منتدي أسرة البابا كيرلس السادس العلمية


العودة   منتدي أسرة البابا كيرلس السادس العلمية > المنتديات المسيحية > الخدمة و الخدام > إبتدائي

إضافة رد
 
أدوات الموضوع طريقة عرض الموضوع
  #1  
قديم 02-03-2011, 03:14 AM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي اسكتش عن العماد


راوى : كوكو وسوسو سمكتين كبار فى السن وكانوا عايشين فى نهر الاردن وهما موجودين معانا النهارده علشان يحكوا لينا ايه اللى حصل معاهم وايه اللى شافوة



كوكو : ازيكم يا اصحابى عاملين ايه ؟



سوسو : ياه يا كوكو الرحله من الاردن للقاهره صعبه قوى لكن احلى ما فيها إننا تقابلنا مع الاولاد الحلوين دول وثانى حاجه إننا هنحكى على احلى يوم مرّ علينا



كوكو : ياة يا سوسو فكرتينى بيوم جميل , من زمان قوى ايام ما كنت انا وسوسو اطفال صغيرين وكنا بنلعب فى نهر الاردن



سوسو : وقتها سمعنا صوت عالى عند شاطئ النهر وجرينا بسرعه علشان نشوف ايه اللى بيحصل !!!



كوكو : شفنا واحد لابس وبر الابل واقف بيكلم الناس بصوت عالى قوى وكان بيقولهم توبوا وليعتمد كل واحد منكم ويعترف بخطاياه لانه قد إقترب ملكوت السموات وعرفنا إن اسمه يوحنا



سوسو : وكان فى ناس كتير بتسمع كلامه وكانوا بيعترفوا بكل حاجه وحشه هما عملوها ويوحنا كان بيعمدهم



كوكو : وفى وسط الناس الكتير شاب , واول ما وقف الشاب امام يوحنا وقتها يوحنا مكنش عاوز يعمده وقاله : انا اللى محتاج انى اتعمد منك انا مستاهلش انى احل سيور حذائك , لكن الشاب رد عليه وقاله : إسمح الان



سوسو : وفعلا يوحنا عمد الشاب ونزله فى الماء واول ما طلع من الماء حصلت حاجات غريبه قوى , ظهرت حمامه ووقفت على راسه وسمعنا صوت من السماء بيقول : " هذا هو إبنى الحبيب الذى به سررت "



كوكو : وقتها احنا مكناش فاهمين ايه اللى بيحصل وجرينا على حكيم النهر الكبير ( رورو ) وزوجته الحكيمه ( توتو ) وحكينالهم كل اللى إحنا شفناه وسمعناه , وحكيم النهر قالنا



رورو : يا سلام انتم شفتوا حاجه جميله خالص , إنتم عارفين مين الراجل اللى كان بيعمد ؟ دة يوحنا المعمدان ابن زكريا الكاهن وأليصابات قريبه السيده العذراء , ويوحنا دة الطفل اللى كان فى بطن امه وسجد لما شاف العذراء ووقتها أليصابات كرمت العذراء وعرفت إنها هتولد الإله



توتو : وعارفين مين الشاب اللى إنتم بتحكوا عليه دة يبقى بابا يسوع ( الابن ) اما الصوت اللى اتكل مدة يبقى ( الاب ) اما الحمامه اللى ظهرت فدى تشير الى ( الروح القدس )



رورو : وبكده يبقى ظهر الثالوث الاقدس الاب والابن والروح القدس وبعماد السيد المسيح فى نهر الاردن يكون قد تأسس سر العماد او المعموديه اللى انتم عارفينها واللى اصحابى إتعمدوا فيها



توتو : بس يارورو فى فرق بين معموديه السيد المسيح ومعموديه يوحنا المعمدان



رورو : طبعا طبعا يا توت وفى فرق كبير جدا لان معموديه يوحنا كانت بالماء فقط وكانت لبنى اسرائيل فقط وكانت ترمز للتوبه والايمان بالسيد المسيح الأتى وكانت وقتيه يعنى اللى إتعمد منها لازم يتعمد مرة تانى من معموديه السيد المسيح



توتو : اما معموديه السيد المسيح فكانت بالماء والروح القدس وللناس كلها وكمان لغفران الخطايا ودى معموديه دائمه يعنى بتكون مرة واحدة ولا تتكرر



كوكو : بعد ما سمعت شرح الحكيم ( رورو ) وزوجته الحكيمه ( توتو ) كان عندى اسئله كتير قوى ومن ضمن الاسئله الكتير : هل السيد المسيح كان محتاج للمعموديه ؟ وكان رد الحكيم عليا



رورو : دة سؤال حلو خالص يا كوكو وإجابته : السيد المسيح يا كوكو مش محتاج للمعموديه لغفران الخطايا لانه هو القدوس البار لكن علشان يتم الناموس الطقسى وكمان علشان يكون مثال عملى لينا ونتعمد مثله وكمان علمنا درس مهم : السيد المسيح كان واقف فى صفوف زيه زى الناس اللى هتتعمد لحد لما جاء دورة ودة بيعلمنا التواضع وإنكار الذات



سوسو : انا كمان كان عندى سؤال : كنت حاسه ان الجو برد وكنا فى فصل الشتاء وكانت المياه ساقعه قوى , وقلت حرام يوحنا ينزل بابا يسوع فى المياه وهدومه تتبل ويعيا , ليه يا يوحنا ما رشتش بابا يسوع بالماء ويبقى كده إتعمد ... وقتها ردت الحكيمه ( توتو ) وقالتلى



توتو : انا مقدرة مشاعرك يا سوسو لكن كان لازم العماد يكون بالتغطيس مش بالرش علشان لو بالرش مكنش يوحنا هيقف عند النهر ولاينزل الناس 3 مرات ودى تشير الى الغسل من الخطايا . وإحنا إستلمنا طريقه العماد من السيد المسيح وجعلناه عيد عظيم وسمناه عيد الغطاس او عيد الظهور الإلهى او الثيؤوفانيا



رورو : ومن العادات القبطيه القديمه اكل القلقاس لانه نبات يبزرع بدفنه فى التربه ودى اشارة الى المعموديه وإننا قد دفنا مع المسيح ونلنا حياه جديده , اما وضع الشمع داخل البرتقال تشير الى نور الروح القدس , وأكل القصب بطعمه الجميل إشارة الى بركات المعموديه اللى بينالها المتعمد



hs;ja uk hgulh]

من مواضيعي 0 دائرة النجاح " ايها الحبيب اروم ان تكون ناحج وصحيحا "
0 إنهيار جبل فى ايطاليا
0 صور عرائس للاطفال !!!!!
0 هل يتناقض الكتاب المقدس مع العلم
0 مع حبيبى ... على العتبه
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #2  
قديم 02-03-2011, 05:53 PM
الصورة الرمزية ashraf william
ashraf william ashraf william غير متواجد حالياً
عضو ملكي
 
تاريخ التسجيل: Apr 2010
الدولة: الاسكندرية
المشاركات: 12,162
افتراضي رد: اسكتش عن العماد

شكرا لتعب محبتك
الرب يبارك حياتك
من مواضيعي 0 معوقات التوبة ودموع الخطية
0 ابرع كوافير للسيدات
0 ( كلمة منفعة ) لغتك تظهرك
0 أقوال أباء لأبونا بيشوى كامل
0 المرأة و الرجل
__________________
رد مع اقتباس
إضافة رد

شارك أصدقائك هذا الموضوع في مواقعك المفضلة

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر رد
اسكتش العلبه fulaa شباب 5 22-01-2011 09:28 PM
العلاج السحرى للاكتئاب mero mmm منتدى القصص الهادفة 8 17-11-2010 04:04 PM
طريقه العلاج من العوده للخطيه سامى رومان نسيم المنتدي العام 11 28-11-2009 06:13 AM
العلاج بالغذاء والأعشاب بشرى شنودة المنتدي الطبي 2 08-09-2008 10:33 PM
ما هي اسرار العلاج الصّيني حسب العلم ( الوخز بالإبر ) ؟! ناردين المنتدي الطبي 2 01-05-2007 02:06 PM


الساعة الآن 05:21 PM.



Powered by Pope Kirillos Scientific Family
Copyright ©2001 - 2017