منتدي أسرة البابا كيرلس السادس العلمية


العودة   منتدي أسرة البابا كيرلس السادس العلمية > المنتديات المسيحية > منتدي الروحيات

إضافة رد
 
أدوات الموضوع طريقة عرض الموضوع
  #1  
قديم 13-10-2009, 08:48 AM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي ثمر المذلة


اية رايك فى سرير المرض ؟
هوة ارض مذلة مش كدة ؟
دايما بنقول : يغور المرض وبهدلتة !! ربنا ما يحرم حد من صحتة !!!
والاحتياج المادى برضة ارض مذلة
دايما بنقول : يارب استره معانا وماتحوجناش لحد
والغربة تعيش مهما تعيش برة بلدك هايعتبروك مواطن من الدرجة التانية لان لهجة لسانك بتقول انك مش منهم برضة ارض مذلة
والسجن ربنا يكفينا شرة برضة ارض مذلة
ولما يكون الواحد قاعد فى البيت فترة طويلة لانة مش لاقى شغل برضة ارض مذلة كفاية احساسة انة تقيل ع اللى حوالية
ولما تكون واحدة مستنية سنة ورا سنة ابن الحلال اللى اتاخر جدا بالنسبة لنا فى بلاد الشرق دى تعتبر ارض مذلة
ولما يكون زوجين مرت كذا سنة ولسة ربنا مارزقهمش بطفل برضة ارض مذلة
ولما اخيرا ربنا يتحنن ويجى الولد ياسلام ع الفرحة الدنيا تبقى مش سايعة الواحد دة حتى عندنا فى الصعيد بنقول : لما قالولى دة ولد انشد ضهرى وانفرد لكن بعد شوية اة والف اة يا فرحة ما تمت خدها الغراب وطار الولد مش مظبوط عقليا او جسديا او خدها الغراب وطار بعيد خالص الولد ساب مسيحة او ساب الدنيا برضة ارض مذلة
ولما يكون زوجين بيتهم اتهدم سواء بموت احدهم او بالانفصال برضة ارض مذلة
حتى الاحتياج العاطفى بيتحول لارض مذلة
طب وبعدين !!!! اية التصرف ؟ نعمل اية لما تلاقى روحنا فى ارض مذلة ؟ نندب بختنا الاسود !!!!!! ولا نحط ايدنا على خدنا ونقول : ادى اللة وادى حكمتة !!!! اللى عايزة ربنا هيكون ............. اصلة بيعمل اللى هو عايزة من غير ما ياخد راى حد !!!!!!!!!!
للاسف ......................
نبرة الياس والروح الانهزامية دى ................... هية رد فعل ناس كتير لما الرب بيسمح انهم يتواجدوا فى ارض مذلة وهانروح بعيد لية دة كان رد فعلى انا لسنسن


elv hgl`gm

من مواضيعي 0 How God Made the World ?
0 انانى ولة مش انانى ؟
0 سر الابواب المغلقة بقلم م / فاروق عبد المسيح
0 اهداف الخدمة
0 هل يتناسب الدين المسيحى مع العلم الحديث
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #2  
قديم 13-10-2009, 08:48 AM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: ثمر المذلة

طويلة لكن الشئ العجيب فعلا هو ان فية ناس رد فعلهم بيكون مختلف تماما !!!!!
ربنا شرفنى بانى اقابل واحدة من الناس المختلفين دول
الحكاية كالاتى ................
يوم 22 يونيو 1998 ........... ذهبت لسفارة كندا لاستخراج التاشيرة كنت رايح السفارة وانا بابرطم والعفاريت الزرق بتتنطط قدام عينى لانى مش عايز اسافر
شاء الرب انها تقعد فى الكرسى اللى قدامى ............. راهبة شابة وجدير بالذكر انها جميلة جدا ............. لحسن حد يفتكر انها لما مالقيتش حد يبصلها .............. راحت الدير .............. وشها منور بنور عجيب ومليانة نعمة ............... لفت نظرى ان فى انفها خرطوم متوصل بانبوبة اوكسجين ففهمت ان عندها مشكلة فى التنفس .............. سبحانك يارب ................ شوية الهواء اللى مالوش قيمة حرمتها منة ومع كذة بتبتسم وراضية
دة كان اول شاكوش يستخدمة الرب فى الدق على دماغى وابتديت اخجل من نفسى .............. بعد شوية نادوها فى حجرة المقابلة الشخصية وقامت من كرسيها واذ بالشاكوش الثاثى يدق على دماغى الراهبة بتعرج
حسيت انى هاموت واعرف هية مبتسمة وراضية بامارة اية دى كلها امراض
لقيت ابليس بيحاول يحلق على تفكيرى وبيقولى : غالبا هية عشان بتعرج راحت الدير , قلت لة ولنفرض ان الكلام دة مظبوط وانها فعلا مالقيتش حد يتجوزها تروح الدير وهية واخدة على خاطرها من ربنا مش وهية بتضحك
استنيت لما خرجت ورجعت لمكانها وكل ما استجمع شجاعتى عشان اروح اسالها : انتى جبتى الابتسامة والرضى دة منين ؟ ابليس يقوللى : اوعى تروح سيبها فى حالها اللى فيها مكفيها
لان ابليس كان عارف قد اية الراهبة دى حياتها غيرت حياة ناس كثير فكان خايف لحسن اطير من ايدة ............
لكن ............ بعد دقائق لقيتها قامت وجت تكلمنى بنفسها وسالتنى : عندك فكرة التاكسى من هنا لغاية كنيسة العذراء بالزيتون ياخذ كام ؟
انا بصراحة ما صدقت قلت لها : ماعرفش لكن يشرفنى انى اوصلك .............. وقد كان .......... و اول ما ركبنا
من مواضيعي 0 الجمال المخفى فى الكتاب المقدس
0 الصداقة ومعناها
0 إعداد الخدام
0 كونكت فور
0 الحرب الروحية في الخدمة
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #3  
قديم 13-10-2009, 08:49 AM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: ثمر المذلة

العربية سالتها عن كل اللى عايز اعرفة واللى عايز افهمة ................ ومافيش حاجة قالتها ماكنش لها تاثير الصفعة على خدى !!
اول حاجة كنت هاموت واعرفها : هل هية مولودة بتعرج ولا اية الحكاية بالظبط ؟
فقلت لها : سلامتك انا شايف ان رجلك وجعاكى .......... خير ؟
بذكاء عجيب فهمت القصد من سؤالى وابتسمت وقالت لى : مين ضحك عليك وقال لك ان ربنا معلق يافطة على باب السما مكتوب عليها : لا اقبل الا المعيوب .......... والمعطوب .............. واللى جار علية الزمن ؟
مين فهمك ان السليم والناجح والحلو مش محتاج لربنا دة مافيش حاجة هم مسنودين عليها مضمونة
السليم مش شرط انة يصاب بالسرطان علشان يموتة بالعكس دى الناس اللى بتشفى من السرطان اكتر من الناس اللى بتدخل تنام ما تقومش لان فية حاجة اسمها سكتة قلبية ممكن تقضى علية فى لحظة

قل للطبيب تخطفتة يد الردى
يا شافى الامراض من ارداكا
قل للمريض نجا وعوفى بعدما
عجزت فنون الطب من عفاكا

والناجح ممكن يخسر كل ما يملك فى دقائق زى ايوب

افرض كان العالم ملكك
وبتامر وليك سلطان
اية هيساوى خسارة نفسك
وضياع عمرك فى الاحزان
والحلو نزلة برد كافية انها تخللى القرد احلة منة

ياللى انت غاوى الجمال
ع القبر طل وشوف
تلقى الجمال اندفن
والعضم بقى مكشوف
من مواضيعي 0 مقبرة العظماء
0 مجرد رائ
0 اختر الرّفيق قبل الطَريق.
0 انحناء ليس لك إنما للدم الذى يسرى فى عروقك
0 ساعه لا تتعطل أبداً
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #4  
قديم 13-10-2009, 08:49 AM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: ثمر المذلة

وابتدت تحكى الحكاية من البداية .............
الانسانة دى كانت صحتها جيدة جدا لا بتعرج ولا عندها اى مشاكل صحية ........... بعد ما انتهت من دراستها الجامعية وبعد ما تمت خطبتها لشاب مؤمن صلت وقالت لة : يارب يسوع انت بتحبنى لدرجة انك صلبت بدالى ومت عشانى مش كتير عليك انى اعيش عشانك واديلك صحتى وشبابى تستخدمهم لمجد اسمك وفكت خطوبتها وراحت الدير ............. قاطعتها وقلت لها : بس ممكن الانسان يخدم ربنا وهو متجوز وعندة ولاد .............. وممكن ربنا يستخدمة وهوة بيشتغل مش شرط انى اروح الدير واترهبن وبعدين الواحد مش مقصر مع ربنا فى الاعمال الخيرية دة انا بادفع ............ قاطعتنى هية وقالت لى : ماتكملش هاقول لك كمة بين قوسين وافهمها زى ماتفهمها لان ربنا مش شاغلنى انى اناقشك فيها دلوقتى : (( ربنا عايزك قبل ما تحط ايدك فى جيبك وتديلة فلوسك تحط ايدك فى عبك وتديلة قلبك ))
لان فلوسك هية فلوسة معقول هاتراضية بفلوسة دة غير ان انت لو كنت فى احتياج للفلوس دى ماكنتش هاتديهالة اصلا علشان للاسف الناس مش عايزة تدى لربنا غير الشئ اللى مالوش عوزة عندها
نرجع لكلامنا ........... انا ماقتلتش ان ربنا عايز الناس تترهبن علشان تخدمة والدليل على كدة ان فية ناس برة الدير بيخدموا ربنا اكثر من اللى جوة الدير لكن انا باحكيلك ع اللى حصل معايا انا طلبت من الرب انة يشرفنى باحتمال جزء ضئيل جدا من الالام اللى احتملها بدالى على الصليب طلبت منة انى اشاركة فى الامة الجسدية ويحولها لبركة فى حياة الاخرين
سالتها وانا مش عاجبنى الكلام دة : ازاى يعنى ؟
قالت لى بكل هدوء : كنت فى خدمة فى السودان ............. وتعرضت لحادث وبسبب خطا فى العلاج اصبحت باعرج ........... قاطعتها وقلت لها : امام لو كنتى روحتى مشوار يغضب ربنا كان عمل فيكى اية ؟
بهوء وبكل ثقة فى محبة الهها قالت لى : ياريتنا بنصدق ربنا زى ما بتصدق اكاذيب ابليس
اللى شغلة الشاغل انة يشككنا فى محبة ربنا لينا
من مواضيعي 0 ليلة عيد الميلاد
0 منبهات طريفة تجبرك على الاستيقاظ
0 مارجرجس
0 سر المعمودية والحياة الجديدة
0 ثقة يسوع فيك !!!
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #5  
قديم 13-10-2009, 08:49 AM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: ثمر المذلة

لبليس فهمك ان المرض هوة عقاب من اللة للانسان مش كدة ؟
لما التلاميذ سالوا يسوع : يا معلم من اخطا هذا ام ابواة حتى ولد اعمى ؟ اجاب يسوع : " لا هذا اخطا ولا ابواة لكن لتظهر اعمال اللة فية " ( يوحنا 9: 2, 3)
وفى مرة تانية يسوع قال : " هذا المرض ليس للموت بل لاجل اللة ليتمجد ابن اللة بة " ( يوحنا 11 : 4 )
كتير بيقولولى : لو الهك موجود خلية يشفيكى للاسف دول مش فاهمين : انة قد وهب لنا لاجل المسيح لا ان نؤمن بة فقط بل ايضا ان نتالم لاجلة ويا بختة الشخص اللى يتالم النوع دة من الالم الالم بمختلف اشكالة هو دة مادة اجبارية فى مدرسة الحياة كل الناس تعبانة لكن خلى بالك ان فية نوعين من الالم :
1- الم ناتج عن اخطاء ارتكبناها والنوع دة من الالم احنا اللى بنجيبة لنفسنا بنفسنا يعنى انا ماقفلش بنفسى الباب على ايدى واقول دة قضا سيدى
2- الم بيسمح اللة ان نجتاز فية لاسباب كثير " لان الذى يحبة الرب يؤدبة فاى ابن لا يؤدبة ابوة " ( عبرانيين 12: 6, 7) , " ثم قد كان لنا اباء اجسادنا مؤدبين وكنا نهابهم افلا نخضع بالاولى جدا لابى الارواح فنحيا ؟ لان اولئك ادبونا اياما قليلة حسب استحسانهم واما هذا فلاجل المنفعة لكى نشترك فى قداستة " ( عبرانيين 12: 9 . 10 ) , " لا تستغربوا البلوى المحرقة التى بينكم حادثة لاجل امتحانكم كانة اصابكم امر غريب " ( بطرس الاولى 4: 12) , " عالمين ان امتحان ايمانكم ينشئ صبرا " ( يعقوب 1: 3)
لقيتها بتقول كلام كبير ............. ما عداش علىّ قبل كدة فسالتها بدون استيحاء : دى ايات من الانجيل مش كدة ؟ سكتت ما ردتش على بلسانها لكن عينيها قامت بالواجب
نظرتها قال لى : يا خسارة !!! على الرغم من انك متعلم تعليم عالى لكنك فى الحقيقة جاهل ماتحاولش تخللى ملابسك اغلى شئ فيك علشان مايجيش يوم تلاقى نفسك ارخص من اللى انت لابسة احرجتنى نظرتها وحسيت انى باعرف الاقى وقت لقراية الجرايد والمجلات لكن لما باجى لقراية الكتاب المقدس باقول :مافيش وقت اصل مشاغلى كتير ولو فية وقا بالاقى ماليش نفس مش
من مواضيعي 0 سلام ونعمه
0 رد: رحلة الصوم الكبير مع اشعياء النبى
0 امور الله أولاً
0 تعريف وأهمية الخدمة للخادم والمخدوم
0 شبهات حول الكتاب المقدس 2
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #6  
قديم 13-10-2009, 08:50 AM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: ثمر المذلة

عايز اقراة , علشان ادارى كسوفى قلت لها : ماتفتكريش ان دة تقصير منى كل الحكاية انى مش بافهم حاجة لما باقرا الكتاب قالت لى : الموضوع مش موضوع تقصير من عدمة الموضوع انك لو ما قرتش انت الخسران انت اللى محتاج لقراية الكتاب مش ربنا اللى محتاج لها احنا فى حرب مع ابليس وابليس يهمة اوى انك ما تقراش فى الكتاب لانة عارف انة " سيف الروح هو كلمة اللة " ( افسس 6: 17 )
هوة عايزك تبقى بدون سلاح عشان تبقى عامل زى اللى رايح يحارب بالمايوة وماتاخدش فى ايدة غلوة لما تعدى فى ظروف صعبة علشان كدة انت مش محتاج لقراية من باب سد الخانة برو الملامة لأ انت محتاج قراية بفهم
اقعد امام اللة بامانة وقول لة : " لا اطلقك ان لم تفهمنى " ( تكوين 32 : 26 )
سالتها يعنى المفروض اعمل اية فى اليوم الاسود ؟ فى اليوم الشرير ؟
قالت لى : زى ما فية نوعين من الالم فية كمان نوعين من ردرود فعل الناس فى وقت الالم :
1- رد فعل اول لة شكلين عكس بعض : اللامبالاة او الانهيار فمثلا لما ربنا يسمح لشخص انة يتواجد فى ارض مذلة ممكن يكون رد فعلة اللامبالاة يعنى تلاقية يقول فى نفسة واية يعنى مش مهم لا انا اول ولا اخر واحد يحصلة كدة اللى حل اللى قبلها يحلها واهى ماشية ............ او يكون رد فعل العكس تماما الانهيار تلاقية لطم وانهار وقال يارب خذنى عشان استريح من اللى انا فية اشمعنى انا بالذات اللى يجرى لة دة كلة هوة انت مش لاقى حد غيرى علشان تلطش فية ................ للاسف لا الاول ولا التانى كلف نفسة انة يسال ربنا : عايز تقولى اية يارب من الضغطة اللى انت سمحتلى بيها دى ؟ اكيد فية حاجة عايز تقولهالى او تعلمهالى
على الرغم من المى وحيرتى معنديش شك فى محبتك لى يارب ومعنديش شك فى امانتك انا عارف كويس انت ابويا انت ابو الرافة حاشاك ان تجرح دون ان تعصب وحاشاك ان تسحق دون ان تشفى
2- اما فعل تانى فهو قاطعتها وقلت لها : دى مش محتاجة ذكاء هو ان الواحد يقول لربنا الكلام اللى انتى لسة قايلاة قالت لى : ايوة مظبوط .............. لكن مش اى واحد يقدر يقول الكلام دة فى وقت الالم الا اذا كان واقف على الصخرة الصخرة دى اسمها الصليب

ربى الحبيب فوق الصليب
كان البديل لى انا
رب الحياة سفك دماة
قلبة الكبير لاجلى انحنى
من مواضيعي 0 جنــــــــــــــــــــــــــــــــون
0 إنه لا ينعس ولا ينام
0 الرب يسوع المسيح في سفر هوشع
0 خدمة الرسول
0 أحقا نحن خدام ؟
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #7  
قديم 13-10-2009, 08:51 AM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: ثمر المذلة

فية اية ممكن يتقال بعد كدة قلت لها من فضلك كمليلى كحايتك قالت لى : وبعدين اصابنى سرطان فى الرئة والعظام وشفيت منة ودلوقتى عندى ضمور كامل فى الرئة اليمين والرئة الشمال شغالة بكفاءة 15 % غير انى محتاجة زرع قلب
قلت لها فى ضيق : انتى عايزة تجننينى ؟
بتتكلمى كدة كان الامر بسيط او كان البلاوى دى كلها فى جسم حد تانى الشئ العجيب ان الناس مافيهاش ربع اللى فيكى لكن تعبانة اكثر منك
قالت لى : لان الناس لما بتصلى بتطلب غلط بدل ما تطلب من ربنا انة يخفف الاحمال اللى انا شايلها اطلب منة انة يزود قوة اكتافى لان هوة عارف مشيلنى اية ومشيلنى لية ؟ ولحد امتى ؟ اصل هوة الحلوانى الاعظم هو عارف طاقتك كويس ومش هايطالبك بحاجة فوق احتمالك ومش هايزعل اوى لما يلاقيك تقدر تعمل حاجة ومش بتعملها اوعى تفتكر ان احنا اتقابلنا صدفة
كلمة صدفة لمالهاش وجود فى قاموس اللة هو النهاردة عايز يقول لك حاجة : قلت لها هية اية ؟ قالت لى : انا ماعرفش عنك حاجة لكن الجواب باين من عنوانة انت قرفان من ظروفك ومن حياتك بدل ما تندب حظك الاسود اطلب من الرب ان يجعلك مثمرا فى ارض مذلتك
قلت مش فاهم : , قالت لى : يعنى تقول لة انا اؤمن يارب انك هاتحول النقمة اللى فى حياتى الى نعمة فى حياتى وفى حياة الاخرين وهاتستخدم خضوعى ليك بفرح فى ربح النفوس البعيدة عنك
سالتها باستغراب : حياة الاخرين ؟ , النفوس البعيدة ؟ هو انت فاكرانى رجل دين ؟ دى مش شغلتى وبعدين انا هاستفيد اية ؟
ابتسمت لراهبة وهى مشفقة على جهلى وانانيتى وقالت لى : لا تثقل نفسك بالانانية فهى اثقل مما تتصور اطلع برة نفسك شوية مش انت مسيحى ؟ عيش اسمك وماتقولش دى مش شغلتى لان بالرغم من اختلاف حجم الادوار لكن مافيش واحد فينا مالوش دور
من مواضيعي 0 انتبة !!!
0 اسكتش رؤيا يوحنا وناجى
0 الخدمة الباذلة
0 حب نفسك تحب الآخرين
0 انحناء ليس لك إنما للدم الذى يسرى فى عروقك
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #8  
قديم 13-10-2009, 08:51 AM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: ثمر المذلة

وصلنا الكنيسة ...........
دخلت المكتبة اللى هناك واشترت لى كتابين الاول اسمة حياة الايمان والتانى اسمة حياة الرجاء
وقالت لى : لو عشت بدون دة وشاورت على الايمان ربنا هايكون زعلان , ولو عشت بدون رجاء انت هتكون تعبان

ودعتها ومشيت وانا فى حالة من الذهول كانى قابلت مخلوق من كوكب تانى معقول فية ناس كدة انكسفت جدا من نفسى لان فية ناس معندهاش فلوس تركب المترو ومع كدة راضية وعايشة وشاكرة وانا بسلامتى كل مشكلتى فى الحياة انى هاسافر غصب عنى فعلا الغنى مش اللى بيمتلك الكتير لكن اللى بيكتفى بالقليل
وقتها اكتشفت ان سبب ضيقى فى اغلب الاحوال بيكون شئ تافة لكن ابليس بيكون مضخمة فى عينى ولقيت نفسى بقول : يارب اجعلنى مثمرا فى ارض مذلتى واستخدمنى لمجد اسمك

الفرح هو قرار وليس محطة وصول
كداب اللى ينكر انة مستنى حل لمشكلتة مستنى خلاص الهة
وتعيس اللى رابط فرحة بحل مشكلتة
ويا هناة اللى قرر يفرح بالة خلاصة مهما حصل ومهما صار

انا هافرح بيك علشان انت بتكفينى
انا هاهتف ليك علشان انت بتحمينى
مش راح انزل عينى من على شخصك وجمالك
واتذكر ضعفاتى وخيانتى وكسر كلامى
وياك يتجدد عهدى تغمرنى بنهر سلامك
وتفيض فى بروحك بشهادة لمجد جلالك


وانت ياترى اخذت القرار دة ؟
ولا بتقول نفسك اول ما المشكلة الفلانية تتحل وبالى يرتاح هابقى افضا لربنا ؟

وانا فى بعادى تاة المرسى
وقلبى ما ارتواش
واية فى العالم ممكن يسوى
لحظة معاة تتعاش

حاسس ان فية واحد بيقدم رجل وبياخر عشرة خايف لحسن ياخذ القرار ويندم عايز اقول لة ان من ناحية الندم فانت مش بس هاتندم لأ دة انت هاتندم اشد الندم انك ما خدتش القرار دة قبل كدة

اوعى تاجل وتقول بكرة
وبكرة يعدى زى امبارح
يوم ورا يوم العمر بيجرى
وفكرك دايما تاية سارح
مهما اداك العالم باطل
وبيغريك ابلس الماكر
ماشى وراة ومعصب عنيك
ساحب ايدك وانت الخاسر
من مواضيعي 0 ديكورات حلوة وعجيبة
0 ليس كل ما يلمع ذهباً
0 كيف نخدم الشباب فرديا ؟
0 اختبار نفسى جامد جداااااااااااااااا
0 معادلات روحية
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #9  
قديم 13-10-2009, 12:46 PM
الصورة الرمزية Armia
Armia Armia غير متواجد حالياً
عضو ماسى
 
تاريخ التسجيل: Oct 2007
الدولة: Egypt
المشاركات: 8,033
إرسال رسالة عبر مراسل Yahoo إلى Armia
افتراضي رد: ثمر المذلة

يارب اجعلنى مثمرا فى ارض مذلتى واستخدمنى لمجد اسمك


الله موضوع رائع رائع يا فله وكلام قيم جدا وقصه اروع تسلم ايدك
من مواضيعي 0 رد: اللى ناوى ...الف مبروك ......احدث مجموعة دبل
0 طقس صوم الميلاد
0 حصريا ملخص النهائي مباراة مصر وغانا + الأهداف
0 اعمالى فى المسابقه
0 احساسى ..... شعورى ... ماذا تفعل لو ؟؟؟
__________________







انت تحتض وجودى برعايتك وكأنك لا تتطلع على اخر سواى تسهر على
وكأنك قد نسيت الخليقة كلها تهبنى عطياك وكأنى وحدى


رد مع اقتباس
إضافة رد

شارك أصدقائك هذا الموضوع في مواقعك المفضلة

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:09 AM.



Powered by Pope Kirillos Scientific Family
Copyright ©2001 - 2019