منتدي أسرة البابا كيرلس السادس العلمية


العودة   منتدي أسرة البابا كيرلس السادس العلمية > المنتديات المسيحية > الخدمة و الخدام > إعدادي

إضافة رد
 
أدوات الموضوع طريقة عرض الموضوع
  #1  
قديم 22-01-2011, 09:34 PM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي اسكتش شبيك لبيك


شبيك لبيك
الهدف / الصلاة ليست طلبات بل هى علاقه حب

المشهد الاول
ايمن : سمعت يا نبيل كلام الاستاذ انا عاوز انفذة واخليه تديب الاسبوع دة

نبيل : كلام كويس ( لازم تحاول نرجع لربنا ولو شخص واحد ) بس يتنفذ ازاى ؟

ايمن : سامح صاحبنا مش بيصلى خالص دا حتى بيقول ابانا الذى بالعافيه

نبيل : تقصد تخليه يصلى , طب ازاى ؟

ايمن : حاجه بسيطه خالص , هو علشان يصلى لازم تكون البدايه مشجعه

نبيل : فعلا

ايمن : وبعد كده هو من نفسه هينطلق

نبيل : بالضبط

ايمن : ومافيش حد يقدر يشجعه غيرنا احنا اصحابه

نبيل : اكيد

ايمن : انا عارف من زمان ان نفسه فى حاجه معينه لو خليناه يطلبها من ربنا فى الصلاه وحققناهاله هيعرف ان ربنا استجاب لصلاته ويفضل يصلى طول عمرة وبكده نبقى رجعنا شخص لربنا

نبيل : ( يفكر ) كلام معقول لكن احنا هنعرف منين هو نفسه فى ايه ؟

ايمن : اسمع يا سيدى هو طول عمرة يقولى : بس لو كان عندى كاميرا " وما اعتقدش انه يقدر يجيب الكاميرا انا بقى امبارح بالصدفه بافتح علبه جبنه من اللى فيها مسابقه والجايزة كاميرا

نبيل : احنا نبعت له جواب وكاننا الشركه نفسها ونقوله ان الكمبيوتر اختارك من بين طلاب مرحله ثانوى علشان تكسب الكاميرا , دا طبعا بعد ما نقنعه انه يصلى ويطلب الكاميرا من ربنا

ايمن : دلوقتى روح انت كلم سامح واقنعه وانا هاروح احضر الجواب ولما تدينى تليفون بالليل تقولى ان كله تمام ارميه انا الصبح فى البوسطه

نبيل : ok , ماتنساش تغير خطك

ايمن : هاكتبه على الكمبيوتر

نبيل : طب بسرعه احسن سامح وصل

ايمن : سلام

سامح : ازيك يا نبيل

نبيل : ايه يا عم سامح انت بتيجى بعد ما الاجتماع بيخلص ؟

سامح : اعمل ايه بقى واقف مع الشله اصل الاجتماع مش قد كده وخصوصا الصلاه

نبيل : دة الوقت بتاع ربنا كل اسبوع لازم نلتزم بيه ايا كان الوضع فى الاجتماع وبعدين دى الصلاه احسن حاجه فى الكنيسه

سامح : انا بصراحه مش باحبها خالص ياغمض عينى ومش بعرف اقول ايه

نبيل : يا على الصلاه دى اروع حاجه فى الدنيا الصلاه ... يكفى ان اى حاجه تطلبها فى الصلاه من ربنا بيستجيب على طول انت عمرك ما جربتها ؟

سامح : زمان وانا صغير كنت اكرر الكلام اللى بيقوله الاستاذ ... يارب نجحنى , يارب حافظ علىّ , يارب حافظ على بابا وماما , يارب سامحنى والكلام دة يعنى

نبيل : شوفت ... وكان ربنا بيستجيب بدليل انك واقف قدامى صاغ سليم ولو عملت كده وطلبت اى حاجه نفسك فيها ربنا هايستجيب على طول

سامح : ياراجل انت بتصدق

نبيل : طبعا دى حاجه معروفه انا مستعد اتحداك انك لو طلبت اى حاجه نفسك فيها ربنا هيحققهالك وساعتها هاتفضل تصلى على طول ... ها قبلت التحدى ؟

سامح : لا يا عم بلاش

نبيل : سامح انا عمرى قلتلك على حاجه وطلعت غلط

سامح : لأ

نبيل : خلاص بيقى تجرب !! وعلى ضمانتى ودلوقتى تعالى معايا عند الهيكل نصلى وكل واحد يطلب اللى نفسه فيه

سامح : ايوة صحيح فكرتنى دة انا نفسى من زمان فى كاميرا

نبيل : يا عم جرب , انت مش هاتخسر حاجه

سامح : على رايك يالا تعالا قدام الايقونه دى
( يصلى سامح ويطلب الكاميرا من ربنا )

نبيل : ايوة كده ... يلا روح يا بطل على البيت وانت هاتشوف مفعول الصلاه

سامح : اما نشوف ... سلام

نبيل : سلام



hs;ja afd; gfd;

من مواضيعي 0 صدق و لابد أن تصدق الجزء الاول بصوت أبونا يوأنس كمال
0 قصص مسموعة من الكتاب المقدس
0 مكعبات
0 جديد من نوكيا
0 الجراح العظيم يتدخل
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #2  
قديم 22-01-2011, 09:35 PM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: اسكتش شبيك لبيك


المشهد الثانى



( فى منزل سامح – صوت طرق على الباب )



سامح : ايوة ... انا جاى مين ؟



عم مصباح : صباح الخير يا بيه



سامح : صباح الخير يا عم مصباح



عم مصباح : ما لاجيش ميعاك سوجارة



سامح : ما انت عارف يا عم مصباح انا مش بدخن



عم مصباح : ولا انا كمان , طب معاك لبانه او اى حاجه حلوة من اللى بنشوفها فى التلافزيون



سامح : يعنى انت يا عم مصباح بتضرب الجرس الساعه 7 الصبح علشان حاجه حلوة ؟



عم مصباح : لع , اصل انا جايبلك جواب وانت لازم تحليلى بجى ما انت عارف نظامى يا بيه سلم واستلم



سامح : اة حاجه قصاد حاجه يعنى ؟



عم مصباح : عليك نور , بجولك ايه انا شايف على الترابيزة هوهوز سلمها واستلم جوابك



سامح : انت كمان عرفت الهوهوز , طب ثانيه واحدة



عم مصباح : ( يتكلم مث الاعلانات ) الطعم حكايه واحده مش كفايه



سامح : ( يفتح الخطاب ) السيد سامح بديع بطرس قد قامت الشركه باجراء سحب على اسماء جميع طلاب المدارس الثانويه وفزت بكوبون يسمح لك باستبداله بكاميرا من اقرب محل ... مبــــــــــروك .

( سامح يكلم نفسه ) كاميرا ..... كاميرا !!! معايا كوبون ابدله بكاميرا , بس ازاى , ايه الخبر الابيض الفاتح دة ......... اااااااااة ........ الصلاه بقى الصلاه تعمل كل دة

من مواضيعي 0 ملك الطعمية
0 انانى ولة مش انانى ؟
0 جريمة‏ ‏قنا‏ ‏تفجر‏ ‏مخاوف‏ ‏حول‏ ‏اختطاف‏ ‏السلفيين‏ ‏للثورة
0 صليبها
0 مناجاة
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #3  
قديم 07-02-2011, 08:50 PM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: اسكتش شبيك لبيك


المشهد الثالث


فى الكنيسه



ايمن : شفت يا عم الخطه نجحت وسامح خلاص حب الصلاه



نبيل : طبعا بعد ما حققنا له حلم حياته



ايمن : اتصل الصبح وهو مبسوط جداً وقال لى انه هيصلى على طول ويطلب كل اللى نفسه فيه



نبيل : الحمد لله انه هيطلب كل اللى نفسه فسه ..........( يفكر ) يا خبر هو قال كدة ؟



ايمن : ايوة ... يا عم واحنا مالنا يطلب هو بقى براحته احنا عملنا اللى علينا وحببناة فى الصلاه , يكمل هو بقى



نبيل : لا يكمل ايه ؟ دا كده ممكن يتنكس ويبعد عن الكنيسه خالص , لو طلب حاجه ومااتحققتش



ايمن : يعنى ايه ؟



نبيل : اولا لازم نعمل عليه نباطشيه ويكون واحد مننا معاة على الاقل وهو فى الكنيسه ولو سمعه بيطلب حاجه يحاول يحققها له



ايمن : يا سلام , طب ولو طلب وهو فى البيت هنعرف ازاى ؟



نبيل : ما هو دة ثانيا , لازم نفهمه ان الصلاه فى البيت كويسه ومفيده , لكن لازم يأكدها فى الكنيسه وانه لو طلب الحاجه فى البيت بس ممكن ما تتحققش لازم فى الكنيسه كمان



ايمن : ماشى , انا هأكلمه وهأكون معاه النهاردة لو راح الكنيسه وانت بكرة , ماشى , كان مستخبيى لنا فين دة يا رب


المشهد الرابع


فى منزل نبيل يدخل ايمن من الباب وشكله مرهق



نبيل : ها عملت ايه ؟



ايمن : اسكت خالص , انا عاوز استريح



نبيل : خذ نفسك واحكى لى حصل ايه



ايمن : بعد ما فهمته زى ما انت قلت لى رحنا على الكنيسه وكان وقت الاجتماع فضل صاحبنا يبص جامد على منال اخت رمزى ولقيته رايح ناحيه الهيكل



نبيل : يا خبر وكان عاوز ايه ؟



ايمن : سعادته كان عاوز يتعرف عليها فلحقته وقلت له : لا عيب انت هتطلب من ربنا كمان حاجه زى دى



نبيل : وبعدين ؟



ايمن : وبعد فترة خرجنا نتمشى فسعادته عطش وماكنش معاه فلوس فرجع دخل الكنيسه علشان يطلب حاجه ساقعه



نبيل : كمان حاجه ساقعه



ايمن : جريت انا على عماد واتحايلت عليه علشان يعمل انه عاوز يعزمنا على حاجه ساقعه واديته الفلوس من جيبى



نبيل : كمل ..... إشجينى



ايمن : اسكت ما تفكرنيش , استحلى الحكايه وكل شويه يخش يصلى , دا شيبسى ودا بسكوت ودا عصير قصب وكع يا ايمن



نبيل : يارب نفسه تتسد بكرة فى نباطشيتى



ايمن : المهم انه انبسط خالص وقعد يكلم عماد على فوايد الصلاه , تخيل ؟



نبيل : لا دا الموضوع بقى كدة صعب خالص ومش هنلاحق عليه



ايمن : انا عاوز اروح انام سلام بقى وربنا معاك بكرة


من مواضيعي 0 الصداقة ومعناها
0 هل الله انسان مثلنا؟
0 حفظ السبت
0 وسط النار !!!
0 الشهيد العظيم مارجــرجـــــس المــزاحـــــــم
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #5  
قديم 08-02-2011, 06:03 PM
الصورة الرمزية admin
admin admin غير متواجد حالياً
Administrator
 
تاريخ التسجيل: Nov 2005
المشاركات: 6,061
افتراضي رد: اسكتش شبيك لبيك

و بعدين ...
منتظر البقية, و يا ريت يا فيولا لو عندك حاجة تناسب خريجين او جامعة يبقي ممتاز.
ربنا يعوضك.
من مواضيعي 0 مطلوب مبرمج
0 وضع الموقع في المرفقات و الصور
0 فيدوا حفل الأسرة السنوي 10- 2007 نرجوا ان ينال إعجابكم
0 Urgent pharmacists for El Etaly hospital
0 نبارك كلنا لمشرفتنا ياسمين علي الخطوبة مبرووووووووك
__________________

Pray for me
John
رد مع اقتباس
  #6  
قديم 08-02-2011, 06:21 PM
الصورة الرمزية cherry berry
cherry berry cherry berry غير متواجد حالياً
المشرف العام
 
تاريخ التسجيل: Oct 2007
المشاركات: 4,272
افتراضي رد: اسكتش شبيك لبيك

جمله كمليها ممكن نعملها للبنات ف المؤتمر
من مواضيعي 0 @@@ليس لديهم خمر** ولا لدينا @@@
0 سبت لعازر
0 دي مش فزوره
0 رد: حــــــدث هاااااااام وتااااااريخى بكل المقاييس بتاريخ منتدى البابا كيرلس
0 حزنكم يتحول لفرح
رد مع اقتباس
  #7  
قديم 16-07-2011, 04:56 PM
koki.said koki.said غير متواجد حالياً
عضو جديد
 
تاريخ التسجيل: Jul 2011
المشاركات: 1
افتراضي رد: اسكتش شبيك لبيك

:d حلوووووووة اوووووووى
من مواضيعي
رد مع اقتباس
إضافة رد

شارك أصدقائك هذا الموضوع في مواقعك المفضلة

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر رد
انتظرنى فسوف آتيك غداً صلاح صدقى منتدى القصص الهادفة 4 02-05-2014 09:54 PM
اسكتش العلبه fulaa شباب 5 22-01-2011 09:28 PM
اسكتش التقدير والعرفان magdy-f الخدمة و الخدام 3 04-10-2010 02:03 AM
اسكتش ينبوع الحــب magdy-f الخدمة و الخدام 2 17-09-2010 06:07 PM
افتتاحيه او اسكتش عن الغطاس t.salwa إعدادي 0 13-01-2010 08:12 PM


الساعة الآن 09:49 AM.



Powered by Pope Kirillos Scientific Family
Copyright ©2001 - 2017