : انا كنت اسمع انه بيكره عيد راس السنه ده موت وكان مبيحبش يروح الكنيسه ولا يخرج فيه علشان ميدفعش فلوس
الصاحب الاول : اه ولاده كان بيقبوا في الكنيسه حزاني وزعلانين ويفضلوا يعيطوا علشان بيقبوا شايفين كل الاطفال التانين معاهم اهلهم وهما لوحدهم
الصاحب التاني : يعيني عليهم مش هيبقي ليهم حد
الصاحب الاول : لالا ده سايبلهم فلوس كتيررررر وهما عيال لسا مش فاهمين حاجه
الصاحب التاني : اه احنا ناخدهم علي اننا هنربيهم احنا وناخد منهم فلوسهم اه هههههههههههههههه
الصاحب الاول يلا بينا


(يعود المنظر علي الرجل وميلاد ))

ميلاد : لالا العيال هياخدوا منهم الفلوس ويرموهم في الشارع ولادي ولادي
الرجل : شفت قد ايه فلوسك جابت للعيال مشاكل كتير وطمعت الناس فيهم ده بس علشان انتا كنت شايف انك بفلوسك هتعملهم مستقبل كبير

ميلاد : لا لا انا ايه اللي بيحصلي ده ايه كل اللي انا بشوفه ده عيالي اللي عايش علشانهم وبجمع كل الفلوس دي ليهم هيحصلهم كده مني يعني انا اللي بحضر لاذيه ولادي

الرجل : ده مش اكيد اللي هيحصل بس ممكن واحتمال كبير اوي يحصل وساعتها هتبقي انتا اللي دمرت ولادك بايدك

ميلاد : اااااه طب اعمل ايه يعني اعمل ايه

الرجل : انتا كان ممكن تكون حابب شغلك بس حابب ربنا والكنيسه قد حبك للفلوس حالا
دح حتي ولادك كانوا محتاجين منك حنان وحب اكتر ما هما محتاجين منك فلوس
كانوا محتاجين انك تضمهم في حضنك وتدفيهم بحنانك هما صدقني محتاجين ده اوي مش سايبهم لوحدهم وفي يوم زي ده كل الاطفال معاهم ابوهم وامهم وانتا حتي مش معاهم حالا بتشاركهم فرحتهم دي

ميلاد : ياااااااه قد ايه انا كنت اعمي قد ايه الفلوس خلتني انسي كل شيئ حتي ربنا نسيت ان ربنا اتولد علشانى وعلشان البشر كلهم اتولد فى مزود بقر ساب القصور والنور رفض الغنى واخنار الفقر وانا
عمال احوش في فلوس احوش في فلوس وناسي ربنا وناسي اولادي خدت ايه من الفلوس غير كل تعب وكل هم حتي ولادي مبقوش يحبوني لا لا كفايه كده الفلوس مش عاوزها انا عاوز اكون مع ربنا ومع ولادي انا ندمان .. ندمان علي كل لحظه عشتها بعيد عن ربنا وعن حضن ولادي ياحبايبي يا ولادي زمانهم بيعيطوا حالا وهما شايفين كل اب وهو حاضن ولادوا ومدفيهم في حضنه وسعيد معاهم انا ازاي كنت عايش كده انا ازاي كنت عايش كده انا ازاي كنت عايش كده اعمل ايه بس اصلح غلطتي دي ازاي وهل ربنا هيسامحني يارب سامحني يارب

الرجل : لسا الفرصه قدامك ولسا ممكن تصلح غلطتك دي ربنا بيقبل منك التوبه صليلوا واطلب منه المغفرة
ميلاد: يارب سامحني يا رب علي كل لحظه كنت فيها بعيد وعلي كل دقيقه قضتها وانا مش في حضنك يارب انتا قبلت توبه اللص اليمين وسامحته سامحني انا الخاطي واقبلني تاني واسمحلي يارب اني اعود لحضنك "لانك يا رب لا تشاء موت الخاطئ مثل ما يرجع ويحيا "
سامحني يارب سامحني

(يدخل الاولاد )
(يقوم ميلاد متجها اليهم بقوة )

ميلاد : سامحوني يا ولادي انا عارف اني كنت مقصر في حقكم وكنت حارمكم من حنيه الاب ومن وقتي لكن انا اوعدكم اني من النهارده هبقي عايش حياتي لربنا وليكم
الاولاد : بابا حبيبي
هلانه : احنا كنا متاكدين انك هتحب بابا يسوع زينا تعرف يا بابا ان المجوس عرفوا ان بابا يسوع اتولد ومشيوا مسافاتكبيرة جدا لحد موصولوا والرعاة كمان مشيو كتير جدااااااا لحد موصلو لبيت لحم
نادر : يعنى يابابا المفروض احنا كمان نروح الكنيسه علشان نستقبل ربنا ونستقبل معاة حياة جديدة وعام جديد ...
ميلاد : عندكم حق كلكم يلا يلا نعمل شجره عيد الميلاد ويلا نروح نجيب هدايا ونحتفل بعيد الميلاد مع كل الناس انا هحب الناس كلها مش هبقى لوحدى تانى
الرجل : انا كده مهمتي انتهت ولازم امشي
ميلاد : استني انتا مقلتليش انتا تبقي مين

الرجل : انا العام الجديد

تقفل الستارة



كل عام وانتم بخير






منقول للامانه



kw,w hs;jahj , lsvpdhj gvHs hgskm ud] hgldgh]

من مواضيعي 0 مالك يا نفسى
0 ادفع الصخرة (مجرد دفع)
0 انــــــــــــــــــــا وجدت فى المجموعه الاجتماعيه(سؤال محير)
0 موسوعة الطقوس القبطية
0 سلسلة حياة السيد المسيح فى صور
__________________


يا رب لسـ،،ـت أعلم ما تحمله الأيـ،ـام لى و لكن يكفينـ،ـى شيئـ،ـا واحدا
ثقتـ،ـى أنك معى تعتنـ،ـى بى و تحـ،ـارب عنى


ربنا مــوجــ،ـود
رد مع اقتباس
  #2  
قديم 06-01-2010, 11:45 PM
الصورة الرمزية ϲσɗɛ вяɛακɛɍ
ϲσɗɛ вяɛακɛɍ ϲσɗɛ вяɛακɛɍ غير متواجد حالياً
عضو ماسى
 
تاريخ التسجيل: Jul 2007
المشاركات: 7,035
افتراضي رد: نصوص اسكتشات و مسرحيات لرأس السنة و عيد الميلاد

اسكتش عرائس
http://www.4shared.com/file/70317624.../__online.html

بابا نويل و الاولاد
http://www.4shared.com/file/70317684/b625da68/___.html

بابا نويل و مكنة اللعب
http://www.4shared.com/file/70317755/754efe84/____.html

سانتا كلوز
http://www.4shared.com/file/70317830.../__online.html

ممكن يكون المذود جواك
http://www.4shared.com/file/70317876/d52d8a81/___.html

هدية طفل المذود
http://www.4shared.com/file/70317940...___online.html

اسكتش هدية عيد الميلاد
http://www.4shared.com/file/75305460...___online.html




ربنا يعوض كل من لة تعب في عمل المسرحيات و نصوصها
ومنقول للامانه


من مواضيعي 0 دة بقى عشان الموظفين غلابه يا عينى
0 موسوعة كامله عن اباء الكنيسة وشهدائها وقديسيها
0 أين ستقضي الأبدية ؟
0 شيرررررررررررررررى المشرفه هام جدااااااااااا ارجو الدخول منك
0 شيرررررررررررررررى المشرفه هام جدااااااااااا ارجو الدخول منك
__________________


يا رب لسـ،،ـت أعلم ما تحمله الأيـ،ـام لى و لكن يكفينـ،ـى شيئـ،ـا واحدا
ثقتـ،ـى أنك معى تعتنـ،ـى بى و تحـ،ـارب عنى


ربنا مــوجــ،ـود
رد مع اقتباس
  #3  
قديم 06-01-2010, 11:46 PM
الصورة الرمزية ϲσɗɛ вяɛακɛɍ
ϲσɗɛ вяɛακɛɍ ϲσɗɛ вяɛακɛɍ غير متواجد حالياً
عضو ماسى
 
تاريخ التسجيل: Jul 2007
المشاركات: 7,035
افتراضي رد: نصوص اسكتشات و مسرحيات لرأس السنة و عيد الميلاد

مسرحية الميلاد للأطفال




الشخصيات: البقرة ريرى – الخروف روفى – ماما العدزاء – الطفل بابا يسوع – يوسف النجار- الرعاة والمجوس



الفكرة: البقرة تحكى للخروف عن حدث عجيب حصل عندهم فى المزود وهو ولادة طفل مهم جداً، السماء والأرض احتفلت به


المسرحية




-ريرى: (تتمطع) صباح الخير يا روفى

-روفى: صباح الخير يا ريرى، مالك يعنى صاحية بدرى مش عوايدك ومالك شكلك تعبانة كدا ليه؟؟ زى ما تكونى اشتغلتى كتير إمبارح

-ريرى: صحيح يا روفى انا صاحية بدرى لكن جسمى مكسر خااااالص، اصلى طول الليل مانمتش عمالة افكر فى اللى حصل امبارح

-روفى:ايه اللى حصل؟؟ ايه دا ..... ايه الصوت اللى عندك دا .... دا صوت طفل صغير.... ورينى كدا دا فيه كمان مامته معاه ومين الراجل الكبير دا معقول؟؟ باباه؟؟ ... اوعى يا ريرى خلينى اشوف....

-حاسب يا روفى حاسب ح توقعنى، اصبر شوية ما انا لسه كنت ح احكى لك عاللى حصل .... دى حكاية ليها العجب

-ااااااااه عشان كدا بتقولى ما نمتيش امبارح؟؟ احكى لى بسرعة.... هى الست دى ايه اللى جابها هنا تولد عندكوا؟؟ هى ما عندهاش مكان ولا اهل تولد عندهم؟؟؟ طيب ماحدش كان معاها؟؟؟ والراجل الكبير دا جوزها ولا باباها؟؟؟ وانتوا عملتوا ايه؟؟؟؟ ما تتكلمى يا ريرى ساكتة ليه؟؟؟

-ييييييييه يا روفى هو انت مدينى فرصة اتكلم؟؟؟ عمال تسأل تسأل ومش مخلينى حتى اعرف ارد عليك .... بعدين عيب كدا تقعد تبص على الناس بالشكل دا.... يووووووه حاسب يا روفى، تعالى معايا وانا ح احكى لك كل حاجة.

-احكى لى بسرعة وانا ح اسكت اهه (ويضع يده على فمه)

-بص يا سيدى احنا امبارح ، انا واصحابى البقر والخرفان كنا قاعدين فى أمان الله بناكل ونلعب لحد ما فجأة لاقينا الست دى وهى حامل ومعاها الراجل العجوز دا داخلين عندنا وكانت تعبانة خالص وشكلها خلاص ح تولد، روحنا كلنا وسعنالهم عشان يدخلوا – بس بينى وبينك يا روفى كنا مبسوطين بيهم قوى، اهه حد ح يونسنا ونونو جديد عندنا نلعب معاه حاجة ،أول مرة تحصل لنا وسمعناهم بيقولوا:........


موسيقى تخيل وتختفى البقرة والخروف وتظهر ماما العدرا و يوسف النجار




-يوسف النجار: معلهش يا مريم على مهلك اتسندى علىَ

-مريم: معقول يا سيدى، البيبان كلها تتقفل فى وشنا وماحدش راضى ياخدنا عنده عشان اولد وفى عز البرد دا مش قادرين بس يستحملونا حبة صغيرين؟!!

-يوسف: معلهش يا حبيبتى انتى عارفة انه اللى اداكى النونو دا ح يقدر ازاى يحافظ عليكى، بس انا مش لاقى حته ترتاحى فيها، بصى معلهش انا ح انظف لك المزود دا عشان تقعدى فيه وترتاحى.

-معقول!!! معقول رب المجد يتولد فى مزود للبقر؟؟؟ فى المكان اللى البقر بياكل فيه!!! معلهش يا رب طبعا المكان دا مايليقش بيك ابدا يا ملك الملوك لكن اكيد انت اللى عايز كدا.



تختفى ماما العدرا وسيدنا يوسف النجار ويظهر تانى روفى وريرى:



-روفى: ايه دا ... ايه الكلام الغريب اللى انتى بتقوليه دا يا ريرى؟؟ رب المجد ؟ وملك الملوك؟؟ طب ازاى الملك ح يتولد فى المكان اللى انتوا بتاكلوا فيه اللى هو المزود؟؟

-ماهو دا اللى احنا ماكناش فاهمينه بس انت لو صبرت شوية كمان ح تعرف باقى الحكاية الغريبة

الست دى اسمها مريم بعد ما ولدت كلنا قعدنا نهيص ونتنطط من الفرحة، بس يا روفى جابت حته نونو انما زى القمر وشه جميل قوى وهادى ومجرد بس ما تبص فى وشه ترتاح قعدنا نلف حواليهم واحنا فرحانين خالص اصل مامته كمان هادية قوى ووشها كمان جميل وأمورة خالص وشكلهم ناس طيبين قوى وغلابة.

-يااااااااه بس فين اهلهم يا ريرى؟؟ بردو ما قلتيليش وماقلتيش كمان ازاى الطفل دا ملك الملوك؟؟ وازاى يتولد فى مزود البقر الحقير بتاعنا

-بص يا روفى احنا بصراحة عرفنا دا كله بعد ما مريم ولدت

-إزاى؟؟

-بعد شوية واحنا كلنا عمالين نتفرج على النونو وجماله لاقينا المجوس جايين عندنا عشان يباركوا للطفل دا وجايبين معاهم هدااااايا كتيييييييييير خاااااااالص عشانه

-استنى استنى يا ريرى يعنى ايه مجوس مش تفهمينى واحدة واحدة!!

-بص يا روفى المجوس دول ناس بيهتموا بالفلك وبيدرسوا النجوم والكواكب اسمهم مجوس......


موسيقى التخيل ويختفى روفى وريرى ويظهر المجوس الثلاثة




-مساء الخير يا جماعة احنا المجوس جايين من آخر الدنيا عشان نبارك للطفل دا ملك الملوك ورب الأرباب، طبعاً انتوا مستغربين احنا عرفنا منين؟؟؟الملك هيرودس قاللنا ان فيه طفل ملك الملوك ح يتولد بس ما كناش عارفين مكانه فين وقاللنا ان اللى ح يجيبهوله ليه مكافأة كبيرة

واحنا قاعدين نبص للسما وندرس النجوم لاقينا فجأة نجمة كبيرة قوى وقريبة قوى وعرفنا ان دى نجمة الملك هو فين ملك اليهود دا أحنا جايبين له هدايا دهب ولبان ومر، بس على فكرة احنا مش ح نرجع تانى لهيرودس


نرجع تانى للخروف والبقرة


-اشمعنى يا ريرى دهب ولبان ومر هو النونو ح ياكل لبان؟؟؟ والمر دا عشان ايه مش المفروض يجيبوا له حاجة حلوة والدهب طبعا عشان يتسيغ....يا عم يا عم ........ يا بخته

-يا روفى يا حبيبى استنى ادينى فرصة اشرح لك انا سمعت المجوس امبارح بيشرحوا الحاجات دى الدهب لأنه ملك الملوك واللبان دا بيرمز للكهنوت لأنه كمان سيد على كل الكهنة أما بقى المر فدا عشان الصليب وعذاباته.

-ااااااااه انا كدا فهمت دا فعلا بقى ملك الملوك

-وبعد شوية كمان يا روفى لاقينا الرعاة جايين

-مين دول كمان؟؟؟

-دول الرعاة يا روفى اللى بيرعوا الغنم والخرفان اللى زيك

-وهما كمان يا ترى ظهرت لهم نجمة ولا عرفوا منين؟؟؟ وجابوا له هدايا ايه هما كمان؟؟؟؟

-اسمع يا روفى اللى حصل..................... (تقول بصوت واطى بينها وبين نفسها دا انت رغاى قوى يا روفى )

-ايه؟؟؟ بتقولى حاجة يا ريرى؟؟؟؟

-لا يا روفى

-آه بحسب


موسيقى التخيل ويظهر الرعاة




-أهلاً أهلاً بملك الملوك والمخلص هو دا المسيح الرب، أصل احنا واحنا بنحرس الخرفان بتاعتنا فجأة ظهر لنا ملاك من السما ولاقينا نور جامد قوى فخفنا جداً واتخصينا لكن هو قاللنا بصوت جميل:

صوت من الخلف وكأنه الملاك "لا تخافوا فها انا أبشركم بفرح عظيم يكون لجميع الشعب

انه ولد لكم اليوم في مدينة داود مخلص هو المسيح الرب و هذه لكم العلامة تجدون طفلا مقمطاً مضجعا في مذود "

وكمان ظهر معاهم ملايكة كتير قوى وقالوا بصوت حلو قوى: " المجد لله في الاعالي و على الأرض السلام و بالناس المسرة".

قلنا لنفسنا لازم نروح بيت لحم على طول وآهه ادينا لاقيناه – الحمد لله
نرجع تانى للخروف والبقرة


-وبعدين يا ريرى دى حكاية غريبة خالص يعنى دا هو المسيح طيب ماعرفتيش سموه ايه؟؟؟

-لسة يا روفى بس انا سامعة مامته بتقول ان الملاك كان جه بشرها وقاللها ح تسميه يسوع

-الملاك بشرها؟؟؟ يعنى اللى معاها دا مش هو جوزها؟؟

-لا يا روفى دا ربنا هو اللى ادالها النونو الجميل دا واللى معاها دا اسمه سيدنا يوسف النجار وهو خطيبها مش جوزها.

-ياااااااه دى حكاية غريبة جدااااااااا انتى عارفة يا ريرى احنا المفروض نعمل ايه؟؟

-ايه يا روفى؟؟؟

-المفروض نقعد معاهم ومانسيبهمش ابداً إحنا مش أقل من الرعاة والمجوس اللى جم من آخر الدنيا عشان يباركوالهم أحنا مش ح نسيبهم خاااااااالص لحد ما مريم تقوم بالسلامة وح نلعب مع النونو وندفيه بالصوف بتاعنا وكل حاجة، إيه رأيك يا ريرى؟؟؟؟

-طبعاً موافقة يا روفى ياللا بينا نلعب معاهم بس من غير ما نضايقهم.

-ياللا بينا...................

ويجروا سوى ويختفوا

ودى النهايه

وللامانه منقول
من مواضيعي 0 مشمعـــــــــــقول طب انا هبقى اقوــــــل
0 ضروووووووووووووووووووووووووووووووورى
0 هههههههههه انواع الزملكاويه عند فى العضو ارميا
0 كنت اعمى والان ابصر
0 انا والتلفزيون.........
__________________


يا رب لسـ،،ـت أعلم ما تحمله الأيـ،ـام لى و لكن يكفينـ،ـى شيئـ،ـا واحدا
ثقتـ،ـى أنك معى تعتنـ،ـى بى و تحـ،ـارب عنى


ربنا مــوجــ،ـود
رد مع اقتباس
  #4  
قديم 06-01-2010, 11:48 PM
الصورة الرمزية ϲσɗɛ вяɛακɛɍ
ϲσɗɛ вяɛακɛɍ ϲσɗɛ вяɛακɛɍ غير متواجد حالياً
عضو ماسى
 
تاريخ التسجيل: Jul 2007
المشاركات: 7,035
افتراضي رد: نصوص اسكتشات و مسرحيات لرأس السنة و عيد الميلاد

دى بقى عاديه تعتبر كمجرد فكرة والا يشتغل عليها

ميلاد يسوع
القاريء الأول:
منذ زمن بعيد مضى وُلد يسوع في قرية صغيرة بيت لحم. إننا لا نعرف اليوم ولا الشهر الذي وُلد فيه. من نسل إبراهيم وداود، ومجيئه إلى العالم تحقيقًا لنبوة العهد القديم. قبل ميلاد المسيح بسنوات عديدة، ميخا، نبي من العهد القديم قال أنه سيولد في بيت لحم. الله أرسل يسوع إلى العالم ليعلم الناس كيف يعيشون، ولكي يخُلصنا من خطايانا. لقد أرانا الله حبه العظيم لنا بإرساله ابنه الوحيد إلى الأرض.
القاريء الثاني:
الملاك جبرائيل أعلن ميلاد المسيح ثلاث مرات قبل ميلاده.
أولاً : ظهر لزكريا الكاهن، وقال له إنه هو وزوجته سيكون لهما ابنًا يسمى يوحنا والذي سيُعد الطريق لمجيء يسوع.
ثانيًا: ظهر لمريم ليبشرها بأنها اُختيرت لتكون أم يسوع الذي سيكون مخلص العالم.
ثالثًا: ظهر جبرائيل ليوسف ليبشره أن الطفل الذي ستلده مريم هو يسوع المسيح.
القاريء الأول:
كان اليهود عبيدًا لآخرين وكانوا ينتظرون المسيا الذي سيحررهم. في وقت ميلاد المسيح، كانوا خاضعين لإمبراطور روما، أوغسطس الذي أصدر فرمانًا بذهاب كل اليهود إلى القرية التي وُلدوا فيها وذلك ليَعدهم وليدفعوا الضرائب. يوسف ومريم ذهبوا من الناصرة بعيدًا إلى بيت لحم. عندما وصلوا كانت كل الأماكن في الفندق شُغلت، لذلك أقنعوا صاحب الفندق أن يسمح لهم أن يمكثوا في المذود، وهناك وُلد يسوع، ملك اليهود ومخلص العالم.
2. مشهد الرعاة


قاريء:
وكان في تلك الكورة رعاة مُبتدين يحرسون حراسات الليل على رعيتهم، وإذا ملاك الرب وقف بهم، ومجد الرب أضاء حولهم، فخافوا خوفًا عظيمًا. فقال لهم الملاك:
الملاك:
فها أنا أبشركم بفرح عظيم يكون لجميع الشعب، إنه ولد لكم اليوم في مدينة داود مُخلص هو المسيح الرب. وهذه لكم العلامة: تجدون طفلاً مقمطًا مضجعًا في مذود.
قاريء:
وظهر مع الملاك جمهور من الجند السماوي مسبحين الله قائلين:
[عدة ملائكة تلحق بالملاك الأول]
الملائكة:
"المجد لله في الأعالي، وعلى الأرض السلام، وبالناس المسرة".
[الملائكة ترحل]
قاريء:
ولما مضت عنهم الملائكة إلى السماء، قال الرعاة بعضهم لبعض:
أول راعي:
لنذهب الآن إلى بيت لحم وننظر الأمر الواقع الذي أعلمنا به الرب.
ثاني راعي:
نعم، لنذهب الآن.
[يقوم الرعاة جميعًا ويذهبون إلى منظر المزود]
قاريء:
فجاءوا مسرعين، ووجدوا مريم ويوسف والطفل مضطجعًا في المذود.
[سجد الرعاة قدام المذود]
عاد الرعاة إلى مزارعهم، وقالوا للجميع ما رأوه. وكل الذين سمعوا تعجبوا مما قيل لهم من الرعاة، أما مريم فكانت تحفظ هذا الكلام في قلبها.

المنظر الأول

المجوس أمام هيرودس


قاريء:
ولما وُلد يسوع في بيت لحم اليهودية، في أيام هيرودس الملك، إذ مجوس من المشرق قد جاءوا إلى أورشليم قائلين:
[إضاءة على تاج هيرودس، يقف جانبًا. مجوس أتوا وانحنوا أمام هيرودس].
أول مجوسي:
أين هو المولود ملك اليهود؟ فإننا رأينا نجمه في المشرق وأتينا لنسجد له.
هيرودس:
لم أسمع بهذا الحدث العظيم.
[يستدير ويتحدث إلى الجندي]
ادعي رئيس الكهنة والكتبة.
[الجندي يمضي ويعود مع اثنين من الكتبة واثنين من الكهنة. الجميع ينحنون أمام هيرودس].
هيرودس:
قولوا لي، أين يولد ملك اليهود؟
كاهن:
في بيت لحم، في أرض يهوذا، لأنه مكتوب بالنبي: وأنتِ يابيت لحم، أرض يهوذا لست الصغرى بين رؤساء يهوذا، لأن منكِ يخرج مدبر يرعى شعبي إسرائيل.
هيرودس:
يمكن أن تنصرفوا.
[يخرج الكهنة والكتبة].
هيرودس للمجوس:
متى ظهر النجم الغريب؟
ثاني مجوسي:
رأيناه لمدة طويلة.
هيرودس:
اذهبوا وافحصوا بالتدقيق عن الصبي، ومتى وجدتموه فاخبروني، لكي آتي أنا أيضًا وأسجد له.
[خروج المجوس بعد انحناء أمام هيرودس]
ملحوظة: منظر المذود يجب أن يتغير إلى منظر بيت بسيط، لأن العائلة لم تستمر في المذود.

المنظر الثاني

المجوس في بيت يوسف ومريم


[مشيرًا إلى النجم]:هذا هو النجم. كم هو رائع!
[الجميع خروا وسجدوا له. ثم فتحوا كنوزهم وقدموا له الهدايا، وضعوها على الأرض].
ثالث مجوسي:
أوحى الله إلينا في حلم أن ننصرف إلى بيوتنا من طريق آخر، وأن لا نرجع إلى هيرودس.
ثاني مجوسي:
هيا نذهب ونفعل ما قاله الرب.
[خروج المجوس]

المنظر الثالث
هيرودس مع جندي
هيرودس:
لقد مر وقت طويل الآن، ولم يرجع إلىَّ المجوس الذين من المشرق. إذا لم أفعل شيئًا، فإن هذا الملك المولود جديدًا سوف يكبر ويأخذ مُلكي. خُذ هذا الأمر لكل الجنود .قتل كل الصبيان من سنتين أو أصغر.
الجندي:
كما قُلت يامولاي.
[خروج الجندي]

المنظر الرابع
بيت يوسف ومريم مع الطفل يسوع
قاريء:
إذا ملاك الرب قد ظهر ليوسف في حلم قائلاً قم وخذ الصبي وأمه واهرب إلى مصر لتهرب من غضب هيرودس الملك. وفي الحال فعل يوسف ما قاله الرب.
[أثناء تحدث القاريء، يظهر الملاك بيد مرفوعة، ويقوم يوسف، يساعد مريم والطفل، ويرحلون جميعًا]
قاريء:
بعد وفاة هيرودس، عاد يوسف ومريم مع يسوع إلى بيتهم في الناصرة. نعرف قليلاً جدًا عن فترة صبا يسوع، لكن نقرأ في لوقا أنه كان مطيعًا لوالديه، وكان يتقدم في الحكمة والقامة والنعمة عند الله والناس











من مواضيعي 0 ضروووووووووووووووووووووووووووووووورى
0 شيرررررررررررررررى المشرفه هام
0 رائيكم ضرورى فى الاقتراح دة واتمنى الاهتمام
0 موسوعة كامله عن اباء الكنيسة وشهدائها وقديسيها
0 شرائط ترانيم المرنمه مريم بطرس كامله(((مع تعديل الروابط كووولها )) عشانكم بس
__________________


يا رب لسـ،،ـت أعلم ما تحمله الأيـ،ـام لى و لكن يكفينـ،ـى شيئـ،ـا واحدا
ثقتـ،ـى أنك معى تعتنـ،ـى بى و تحـ،ـارب عنى


ربنا مــوجــ،ـود
رد مع اقتباس
  #5  
قديم 06-01-2010, 11:49 PM
الصورة الرمزية ϲσɗɛ вяɛακɛɍ
ϲσɗɛ вяɛακɛɍ ϲσɗɛ вяɛακɛɍ غير متواجد حالياً
عضو ماسى
 
تاريخ التسجيل: Jul 2007
المشاركات: 7,035
افتراضي رد: نصوص اسكتشات و مسرحيات لرأس السنة و عيد الميلاد

ووعد كل ما الاقى مسرحيه حلوة واسكتشات احلى هحطها هنا

صلولى


من مواضيعي 0 هل يستحق منتدى البابا كيرلس كل هذا الوقت الذى نقضيه فيه؟؟
0 شيرررررررررررررررى المشرفه هام جدااااااااااا ارجو الدخول منك
0 جميع الحان الكنيسه
0 لعبت الايام الى يوصل للجمعه يقول نكته
0 موسوعة شرايط المرنم ( بولس ملاك ) 2008
__________________


يا رب لسـ،،ـت أعلم ما تحمله الأيـ،ـام لى و لكن يكفينـ،ـى شيئـ،ـا واحدا
ثقتـ،ـى أنك معى تعتنـ،ـى بى و تحـ،ـارب عنى


ربنا مــوجــ،ـود
رد مع اقتباس
  #6  
قديم 08-01-2010, 04:28 PM
الصورة الرمزية admin
admin admin غير متواجد حالياً
Administrator
 
تاريخ التسجيل: Nov 2005
المشاركات: 6,044
افتراضي رد: نصوص اسكتشات و مسرحيات لرأس السنة و عيد الميلاد

ربنا يعوضك يا فرح و يا ريت اي حد عنده إسكتشات عامة مش شرط لعيد الميلاد اي مناسة يضعها لأني محتاجها في الأسرة.
من مواضيعي 0 عيد ميلاد الأخت رانيا وجيه
0 دعوة خاصة.
0 ممنوع حذف اي موضوع من العقيدة دون الرجوع لي
0 الإنسان مخير أم مسير؟
0 فيدوا حفل الأسرة بعيد شفيعها قداسة البابا كيرلس
__________________

Pray for me
John
رد مع اقتباس
إضافة رد

شارك أصدقائك هذا الموضوع في مواقعك المفضلة

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر رد
اسكتشات مسرحيات نصوص لاى مرحله سنويه ϲσɗɛ вяɛακɛɍ الخدمة و الخدام 61 09-08-2014 02:16 PM
مقابلة تواريخ السنة القبطية مع السنة الميلادية megomego منتدى الطقوس الكنسية 2 13-07-2010 11:42 PM
مسرحيات قبطية george nazmy منتدي المواهب العام 5 06-04-2010 03:19 PM
مكتبه فيديوهات ترانيم مسرحيات مسلسلات كل مايخص قنوات ctv,aghapy andy الأفلام القبطية 5 02-09-2009 09:40 AM
اقدم نصوص من الكتاب المقدس magdyageeb منتدي العقيدة 2 29-05-2006 02:34 PM


الساعة الآن 08:29 AM.



Powered by Pope Kirillos Scientific Family
Copyright ©2001 - 2014