الوصايا العشر لارضاء المرأه

[krombo]

الوصايا العشر لارضاء المرأه

رسائل من أنثى لكل الرجال في العالم
فاستمعوا اليها وتقيدوا بها اذا استطعتم
1- لا تحاول الكذب على المرأه فإنها ستعرف انك تكذب من صوتك
2- لا تهمل المرأه وهي في قمه حاجتها لك

3- لا تسألها عن مدى حبها لك إلا عندما
تعبر أنت عن حبك لها أولاً
4- لا تخون المرأه فإن قلبها كالزجاج إن إنكسر
فلا يعود لحالته السابقه أبداً
5- إن ضحكت المرأه فاعلم أنها إرتاحت بصحبتك

6- إن إتصلت بك فاعلم أنها كانت حزينه وأنها أرادت
أن تسمع صوتك لترتاح حتى لو لم تعبر عن حزنها

7- إن كانت المرأه سعيده فشاركها سعادتها
وإن كانت حزينه فإسألها لتريحها لا لتعطيها حلولاً

8- قلب المرأه لا يحب الرجل الى إذا وثق به

9- من الصعب على المرأه ان تعبر عن ضيقها
فإن نزلت من عينيها دمعه فعلم أنها بأشد حالات الضيق

10- وفي النهايه كن لهذه المرأه الصديق المخلص
والأب العطوف والأخ الحنون فإن ارتبطت بك فإنها بذلك قد ضحت بأغلى
الأشخاص لديها واختارت رفقتك أنت عن رفقتهم

المصدر: منتدي أسرة البابا كيرلس السادس العلمية

---

hg,whdh hguav ghvqhx hglvHi

[MORAMARMAR]

2- لا تهمل المرأه وهي في قمه حاجتها لك
3- لا تسألها عن مدى حبها لك إلا عندما
تعبر أنت عن حبك لها أولاً
مرررررررسى كتير كرومبو على الموضوع الجمييييل دة
حقا اذا اراد الرجل ان يكسب قلب المراة علية ان يقوم بهؤلاء العشر
وبذلك لا يكسب قلبها فقط بل عقلها وكل حياتها
يسلموا ايديك كرومبو

[krombo]

الف شكر يا مارى وده حييجى ايه فى مجهودك العظيم

[fadena]

ميرسى كيرو بجد موضوع جميل جدا
كل مواضيعك مميزه و جميله و لها معنى
بجد موضوع فى منتهى الجمال والروعه مش عارفه اقتبس ايه ولا ايه
تسلم ايديك

[krombo]

الف شكر يا فادينا بجد انتى رافعه معنوياتى

[عفاف]

لكل العرايس.. 8 نصائح للحفاظ على شعرك قبل زفافك

سماء رضا

• قمر 14

Select ratingPoorOkayGoodGreatAwesome Poor
Okay
Good
Great
Awesome







Feb 21 2010
إزاي أهتم بشعري قبل الفرح؟!




أكيد أي عروسة في الفترة اللي قبل زفافها بيكون كل اهتمامها موجّه لتجهيز عش الزوجية، وللأسف الشديد مش بتلاقي وقت إنها تهتم بشعرها، وبتكون النتيجة إن شعرها بيحصل له مشاكل كتير أوي قبل الجواز؛ زي مشكلة التقصّف وسقوط الشعر وفقدان اللمعان وغيرها من المشاكل..


علشان كده باقول لأي عروسة على وش جواز إنها لازم تبدأ تهتم بشعرها قبل معاد الفرح بشهرين أو بشهر على الأقل علشان تلاقي النتيجة اللي هي عايزاها؛ وده لأن علاج الشعر بيحتاج وقت طويل..


طبعاً دلوقتي بتسألي نفسك وتقولي: إزاي أهتم بشعري قبل الفرح؟! حالاً هاقول لك على مجموعة هايلة من النصائح المفيدة مية في المية..


النصيحة الأولى: اهتمي بغذائك
بنات كتير بيعتقدوا إن الشعر بيتغذى من خلال الكريمات أو الزيوت المغذية للشعر، وإن الزيوت دي زي العصا السحرية ممكن إنها بين يوم وليلة تقضي على كل مشاكل الشعر وتقويه..

لكن في الحقيقة إن الشعر بيتغذى من خلال حصولك على الغذاء السليم اللي بيحتوي على كل العناصر الغذائية اللي جسمك محتاج لها؛ زي فيتامين "أ" اللي ممكن إنك تحصلي عليه من اللبن والجزر والكبدة، وفيتامين‏ (‏هـ‏)‏ المتوافر في الخضروات والبندق واللوز والقمح، وكذلك فيتامين‏ (‏ب‏)‏ المركب وتتوافر أنواعه في العديد من الأطعمة..


كمان في غلطة بتقع فيها بعض البنات قبل الفرح؛ وهي إنها تتبع نظام غذائي قاسي، وبكده بتحرم نفسها من حاجات كتير أوي بيكون جسمها محتاج لها في الوقت ده..

وعلشان كده باقول لك إنك المفروض تحرصي على إن غذائك يكون بيحتوي على جميع العناصر الغذائية اللي جسمك محتاج لها، ولو كنتِ شايفة إن جسمك فعلاً محتاج إلى ريجيم ماشي ما فيش مشكلة اعمليه، بس يا ريت يكون نظام الريجيم ده معتدل، بحيث إن جسمك يقدر إنه يستفيد من كل العناصر الغذائية المحتاج لها في الوقت ده.


النصيحة الثانية: ابعدي عن العصبية والتوتر
أكيد أي عروسة بتكون خايفة وقلقانة ومتوترة في الفترة اللي قبل الفرح نتيجة وجود بعض الضغوط عليها وحرصها على إنها تكون عروسة أحلى من القمر، وطبعاً كل الحاجات دي طبعاً بتأثر على شعرها؛ وده لأن الشعر بيتأثر بالحالة النفسية فبتلاقي إن شعرها بدأ يتساقط بغزارة أو تظهر فيه القشرة فجأة.

علشان كده عايزاكِ تحاولي على قد ما تقدري إنك تقللي من التوتر والعصبية في الفترة اللي قبل الزفاف.


النصيحة الثالثة: دلكِ شعرك باستمرار
اللي كتير ما يعرفهوش إن عملية تدليك الشعر دي شيء مهم جدا؛ لأنها بتنشط الدورة الدموية للشعر وبتساعد على نمو أفضل للشعر.

علشان كده عايزاكِ تحرصي على تدليك شعرك بصفة يومية، وعلى فكرة ممكن إنك تدليكه وأنتِ بتسرحيه بالفرشاة بلطف في جميع الاتجاهات عن طريق إنك توطي براسك للأمام وتمشطيه وبعدين ترجعيه للخلف وتسرحيه بلطف.


النصيحة الرابعة: اغسلي شعرك بالطريقة الصح
لازم تراعي إنك تغسلي شعرك مرتين في الأسبوع بالشامبو والبلسم المناسبين لنوع شعرك، وما تحاوليش تكتري أكتر من كده، وده علشان الدهون الموجودة في شعرك مش كلها دهون ضارة، لأ فيه منها دهون شعرك محتاجها وهي دي اللي بتغذي شعرك وتعتني بيه وبتمنع عنه الجفاف..


ويا سلام بقى لو مشيتِ على الخطوات دي، وأنتِ بتغسلي شعرك:

1. تغسلي شعرك بالميه الفاترة تحت الدش، وراسك مرفوعة في اتجاه جذور الشعر، وعلى فكرة الميه الفاترة
أنسب ميه لغسيل الشعر؛ وده لأن الميه السخنة بتكون السبب في إن الشعر يفقد لمعانه وبريقه ودي
المشكلة اللي بتشتكي منها بنات كتير.

2. بعد كده بتجيبي الشامبو المناسب لنوع شعرك، وتضعي كمية قليلة منه في إيدكِ، وبعد كده تبليه بالميه
وتحطيه على قمة رأسك، وتبدئي بالفرك بلطف بأصابع يديك، وبلاش تستخدمي أظافر علشان ما تخدشيش
فروة الرس، وابدئي من الجهة الأمامية من شعرك وصولاً لرقبتك، وده بيكون تدليك لفروة راسك.


3. بعد كده اغسلي شعرك من الشامبو، وحطي البلسم الملطف على شعرك وسيبيه لمدة 5 دقائق على
شعرك، وبعد كده اغسليه جيداً بالميه الفاترة.

4. في النهاية اشطفي شعرك بالميه الباردة؛ لأن الميه الباردة بتساعد على إغلاق مسام الشعر، وبالتالي
الحصول على لمعان أكتر للشعر، وممكن كمان إنك في النهاية تشطفي شعرك بشوية خل؛ وده لأن الخل
بيساعد على التخلص من قشرة الشعر وبيدي للشعر لمعان.
النصيحة الخامسة: سرحي شعرك بالطريقة الصح
يا ريت وأنتِ بتسرحي شعرك تاخدي بالك من شوية حاجات:
1. تستني على شعرك لغاية ما ينشف؛ وده لأن تسريح الشعر وهو مبلول بيؤدي إلى تقصفه.


2. دلكِ شعرك بكمية قليلة من كريم الشعر، ولازم تفردي الكريم على إيديك الأول قبل ما تحطيه على شعرك.


3. استخدمي مشط بأسنان واسعة، وكمان يا ريت إنه يكون مصنوع من الخشب؛ لأن المشط المصنوع من
البلاستيك بيعمل شحنات كهربائية أثناء التسريح، وده بيؤدي لتقصف شعرك.


4. ابدئي في تمشيط الشعر بداية من الأطراف؛ لتخليص التشابك ثم من الجذور نحو الأطراف مرة أخرى. النصيحة السادسة: اعملي حمام كريم مرة كل أسبوع
الخطوة الأولى: قسمي شعرك لأربعة أجزاء.


الخطوة الثانية: اغسلي شعرك بالميه الفاترة وبعد كده بشامبو مناسب لنوع شعرك.

الخطوة الثالثة: ضعي الكريم على فروة رأسك ولغاية أطراف شعرك، وخلي كل قسم لوحده حتى نهاية الرأس.


الخطوة الرابعة: اعملي مساج خفيف لفروة الرأس علشان تتأكدي من وصول الكريم لجميع أجزاء الشعر.


الخطوة الخامسة: غطي شعرك ببونيه الشعر لمدة عشرين دقيقة.

الخطوة السادسة: اشطفي شعرك بالمية الفاترة ونشفيه كويس.

النصيحة السابعة: قصي أطراف شعرك
يا ريت إنك تروحي للكوافير قبل فرحك بشهر أو شهر نص وتقصّي أطراف شعرك، وده علشان شعرك يكون كله طول واحد ساعة الفرح، وتقدري إنك تعملي التسريحة اللي أنتِ عايزاها، وكمان علشان تقضي على التقصف اللي ممكن إنه يكون موجود في الأطراف.

النصيحة الثامنة: ابعدي عن السيشوار والمكواة والصبغة
يا ريت في الفترة اللي قبل ميعاد الفرح بشهر أو شهرين إنك تبعدي نهائياً عن شعرك حرارة السيشوار أو المكواة، وده علشان تبعدي عن شعرك الإرهاق وتقدري فعلاً إنك تعالجيه من مشكلة التقصف أو السقوط، ويا ريت كمان إنك تبعدي في الفترة دي عن الصبغة وكريمات الفرد؛ لأنها مضرّة جداً للشعر، خاصة لو كان الشعر بيعاني من مشاكل زي الضعف والسقوط.

[krombo]

لا يا تاسونى عفاف ايه الحلاوه دى

[marmar*]

الله عليك يا كرمبووووووو قولهم قولهم

ليك واحد شيكولاته عندى

وميرسى يا تاسونى على النصايح الغاليه ديه

[krombo]

شيكولاته ايه اللهم انى صائم بس عشن خاطرى شيليها فى التلاجه للفطار وربنا يباركك

[nancy00]

- لا تهمل المرأه وهي في قمه حاجتها لك
وفي النهايه كن لهذه المرأه الصديق المخلص
والأب العطوف والأخ الحنون فإن ارتبطت بك فإنها بذلك قد ضحت بأغلى
الأشخاص لديها واختارت رفقتك أنت عن رفقتهم