منتدي أسرة البابا كيرلس السادس العلمية


العودة   منتدي أسرة البابا كيرلس السادس العلمية > المنتديات المسيحية > منتدى القصص الهادفة

إضافة رد
 
أدوات الموضوع طريقة عرض الموضوع
  #1  
قديم 10-07-2007, 05:25 PM
ماريا مكارى ماريا مكارى غير متواجد حالياً
عضو فعال
 
تاريخ التسجيل: Aug 2006
المشاركات: 406
افتراضي أنا يسوع بتاع السبت والحد وكل يوم ..


لما كنت طفل صُغيَّر .. كان يوم عيد ميلادي بالنسبة لي هوه "أحلي يوم" في السنة ! .. حفلة كبيرة وهدايا ! ..
كل ده ليه ! .. لأني شرََّفت العالم بإني اتوَلَدت ! ..

كِبِرت شوية .. ودَخَلت المدرسة .. وتَخَيَّلت إن "أحلي يوم" في حياتي .. هايكون يوم ما اتفَوَّق في دراستي .. ويختاروني "الطالب المثالي" ! .. وفعلا ً حَصَل ! .. وفِرحت جداً طبعاً ! .. لكن بعد شوية حَسِّيت إن مش هوه ده اللي أنا بادَوَّر عليه ! ...

انتهت دراستي .. وقلت لنفسي : يِمكِن "أحلي يوم" في حياتي .. هايكون يوم ما اشتغل وأكون شخص مستقل ! ..
ولا حَد يقوللي : هاحرِمَك من المصروف !.. ولا حَد يقوللي : مافيش خروج بعد الساعة كذا !.. وفعلا ًحَصَل ! .. واشتَغَلت ..
لكن في الشُغل شُفت العَجَب ! .. ويا بَخت مَن كان المدير خاله ! .. كله بيقول : ياللا مصلحتي ! ..
وشُفت أشخاص معندهاش مانع عشان تِطلَع دَرَجَة .. تِطلعها على جُثِّة اللي حواليها ! ...

بعدها قلت لنفسي : الحياة من غير الحب .. عاملة زي الصحرا ! .. غالباً "أحلي يوم" في حياتي .. هايكون يوم
ما أحِب وأتجوز الشخص اللي بَحِبُّه ! .. أكيد وقتها هامسك نجوم السما بإيدَيّا ! .. وفعلاً حَصَل ! .. حَبِّيت وإتجَوِّزت .. ل
كن يا خسارة يا حُب ! .. ماكَنش العَشَم ! .. مالقيتش فيك اللي بادوَّر عليه ! ...

قلت لنفسي : العيال ! .. أكيد "أحلي يوم" في حياتي .. هايكون يوم ما ربنا يرزقني بطفل ! .. أكيد هوه اللي هايعَوَّضني عن أي خسارة ! ..
وفعلاً حَصَل ! .. ورَزَقني ربنا بوَلَد يفرِح .. مَفرَحش إزاي ! .. يا خبر ! ..
ده هوه الغالي ! .. اللي قلبي شافه قبل عينيَّ ! .. لكن ! ..
تِعِبت ورَبِّيت وكَبَّرت .. وفي الآخر .. معلش يا بابا ! .. أصل ظروف الحياة شاغلاني وبَعدَاني عنك ! ...

قعَدت مع نفسي .. واسترجَعت كل الأحداث اللي مَرِّيت بيها في حياتي .. واستغربت جداً .. لأن مافيهاش حاجة أنا أتمنِّيتها .. ما حَصَلتش عليها ! .. ومع كده .. لا مال ولا جمال شبَّعنِي ! .. ولا حَسَب ولا نَسَب رَوَاني ! ..

في قَرَارِة نَفسي شاعر إني حزين ومش مرتاح ! .. شوية ظروف حلوة .. بترفعني فوق فوق ! ..
وشوية ظروف صعبة .. بتنَزِّلني تحت تحت ! .. أنا فعلاً تَعبان !!! ...

- فجأة ! .. سِمِعت صوت هَمس في ودني بيقول :
" تكثُر أوجاعهم الذين أسرعوا وراء آخر" مزمور 16: 4..
"لأن شعبي عَمِلَ شَرَّين: تركوني أنا ينبوع المياه الحَيَّة، ليَنقروا لأنفسهم آباراً، آباراً مُشقَّقََة لا تَضبُط ماء"إرميا13:2

- خُفت ! .. " لأن كلامه كان بسُلطان " لوقا 4: 32 .. وقلت له : إنتَ مين ؟!؟! ...

- " فقال لي : أنا يسوع الذي أنتَ (تَستَهين بوجوده في حياتك) " أعمال الرسل 9: 5..

- سألته بمنتهي السذَاجة : هوه إنت يسوع بتاع يوم "الحَد" الصُبح ؟! .. يسوع اللي في الكنيسة !!! ...

- صِعِبت عليه ! .. وبحَنان ماشفتوش قبل كده قاللي :
وهوه فيه حاجة تَعباك ومِمَرَّرة حياتك غير إن إنت فاكر إن أنا يسوع بتاع يوم الحَد الصُبح بَس !!! ..
لأ يا حبيبي .. أنا يسوع بتاع الاتنين والتلات وكل يوم ! .. أنا يسوع بتاع العُمر كله ! ...

- ارتَحت له ! .. وقررت أفَضفَض له ع اللي في قلبي .. قلت له : أنا تَعبان ! .. كل ما أتمني حاجة .. بافضَل وَرَاها لغاية ما أحصُل عليها .. ولما باطولها .. باشعر إني مِسِكت الهوا بإيديَّا ! .. مش لاقي حاجة تِشبَّعني ! .. مش لاقي حاجة ترويني ! ..
" كل الأنهار تَجرِي إلى البحر ، والبحر ليسَ بِمَلآن " جامعة7:1 ..

- " فقال يسوع : أنا هو خُبز الحياة . مَن يُقبل إليَّ فلا يجوع ، ومَن يُؤمن بي فلا يعطش أبداً " يوحنا 6: 35..
عشان كده ما تِستَغرَبش إنك جَعان وعطشان ! ...
إنت سيبتِني وجِريت ورا آبار ناشفة ! .. كنت مُتَخَيِّل إن هيه اللي هاتِسعِدَك ! ..

يوم ما ابتديت تِشتَغل .. ما أخَدتِنيش معاك وإنت رايح الشُغل ! ..

يوم ما فكَّرت ترتَبط .. ما أخَدتِش رأيي وإنت بتِختار شريك حياتك ! ..

يوم ما رزقتك بطفل .. ما سألتِنيش تِرَّبي ابنك إزاي ! ..

مشكلتك كانت دايماً إنك فاكر إن أنا يسوع اللي في الكنيسة بَس ! ..

صَدَّق إني كِتيـر حَبِّيتك .. صَدَّق إني عشانك جيت
صَدَّق إني أنـا مِستَنِّي .. مهما بِعِدت ومهما جريت
صَدَّق إني راح أنسَى ماضيك
صَدَّق إني راح أسـكن فيـك
ليـه الهَـم يسُودَك .. ليـه بيحنِي عُـودَك
خَلليني أمسِك إيدَك .. ويبقي اليوم يوم عِيدَك

" فقالت مريم : هُوَذا أنا أمَة الرب . ليَكُن لي كَقولك " لوقا 1: 38...

يومها فعلاً كان يوم عيدي ! .. يوم الأربَع 6 مارس 2002 ! .. أخيراً لقيتك يا "أحلي يوم" في حياتي ! ...
وهاتِفضَل "أحلي يوم" لغاية ماييجي اللي "أحلي" منك .. يوم ما هاشوف حبيبي يسوع بالعَيان ! ...
ميلاد يسوع المسيح في العالم .. قسِّم تاريخ البشرية إلي "قبل" و "بعد" الميلاد ..
وميلاده في قلبي .. قسِّم حياتي إلي "قبل" و "بعد" الإيمان الحقيقي ! ...

على فكرة .. مش مُهم يكون فيه تاريخ مُحَدَّد في حياتك تكون اتقابلت فيه مع الرب يسوع .. لكن مُهم جداً إن حياتك تكون مقسومة إلي : "زمان كنت" و "دلوقتي بقيت" !!! ...

- لما الناس بيسألوني : إيه السِر ورا التغيير ده كله !؟!؟ ..

- باقول لهم : كلمة السر هيَّه : ) يسوع إتوَلَد ! ) ..

- بيقولولي : وإيه الجديد في كده ! .. إنت جِبت إيه مِن عندك !؟! .. ما كلِّنا عارفين إن (يسوع إتوَلَد) !!! ...

- باقول : فعلا ً .. لو الأمر انتهي عند (يسوع إتولد) وبَس .. كنت هافضَل أنا زي ما أنا ! .. لكن كلمة السر هيَّه : (يسوع إتوَلَد جُوَّايا !) ...

# وقِفت قدَّام عينيَّ المقفولة ! .. وقلت لها : إفتح يا سِمسِم ! .. قالت لي : إيه كلمة السر ؟ ..
قلت لها : (يسوع إتوَلَد جُوَّايا !) .. فانفَتَحِت في الحال ! .. وقالت لي : ياه ! .. أخيراً هاتِبتِدِي تشوف إيدُه اللي
ورا "أي" و "كل" نجاح في حياتك ! .. وإن مش مُخَّك اللي يِوزِن بَلَد هوه اللي كان بيجيب الديب من ديله ! ...

# ووقِفت قدَّام وِدانِي المَسدُودة ! .. وقلت لها : إفتح يا سِمسِم ! .. قالت لي : إيه كلمة السر ؟ ..
قلت لها : (يسوع إتوَلَد جُوَّايا !) .. فانفَتَحِت في الحال ! .. وقالت لي : ياه ! .. أخيراً هاتِبتِدي تِسمَع صوته وهوه مِتعَلَّق ع الصليب .. وبيقول لك : بَــحِــبَّــك مــوت !!! ...

# ووقِفت قدَّام شَهِّيتِي المفقودة للقَعدَة معاه .. وقلت لها : إفتح يا سِمسِم ! .. قالت لي : إيه كلمة السر؟ ..
قلت لها : (يسوع إتوَلَد جُوَّايا !) .. فانفَتَحِت في الحال ! .. وقالت لي : ياه ! .. أخيراً هاتِبتِدي تِفهَم إن الحياة من غيره .. لا ليها طعم ولا لون !!! ...

# ووقِفت قدَّام قلبي المِتحَجَّر .. وقلت له : افتح يا سمسم .. قاللي : إيه كلمة السر ؟ ..
قلت له : (يسوع إتوَلَد جُوَّايا !) .. فانفَتَح في الحال ! .. وقال لي : ياه ! .. أخيراً هاتِبتِدي تُشعُر بحِنِّيته ! .. أخيراً هاتِبتِدي تِحِس بتعزيَّاته و طَبطَبتُه عليك وإنت بتتألِم !!! ...
بَس قلبي بالذات لما إنفَتَح قدَّامي .. شُفت فيه اللي لا يسُر عدو ولا حبيب !!! .. فقلت لـ"قلبي" :
يادي المصيبة !!! .. هاعمِل فيك إيه !؟! .. ده إنت هاتوَدِّيني على جُهَنَّم حَدف !!! ...

رَد قلبي عليَّ و قاللي : اطَّمِّن ! .. " في ابتِدَاء تَضَرُّعاتك خَرَج الأمر ( مِن عند الرب ) ، وأنا جِئتُ لأخبِرَك لأنك أنت مَحبُوب " دانيال23:9 .. و هاتِبقَى مِن طينة غير الطينة ! .. " الكُل قد صَار جَديداً "كورنثوس الثانية17:5

"زمان كنت" فاكر إن المعجزة هيه إن ظروفي تِتغَيَّر .. لكن "دلوقتي" اكتشفت إن معجزة المعجزات هيه إن أنا اللي أتغير ! .. إن أنا "أتولِد" من جديد .. أهو ده "العَجَب" بعِينُه ! .. ومَبَقاش يهِمِني مكسب أو خسارة .. أصلي كِسِبته هوه ! .. ومَبَقاش يفرِق معايا مين باعني .. أصله اشتراني هوه ! ...
وأبسط تغيير .. كان في لهجة كلامي :

"زمان كنت" باقول لربنا : إنت يا رب مش محتاج تِعمِل مجهود عشان تِحِبنِي ! .. أنا أتحَب مِن غير حاجة !!! ...

لكن "دلوقتي" باقول له : يا خبر يا رب !.. ده إنت "نِفسَك" حلوة أوي إنك قادر تِبُص في وِش واحد زيي !!! ...

بيقولوا : ( إسأل مِجَرَّب ولا تِسأل طبيب ! ...)

أنا جَرَّبت إن يكون عندي كل حاجة .. لكن يسوع مش في المشهد ..

وجَرَّبت إن تِتسِحِب مني حاجة ورا حاجة .. لكن يسوع مالي المشهد .. وطِلعت بخُلاصة :
السَما مِن غير الرب .. ما تِتحَب !!! ... وأتون النار مع أب حَنون .. هايهون !!! ...

مقول للأمانة



Hkh ds,u fjhu hgsfj ,hgp] ,;g d,l >>

من مواضيعي 0 الأم أبصرت والأبنة تكلّمت....
0 صلاة لأبونا يوسف أسعد..
0 + لأن نحوك أعيننا +
0 قسم جديد لكن مفيد جدآ....
0 صفات الخادم الناجح..
__________________
<br /><br />
[size=12pt]يسوع لما يريد ... بيكســّــر الحديد[/size]
رد مع اقتباس
  #2  
قديم 10-07-2007, 06:44 PM
jesuslove jesuslove غير متواجد حالياً
عضو نشيط
 
تاريخ التسجيل: Jul 2007
المشاركات: 96
افتراضي رد: أنا يسوع بتاع السبت والحد وكل يوم ..

ميرسى ليكى اوى يا ماريا على الموضوع الحلو ده
فعلا الرب بتاع السبت والاحد وكل يوم
ربنا معاكى ويبارك تعب محبتك
من مواضيعي 0 ادخلوا شوفوا ادى اخرة التكنولوجياااااااااااااااااااااااا ...................!!!!
0 رجل بلا وجة !!!!!
0 محتاجة صلاتكوا
0 اذا احسست برغبة في البكاءلا تتردد !!!!!!!!!!!!!!!!!!!!!
0 انا الحب
__________________
[img width=320 height=400]http://img260.imageshack.us/img260/3294/dontbeafraid2jt6wo441pevy2.gif[/img]
<br />
[glow=red,2,300]لا تخف لانى فديتك دعوتك باسمك انت لى[/glow]
رد مع اقتباس
  #3  
قديم 10-07-2007, 07:04 PM
الصورة الرمزية ϲσɗɛ вяɛακɛɍ
ϲσɗɛ вяɛακɛɍ ϲσɗɛ вяɛακɛɍ غير متواجد حالياً
عضو ماسى
 
تاريخ التسجيل: Jul 2007
المشاركات: 7,035
افتراضي رد: أنا يسوع بتاع السبت والحد وكل يوم ..

القصه حلوة قووووووووووووى يا ماريا واكثر من رووووووووووعه
ربنا يعوضك ويبارك فيكى
اختك فرح
من مواضيعي 0 من فضلكم ساعدونى بسرعه من فضلكم بلييييييييييييييييز للا يقدر لانه بكره الخميس
0 مقطع فيديو لنطق الحروف الاسبانية
0 ابونا موسي بعت كل ترانيمه هدية mp3
0 3 كيلو كباب وحمام محشى وفراخ مشويه وعليك سلطات ياعينى ياعينى
0 كل ما يخص ترانيم عيد الميلاد المجيد والعام الجديد(الكريسماس)
__________________


يا رب لسـ،،ـت أعلم ما تحمله الأيـ،ـام لى و لكن يكفينـ،ـى شيئـ،ـا واحدا
ثقتـ،ـى أنك معى تعتنـ،ـى بى و تحـ،ـارب عنى


ربنا مــوجــ،ـود
رد مع اقتباس
  #4  
قديم 11-07-2007, 07:49 PM
shiconona shiconona غير متواجد حالياً
عضو برونزي
 
تاريخ التسجيل: Nov 2006
المشاركات: 914
افتراضي رد: أنا يسوع بتاع السبت والحد وكل يوم ..

بجد جميل جدا و مش عارف اكتب رد تستحقه بجد هذا الكلام قليل جدا لما احسست به
ربنا يعوضك بجد
من مواضيعي 0 كلنا قصار..ولكن!!
0 صلو من أجل فادي بالعراق
0 أرجو الصلاه من أجل اختنا فرح
0 الراهب الباكي
0 خـورس من ثلاث شجـرات
رد مع اقتباس
  #5  
قديم 12-07-2007, 11:50 AM
vina vina غير متواجد حالياً
عضو فعال
 
تاريخ التسجيل: Jun 2007
المشاركات: 415
افتراضي رد: أنا يسوع بتاع السبت والحد وكل يوم ..

القصه تحفه ربنا يعوضك قصه ممتازه
من مواضيعي 0 اين كنزك
0 الرجل الذى ضمنى طول اليل
0 يارب كلمنى
0 انت تقول
0 فاكر البطه
رد مع اقتباس
  #6  
قديم 12-07-2007, 06:29 PM
ماريا مكارى ماريا مكارى غير متواجد حالياً
عضو فعال
 
تاريخ التسجيل: Aug 2006
المشاركات: 406
افتراضي رد: أنا يسوع بتاع السبت والحد وكل يوم ..

شكراً ليكم على مروركم وعلى تشجيعكم
ربنا يبارك حياتكم ويثمر فى خدمتكم
من مواضيعي 0 القديس يوحنا السلّمى...
0 أتحبـــــــنى؟؟؟؟؟؟؟؟
0 الأدفنتـــــــــ من هم ـــــــــــــــست؟؟؟
0 النهاردة عيد ميلادى...
0 سبتنى ليه يارب؟!..
__________________
<br /><br />
[size=12pt]يسوع لما يريد ... بيكســّــر الحديد[/size]
رد مع اقتباس
  #7  
قديم 12-07-2007, 11:50 PM
الصورة الرمزية admin
admin admin غير متواجد حالياً
Administrator
 
تاريخ التسجيل: Nov 2005
المشاركات: 6,061
افتراضي رد: أنا يسوع بتاع السبت والحد وكل يوم ..

التأملات رائعة يا ماريا و لكن...
تحمل فكر بروتسطانطي , و أيضا يجب عندما نذكر إسم رب المجد أن نقول الرب يسوع.
من مواضيعي 0 خدت التأشيرة
0 كل سنة و انت طيبة يا مريان
0 تجربة
0 مطلوب بيانات المشرفين
0 رد: صيف معانا باسعار زمان
__________________

Pray for me
John
رد مع اقتباس
إضافة رد

شارك أصدقائك هذا الموضوع في مواقعك المفضلة

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر رد
اعظم مكان واقوي عمل وامجد صنيع !! ashraf william منتدي الروحيات 3 17-07-2010 07:26 PM
الدبلة فى الاصبع الرابع واليد الشمال ريموندة عبد المسيح المنتدي العام 0 30-05-2010 11:59 PM
الكارت بتاع يسوع MORAMARMAR منتدي الروحيات 6 08-05-2010 11:39 PM
اعظم مكان00 واقوى عمل00 وامجد صنيع ramzy1913 منتدي الروحيات 0 01-04-2010 06:49 AM
برجو منكم تصلوا عشان والدي ناردين طلبات الصلاة 5 04-07-2007 04:06 PM


الساعة الآن 04:24 PM.



Powered by Pope Kirillos Scientific Family
Copyright ©2001 - 2020