منتدي أسرة البابا كيرلس السادس العلمية


العودة   منتدي أسرة البابا كيرلس السادس العلمية > المنتديات المسيحية > منتدى المعجزات > معجزات الأعضاء

معجزات الأعضاء هل مجد الرب اسمه القدوس معك بمعجزة؟ لا تتردد في كتابتها هنا.

إضافة رد
 
أدوات الموضوع طريقة عرض الموضوع
  #1  
قديم 26-05-2012, 12:15 AM
ايزيس اوزوريس ايزيس اوزوريس غير متواجد حالياً
عضو جديد
 
تاريخ التسجيل: Apr 2010
الدولة: عمان - الأردن
المشاركات: 6
افتراضي معجزة حصلت معايا في دير مارمينا بالاسكندرية


انا بنت اردنية كنت بزور اسكندرية مع جروب ديني... وكان معانا ممثل أردني معروف في الأردن وكمان بنحبه أوي علشان هو مسيحي مؤمن جداً... الشخص دا اقترح علي الجروب انه يزور دير مارمينا... ويوم الزيارة الصبح انا كنت تعبانة أوي من كتر ما رحنا وجينا الأيام اللي فاتت وطلبت منه يعفيني من الزيارة دي علشان مش قادرة... وفضل هو ورايا وقلي كلمتين... قالي لو مرحتيش دير مارمينا حيروح عليكي نص عمرك... واخدني بالغصب بعد ما فضل يقنع فيّ وقلي مش حنسيبك هنا لوحدك لازم تروحي تزوري الدير... الحقيقة كنت برجع طول الوقت قبل ما روح وتعبانه فعلاً... لكن سمعت كلامه ورحت معاهم الدير...
أول ما وقفت العربية نزلنا وبسرعة أوي الشخص دا مسك ايدي ومسك ايد مراته وفضل يجري فينا جوه الدير بسرعة... وقلتله بتجري ليه... قالي علشان نلحق نزور الدير... الناس كانت كتيرة جداً ومفيش مكان...
وفضل يجري بينا يجري بينا لحد ما وصلنا الكنيسة وصلينا فيها... وبعدين قلتله انت واخدنا فين؟ قلي حناخد بركة... انا أول مرة اشوف المنظر دا... وقفنا في طابور على باب اودة صغيرة جداً وبدأت ابص حولي علشان اشوف في ايه في الاودة دي... لقيت الناس بتاخد زيت وبركة من ايد ابونا... وكان الشخص اللي معانا واقف مستني دوره ولما وصل لعند ابونا طلب منه بركة وطلب منه كمان يصلي عليه... فرفض ابونا وقاله بعدين علشان الناس كتيرة وواقفة بتستنى وداه زيت مقدس... وكنت انا واقفة وراه على طول... ولما جه دوري علشان اخد بركة... انا متكلمتش ولا كلمة وكنت مستغربة المكان... حصلي حاجة غير متوقعة ابداً... معرفش هي ايه بالزبط لكن انا اتهيألي اني شفت ابونا كأنه من القديسين أو النساك بتوع زمان اللي بنسمع عنهم وعن حياتهم في الصحراء وحسيت اني بشوف احد القديسين... راجل كبير في السن لابس هدوم متعفرة بالتراب وبيصلي على طول... اول ما وصلت عنده حط ايده على راسي من فوق وبدأ يصلي عليّ من غير ما اطلب اي حاجة ولا حتى كان باين علي حاجة... الكل وقف مذهول وخصوصاً الشخص اللي كان معانا... وهو بيصلي في لحظات انا حسيت اني بقيت مش من العالم دا... محستش بأي حاجة حولي وكاني انتقلت مكان تاني خالص... حسيت بحاجة وحدة بس... كانت ايد ابونا فوق راسي بتضغط علي لتحت وحسيت في ايد تانية يمكن ايده التانية بترفع راسي لفوق... يعني حسيت بقوتين متعاكستين... كنت بسمعه بيصلي علي لكن مش فاهمة اي حاجة ولا حاسة بأي صوت تاني... وفي لحظة شال ابونا ايده عن راسي ورجعت تاني للدنيا... واول ما بصيت في وشه قالي يا بنتي ما تخافيش بكرا الصبح حتقومي وتصبحي كويسة... وفي لحظة بصيت باستغراب للشخص اللي كان معانا لقيت عينيه مرغرغة بالدموع وهو بيبص علي... وقبل ما اخرج اداني ابونا زيت مقدس كتير وبركة اكتر من الباقيين... ولما بصيت وانا خارجة على الشخص اللي كان معانا قالي انتي محسيتيش ان حصل معاكي معجزة... وبقيت اعيط اعيط مش عارفة ليه... والشخص اللي معانا كمان كان بيعيط والفرحة مش سايعاه وقلي دي حاجة مش معقولة... انا معرفش ازاي هو حس باللي حسيت انا فيه... ولما خرجنا من الأودة اخدنا لمكان علشان ناكل فيه... قالي في مكان بيقدموا فيه فول جميل جداً... لما دخلنا وقفنا في الطابور علشان ناكل... لقيت بتاع الفول حطلي صحن فول وكباية شاي وعيش كتييييير أوي... قلتله شكراً يا عم لكن العيش دا كتير أوي علي... رد علي وقلي يا بنتي كلي دا خير ربنا كتير... ساعتها مقدرتش امسك نفسي من العياط... حسيت ان دي الجنة فعلاً... حسيت أن الناس هناك بتهتم لبعضها وحسيت فعلاً ان المكان دا زي ما ربنا أطعم آلاف الناس بسمكتين وخمس ترغفة... وكفى وفاض... هنا المكان دا كمان... الناس بتطعمي من قلبها... والخير بيكفي وبيفيض.
وبقيت أكل واعيط من كتر الفرح... دا اطيب اكل كلته في حياتي...
لما جينا الدير كنا مجموعة كبيرة قسمونا عدة أقسام وكل قسم كان معاه شخص او اتنين من صحابنا المصريين علشان يدلونا ويفرجونا على كل حاجة في الدير...
المهم أول ما طلعنا من مكان الأكل لقيت صاحبتي مصرية بتجري علي من بعيد وجايبالي معاها هدية... سابت الجروب اللي معاها وجريت علي... تصوروا هديتها لي كانت ايه؟؟؟
كانت شاريالي صورة البابا كيرلس... مكتوب عليها... لا تفكر في الأمر كثيراً بل دع الأمر لمن بيده الأمر...
مع العلم ان صاحبتي دي مكنتش معانا ومعرفتش إيه اللي حصل معايا...
ومن يوميها وانا بحب الدير دا اوي اوي وكل ما انزل اسكندرية لازم ازوره...
وكل ما اشوف اي حد احكيله حكايتي دي وانصحه انه لازم يزور المكان المقدس دا...
يا جماعة انا بقالي سنتين مش قادرة اجي اسكندرية... صلولي علشان انا نفسي مشتاقة أوي أوي أوي ازور المكان المقدس دا... وبحلم باستمرار رجلي تخطي مصر...
مشتاقة ازور كل الأديرة اللي في مصر... ومشتاقة لرائحة القداسة بين شعبها الطيب المؤمن... الرب يباركوا ولو كانت إرادة ربنا اكون معاكو في الصيف... مش حاتأخر ابداً...
شكراً ليك يا رب لأنك بتستعملنا لنشر كلمتك ونمجدك دايماً
ابنتك المصرية الاسكندرانية الأردنية المحبة ليك على طول
ايزيس


lu[.m pwgj luhdh td ]dv lhvldkh fhghs;k]vdm

من مواضيعي 0 معجزة حصلت معايا في دير مارمينا بالاسكندرية
رد مع اقتباس
  #2  
قديم 31-05-2012, 01:32 AM
ريموندة عبد المسيح ريموندة عبد المسيح غير متواجد حالياً
مشرف
 
تاريخ التسجيل: Nov 2009
الدولة: الجيزة
المشاركات: 6,255
إرسال رسالة عبر مراسل Yahoo إلى ريموندة عبد المسيح
افتراضي رد: معجزة حصلت معايا في دير مارمينا بالاسكندرية

معجزة جميلة ياايزيس
من مواضيعي 0 تزين للاكلت تحفة
0 الف مبروك للفايز
0 القبض على السيدة التى قامت بتوزيع وجبات فاسدة
0 الفايز باافضل موضوع الاسبوع دة ؟؟؟؟؟؟؟؟؟؟؟؟؟؟؟
0 العادلى لدينا الدليل على تورط
__________________




رد مع اقتباس
  #3  
قديم 11-06-2012, 06:33 PM
الصورة الرمزية megomego
megomego megomego غير متواجد حالياً
المشرف العام
 
تاريخ التسجيل: Oct 2008
الدولة: في حضن المسيح
المشاركات: 9,880
افتراضي رد: معجزة حصلت معايا في دير مارمينا بالاسكندرية

شكرا يا ايزيس انك شاركتينا بالمعجزة الحلوة
وحمدالله على سلامتك
وبركة مارمينا والبابا كيرلس تكون معانا كلنا آمين
بس عندي سؤال أبونا اللي صلى لك إسمة إية ؟
من مواضيعي 0 هناك في بيت الآب
0 املاني من كنز محبتك الحقيقية
0 معقولة اقول لربنا هات الباقي ؟!
0 لما يكون واحد ماشي على مزاجة
0 لكن ما عرفتش
__________________


لو وقعت حقف تاني
لو إنكسرت حتجبر تاني
لو إتاسرت حتحرر تاني
دة يسوعي دايما بيديني فرصة تاني
دة يسوعي دايما مالك كياني

رد مع اقتباس
  #4  
قديم 11-06-2012, 09:42 PM
ايزيس اوزوريس ايزيس اوزوريس غير متواجد حالياً
عضو جديد
 
تاريخ التسجيل: Apr 2010
الدولة: عمان - الأردن
المشاركات: 6
افتراضي رد: معجزة حصلت معايا في دير مارمينا بالاسكندرية

الحقيقة كانت اول مرة ازور مارمينا ومعرفتش اسم ابونا بس هو كان بيدي زيت بركة.
من مواضيعي 0 معجزة حصلت معايا في دير مارمينا بالاسكندرية
رد مع اقتباس
إضافة رد

شارك أصدقائك هذا الموضوع في مواقعك المفضلة

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر رد
الإنجيل يجيب – 5 – حشمة الملابس مكرم زكى شنوده مكتبة الكتب 0 26-06-2011 11:47 PM
سلسلة معجزات حصلت معى انا شخصيا 3 ام هارفى معجزات الأعضاء 4 27-09-2010 11:33 PM
بعض معجزات القديس مارمينا ( بمناسبة عيد الشهيد العظيم مارمينا ) Armia منتدى المعجزات 13 19-05-2010 10:47 PM
أبشع جريمة قتل حصلت في الكويت maikyfbi منتدي المواضيع المكررة 2 18-05-2009 03:37 PM
حصلت معاك قبل كده الحكاية دي ؟؟؟ shiconona منتدي الروحيات 6 27-01-2009 10:59 PM


الساعة الآن 07:20 PM.



Powered by Pope Kirillos Scientific Family
Copyright ©2001 - 2017