منتدي أسرة البابا كيرلس السادس العلمية


العودة   منتدي أسرة البابا كيرلس السادس العلمية > المنتدي العام > منتدي المواضيع المكررة

منتدي المواضيع المكررة هذا القسم مخصص للمواضيع المكررة تمهيدا لحذفها.

إضافة رد
 
أدوات الموضوع طريقة عرض الموضوع
  #1  
قديم 29-08-2016, 09:23 PM
الصورة الرمزية اكليسيا
اكليسيا اكليسيا غير متواجد حالياً
عضو فعال
 
تاريخ التسجيل: Oct 2011
الدولة: علي كفي المسيح
المشاركات: 262
Smile انا قررت


+تايه وعنيد وعن ربي بعيد...وماشي في طريقي وحيد +حاسس انى انا كده مرتاح مبسوط...ف حياتى علي هوايا بدون اي قيود +لا حد يقولي غلط ولا لكلامى يبقي حدود...اكدب احلف اشتم واحس بربنا مش موجود +سايب ايديه وماسك ايدين الشيطان...وماشي معاه وانا فاكر انى حر وفرحان +عايش حياتى خداع ومكر...سرقة وحقد وشهوة فكر +عدوى راسملي طريق ماليه ورود...ومفرحنى مع ان طريقه مسدود +ولما دخلت لعمق شرورى...حسيت بالضياع لكن منعنى غرورى +نزلت دمعة ف عز الخنقة...تعلن عيشة في خطايا غارقة +ايوه انا ضايع وضعفي غالبنى...لكن ابليس مش عايز يسيبنى +بعد ما فوقت من تانى نومنى...ولما قررت ارجع بموته قيدنى +رجعت تانى افكر انهب...شقة جاري بالنسبالى اقرب +ما انا عايز ادبر حالي ...من غير ما اتعب واشغل بالي +وحبة حبة ف ساعة العتمة...طلعت بشويش لشباك الشقة +شوفت منظر كان لثوانى...سرح تفكيرى ورجع بي زمانى +ام تعلم طفلها يرفع ايديه...يكلم ربنا ويحكى باللي ماليه +فكرتنى بامى وهى بتعلمنى اصلي...لكن غلطة عمرى انى اخلي +ابليس يضحك عليا ويوهمنى...بان يسوع مش حاسس بيا مع انه اكتر حد فاهمنى +ومن يومها انا قررت...ارجع عن طريقي لانى انحدرت +من حضن ربي وغدرت...ودمعة شوق في عنيا تقولى اخيرا اتغيرت +رجعت اجرى بسرعة لاوضتى...ودمعتى علي خدى قدام صليبك رفعت يدى +قلت ربي ابويا هتقبلنى...تايب وراجع ينفع تسامحنى +ربي حبيبي ابويا يسوع...باصرخلك وعينى مليانة دموع +سامحنى لبعدى عنك انا قلبي موجوع...انا قاسي واعمى وكنت مخدوع +قربنى منك اكتر وراسي بحبك مرفوع ...يا حنين ده انا غالي علي قلبك وتمنى(ثمنى)منك مدفوع +ولحبك يا ابويا انا قررت ابعد عن اي خطية ...احب اقدملك قلبي اقبله منى هدية +نضفه وغيرنى واسكن جواه للابدية...خلينى ابقي انسان قد المسئولية +قررت اعيش لك يا يسوعى وعليك تكون عنيا...ضمنى جوه حضنك راجعلك يا فاديا +قالي يا ابنى فاتحلك دايما احضانى...علشان بحبك وعارف انك راجع من تانى +تعبت يا ابنى لما مشيت في طريق مش سالك...ما انا نبهتك انه مليان مهالك +شوفت برفضك ايه اللي جرالك...لكن ما هونتش عليا حبيت ارجعك دارك +مع ان ف بعدك كنت عنيد...وانا بخبط باب قلبك ومادد ليك الايد +مستنيك تفتح لي وترجع لحضنى من جديد...لكنك صدقت عدوك مش عارف ان ده تهديد +اوعى تفكر انى عنك كنت بعيد..كنت جمبك كنت سندك مهانش عليا تكون وحيد +وقت ضعفك وقت يأسك...لما صحابك سابوك ف المك +كنت اتمنى تنادينى ف لحظة اضمد جرحك...مش صعب انك تلاقينى ما انا ابوك اللي بيحبك +علشانك يا بنى زمان اتحملت جروح واهات...واتهنت واتضربت علشان اوهبلك حيات +صدقنى يا حبيبي لو مفيش غيرك انت بالذات...كنت هسيب سمايا واقاسي نفس العذابات +لان حبي لابنى عمره ما هيكون زمان وفات...انا عايزك ومش هسيبك ف كل الاوقات +هفضل دايما جمبك واعوضك عن كل الجراحات...متسيبش تانى ايديا ومش هيكون في زلات +انا مجهزلك مكان جمبي فوق في السموات...ماسك يمينك وعشان بحبك هقومك من الاموات +++++++++fofa.gerges++++++++++++


hkh rvvj

من مواضيعي 0 شوف الطيور وتعلم
0 دعاء هندسي
0 مع السلامة
0 journey
0 لا تجعلنى حجرا يعكر صفاء البئر......
__________________
ثق ان الذى اختار لك اول الطريق لن يتركك في منتصفه~

لاحظ
الحياة تتعثر...ولكنها لاتتوقف
الامل يضمحل...ولكنه لا يموت
رد مع اقتباس
إضافة رد

شارك أصدقائك هذا الموضوع في مواقعك المفضلة

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر رد
انا قررت اكليسيا باقلامكم 1 31-08-2016 10:51 PM
قررت ashraf william شبابيات 0 30-11-2012 02:21 PM
قررت أتعلم منك ( للأطفال ) mariam nashat الترانيم و الأشعار 3 04-09-2012 04:08 PM
قررت أتكلم مع الشيطان؟؟؟؟؟ ashraf william منتدي الروحيات 2 08-09-2011 09:00 PM
عندما قررت الرحيل roula القصص القصيرة و التأملات 4 19-09-2007 12:29 AM


الساعة الآن 10:08 PM.



Powered by Pope Kirillos Scientific Family
Copyright ©2001 - 2017