منتدي أسرة البابا كيرلس السادس العلمية


العودة   منتدي أسرة البابا كيرلس السادس العلمية > المنتديات المسيحية > منتدي الروحيات

إضافة رد
 
أدوات الموضوع طريقة عرض الموضوع
  #1  
قديم 19-05-2009, 11:45 AM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي لية يا رب ؟


لية يا رب ؟
لية يا رب ؟
لية بيحصلى كدة ؟
اشمعنى انا ؟



عبارات قلتها كتير وانتظرت اكتر ولكن للاسف : لا اجابة ....
لقيت ربنا بيقولى : اجاوبك بتاع اية ؟
واجاوبك لية ؟
هو فية علاقة شخصية بينى وبينك علشان اجاوبك ؟

اللى بينى وبينك عامل زى الشارع ال one way شارع اتجاة واحد من تحت لفوق بس شارع ما بتمشيش فية غير عربيات ماركة طلبات وماركة تظلمات وكل فين وفين لما تمر فية عربية ماركة تشكرات
لانك لما بتقعد قدامى دة و قعدت اصلا بتقول اكلمتين اللى عندك وبتجرى ما بتستناش علشان تسمعنى عايز اقولك اية او عايز منك اية
سكت ... هاقول لة اية ؟ ما هى دى الحقيقة .... انا على طول مشغول ورايا 1000 حاجة وما بفتكرش ربنا الا لما تحصلى مصيبة وقتها اصرخ واقول : الحقنى , لية يارب ؟ الى اخر قائمة الشكوى والاعتراض مع ان على العكس لما بيدينى عطية مابقولش لية يارب ؟ ويا افتكرت اشكرة يا مفتكرتش
فى وقت ما زادت علىّ الضغوط جدا وحصلى زى ما بيقول الكتاب : " هكذا قال الرب اضيق عليهم لكى يشعروا " ( ارميا 10 : 81 )
وشعرت فعلا انى لازم اعيد حساباتى مع نفسى دلوقت امامى طريقين وقائدين مالهمش ثالث :

(1 ) طريق ابليس ( 2) طريق اللة



بالنسبة لطريق ابليس :


كلنا عارفين ان مافيش اسهل من ان الواحد يعمل خطية !!!
دة حتى عم بولس قال : " حينما اريد ان افع الحسنى اجد الشر حاضر عندى " ( رومية 7: 21)
تخيل لما بولس نفسة يقول كدة يعنى انا مش لوحدى فى الخيبة دى
طب والقائد فى الطريق دة ........ اسمة اية ؟
اسمة / ابليس : بمعنى المقاوم مقاوم لكل عمل روحى بيعملة اللة فى وسط شعبة
يعنى المشتكى ينصب لك الفخ ولما تقع فية يروح يشتكى عليك عند اللة
يعنى الكذاب وابو الكذاب مايقولكش حاجة صح ابدا

دة غير اسماء تانى كثير من ضمنها الشرير – القتال – المجرب – عدو الخير – رئيس سلطان الهواء – رئيس سلطان هذا العالم .... مش بس كدة دة من بجاحتة تبقى ماشى وراة وعلى قد ما يقدر يذلك ويبهدلك
طب دة بالنسبة للى هاشوفة فى حياتى اذا مشيت فى طريق ابليس : ذل وبهدلة ونكد

طب وبعد الموت ؟
" ان كان احد لا يثبت فىّ يطرح خارجا كالغصن فيجف ويجمعونة ويطرحونة فى النار فيحترق " ( يوحنا 15: 6)
بعد الموت ... بعيد عنك ... هاكون فى مكان فية حريقة ليل ونهار .... ومافيش مصلحة مطافى تطفى لان مافيهوش مصلحة مياة اصلا ومافيهوش مصلحة كهرباء يعنى حتى مش هاقدر اشوف اللى بيتشوى جنبى !!!!!!!!










gdm dh vf ?

من مواضيعي 0 مش عارفة هتفتح ولة لا ؟
0 أحرار تحت عبوديّة قاسية
0 أنا مُنحرفة!!!
0 تعرف على حجر ميلادك
0 اللة يحبك
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #2  
قديم 19-05-2009, 11:48 AM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: لية يا رب ؟

بالنسبة لطريق اللة :



الكتاب بيقول : " ما اضيق الباب واكرب الطريق الذى يؤدى الى الحياة وقليلون هم الذين يجدونة " ( متى 7: 14)
يعنى الشخص اللى هايمشى فى هذا الطريق لازم يكون سوبر مان علشان يقدر يقول للخطية : لو اتنططى قدامى مش هاعملك برضة
طب اروح فين وانا اخترت طريقك مش هاعرف امشى فية لفيتة بيقولى : لا يا حبيبى الموضوع مش متوقف عليك انت على ضعفك ولا قوتك لان " الخطية خاطئة جدا " ( رومية 7: 12) , " طرحت كثيرين جرحى وك قتلاها اقوياء " ( امثال 7: 26 ) مش بس كدة دة التقرير الالهى صدر بان " الجميع اخطاوا واعوزهم مجد اللة " ( رومية 3: 23) , " ليس من يعمل صلاحا ليس ولا واحد " ( مزمور 53 : 3)
افتح الكتاب المقدس على ( يوحنا 15: 5) " انا الكرمة وانتم الاغصان الذى يثبت فىّ وانا فية هذا ياتى بثمر كثير لانكم بدونى لا تقدرون ان تفعلوا شيئا "
واخد بالك فى كلمة " بدونى " بعد النون فية اية ؟ الياء دى بتعود على المسيح يعنى بدون المسيح انت ولا هتصد ولا هترد لكن لما هتبطل تمشى بدماغك وتسلمنى حياتك هتقدر تقول مع عمك بولس : " استطيع كل شئ فى المسيح الذى يقوينى " ( فيلبى 4: 13) , " اقمع جسدى واستعبدة " ( كورنثوس الاولى 9: 27)
لان وقت ما هتسلم حياتك للمسيح هو اللى هايخليك تمشى جسدك بالطريقة اللى تليق بواحد من اولاد اللة لكى " لا يستحى بهم اللة ان يدعى الههم " ( عبرانيين 11: 16) مش جسدك اللى هايجرجرك من رقبتك ويقل قيمتك فى طريق الخطية وهاشبعك وافرحك وهاتقدر تقول : " دوسى يا نفسى بعز " ( قضاة 5: 21) على كل المغريات " والنفس الشبعانة تدوس العسل والنفس الجائعة كل مر حلو " ( امثال 27: 7)
يمكن ظروفك ما تتغيرش لكن انت اللى هاتتغير واللى كا بيسعدك وقتيا زمان اصبحت تنفر منة الان لانة مكتوب " فرح الفاجر الى لحظة " ( ايوب 20 : 5) وهتلاقى روحك ان انت ما بقتش انت بقيت واحد تانى واحد جديد " ان كان احد فى المسيح فهو خليقة جديدة الاشياء العتيقة قد مضت هوذا الكل قد صار جديدا " ( كورنثوس الثانية 5: 17) , " مع المسيح صلبت فاحيا لا انا بل المسيح يحيا فىّ " ( غلاطية 2: 20 )


طب والقائد فى الطريق دة ........ اسمة اية ؟

الاسم / 1- المحب : لما اراد اللة ان يخبر الناس عن طبيعتة اختار كلمة المحبة
" ليس لاحد حب اعظم من هذا ان يضع احد نفسة لاجل احبائة " ( يوحنا 15: 13)
" هكذا احب اللة العالم حتى بذل ابنة الوحيد لكى لا يهلك كل من يؤمن بة بل تكون لة
الحياة الابدية " ( يوحنا 3: 16)
معلش يارب انا عايز اقولك ان انت اكيد بتحب اللى بيحبوك وبس .... اللى عايشين لك ....
اللى مش بيقولوا لك زىّ : كان نفسى اصلى واقرا فى كتابك لكن اعمل اية ؟ مافيش وقت
ود على وقاللى : " احبهم فضلا لان غضبى قد ارتد عنهم " ( هوشع 14: 4) فاهم يعنى اية فضلا
يعنى بلا سبب فيهم يعنى وانت مافيش فيك حاجة عدلة تتحب يحبك .....
وانت مدينى ظهرك ومشغول عنى بحبك ومستنيك .....

بكيت .................................................. ...


لما سمعت صوتة قلت لة ياربى
لية بتنادى علىّ وانا مش طايق ذنبى
قالى " دمى يطهر من كل الشرور
انا باحب الخاطى واخرجة للنور
من مواضيعي 0 صلاة من اجل سالى
0 الملائكة في السموات يفرحون
0 توتى العروسة
0 أتعلم من المسيح ... وخليك كبير ...
0 الظلام يتحول صباحاً . بقلم . م / فاروق عبد المسيح
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #3  
قديم 19-05-2009, 11:51 AM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: لية يا رب ؟

2- الفادى : " ليس بدم تيوس وعجول بل بدم نفسة دخل مرة واحدة الى الاقداس فوجد فداءا ابديا " ( عبرانيين 9 : 12)
يعنى بعد الموت ماتشيلش هم من اول ماها تستفيد من عمل المسيح على الصليب وتغطى نفسك بدمة هتبقى ضمنت حياة ابدية
وتقدر تقول :


انا ماشى ومسافر يا هنايا ..... وهاسيب العالم دة ورايا
اليوم ماشى وحبك لىّ منار ..... برية ومليانة عدانى من النار


" اين شوكتك يا موت ؟ اين غلبتك يا هاوية ؟ اما شوكة الموت فهى الخطية ولكن شكرا للة الذى
يعطينا الغلبة بربنا يسوع المسيح " ( كورنثوس الاولى 15: 55- 57)
وهاتشوفنى بالنعمة .....


لولا النعمة ما كنت اشوفك ..... ولا كان لىّ مكان فى سماك
انا مديون لك ربى بعمرى ..... ياللى فديتنى بسفك دماك




3- المخلص : " الرب الهك فى وسطك جبار يخلص " ( صفنيا 3: 17)
واخد بالك ان الوحى قال : يخلص وسكت . عارف سكت لية ؟ علشان مايجيش واحد يقول
الناس مشاكلها مقدور عليها ولكن انا مشكلتى مالهاش حل ومافيش امل فى الخلاص منها
سواء كانت مشكلتك مادية , نفسية , معنوية , عائلية , مهنية ..... الى اخرة
اللى مالوش حل عندك لة حل عند الرب " اللة لنا الة خلاص وعند الرب السيد للموت مخارج "
( مزمور 68: 20 ) لية يا رب بتقول مخارج ؟ يعنى حلول كثير ؟
انا فى عرض رحمتك تقولى على حل واحد منهم
رد الرب علىّ وقالى : " سر الرب لخائفية " ( مزمور 25: 14)
يعنى لما هيكون فية علاقة شخصية بينى وبينك فى اغلب الاحيان هاقولك انا باعمل كدة لية
وتحل مشكلتك ازاى يمكن ما تكونش ارادتى ان ظروفك تتغير لكن ان انت اللى تتغير
لكن ساعات لما هايكون فهم الموضوع صعب عليك فى الوقت الحاضر
هافهمك لكن بعد شوية فى الوقت المناسب " لست تعلم انت الان ما انا اصنع ولكنك ستفهم فيما بعد "
( يوحنا 13: 7)
انا عايز ان حتى وانت فاهم لية بتحصلك اى ظروف صعبة يكون عندك ايمان ان :
" كل الاشياء تعمل معا للخير للذين يحبون اللة الذين هم مدعوون حسب قصدة " ( رومية 8: 2


رغم الظروف والريح ..... المركبة هاتسير
ومهما هاجت بحور ..... الرب لة تدبير
يا بحر يا هايج ..... لية كتافى مش قدك ؟
بس اللى قدك معايا ..... فى مركبى ساكن
يقدر يعلينى على موجك ..... ما هو ربك
ويقدر كمان وبكلمتة ..... تصير ساكن
من مواضيعي 0 ع الخدمة قالوا
0 How God Made the World ?
0 الراصدون النجوم !!!
0 ذلك المساء
0 نقل: طقس القداس الالهي في الكنيسه القبطيه...... !!!!!!
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #4  
قديم 19-05-2009, 11:56 AM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: لية يا رب ؟

4- الامين : " اللة امين الذى لا يدعكم تجربون فوق ما تستطيعون بل سيجعل مع التجربة ايضا
المنفذ لتستطيعوا ان تحملوا " ( كورنثوس الاولى 10 : 13)
سمعت صوت الرب بيقولى : امانتى تحتم علىّ انى ما ادخلكش فى تجربة فوق احتمالك لانى عارف
حجمك كويس ويوم ما هقفل لك باب هافتح لك ابواب , قلت لة : يارب كلامك دة على عينى
وعلى راسى من فوق لكن الواقع بيقول ان فى وقت التجربة انا باطحن طحن ,
رد الرب علىّ وقالى : يا حبيبى انت بتطحن لانك فى وقت التجربة بتعمل 3 غلطات فى منتهى
الخطورة وتزود النار على نفسك بنفسك

اول غلطة : انك بتسمح لابليس انة يناقشك فى مشكلتك وبتاخد وبتدى معاة ان ......


اوعى تسيب لعدوك ثغرة ..... يلعب بالفكر المحتار
كل مناة يحفر لك حفرة ..... ويولع قلبك بالنار
لية دايما بتخاف من بكرة ..... سلم ليسوع الافكار



تانى غلطة : انك شايل مشكلتك على ظهرك وماشى بيها كأن نسخة الكتاب المقدس اللى معاك
نسيوا يطبعوا فيها الوعود دى : " سلمنا فصرنا نحمل " ( اعمال الرسل 27: 15) , " تعالوا الى يا
جميع المتعبين والثقيلى الاحمال وانا اريحكم " ( متى 11: 2 , " ملقين كل همكم علية لانة هو يعتنى بكم " ( بطرس الاولى 5: 7)


ثالث غلطة : انك زى بقية الناس فاكر ان ربنا عرفوة بالعقل لا يا حبيبى الطريق الوحيد اللى تقدر تعرفنى بية هو الايمان
" بدون ايمان لا يمكن ارضاؤة لانة يجب ان الذى ياتى الى اللة يؤمن بانة موجود وانة يجازى الذين يطلبونة " ( عبرانيين 11: 6)

عارف اية هو الايمان ؟


" اما الايمان فهو الثقة بما يرجى والايقان بامور لا ترى " ( عبرانيين 11: 1)
يعنى ماينفعش انك تقوللى : لما اشوف حل مشكلتى يارب هاصدق انك الة قدير لازم الاول تكون
متاكد بالايمان ان حل مشكلتك عندى وقتها هاخليك تشوفة بالعيان
لما جاء يسوع الى البيت تقدم الية الاعميان فقال لهما يسوع : " اتؤمنان انى اقدر ان افعل هذا ؟ قالا لة :
نعم , يا سيد " فحينئذ لمس اعينهما قائلا : بحسب ايمانكما ليكن لكما فانفتحت اعينهما " ( متى 9: 28, 29)


اسمع صوت الرب يقول ..... مش راح تفهم حالا قصدى
بعد مرور الوقت تنول ..... علم وفهم وكل ما عندى
ع الاذرع هاتكون محمول ..... ان آمنت تشاهد مجدى


حاضر يارب انا فهمت وقت التجربة لازم اعمل اية وما اعملش اية بس من فضلك لغاية ما ييجى الوقت
اللى هاترفع فية عنى التجربة انا باطلب منك انك تملا قلبى سلام وفرح مش سلام made in taiwan
صنع فى تايوان زى اللى بيتكلموا عنة لا انا عايز سلام made in jesus صنع بيد يسوع
" سلامى اعطيكم ليس كما يعطى العالم اعطيكم انا " ( يوحنا 14: 27) اصل دة سلام فاق العقول
سلام غير مرتبط باى ظروف او احداث وعايز " فرح لا ينطق بة ومجد " ( بطرس الاولى 1:
علشان اقدر " افرح كل حين " ( تسالونيكى الاولى 5: 16)


ومبقاش مستنى ياربى موقف هايفرحنى
او مسنود على ناس تتغير وتجرحنى



وباطلب انك تملا ذهنى باليقين ان فية :


خطة عظيمة مدبرهالى ..... رحلة عمرى انت رسمهالى
ساعدنى يارب اعيشلك عالى ..... فوق العالم فوق احوالى


" افرح بالة خلاصى الرب قوتى ويمشنى على مرتفعاتى " ( حبقوق 3: 18, 19)



من مواضيعي 0 خيط حياتنا
0 "بوابه السماء"
0 فن تلعيب الأطفال
0 جديدة ... جديدة ... جديدة !!!
0 التحدى الكبير
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #5  
قديم 19-05-2009, 12:03 PM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: لية يا رب ؟

5 – الشفيع : " ان اخطا احد فلنا شفيع عند الاب يسوع المسيح البار وهو كفارة لخطايانا ليس لخطايانا فقط بل لخطايا
كل ايضا " ( يوحنا الاولى 2: 1, 2) , " الروح نفسة يشفع فينا بانات لا ينطق بها " ( رومية 8: 26)
يعنى لو غلطت يا حبيبى هتلاقى المسيح بيشفع لك عند الاب
يارب انت بتقول : لو غلطت طب انا متاكد هاغلط فى اوقات ضعفى وهاقع , رد الرب علىّ وقال :


مش الخطر انك تقع او ما تقعش ..... الخطر انم تستحلى القعدة فى الطين


لازم تقوم بسرعة وتقول : " لا تشمتى بى يا عدوتى اذا سقت اقوم " ( ميخا 7:
وتنظف هدومك بالشئ الوحيد اللى يقدر ينظفك " دم المسيح ابنة يطهرنا من كل خطية " ( يوحنا الاولى 1: 7)
وبعدين يا حبيبى انت لية تستنى لغاية ما الخطية تيجى وتقف قدامك ؟ " الذكى يبصر الشر فيتوارى "
( امثال 22: 3)
ومادام رايك فى نفسك انك شخص ذكى يبقى اول ما تشوف الخطية جاية من بعيد اهرب
" اهرب لحياتك " ( تكوين 19: 17)


اهرب منها وتعالى استخبى فى حضنى ..... واول ما الخطية هتلاقيك فى حضنى هاتهرب هى منك

" قاوموا ابليس فيهرب منكم " ( يعقوب 4: 7)



6- المحامى : " الرب يقاتل عنكم وانتم تصمتون " ( خروج 14: 14) , " هكذا قال رب الجنود من يمسكم يمس
حدقة عينى " ( زكريا 2: 8 )


ابدا ابدا مش متساب ..... وحدى هنا فى دنيا الاتعاب
مليان قلبى سلام من وعدك ..... رب المجد بذاتة حاميك


يا سلام اية دة ؟ عز رب المجد بذاتة حاميك يعنى لا تقولى بودى جارد ماشيين ورا وزير
ولا حراسة ماشيين ورا امير !!!!
" قلب الملك فى يد الرب كجداول مياة حيثما شاء يميلة " ( امثال 21: 1)
يعنى وانت اصغر مؤمن ماتخافش من اكبر شنب " ان كان الة معنا فمن علينا ؟ " ( رومية 8: 21)
" على اسوارك يا اورشليم اقمت حراسا لا يسكتون كل النهار وكل الليل على الدوام يا ذاكرى الرب " ( اشعياء 62: 6 )


مين يتجرأ , مين هيعادى ..... شعب حماة الرب الفادى
علو الاسوار علوها يا شعوب الرب
رب الارباب قائدنا خارج للحرب
طاشت كل سهام اعدائنا ..... طار الخوف من جوة قلوبنا
المجد كلة ليك يا الهنا
من مواضيعي 0 قسوة أم حب
0 دير القديسة دميانة
0 دير الانبا باخوم واختة ضالوشام ( الصوامعة شرق اخميم )
0 هايدى منتصر ( عمرى ليك )
0 وداعا ام الى اللقاء
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #6  
قديم 19-05-2009, 12:06 PM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: لية يا رب ؟

7- الراعى : كتير باقول لنفسى : انا مطالب انى اهتم بافراد اسرتى ومطالب انى اقف بجوار اصدقائى
وقت شدتهم ومطالب انى اجامل زملائى فى العمل , طب وانا ؟ مين مسئول عنى ؟
بلاش مسئول عنى يمكن واحد يقولى دى وسعت منك شويتين !!! قول : مين يقف جنبى وقت الشدة
بس حتى قلت انا مش محتاج غير انسان يحبنى بجد وعايز يساعدنى فى وقت الشدة ويقدر يسعدنى ,
سمعت صوت الرب بيقولى : ما تتعبش نفسك يا حبيبى مافيش مش هاتقابل انسان فية ال3 صفات دول
لان افراد اسرتك مثلا : بيحبوك وعايزين يساعدوك لكن تلاقيهم مش قادرين يسعدوك
اصدقائك : برضة بيحبوك وقادرين يساعدوك لكن تلاقيهم مش عايزين يسعدوك
زملاء العمل : قد يكونوا قادرين يساعدوك لكن لو اتعارضت مصالحهم مع مصالحك او كان لابد ان
يختاروا ما بين مصلحتك ومصلحتهم تفتكر ها يختاروا اية ؟
جاوب انت ....................
لكن فى شخص عظيم قال عن نفسة : " انا اراعى الصالح " ( يوحنا 10 : 11) هو الوحيد اللى هتلاقى
فية ال 3 صفات اللى انت محتاج لهم هو الوحيد اللى ينفع تقولة : فيك ما ارجو واكثر


ياللى بطول الرحلة معين ..... ولينا راعينا وخل امين
انت الهنا وعزنا بيك ..... نعدى فى وادى البكا غالبين



لانة فى الوقت اللى اقرب الناس يك هايسيبوك سواء بارادتهم او غصب عنهم هتلاقى احضانة مفتوحة ليك
" ان ابى وامى قد تركانى والرب يضمنى " ( مزمور 27: 10 ) , " لا اهملك ولا اتركك "
( عبرانيين 12: 5)
الرب يضمنى لا اهملك ولا اتركك افعال فى امضارع لانها بلغة الاطباء : وعود long action
ممتدة المفعول يعنى لا اتركك النهاردة وبكرة وكل يوم وماتقلقش ابدا لانها وعود مالهاش
Expiry date تاريخ صلاحية زى بتاعة الدكاترة دى وعود سارية المفعول لغاية اخر لحظة فى حياتك
" ايضا الى اشيخوخة والشيب يا اللة لا تتركنى " ( مزمور 71: 1
هزيت راسى وقلت لة : فعلا يارب هية دى الحقيقة



مين غيرك قادر يفهمنى ..... لما يكون وضعى صعب
مين غيرك لما بيسمعنى ..... عايز يلبيلى الطلب
الناس الى حوالى كتار ..... وهم فى السمع شطار
واشطرهم فى وقت الشدة ..... بسرعة باشوفة انسحب
كل السما ونجومها ..... بكلمة انت اللى كونتها
حتى الشمس مع نورها ..... انت الى نورتها
الارض صنعتها ايدك ..... والناس كلهم عبيدك
مش صعب عليك يا ربى ..... ترعى اللى بيريدك


8- الاب : فية ناس لما يتعصبوا بيقولوا : انت مش عارف انا ابن مين ؟
باكون عايو ارد عليهم واقول لهم : مش البية برضة ابن ادم الساقط ولا حضرتك ليك اب تانى ؟
شوف يا حبيبى اللى هايفتكر ان اللى مديلة قيمة فى الحياة ومعلى مقامة انة ابن فلان اللى فلوسة كتير
او ابن فلان اللى مركزة كبير صدقنى دة شخص هايعيش يتيم ويموت يتيم , صرخت وقلت : ارحمنى
واقبلنى ابن ليك


ليك باقدم عمرى باهدى اليك ايامى
وحدك مالك امرى وانت سر سلامى
انا عزى بيك وفخرى ومالى سواك
وعلى ايامى ياربى مايسود الاك
مايملك قلبى امامك غير السجود



طبطب علىّ وقالى : " اما كل الذين قلبوة اعطاهم سلطان ان يصيروا اولاد اللة " ( يوحنا 1: 12)
من النهاردة انا هامشى رافع راسى واقول بفخر انا ابن الملك دة مش كبرياء لان دى الحاجة الوحيدة
اللى ينفع ان الواحد يفتخر بيها
عمى بولس قال كدة : " حاشا لى ان افتخر الا بصليب ربنا يسوع المسيح " ( غلاطية 6: 14)


غالى يارب علىّ ..... غالى عملك فىّ
حبك مالى كيانى ..... كنزى وكل مالى


وازاى مافتخرش اذا كان ملك الملوك نفسة قالى : " هوذا على كفى نقشتك " ( اشعياء 49: 16) , " دعوتك باسمك انت لى"( اشعياء 43: 1)



من مواضيعي 0 بدعة التيوصوفية
0 تجربة
0 الخادم والطاقة الروحية
0 دير القديسة كاترين
0 مهنة الرقيب
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #7  
قديم 19-05-2009, 12:08 PM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: لية يا رب ؟

احبائى صفات الرب اللى انا ذكرتها ليست على سبيل الحصر طبعا دة انا من ساعة ما ابتديت حياة جديدة مع الرب وانا فى كل يوم باتعلم عنة حاجة احلى من اليوم اللى قبلة هاقول اية اسيب اية لاورقة ولا كراسة ولا مجلد هايكفى لان العلاقة مع الرب دى مش كلمة تتوصف دى حياة تتعاش مش هاقول عنها غير حاجة واحدة بس انة فى نهاية كل يوم لسان حالى بيقول :


يا ابانا لست ادرى كيق كان العمر يجرى دون ان ادرك انك انت ابى
يا خسارة اايام ..... اللى مرت من غيرك
ياريتنى عرفتك زمان ..... وشبعت من خيرك



يا اخى العزيز من ناحية ان اسمك مكتوب فاسمك مكتوب لكن السؤال المهم : ياترى اسمك مكتوب فين ؟ مكتوب فى سفر الحياة ولة لأ ؟
لو قلتلى بثقة : شكرا للرب انا اسمى فى سفر الحياة , هاقولك مبروك عليك
ولو قلتلى انا مش عارف مكتوب فين ؟ هاقولك :


ارجع وارمى عالم فانى ..... مش هاتفكر ترجع تانى
لية قلبك من الهم يعانى ..... عمرك ضايع وانت الجانى


الموضوع مش محتاج اكثر من جملة واحدة : يارب انا باسلمك حياتى
ولو قلت الماضى بتاعى المهبب اعمل اية فية ؟
وقتها مش انا اللى هارد عليك لكنك هاتسمع صوت حبيبى يبقولك : " اكون صفوحا عن اثاهمم ولا اذكر خطاياهم وتعدياتهم فى ما بعد " ( عبرانيين 8: 12)



انا جيت علشانك انت ..... وانا شغلى الشاغل انت
مشتاق لرجوعك وانت ..... فى عنادك زى ما انت
دة مكانك فىّ تعالى ..... والعيشة بدونى محالة
بس اوعى تقسى قلبك ..... لتضيع الفرصة منك


من مواضيعي 0 معلش يا جماعة
0 رموز العذراء مريم فى العهد القديم
0 تلذذ بفرحة الانتصار بقلم / م . فاروق عبد المسيح
0 على كل خادم ان يكون .......
0 احببتكم
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #8  
قديم 19-05-2009, 12:54 PM
الصورة الرمزية kirlos_milad
kirlos_milad kirlos_milad غير متواجد حالياً
عضو فضي
 
تاريخ التسجيل: Sep 2006
الدولة: طنطا
المشاركات: 2,383
إرسال رسالة عبر مراسل Yahoo إلى kirlos_milad
افتراضي رد: لية يا رب ؟

رااااااااااااااااااااااااااااااااااااااااااائع جدا ......................................
من مواضيعي 0 بتفكر في ايه يارب في حالي ولا عشاني ؟؟؟
0 كيف اعرف اراده الله في حياتي
0 خلاص انتي خفيتي
0 مخ المرأه
0 زكريات جميله و بركات عظيمه
__________________
ياعدرا يا ام النور ... دبريلي الامور

فلنبكي بكاءا حسنا عما فعلناه كثيرا في حق الرب و لنتوب عنها بدموع حاره ونعترف بها حتي اذا جاء يوم الرب فنكون قد سلكنا ببر و طهاره .......... كيرلس ميلاد
http://www.youtube.com/watch?v=bEWIt...layer_embedded

http://www.youtube.com/watch?v=oskBnFsKs5k

يا رجاء من ليس له رجاء و يا معين من ليس له معين ... اعن ضعفي يارب
رد مع اقتباس
  #9  
قديم 19-05-2009, 02:47 PM
الصورة الرمزية marmar*
marmar* marmar* غير متواجد حالياً
Administrator
 
تاريخ التسجيل: Jun 2007
المشاركات: 5,817
افتراضي رد: لية يا رب ؟

موضوع جميل جداااااااااااااا



ديما موضعيك مميزه ربنا يعوضك يافلتى
من مواضيعي 0 لماذا يملك بعض الأشخاص غمازات بينما لا يملكها الآخرون
0 ماهى الشروط الواجب توافرها لكى اقدر اسمع صوت الرب؟؟؟
0 ولد صغير هايتجنن
0 الايمان و الأولويات
0 ممكن ترنيمه خلينى المس ثوبك ؟... ضرورى
__________________



عنـدمـــا يضــع اللــه ثقـــلا فوقــــك فـأنـــه يضــع ذراعــه تحتــــك
فــلا تهتــز نفســك ولا تضطـــرب
رد مع اقتباس
  #10  
قديم 19-05-2009, 03:40 PM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: لية يا رب ؟

شكرا يا kirlos_milad

شكرا يا marmar*


اذكرونى فى صلواتكم
من مواضيعي 0 كيف تتخلص من الغضب
0 ترنيمة طول حياتى للمرنم هانى غطاس
0 صرخة خادم (متجدد )
0 ارجع الىّ بقلم . م / فاروق عبد المسيح
0 حب نفسك تحب الآخرين
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
إضافة رد

شارك أصدقائك هذا الموضوع في مواقعك المفضلة

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:25 AM.



Powered by Pope Kirillos Scientific Family
Copyright ©2001 - 2019