منتدي أسرة البابا كيرلس السادس العلمية


العودة   منتدي أسرة البابا كيرلس السادس العلمية > المنتديات المسيحية > منتدي العقيدة

منتدي العقيدة هذا المنتدي خاص بمناقشة الموضوعات المتعلقة بالعقيدة

إضافة رد
 
أدوات الموضوع طريقة عرض الموضوع
  #1  
قديم 21-01-2006, 11:11 PM
magdyageeb magdyageeb غير متواجد حالياً
عضو فضي
 
تاريخ التسجيل: Dec 2005
المشاركات: 1,708
افتراضي لابد للفادى ان يكون


لابد للفادي أن يكون

مارينا فتاة متفتحة ولبقة وقارئة.. ولها زميلة بالمدرسة تحبها حباً جماً إسمها هدى..
هدى بنت مؤدبة ولكنها ليست متدينة.. ولا تعرف الكثير عن الإيمان المسيحي..
وفي مناسبة عيد الميلاد المجيد.. كان هذا الحوار بين مارينا وهدى..
مارينا: كل سنة وأنت طيبة يا هدى..
هدى: وأنت طيبة.. أنا محتارة في كم سؤال بخصوص عيد الميلاد.
مارينا: خير إن شاء الله..
هدى: لماذا يتجسد الله؟
مارينا: لكي يفدينا من الموت.
هدى: موت إيه؟
مارينا: الموت اللي حكم به الله على الإنسان بسبب الخطية.
هدى: يعني سامحيني- ربنا يعمل مشكلة وبعدين يجتهد في أنه يحلها.
مارينا: إزاي؟
هدى: هو اللي حكم بالموت.. وهو اللي يفدينا؟! كان ممكن من الأول ما يحكمش بالموت.
مارينا: أبداً.. كان الموت نتيجة طبيعية للخطية.. وعقوبة إلهية.
هدى: كان ممكن من الأول ربنا يقول لأدم.. لو أكلت من الشجرة ها أطردك من الجنة وماتبقاش المشكلة مشكلة موت ثم فداء..
مارينا: ماتنسيش أن الخطية هي إنفصال عن الله.. والله هو ينبوع الحياة.. فكان طبيعي أن اللي يخطئ ينفصل عن الله فيموت..
هدى: (بدهشة) معنى جميل.. يعني زي تيار الكهرباء واللمبة.
مارينا: بالضبط..
هدى: طيب.. عرفنا أن أجرة الخطية ونتيجتها موت. لماذا لم يمت الله الإنسان ويعمل غيره جديد، ولا نحتاج التجسد والفداء؟
مارينا: الله بيحب الإنسان.
هدى: مادام بيحبه يبقى يسامحه..
مارينا: لو سامحه بدون فداء يبقى ربنا متسيب ومش قدوس.
هدى: حيرتيني.. يعني مش ممكن الإنسان يموت لأن ربنا بيحبه، ومش ممكن يسامحه لأن الله قدوس.. يعمل إيه؟
مارينا: كان لابد من حل وسط... يموت فيه حد بدل الإنسان، لأن الله لابد أن ينقذ الإنسان... ولابد أن ينفذ حكم الموت..
هدى: مش ممكن ربنا كان يختار حد بدل آدم... غير الله نفسه؟
مارينا: مش ممكن للأسباب التالية:
لابد للفادي أن يكون:
1- غير محدود عشان يكفي كل الناس.
2- خالق ليعيد خلقه وتجديد الإنسان.
3- أقوى من الموت لكي يجتازه دون أن يضر بل بالعكس يغلبه.
4- قدوس وبلا شر حتى يبيد الخطية.
5- إنسان قابل للموت حتى يكون مندوباً عن البشر ويذوق الموت.
هدى: الشروط دي مش ممكن تتوفر غير في المسيح؟
مارينا: تعالي نركبها على الملاك ميخائيل مثلاً..
هدى: 1- مش إنسان بس ممكن يتجسد.
2- بلا شر وطاهر.
3- للأسف هو محدود، ومش خالق، ومش أقوى من الموت..
مارينا: ممكن نفكر في إبراهيم أبو الآباء أو موسى أو إيليا..
هدى: لالا.. واضح أنه مش ممكن غير المسيح هو وحده.
1- الخالق.
2- غير المحدود.
3- أقوى من الموت.
4- القدوس.
5- قابل أن يتجسد ويصير إنساناً ويجتاز الموت.
وكما حاجة تانية أي واحد غير الله.. إيه ذنبه.. آدم أخطأ فهل يموت موسى؟
ده ظلم يمكن لما الله يقبل على نفسه حكم الموت، فهو حر في نفسه.. كلام معقول.
مارينا: أخذت بالك من ترتيب الكلام:
1- الخطية جلبت علينا الموت... لأنها إنفصال عن الله.
2- كان لابد أن يموت الإنسان... لأن الله عادل وقدوس ورافض للشر.
3- كان لابد أن ينقذ الإنسان... لأن الله يحبه ويريد إنقاذه.
4- إذاً لابد أن يكون هناك شخص بديل عن الإنسان، يموت بدلاً منه، ليفديه وينقذه..
5- هذا الشخص هو الله نفسه..
6- الله غير قابل للموت.. لذلك كان لابد أن يتجسد، ويأخذ لنفسه جسداً، قابلاً للموت، ليذوق الموت به..
هدى: أنا دلوقتي اقتنعت.. كلام جميل





ghf] ggth]n hk d;,k

من مواضيعي 0 اجابات كتابيه
0 انتبهوا جميعا وخدوا بالكم
0 ديــــــــــــــــــــــــر الشهداء باخميم
0 اضحك بقى الله لازم تضحك ومن قلبك هههههههههه
0 رحله جميله مع يسوع
__________________



رد مع اقتباس
إضافة رد

شارك أصدقائك هذا الموضوع في مواقعك المفضلة

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر رد
يارب قبل ان ينتهى العمر لابد لى ان اشكرك MORAMARMAR منتدي الروحيات 6 13-02-2010 12:01 AM
انا اعرف انك لابد و سترجع kirlos_milad منتدي الروحيات 0 25-11-2009 09:02 PM
يكون معاك ما يكون عليك megomego منتدي أقوال الآباء 3 26-07-2009 11:51 PM
الخدمة ومميزات لابد أن تكون فى كل خادم abanoub pop الخدمة و الخدام 1 01-04-2009 06:03 PM


الساعة الآن 05:48 AM.



Powered by Pope Kirillos Scientific Family
Copyright ©2001 - 2019