منتدي أسرة البابا كيرلس السادس العلمية


العودة   منتدي أسرة البابا كيرلس السادس العلمية > مواهب الشباب > الترانيم و الأشعار

الترانيم و الأشعار هذا القسم مخصص للإتاحة الفرصة للشباب الموهوب في نشر مواهبه في مجال تأليف الترانيم و الشعر.

إضافة رد
 
أدوات الموضوع طريقة عرض الموضوع
  #1  
قديم 26-11-2016, 01:39 PM
الصورة الرمزية اكليسيا
اكليسيا اكليسيا غير متواجد حالياً
عضو فعال
 
تاريخ التسجيل: Oct 2011
الدولة: علي كفي المسيح
المشاركات: 262
Question ((((((ثمن رخيص))))))))))


+لوحة جميلة بريشة فنان...منك ياربي اتقدمت للانسان +ارض وسما بابهى كيان ...وشجر وطيور وحيوانات كمان +وجنة مغروسة بيد الحنان...شهية للنظر والعيشة ده احلي مكان +لوحة جميلة بريشة حبك ...رسمت ملامحى علي صورتك +جملتنى عشان اكون شبهك...وخلقتلي حياة اعيش فيها ابنك + لكن طاوعت عدوى وخالفتك...ببساطة غدرت وبيعتك +كانت بداية ف بعدى عنك...ساعتها حولت نظرى عن دربك +رغم قسوتى وكسرت قلبك...رسمت خطة لخلاصي من عطفك +وبعد سنين وشهور وايام...لما ان ملئ الزمان +ارسلت ابنك يتجسد ف شكل انسان...يعيش حياتنا من غير خطية الشيطان +يشفى خرس وعرج وعميان...يقوم موتى عشان يزرع فينا الايمان +يشرح بالامثال وصاياه...عشان نفهم ان حياتنا معاه +وانه جاى مخصوص للخطاه...مش عايز حد يهلك بل الكل يعيش ف سماه +واختارنا 12 تلميذ من بين الناس...نكون ف بنيان الايمان احنا الاساس +ابنائه ويكون لينا نصيب ف الميراث...بس من غير تراجع نحط ايدينا ع المحراث +انا منهم الرب اختارنى...وزى ما حبهم كان بيحبنى +ونصيب ف الخدمة ادانى...مشكلتى مقدرتش احافظ علي مكانى +من حبي للمجد الفانى...وجمع المال سيطر علي كيانى +بصراحة اديت ابليس فرصة يملك علي وجدانى...مهمنيش الهى اللي جاى علشانى +جاى يمسك ايدى ولحضنه ارجع تانى...وينقذنى من الخطية اللي للموت وخدانى +ونسيت انه سقط قبلي من العلالي...بكبريائه وتفكيره الانانى +وجريت اعرض فكرة تسليمه للفريسين...وافقوا طبعا وقالولى من الفضة تاخد تلاتين +ووقت ضعفي وقسوتى بايدى سلمته...بعت حبه ف ثوانى بعت قلبه +ايوه بالرخيص كنت بايع...كنت مخدوع كنت ضايع +كنت جاحد ولابليس وكلامه سامع...مهمنيش تعليم ربي ولا حتى ابديتى كانت لشري مانع +ولما شوفت ربي يتعذب ويدوق من الالم...صعب عليا وفوقت لكن ياريت ينفع الندم +رجعت للشيوخ والكهنة اقول انا خنت...الهى برئ ودمه ثمين وانا اخطأت +حسيت بغلطى لكنى ما تبت...طاوعت يأسيى وخنقت نفسي فهلكت +انا برضو تلميذ وسطيهم...ليا الشرف اكون منيهم +صياد سمك انسان عادى...اخترتني ربي لاسمك انادى +رغم ضعف ايمانى بتحبنى...وكل ما اقع ليك بتشدنى +انا يا الهى بحبك لكن جوايا ضعيف...قولتلك قدام الناس اشهدلك وببقي ف كلامى عنيف +وقدام الخطر ببشريتى بمسك سيف...مكنتش فاهم ان كلامك اقوى من مليون سلاح ارضي مخيف +ويوم ما شوفتك الهى جاى ماشي ع المية...نزلت من السفينة ومشيت زيك يا مسيا +اولما شكيت وبعدت من عليك عنيا...كنت هغرق لقيتك مديت ايدك لايديا +رفعتنى من وسط الموج ولايمانى شددت...وقلتلي حبيبي لماذا شككت!!! +ولما كلمتنا عن امر تسليمك...قلت ربى مش هيحصل والا اكون مكانك +من حبي ليك قلت امشي طريقك اللي رسمته علشانا...اما حبك انت صليت كتير عشان ابليس طلب يغربلنا +وانا علشان متسرع ف قرارى...عدو الخير استخدمنى وحاول يغير مسارى +(لا انا معرفوش)هو ده كان كلامى...ايوه(انتى بتتكلمى علي مين)للجارية كان سؤالي +وكررت انكارى 3 مرات...قبل ما يصيح الديك زى ما قال رب القوات +ياااااه يارب ده انا انكرتك ...مش قدام حكام وملوك لا قدام جارية بيعتك +من غير تمن من غير مقابل قدمتك...خوفت علي نفسي وهربت وسيبتك +وقتها عنيك يا يسوعى جات ف عنيا...تبكتنى وتفوقنى قبل ما تملك عليا الخطية +ياالهى يا حنين سامحنى ع الضعف اللي فيا...بدموعى بتأسف راجعلك يا فاديا +بحبك ياربي لكن مقدرتش اعلنها قدام الخلق ديه...قوينى واسندنى وانا رافع دايما اسمك حتى لو كانت رقبتى هدية +ربي انا محتاجة فعلا معاك اتكلم... عن حبك اللي جابك علشانى من سماك تتألم +خليت قلبك مكان ليا وحبك بذل وعطاء...وانا بسهولة بعدت عنك اسف كان كلى غباء +بعتك بايديا دول وتمنك كان رخيص...كان قلبك مخلص جدا وانا قلبي كان خسيس +جرحت فيك جرح ابدى وعادى مهمنيش...فكرت نفسي هبقي حاجة ومن غيرك هعيش +انت الهى وابويا جيت علشان تشترينى ...رغم قساوتى والجحود قررت انك تفدينى +تنشلنى من اصلي اللي بحن له وهو التراب...بخطيتى ما اتهاونت وفتحت الباب +كأس عسل واخره مر...وابليس واهمنى ان انا كده حر +وانا من يوم ما خالفتك ربي وانا بشرب من كاس المر...ويوم ورا يوم خطاياى بتكتر وف رجلى عماله تجر +واكون السبب ف الامك وعذابك واللي دقته من المرا...جلدك وصليبك ودقات المسمار +كسرة قلبك والشوك علي راسك يا جبار...بيعى لحبك ودمك اللي سال انهار +سايل يصلح عيوبي ...يستر عليا ويبقي توبي +ايه ده يارب كل ده حب وحنية...ف قلبك يا اعظم اب لكل البشرية +ف موتك تقدملي دمك هدية...تحيينى وتبعد عنى موت الخطية +سامحنى ف ضعفي كنت ببعد بعنيا...واتوه وسط حاجات فانية وقتية +مد ايديك يا الهى لايديا...وانتهر ابليس ودوقنى طعم الحرية +راجعلك يا ابويا الغالي تغير كل ماضيا...نتصالح النهارده واوعدنى تصلح اللي فيا +تجملنى وترجعنى شبهك يا مسيا...وباعمالي اكون ابنك اشهدلك ف ايامى اللي جاية +وانا مهما قلت شكرا مش هعبر ع الحب اللي فيا...بحبك من قلبي يا فاديا.بحبك يا فاديا.بحبك يا فاديا ++++++++بقلم اوفوميا جرجس++++++++++


((((((elk vodw))))))))))

من مواضيعي 0 كل سنة وانتم طيبين <عيد الغطاس>
0 حبيبنا قلبه طيب
0 journey
0 الانانية
0 كن..... ولا تكن.....
__________________
ثق ان الذى اختار لك اول الطريق لن يتركك في منتصفه~

لاحظ
الحياة تتعثر...ولكنها لاتتوقف
الامل يضمحل...ولكنه لا يموت
رد مع اقتباس
  #2  
قديم 27-11-2016, 12:56 PM
الصورة الرمزية magdy-f
magdy-f magdy-f غير متواجد حالياً
المشرف العام
 
تاريخ التسجيل: Apr 2008
الدولة: مصر
المشاركات: 14,970
إرسال رسالة عبر مراسل MSN إلى magdy-f إرسال رسالة عبر مراسل Yahoo إلى magdy-f
افتراضي رد: ((((((ثمن رخيص))))))))))



من مواضيعي 0 ألبوم شهيد وامير - أبونا موسى
0 خلفيات للصليب
0 باوربوينت عيد الغطاس
0 شريط فائق الحب - ساتر ميخائيل
0 ترنيمة مكنش حلمك - للشهيد أبانوب النهيسى
__________________
رد مع اقتباس
إضافة رد

شارك أصدقائك هذا الموضوع في مواقعك المفضلة

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:43 PM.



Powered by Pope Kirillos Scientific Family
Copyright ©2001 - 2017