منتدي أسرة البابا كيرلس السادس العلمية


العودة   منتدي أسرة البابا كيرلس السادس العلمية > المنتديات المسيحية > الخدمة و الخدام > شباب

إضافة رد
 
أدوات الموضوع طريقة عرض الموضوع
  #1  
قديم 22-01-2011, 11:13 PM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي اسكتش رؤيا يوحنا وناجى


رؤيا يوحنا وناجى



الاهداف /

1-الاشاعه كذبه مهما كان غرضها سليم فلا تصدقها ولا تساهم فى ترويجها

2-السحر تخاريف وتواكل واستبدال لله بالشيطان

3-طاقه الحب ينبغى استشمارها بشكل صحيح

4-عامل كل انسان كأنك تعامل الله



الشخصيات :



1-نادر : يؤمن بالحظ والسحر والخرافات

2-عادل : فقير ويحاول التخلص من فقرة

3-سمير : رياضى ويهتم ببناء جسمه

4-عماد : شاب ثرى مدلل يتباهى دائما بما لديه

5-اشرف : خادم المجموعه فى الاجتماع

6-كامل : متدين يسعى الى الكمال

7-يوحنا : خياله واسع ويحب التجديد ولا يعرف خطورة الكذب

8-ناجى : منقاد ليوحنا ويطيعه

9-شحات : متسول كل همه جمع المال
المشهد الاول



( شارع وحائط عليه يافطه مكتوب عليها شارع عطيه الاشقر يدخل نادر ويقف عند ناصيه الشارع فى منتصف المسرح ويسند على الحائط ويمر به شخص منهمك فى قراءة احدى الكتب ثم يقف ويقلب الصفحه ويستكمل القراءة وهو سائر , ينظر نادر نحوة بإستغراب ثم يخرج هذا الشخص من الناحيه الاخرى ونسمع صوت فرامل سيارة ثم صوت ارتطام ثم صوت يقول ( اااااااااى ) يلتفت نادر ناحيه الصوت ويقول :



نادر : يا ساتر يارب

( يمر شخص اخر فى اتجاة مخالف يحمل كتاب مثل الاول وبعد ان يخرج نسمع صوت فرامل سيارة ثم اصطدام ثم صوت يقول ( ااااااااة ) , يمر شخص ثالث يسمك مجموعه من الكتب ويقرأ فى احداها ينظر نادر اليه بحسرة ثم يقول



نادر : لسه صغير

( ثم يخرج ونسمع صوت سيارة فيصرخ نادر ويقول



نادر : حاااااسب

( يعود الشخص الاخير مسرعا ويصافح نادر بحرارة ليشكرة ثم يخرج وهو ممسك بالكتب فنسمع صوت فرامل ثم ارتطام ثم صوت ألم .... يدخل عادل ويقترب من نادر ويصافحه



عادل : دا مهرجان هايل بيبيعوا كتب قيمه باسعار رخيصه جدا انا امبارح اشتريت كتاب رائع بخمسين قرس بس , بس اللى محيرنى فى الموضوع ازاى مهرجان قراءة ويبقى تحت رعايه القصر العينى



نادر : ااااااة فكرتنى اما انا امبارح لقيت عندنا فى السندرة حته كتاب انما ايه ..... كلام فى سرك هيحللى كل مشاكلى



عادل : يحل كل مشاكلك , ازاى ؟



نادر : مش دلوقتى علشان سمير وصل بعد ما يمشى

(مفتول العضلات يصافحهم بشدة ويتألموا من ذلك)



سمير : ازيكم يا شباب , محدش شاف مدحت ؟



عادل : مدحت انا شفته كان ماشى من نص ساعه تحت بيتنا



سمير : كان رايح فين ؟



عادل : قلتله من الشباك رايح فين يا مدحت ؟ قالى مش عارف اما نشوف اخرتها



نادر : يعنى ايه اما نشوف اخرتها ؟



عادل : اصله كان ماشى ورا بنات بيعاكسهم



نادر : هو مش هيبطل الداء دة ؟



سمير : انا هاحاول اخدة معايا النادى ألعبه حديد يمكن يتهلى شويه ويبطل معاكسه



عماد : هو مسن دة اللى يبطل معاكسه ؟



نادر : هيكون مين غيرة .... مدحت



عماد : شفتونى امبارح وانا سايق العربيه الكبيرة ؟



عادل : ليه هو انتك عندكم عربيه ثانيه غير الصغيرة اللى شفناك بيها مرة ؟



عماد : الصغيرة دى بتاعه ماما لكن الكبيرة بتاعه بابا , جاء امبارح من السفر ودخل نام رحت واخد المفاتيح ونزلت اتمشيت بيها وعديت عليكم واحد واحد وقعدت اضرب كلاكسات ولا حد طلع



سمير : بقى انت بقى اللى كنت عامل ازعاج بس انت لسه ما طلعتش رخصه



عماد : يا عم



نادر : ولو حد مسكك ؟



عماد : بابا ليه اصحاب كتير ضباط فى الشرطه تليفون واحد وينهى كل حاجه



عادل : يا بختك يا عم

( يمر عليهم كامل صديقه المتدين ويقول له سلام وهو سائر فى طريقه )



سمير : كامل على فين كدة ؟



كامل : رايح نشاط دراسه الكتاب



نادر : بركاتك يا عم , انت يا اخى عمرك ما بتقف معانا على الناصيه وهارى نفسك الحان ودراسه كتاب وبعدين يعنى اخرتها ايه ؟



كامل : بمناسبه الوقوف على الناصيه , انا لمحت استاذ اشرف جاى من اول الشارع وانتم عارفين رايه فى الوقوف على النواصى



سمير : ييه هيفضل يقول لا يليق ومحاضرة عن اولاد ربنا واولاد العالم وعظه عن تضييع الوقت



كامل : اسبقكم انا .... ما تيجم معايا دراسه الكتاب بدل الوقفه دى , يمكن اخرتها تطلع احلى من الناصيه



سمير : لا اتفضل انت اصلى ماليش تقل عليها



عادل : استنى انا جاى معاك اكلمك فى التليفون علشان الموضوع اللى كانت باكلمك فيه فبل ما يجى سمير



سمير : باقولك ايه يا عماد ما تعزمنا على حاجه ساقعه حلاوة رجوع باباك من السفر



عماد : تعالوا

( يدخل استاذ اشرف فيجدهم فى وجهه )



اشرف : ايه يا شباب على فين كدة ؟



سمير : رايحيين نشرب حاجه ساقعه



اشرف : مش ناويين تغلطوا مرة وتحضروا دراسه الكتاب



عماد : ما هو كامل وعادل راحوا



اشرف : انا بتكلم عليكم انتم



سمير : عموما يا استاذ اشرف نشرب الحاجه الساقعه ونرجع على الكنيسه ولا حضرتك عاوزنا نقف نتكلم كدة فى الشارع زى ال ....



اشرف : صحيح عندك حق انا مستنيكم فى الكنيسه



يوحنا : بس يا عم ومن ساعتها مادخلتش النادى تانى انما قولى ناوى تعمل ايه فى الصيف دة ؟



ناجى : مش عارف دى حاجه ملل



يوحنا : انا نفسى نعمل حاجه مثيرة نفضل فاكرينها لسنين كتير



ناجى : على فكرة انا فهمك انت فكرت فى حاجه وعاوز تشوف رايى ايه , باقولك ايه قول على قول ؟



يوحنا : لا ناصح وفقستنى ومادمت ذكى كدة يبقى اسمع اولا الفكرة جاتنى لما سمعت اشاع عن مطرب من اتنين اصحابى فى نفس اليوم بس عجبنى الموضوع وقلت طب ليه ما نقلفش اشاعه وننشرها انا وناجى فى الكنيسه ونشوف هتوصل لفين



ناجى : نعمل اشاعه فكرة كويسه , بس زى ايه ؟



يوحنا : فاكر لما الزلزال حصل الناس كلها كانت عامله ازاى ؟ الزحام فى الكنائس وعلى اباء الاعتراف وحاجات زى كدة تفكر الناس بربنا وتفوقهم من الروتين بتاع كل يوم



ناجى : جاحه زى الزلزال ؟ الحكايه ابتدت تعجبنى وشكلى هاشترك معاك



يوحنا : طبعا هتشترك وعلى فكرة انا هأعفيك من التفكير لانى حضرت سيناريو ....... اسمع كدة كل واحد فينا من ناحيه هيحكى ان ابن عمه كان فى خلوة فى دير البراموس وان الدير كان بيتكلم عن حلم حلمه راهب قديس ومش هنذكر اسماء لانى بصراحه ماعرفش ولا راهب هناك , الراهب حلم ان ايه خير اللهم اجلعه خير ان شخص عظيم جدا نازل من مكان عالى وماشى فى طريق طويل لحد ما وصل لباب كنيسه مكتوب عليها ( اسم كنيسه ) ودخل بس ما حدش عرفه من الشعب بعد كدة شاف نفس الشخص فى بيت واحد من شعب الكنيسه قاعد معاه بيسمعوا القداس فى الراديو وبعد كدة الراهب صحى



ناجى : ولو سألونى مين الشخص العظيم دة ؟



يوحنا : مين اعظم شخص فى الدنيا بيفتقد اولادة كدة ؟



ناجى : يا خبر يعنى تقصد ( يقترب منه ويخبرة فى أدنه )



يوحنا : تخيل لو الاشاعه دى انتشرت فى الكنيسه كل واحد هيتمنى انه يكون صاحب البيت اللى دخله الشخص العظيم لا ولاحظت انى حددت اليوم اللى هيجى فيه كمان انه يوم الاحد



ناجى : ابدا انت ما حددش كدة فى الحلم



يوحنا : مش قلتلك سمعوا القداس فى الراديو



ناجى : ايوة قلت



يوحنا : والقداس يبجى امتى فى الراديو غير يوم الاحد



ناجى : هايل كدة الصيف اتحلت مشكلته اراهنك ان الاشاعه دى هتوصل لحد كوالالمبور



يوحنا : كوالالمبور دى فين ؟



ناجى : فين ؟ بعد الحى السابع



يوحنا : طيب عموما لازم نبدأ الشغل من دلوقتى انت فاكر الحلم كويس وعارف هتقول ايه ؟



ناجى : تعالى وصلنى البيت واحكيلى تانى فى السكه وبالليل كل واحد فينا من ناحيه يحكى الحلم



hs;ja vcdh d,pkh ,kh[n

من مواضيعي 0 كان يا مكان
0 لماذا لم يصرح يسوع علانية عن هويته؟
0 كل بداية ولها نهاية وكل نهاية ولها بداية
0 نادرا جدا
0 اسرع كوتشينة
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #2  
قديم 23-01-2011, 12:27 AM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: اسكتش رؤيا يوحنا وناجى

المشهد الثانى



( حجرة فى منزل نادر اثاث بسيط الاضاءة مركزة نوعا بحيث تجعل اجزاء من المسرح معتمه عدا المركز ويجلس نادر القرقصاء مرتديا عباءة ويربط على راسه فوطه كعمامه مهراجا ويضع امامه طاسه بخور ونسمع موسيقى غريبه – يفتح باب الحجرة فيصدر صريرا مخيفا ويدخل عادل يحمل شنطه ممتلئه



عادل : نادر انا جيت زى ما قلت لى



نادر : طب ادخل واقفل الباب وراك , مين اللى فتح الباب ؟



عادل : اخوك الصغير هو ما فيش حد فى البيت ولا ايه ؟ وهو فيه ايه ؟



نادر : دا انا ما صدقت انهم نزلوا واتصلت بيك



عادل : خير فيه ايه , وايه الطلبات العجيبه اللى خلتنى اجبيها باستعجال دى ؟ وقال ايه ما تجيش من غيرها



نادر : شش وطى صوتك فاكر الكتاب اللى قلت لك انى لقيته فى السندرة



عادل : اة اللى كنت عاوز تكلمى عنه فى الشارع وسكت لما سمير جاء



نادر : ايوة اهه ( يمسكه بحرص ويسلمه لعادل ) اسمه الجواهر اللماعه فى استدعاء ملوك الجن فى الوقت والساعه



عادل : ايه ؟ الجن ؟ بس ما فيس حاجه اسمهت جن ولا عفاريت , استاذ اشرف قال لنا كدة فى الكنيسه قال فيه بس ملايكه وشياطين



نادر : مافيش ازاى ؟ ايش فهمك انت والاستاذ بتاعك دة ؟ دا كتاب قديم بتاع جدى ولولا انك اعز اصحابى انا ماكنتش وريتهولك , دى حاجه كدة زى خاتم سليمان اللى بيقولوا عنه , يحقق كل امانيك مش تقعد تطلب من بابا يقولك ما عنديش يا بنى ولازم نمشى على قدنا



عادل : اسكت ما تفكرنيش بالفقر اللى الواحد فيه الواحد حاسس انه مش عايش



نادر : انت هتقلبها بؤس اسمع احنا نستدعى خادم الكتاب وهو عليه يلبى لنا طلباتنا



عادل : خادم الكتاب ؟



نادر : ايوة , دا واحد من الجان مكلف انه يستجيب لطلبات اللى معاه الكتاب



عادل : ودة هنستدعيه ازاى ؟



نادر : اسمع ما تضيعش وقت فى الشرح احسن اللى فى البيت يرجعوا وتبقى شغلانه انت مش جبت الطلبات ؟



عادل : ايوة صحيح ايه الحاجات الغريبه اللى انت طلبتها دى انت دوختنى



نادر : لا يا اخى دى الحاجات اللى هنستعملها علشان نستدعيه يالا طلعهم وساعدنى بس خلى قلبك حديد واوعى تغلط احسن نتأذى



عادل : نتأذى ما بلاش الموذوع دة احسن



نادر : جمد قلبك وبلاش خيابه , العمليه تستحق المخاطرة قوم اطفى النور العالى وكل ما اطلب منك حاجه تناولهالى ومش عاوز اى صوت انا هاقرأ فى الكتاب وانت تسمع وماتتكلمش ( يبدأ فى تقمص دور العراف ويقول بصوت مرتل وهو مغمض العنين ) تكتب هذة الطلاسم على ورق الجوافه



عادل : يعنى ايه طلاسم ؟



نادر : يفتح عينه انا مش قلت ما تتكلمش ؟ دى رسومات غريبه وحروف من لغات كثيرة ( يعود لحاله التركيز ) تكتب هذه الطلاسم على ورق الجوافه ( يمد يده نحو عادل وعيناة مغمضتان ) فين ؟ ( عادل يناوله حزمه ورق عنب فيتحسسها نادر ثم ينظر بغضب ويردها له ويقول ) ايه دة ؟

من مواضيعي 0 الحسنات
0 لا تتزوجى من هذا البرج
0 صلاة الحب " قداسة البابا شنودة "
0 سر المعمودية والحياة الجديدة
0 لماذا ندرس تاريخ الكنيسة؟
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #3  
قديم 23-01-2011, 12:28 AM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: اسكتش رؤيا يوحنا وناجى

عادل : مالقيتش ورق جوافه وافتكرت لما قلت لى اتصرف تجيب الحاجه من تحت طقاطيق الارض رحت اتصرفت وجبت ورق عنب اهه كله فواكه
نادر : ورق عنب ؟ هنعمل للجان محشى ؟ اعمل فيك ايه ؟ خلاص هات وانا هاتصرف , ثم يوضع الورق على الجانب الايمن من طاسه البخور التى يوضع بها بعض المسك والزعفران
عادل : اهم دول لقيتهم عند العطار
نادر : بأسم رب الانس والجان واللولى والمرجان ثلاث مرات , ( يطلب من عادل لبان دكر وعادل يناوله لبان تشيكلتس فيستغرب فيصرخ فى وجه عادل ) ايه دة ؟ يعنى اقولك لبان دكر اللى هو البخور تجبلى لبان تشيكلتس ؟ بحضر روح مايكل جاكسون ؟
عادل : اصل ....
نادر : اسكت عارف هتقول ايه لفيت السوق كله مالقتش لبان دكر فاتصرفت
عادل : مابقيتش لبان دكر اعمل ايه ؟
نادر : خلاص اسكت ( يطلب من عادل ماء ورد وماء بئر لم ترى الشمس من فترة فيناوله عادل ماء الورد وزجاجه مكتوب اخرى ) ينظر نادر باعجاب الى الزجاجتين ويقول لعادل هايل انا كنت فاكرك مش هتعرف تجيب الطلب دة
عادل : لا ما انا اتصرفت
نادر : يتمتم على الطاسه ( شامهار دار )
عادل : دار ؟
نادر : جامهار حار
عادل : حار ؟
نادر : دار حار فار
عادل : فأر ( يقفز من مكانه لانه يخاف الفأر )
نادر : يوضع على البخور جاوى ومستكه وصندل ( عادل يناوله فردة شبشب ) ممكن افهم المرة دى ايه دة ؟
عادل : اصل الفلوس اللى معايا خلصت واقل صندل بشئ وشويه
نادر : كمل سامعك
عادل : فكنت هاجى من غير صندل وانا ماشى لقيت فردة الشبشب دة فى الشارع الظاهر وقعت من طفل قلت وماله الصندل زى الشبشب
نادر : ما انا ما كنتش عارف دى علشان ايه ؟ لكن دلوقتى عرفت واللى انت هتقدمها له دة جن مصور يعنى يقدر يتصرف ويلبس الفردة دى فى كل رجل شويه
عادل : ايه هنخلى الجن يحجل ؟ يا نبيه اللى كان مطلوب خشب الصندل خشب مش صندل بتاع الرجلين اوعى هات الله يكون فى عون العفريت اللى هيقابلك
نادر : والان هدوء اشرب خليط المار دفعه واحدة ثم قل يا معين يا معيم يا معين فيدخل بأذن الله خادم الكتاب ويرد لك الجواب ( عادل يحاول منع نادر من شرب الماء رغم جذب عادل يشرب نادر المار ثم يثقبه من فمه بسرعه وبتقزز ويسمك بعادل من قفاه ) انت جبت الميه دى منين ؟
عادل : اتكلم ؟
نادر : ياريت
عادل : ميه ورد من عند العطار
نادر : لا التانيه ميه البير اللى ماشافتش الشمس من فترة طويله
عادل : وانا اعرف منين انك هتشربها
نادر : انطلق جبتها منين ؟
عادل : طب سيب الاول
نادر : اتكلم ؟
عادل : طول ما انا ماشى بعد ما جبت كل حاجه عمال اسأل فى الشارع فيه هنا بير قريب ؟ فيه هنا بير قريب ؟ شبعت تريقه من كل اللى اسأله وبقيت ماشى افكر لدرجه انى كنت هأقع فى بلاعه مفتوحه لولا واحد ابن حلال مسكنى , بصيت لقيت جنب البلاعه جردل وفيه حبل كان عمال المجارى بيسلكوا وراحوا يتغدوا وقفت ابص على البلاعه وافكر دى ميه بير اللى ما شفتش الشمس من فترة ردت نزلت الجردل ومليت القزازة دى
نادر : الله يقرفك انت عاوز تسممنى , بتشربنى ميه مجارى
( يسمع صوت حوار بين الاخ الاصغر لنادر وخادم الاجتماع فى الخارج )
من مواضيعي 0 قصص مسموعة من الكتاب المقدس
0 الإستشهاد فى المسيحية
0 لماذا يختفى اللة فى اوقات الضيق بقلم . م / فاروق عبد المسيح
0 تلذذوا
0 من أصابعك اعرفي شخصيتك...
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #4  
قديم 07-02-2011, 09:24 PM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: اسكتش رؤيا يوحنا وناجى

الاخ : ايوة مين حضرتك ؟



اشرف : هو نادر موجود ؟



الاخ : ايوة , لازم حضرتك اشتاذة فى الكنيسه وجاى له إفتقاد مش كدة ؟ ادخل له هو فى الاوضه دى , إتفضل حضرتك مافيش حد هنا , ولو انا دخلت عليه هيضبنى لانه قال لى اياك تدخل على



نادر : انا غلطان اللى بأجيب واحد معايا واعمل فيه خدمه واحقق له احلامه ,هأقوم اغسل بقى بأى مطهر , كل دة تضييع وقت كان زمانى بأقول يا معين يا معين



اشرف : مش عارفنى انا الخادم بتاعك ؟



عادل : يا نهار ابيض الخادم



اشرف : انت هنا يا عادل ؟



عادل : ( يلطم ) دا عارف اسمى



اشرف : ايه مالكم فيه ايه ؟ وطافيين النور كدة ليه ومش باصيين لى وعماليين تترعشوا , بص لى انت وهو



نادر : لا يا عم انصرف واحنا كنا بنهزر



عادل : ايوة عيال وبنهزر تاخد على كلامهم ؟



اشرف : بقولك بصلى انت وهو ( يلتفت عادل ونادر معا ويقولا معاً – استاذ اشرف – ثم يغمى عليهم )



نادر : استاذ اشرف ايه اللى جابك ؟



اشرف : جاى افتقاد , اخر حاجه كنت اتصورها لنكم توصوا للمر حله دى لكن هاستغرب ليه ؟ ما هى دى النتيجه للبعد عن ربنا وعدم حضور القداسات وطبعا لا قرايه كتاب ولا صلاه بس توصل لعبادة الشيطان ؟



نادر : عبادة شيطان ايه يا استاذ ؟



عادل : يا استاذ احنا بنحضر عفاريت



اشرف : انتم فاكرين ان عبادة الشيطان هى بس اللى قريتم عنها فى الجرايد انها دبح قطط وطقوس مجنونه ؟ ابداً , عبادة الشيطان الحقيقيه هى السحر والتعامل مع الشيطان وكل جنودة وقواته



نادر : جنود ايه وقوات ايه يا استاذ اشرف ؟ الجن والعفاريت غير الشياطين , وبعدين الكتاب اللى بنحضر منه دة فيه ذكر اسم ربنا كتير



اشرف : اولا كان لازم تفرق بين تعاليم المسيحيه اللى ما فيهاش لاجن ولا عفاريت وبيت التعاليم والثقافات اللى بتدخل عقلك من التليفزيون ووسائل الاعلام , والحقيقه ان اى قوة خفيه بنلجأ لها غير الصلاة لربنا وشفاعه القديسين , اى قوة تانيه تبقى شياطين , واذا كان ملعون من اتكل على ذراع بشر فما بالك اللى بتكل على ذراع شيطان فى تحقيق طلباته دا الكتاب المقدس فى العهد القديم بيقول لا تدع ساحرة تعيش وثانيا ذكر اسم ربنا فى الكتاب بتاعك دة خدعه زى البدع والهرطقات اللى بتستند على آيات من الكتاب نفسه لكن فى حقيقتها هلاك



نادر : يا خسارة يا استاذ الواحد كان نفسه يوصل ويبقى ساحر عظيم زى اللى بنشوفهم فى التليفزيون يحط البنت فى الصندوق ويقطعها نصين بالسيف ويحلمها تانى



عادل : بابا بيقول دى خفه يد



نادر : لا مش خفه يد دا بيقطعها فعلا , تقدر تقولى يا استاذ دا بيحصل ازاى ؟



اشرف : انت ناسى انه بيتعامل مع الشيطان اللى كان رئيس ملائكه ورغم انه فقد رتبته لكن مافقدش قوته ويقدر يغير شكله الى شبه ملاك نور وطبعا لصورة اى انسان يقطعه الساحر قدامك ويرجعه تانى والكتاب المقدس ذكر اعمال سحريه زى بتاعه سحرة فرعون لكن دائما السحر اضعف من قوة ربنا



عادل : كل المشاكل دى من الكتاب بتاع دراع الشماعه فى استدعاء ملوك الجن بميه البلاعه



اشرف : فى عهد الرسل اللى كانوا بيؤمنوا كانوا بيحرقوا كتب السحر رغم ان اثمانها كانت خياليه , لكن ماكانوش عاوزين اى حد تانى يبعد عن ربنا بسببها ودلوقتى يالا انت وهو على اباء الاعتراف واضح انكم محتاجينهم جدا وانا هاكمل افتقاد



عادل : يا لا يا سى نادر كنت هتودينا فى ستين داهيه , قال سحر قال وانا هاخد ورق العنب بتاعى معايا انا اولى بيه من شمهورش بتاعك



نادر : اتفضل امرى لله
من مواضيعي 0 الرب يسوع في سفر الخــــروج
0 التدقيق في حياة الخادم
0 قصة حب
0 التداريب الروحية
0 اسكتش رؤيا يوحنا وناجى
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #5  
قديم 07-02-2011, 09:41 PM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: اسكتش رؤيا يوحنا وناجى

المشهد الثالث :



( سمير يدخل الى الشارع ومعه مدحت )



سمير : بس يا سيدى والراهب لقى شخص عظيم جدا وقوى وشه كله نور ولابس ابيض فى ابيض ركب تاكسى ونزل عند الكنيسه وراح داخل القداس لكن ما حدش إلتفت إليه وبعد القداس وصل لحد بيت واحد وقضى معاه اليوم كله وباركه ولما مشى كان بيت الشخص دة كله بركات وخيرات



مدحت : معقول ؟ اما حلم غريب ... بس انت متأكد ؟



سمير : بأقولك ابن خالتى بنفسه قابل الراهب وسمع منه الحلم



مدحت : يعنى فيه قديس هيجى كنيستنا ؟



سمير : قديس مين يا ابنى , هات ودنك



مدحت : يا خبر والحلم ما حدش هيجى امتى ؟



سمير : اة كويس انك فكرتنى لما الشخص العظيم كان فى بيت واحد من الشعب كان القداس شغال فى الراديو



مدحت : طب ودة ايه علاقته بميعاد مجيئه ؟



سمير : يعنى هيجى يو حد لكن انهى حد بقى ؟ ما اعرفش



مدحت : واشمعنى كنيستنا احنا بالذات



سمير : ابن خالتى بيقول ان الراهبان هناك بيقولوا ان دة يا اما لان كنيستنا فيها نهضه او ان فيها فتور وتقصير من الشعب



مدحت : الموضوع دة حد يعرفه غيرك هنا فى الكنيسه ؟



سمير : لحد دلوقتى انا ما قلتش لحد غيرك ولو سمحت خللى الموضوع دة فى سرك مفهوم ؟



مدحت : ما يكونش عندك فكر , سرك فى بير ومش هيشوف الشمس ابداً



( يخرج كل واحد من ناحيه وتبدأ موسيقى فى الخلفيه تدل على إنتشار الاشاعه بسرعه وبأطراد واثناء ذلك يدخل يوحنا يحكى لعماد دون ان نسمع ولكن نفهم ذلك من حركات يديه ويمرون من يمين المسرح ليسارة حتى يخرجون ثم ناجى يحكى لاستاذ اشرف ومدحت يحكى لكامل والجميع بنفس اشارات اليد يسردون نفس الاشاعه دون ان نسمعهم )
من مواضيعي 0 شوفوا الصين بتخترع ايه ؟
0 صلولى كتير
0 شكلى ايه ؟؟
0 خدعوك فقالوا
0 ooooooopsssss !!!!
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #6  
قديم 08-02-2011, 05:53 PM
الصورة الرمزية admin
admin admin غير متواجد حالياً
Administrator
 
تاريخ التسجيل: Nov 2005
المشاركات: 6,061
افتراضي رد: اسكتش رؤيا يوحنا وناجى

راااااااااائع يا فيولا و كومدي جدا منتظر البقية.
ربنا يعوضك.
من مواضيعي 0 كل عام و انتم بخير بعيد الصليب المجيد
0 مطلوب مسرحة صغيرة لخدمة إبتدائي و بسرعة
0 مرحبا بعودة مريم دودو الرقيقة
0 قبول مهمتك كخادم
0 الأم التي ضحت بعينها.
__________________

Pray for me
John
رد مع اقتباس
إضافة رد

شارك أصدقائك هذا الموضوع في مواقعك المفضلة

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر رد
يوحنا المعمدان(ام يقم بين المولودين من النساء أعظم من يوحنا ramzy1913 منتدي الروحيات 1 17-09-2010 04:54 PM
يوحنا المعمدان(ام يقم بين المولودين من النساء أعظم من يوحنا ramzy1913 منتدي الروحيات 1 14-09-2010 11:18 PM
مهرجان مركز ونادى الرجاء لمتحدى الإعاقة الذهنية دو دو الرقيقه منتدى الصور 0 03-11-2009 11:45 PM
رؤيا عجيبة oginy تاريخ الكنيسة و سير القديسين 1 22-06-2006 12:29 AM


الساعة الآن 12:46 PM.



Powered by Pope Kirillos Scientific Family
Copyright ©2001 - 2017