منتدي أسرة البابا كيرلس السادس العلمية


العودة   منتدي أسرة البابا كيرلس السادس العلمية > المنتديات المسيحية > الخدمة و الخدام > شباب

إضافة رد
 
أدوات الموضوع طريقة عرض الموضوع
  #1  
قديم 22-01-2011, 09:22 PM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي اسكتش العلبه


العلبه !!!!!




الاشخصيات /



+ ابو العيون : يمثل الانسان به حب الاستطلاع تجاه المجهول ( شهوة الخطيه )

+ آمين : يمثل الشخص المادى عديم الضمير ( معاون الشيطان ) يظن انه ذكى – لا يحب الاخرين ويستهين بحياتهم مقابل المنفعه – يعتقد انه سينهى مهمته مع الباشا فى اى وقت بعد تحقيق غرضه – يبيع اى شئ مقابل المال وهو بلا مبادئ

+ الباشا : يمثل النصاب الذى يمكنه بيع الوهم للمغفلين ( الشيطان ) هو كذاب لوام عارف بالطبيعه البشريه محنك وجبان ويجاف من الذى يقومه ويتصرف كأسد لمن يخافه

+ كمال : يمثل الاراده والتعقل ومقاومه الشهوة محب للاخرين – يحفظ كلام الله ويثق فيه

+ نعيم : يمثل الانسان عديم الهدف به حب الاستطلاع تجاه الخطيه ولكن شهوته مختلفه عن شهوة ابو العيون

+ العسكرى : يمثل القوة التى يرسلها الله لتحمى اولاده

+ الصوت : يشرح لنا ما يحدث ويبين لنا رموز العمل


القصه :


علبه كارتون عاديه مغلقه بلا اى معالم ولا كتابه عليها موضوعه فى وسط المسرح يقف بجانبها آمين يمسك بعصا يبدو انه فى نوبه حراسه يمر ابو العيون ثم يقف عنده متسائلاً :

ابو العيون : قولى من فضلك العلبه دى بتاعه ايه ؟ ( آمين لا يرد ويستمر فى الحراسه ) , من فضلك هى دى مش علبه كرتون عاديه ؟ ( آمين ينظر له من فوق لتحت ثم يستكمل الحراسه ) , طيب انتم ليه حاطينها كده فى وسط الطريق ممكن تحطوها على جنب ؟



آمين : مش شغلك خليك فى حالك



ابو العيون : دى كرتونه سمنه



آمين : سمنه !!! ؟



ابو العيون : سكر ؟



آمين : سكر ايه يا بنى ادم ؟ دى محطوطه هنا تمهيدا للمزاد العالمى اللى هيتعمل عليها بكرة



ابو العيون : مزاد عالمى ؟؟؟؟؟



آمين : تحب تشترى ؟



ابو العيون : اشترى من غير ما اعرف فيها ايه ؟



آمين : ما هو لما تشترى هتعرف

ابو العيون : طب بكام ؟



آمين : دى مش للبيع



ابو العيون : امل لايه ؟



آمين : للمزاد لاعلى سعر



ابو العيون : ودى بيتعمل بيها ايه ؟



آمين : دى علبه



ابو العيون : ايوة . علبه ايه ؟



آمين : علبه , علبه . ايه ما تعرفش العلبه ... ما تسمعش عن العلبه ... علبه



آمين : طيب ممكن اشوف كده



آمين : ايدك

( هنا يتجمد المشهد ونسمع صوت لا نراه من الكواليس )



الصوت : كلنا بيحصل معانا الموقف دة , حاجه مجهوله بالنسبه لنا تجذبنا وتشدنا علشان نعرفها ولانها ممنوعه علينا رغبتنا بتزيد فيها ونبتدى نتعلق بيها ومن هنا تبدأ المشكله

( فى كل مره بعد نهايه الصوت يعود المشهد للحركه مرة اخرى )



آمين : اوع تحط ايدك عليها دى لا بتاعتك ولا حتى دفعت رسوم معاينه تمسكها بتاع ايه و تشوفها ليه ؟



ابو العيون : هو ايه اصله دة لا آلمس ولا اشوف طب هأشترى ولا ادخل المزاد على اساس ايه ؟



آمين : حد قالك اشترى ؟ حد قالك ادخل مزاد ؟ اما دى حاجه غريبه جدا , يا خبر اوعى كدة من السكه حاسب يا بنى ادم .... اتفضل يا باشا



الباشا : ها يا ولد يا آمين ايه اخبار العلبه بتاعتى ؟ .... تمام



آمين : تمام يا باشا , شوف بنفسك



الباشا : ( يفحصها بنظرة لكنه لا يلمسها ) عال عال شوف شغلك كويس اعمل بالمرتب اللى بتأخذه



آمين : ربنا يخليك لينا يا باشا



الباشا : عايزنها بكرة تبقى منورة دا كل العالم مستنيها , انا مأمن عليها بملايين



ابو العيون : ( لنفسه ) العالم كله مستنيها ؟ وكمان جايب واحد علشان يحرس العلبه , ومأمن عليها بملايين . مع ان شكلها لو شافها زبال فى خرابه يقرف يخبطها برجله



الباشا : طيب انا قلت اعدى عليك اطمن . سلام وفتح عينك كويس



آمين : ألف سلامه يا باشا . طريق السلامه



ابو العيون : يحاول الاقتراب من العلبه



آمين : وبعدين معاك يا بنى ادم ؟

( يتجمد الموقف ونسمع الصوت الذى لا نراه )



الصوت : الباشا دة الشيطان اللى بيشوش فى ودانا ويغرينا علشان نتعرف على المجهول , ورغم انه ما وجهلناش اى كلام لكنه بحيله واساليبه بينصب لنا الفخ



ابو العيون : ما تبقاش حنبلى كده



hs;ja hgugfi

من مواضيعي 0 فالنتين داي
0 أنواع متعددة من الذكاء والمهارات عند الاطفال
0 شقاوة بنات
0 الملك الألفى
0 صور غريبة
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #2  
قديم 22-01-2011, 09:23 PM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: اسكتش العلبه

آمين : انت عايزنى اتخلى عن واجبى واغمض عينى واهمل الحراسه اللى انا مكلف بيها واخون اللى مأكلنى عيش .... من غير مقابل



ابو العيون : اة فهمت ( يبحث فى جيبه ) طب خد روح هات لك علبه لبان



آمين : ( ينظر فى المبلغ ويضعه بسرعه فى جيبه ويقول بعد ان يمد يده مرة اخرى ) ما بأدخنش



ابو العيون : ( يعطيه مبلغ اخر ) طب روح اقعد على القهوة واشرب لك كوبايه شاى



آمين : مش بأشرب شاى على لحم باطنى



ابو العيون : طب روح هاتلك سندوتشين فول وطعميه



آمين : فول ايه الفقر دة ؟ عموما انت صعبت عليا هاغيب دقيقتين بالعدد ولو شفتك بتلمس العلبه مش هارحمك , اة انا فى شغلى ما اعرفش ابويا



ابو العيون : ماشى روح بقى هات طلبك ( يهم بلمس العلبه )



كمال : عندك بتعمل ايه ؟ ( يتجمد المشهد ونسمع الصوت )



الصوت : فى الوقت اللى بتقرر فيه التخلى عن مبادئك علشان تشبع رغبتك وشهواتك بيجيلك الصوت من ربنا يحذرك , مش انت اللى طلبته لكن ربنا بعتهولك



ابو العيون : بأعمل ايه يعنى ايه ؟ بأشوف العلبه



كمال : علبه ايه ؟ وبتاعه مين العبه دى ؟



ابو العيون : وحياتك يا استاذ مش وقته انا ماصدقت الحارس مشى الحص ابص عليها قبل ما يرجع ( يعود للعبله )



كمال : ( يقاطعه قبل ان يلمسها ) رد علىّ لما اسالك



ابو العيون : الله اما طولك يا روح ولا اعرف علبه ايه ولا بتاعه مين وعلشان كده بأبص عليها (يعود للعلبه )



كمال : ( يقاطعه قبل ان يلمسها ) ليه ؟



ايو العيون : وانت مالك وبعدين انت معطلنى دلوقتى عن حاجه مهمه . اقدر اعرف انت مين الاول



كمال : انا بالنسبه لك نقطه تحول لو سمعت كلامى وسبت العلبه مكانها حياتك هتختلف خالص عن لو ما سمعتش كلامى وبصيت عليها



ابو العيون : ليه انشاء الله ؟ قال نقطه تحول قال , اتكل على الله يا اخينا ما تضيعش وقتى



كمال : طيب سؤال واحد قبل ما تشوفها



ابو العيون : ادينى الصبر يارب . اتفضل خلصنى



كمال : فكرت انت عاوز تشوف العلبه ليه ؟ ونتيجه فرجتك عليها ايه ؟



ابو العيون : لا طبعا وليه اصلا كل ده , دى حته علبه جالى مزاج اعمل حاجه وعلشان اعمل حاجه دى دفعت ثمن اقوم اقعد افكر ليه وهيحصل ايه



كمال : مش احسن ما تندم بعد كده ؟



ابو العيون : وايه اللى هيجيب ندم ؟ دى حته علبه



كمال : كويس خالص بدأت تفكر



ابو العيون : افكر ايه بس يا اخينا انت تعرفنى ؟



كمال : لا طبعا



ابو العيون : خلاص مالكش دعوة بى انا حر اشوف العلبه ... اسيب العلبه ... اقطع العلبه , انا حر



كمال : انت تهمنى وانا حاسس انك فى خطر فقلت اساعدك



ابو العيون : متشكرين يا سيدى مش عاوزين , ابعد عنى بقى ( يمد يده على العلبه )



الباشا : شيل ايدك ( يتجمد المشهد ونسمع الصوت )



الصوت : وفى الوقت اللى بتقسى قلبك وترفض سماع الصوت اللى من عند ربنا بيهجم عليك الشيطان ويوهمك انك اتورطت ورطه كبيرة وانك لازم تكمل وما فيش فايده لكن بتفضل معونك ربنا تسندك رغم انك مش شايفها



ابو العيون : ( بخوف ) الباشا !!!!!!!!!



كمال : مين قالك انه الباشا



ابو العيون : هما بينادوله كدة



كمال : ومالك خايف منه كده ليه ؟



الباشا : طبعا لازم يخاف مادام عامل غلط وبيسرق حاجه غيرة



كمال : العلبه دى بتاعتك



الباشا : ايوة طبعا بتاعتى وهو عارف كده كويس



كمال : وحاطتها فى طريقه ليه ؟



الباشا : انا حر احطها مكان ما انا عاوز



كمال : ما هو الحق مش عاليك , عموما انت مالكش عنده حاجه هو ما جاش ناحيه العلبه



ابو العيون : ايوة انا ما جتش ناحيتها



الباشا : ( يضع يده على ابو العيون ) الكلام دة تقوله فى القسم وقدام النيابه وانا هاتصل بكل اللواءات اصدقائى واشوف ازاى نتسرق كده فى عز النهار



كمال : ( يحاول ان يخلص ابو العيون ) انت ما تقدرش تعمل حاجه



الباشا : انت مين , وصفتك ايه ؟ اكيد شريكه فى الجريمه



كمال : مافيش جريمه اساسا
من مواضيعي 0 الحصاد
0 لا لن ينساك
0 مع حبيبى ... على العتبه
0 عوزة اعرف رايكم ؟
0 لماذا تركتنى يا شيطان ؟؟؟
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #3  
قديم 22-01-2011, 09:24 PM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: اسكتش العلبه



الباشا : اسمع يا ولد انا ممكن اسامحك بمزاجى بس طول ما انت بتحامى عن زميلك دة انا هاضيعك وهاضيعه



ابو العيون : ( مخاطب كمال ) انت طلعتلى منين ؟ لو كنت سبتنى فى حالى كنت شفت العلبه ومشيت قبل ما الباشا يجى



الباشا : قله ما لهوش دعوة بيك وانا ممكن اسامحك لكن لو خليته يتكلم عنك هاسجنك واضيع مستقبلك



ابو العيون : مالكش دعوة بيا اتفضل من غير مطرود هتودينى فى داهيه



كمال : على فكرة انت كده بالخوف منه بتخليه يسيطر عليك وكل اللى بيقوله لك بتعمله بدون تفكير وبيحاول بيعد عنى و يوقع بينك وبين اى حد يساعدك



الباشا : اظن انك مالكش صفه هنا , انا صاحب العلبه اللى كانت بتتسرق ودة اللى كان بيسرقها وانت غريب اتفضل بقى من غير مطرود



كمال : انت طبعا كلامك مش صحيح وكله كذب , العلبه دى علبع شكلها ملهاش قيمه وواضح انك نصاب وبتحاةل توهمه انه وقع فى مشكله علشان تسرقه وتستفيد منه



الباشا : انت رايك ايه فى الكلام دة ؟



ابو العيون : انا شايف انه يطلع برة الموضوع



كمال : زى ما تحب انا حبيت اساعدك وعموما لما تعرف مصلحتك اسال علىّ وانا هاجيلك . سلام ( يتجمد المشهد ونسمع الصوت )



الصوت : ولان ربنا بيحترم حريه وارادة الانسان بيسيبنى اعمل اللى انا عاوزة وهنا بيستفرد بيك الشيطان ويفضل ربنا جنبك لكن انت اللى بترفض تدخله لحد ما تنده له



ابو العيون : انا مشيته اهه يا باشا . ها مبسوط منى ؟



الباشا : طبعا مبسوط وكان لازم تمشيه من الاول , مش كفايه المصيبه اللى انت عملتها



آمين : تمام يا باشا انا ندهت على العسكرى , كدة مسكنا اول فرد فى العصابه الدوليه كان بيحاول يرشينى وانا عملت نفسى موافق علشان يبلع الطعم



الباشا : برافو يا آمين



ابو العيون : كده يا آمين



الباشا : دلوقتى العسكرى يجى ويقبض عليك ويعذبك علشان تقول على باقى شركاؤك



ابو العيون : انا فى عرضك يا باشا ( يتجمد الموقف ونسمع الصوت )



الصوت : يبدأصوت الشيطان بعد كده يهددك بربنا ويخوفك منه ويقولك لو رجعت له هيعمل فيك ويسوى , خليك معايا احسن وتعمل اللى هاقولك عليه



ابو العيون : اطلب اللى انت عاوزة منى بس بلاش العسكرى الله يخليك



آمين : الحق يا باشا العسكرى جاء



الباشا : اسمع انا هاسلمك دلوقتى للعسكرى



ابو العيون : فى عرضك يا باشا



آمين : الولد دة صعب على ما ترحمه بقى يا باشا



الباشا : ارحمه ازاى والمصيبه اللى هو عملها



آمين : خلاص يا باشا هو مستعد للى تأمر بيه



الباشا : ازاى بس دا كان هيبوظ المزاد العالمى



ابو العيون : انا فى عرضك يا باشا اطلب اللى انت عاوزة منى بلاش العسكرى الله يخليك



آمين : خلاص يا باشا علشان خاطرى وهو من ايدك دى لايدك دى



الباشا : خلاص تسمع كلامى انت بتشتغل دلوقتى عندى واللى ها اقولك عليه تعمله



ابو العيون : حاضر



العسكرى : فيه حاجه يا حضرات ؟ واقفين هنات ليه ؟



الباشا : ابدا بننقل الصندوق دة والولد الشيال ( يشير لا بو العيون )



ابو العيون : ايه ؟



الباشا : ( بنبرة تهديد لابو العيون وبصوت عال ) الوالد الشيال


ابو العيون : ( يخفض بصرة فى خجل ) ااااااااااااة
من مواضيعي 0 انتبة !!!
0 اختر رقـــــمــــــك المفضل .. و شوف شخصيتك بتحليل علم الأرقـــــام
0 الطاعة فى حياة الخادم
0 صياد الناس
0 قالوا عن الحب
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #4  
قديم 22-01-2011, 09:26 PM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: اسكتش العلبه



الباشا : تعب فوقفنا شويه علشان يرتاح



العسكرى : بس ياريت ما تقفوش كده فى الشارع علشان كده غلط انتم معطلين الطريق



الباشا : حاضر , احنا ما نرضاش نعطل الطريق دقيقتين وبس الولد يستريح ونمشى على طول



العسكرى : طيب سلام



الباشا : دلوقتى هتدفع لى تعويض قد ايه علشان اعفو عنك



ابو العيون : بس يا باشا انا ممعايش فلوس ومعقوله سعادتك هتقبل العوض



آمين : ولما انت مش قد الفرجه على الصندوق بتتفرج عليه ليه ؟



ابو العيون : مش عارف حاجه جوايا فضلت تلح عليا علشان اشوف اللى فى الصندوق



الباشا : شوف يا آمين معاه ايه فى جيوبه



آمين : تعالى كدة ورينى ايه اللى معاك



ابو العيون : يا باشا حرام عليك انا صدقنى ما شفت العلبه ولا لمستها كمان



الباشا : اخرس انت لسه شفت حاجه علشان تعرف اللى يتعدى على حاجه الباشا يحصل له ايه



آمين : تمام يا باشا معاه , 50 جنيه فى جيبه وساعه يد وسلسله مفاتيح ومعاه محفظه فيها 300 جنيه وبطاقه وشويه صور



الباشا : تمام يا آمين ( ويضع الفلوس فى جيبه ) والساعه دى يا آمين علشانك هديا منى ليك



ابو العيون : الساعه دى بتاعتى



الباشا : اخرس خالص ( يتجمد المشهد ونسمع الصوت )



الصوت : حاجه محزنه قوى بسبب شهواتك تلاقى حاجاتك الغاليه تروح منك وانت متكتف وواقف تتفرج ومش قادر تتكلم



الباشا : انت لسه حسابك مجاش



ابو العيون : ليه بس يا باشا ؟ كل كده علشان ايه ؟ علشان حته علبه



آمين : انا مش عاوز الساعه دى يا باشا , شوفلى 50 جنيه ولا اى حاجه



الباشا : ايه يا شعبان دا انا بأقول ان عينك مليانه



آمين : يا باشا انا معاك من الصبح وظبطتلك الزبون وسعادتك وعدتنى تنغنغنى وعمال تقوللى فى الرايحه والجايه اعمل بالمرتب اللى بتأخده ولا شفنا منك ابيض ولا اسود وبعدين فى الاخر تدينى حته ساعه مستعمله .... افــــــــــــ



الباشا : ( بشخط ) آمين ( يتجمد المشهد ونسمع الصوت )



الصوت : كل اللى بيشتغل مع الشيطان بيفتكر انه هيشبع ويتهنا لكن الكذاب اللى هو الشيطان بيكذب حتى على اصحابه وخدامينه وفى الاخر يلاقى نفسه إتباع ببلاش وخسر الحياه المحترمه والابديه



الباشا : انا ما يتقاليش افـــــــــ ولا انت ناسى انا ممكن اعمل فيك ايه ؟



آمين : يا باشا انا الراجل بتاعك وسعادتك ما يخلصكش يعنى ....



الباشا : ( يقاطعه ) خلاص انتهينا



آمين : طب سعادتك انا عاوز استاذن ساعه



الباشا : اتفضل بس ما تغيبش ساعه واحدة وتكون عندى علشان زى ما انت شايف الشارع مليان بالناس يعنى عندنا شغل كتير



آمين : طيب سلام سعادتك



الباشا : استنى ادى العصايه اللى فى ايدك للولد دة



آمين : امسك دى واعمل زى ما كنت باعمل بالضبط



ابو العيون : لكن انا اتاخرت ولازم اروح



الباشا : اخرس ( يتجمد المشهد ونسمع الصوت )



الصوت : مسكين الانسان اللى بيمشى ورا شهواته لان اهم واغلى حاجه بيفقدها هى حريته وبيلاقى الشيطان بيتحكم فيه ومقيده ومايقدرش يتحرك ولا يأخد قراراته بحريه



الباشا : انت مش هتتحرك من هنا غير لما انا اقولك انت فاهم



ابو العيون : فاهم



الباشا : عاوزك تعمل مع اى حد هيعدى عليك زى ما آمين عمل معاك بالضبط تحاول تجذبه علشان يشوف اللى فى العلبه لكن حسك عينك يلمسها



ابو العيون : هى صحيح العلبه فيها ايه سعادتك ممكن ابص كده فى وجودك



الباشا : عندك !!! ( يتجمد المشهد ونسمع الصوت )



الصوت : كل ما تتورط اكثر يزيد عطشك ويزيد شهوتك بدون ما تتروى مش كده وبس دا انت بتبقى اداه من ادوات الشيطان علشان يوقع بيك ناس تانيه



الباشا : بص اللى حصل معاك كوم واللى هيحصل معاك لو مديت ايديك عليها دوم تانى , انت فاهم شوف شغلك ما عنديش وقت اضيعه معاك اكثر من كدة





( العليه الكرتون فى وسط المسرح يقف بجانبها ابو العيون ينظر اليها متحيرا ثم يبدأ فى نوبه الحراسه كما كان يفعل آمين بالضبط ويمر عليه نعيم ثم يقف عند العلبه وينظر اليها متعجبا من وضعها ولكنها لا تلفت نظرة ثم يهم بالمضى فى طريقه )



ابو العيون : طبعا عاوز تسأل وتقولى : من فضلك العلبه دى بتاعه ايه ؟



نعيم : لأ ( يمضى فى طريقه لكن ابو العيون يشخط فيه )



ابو العيون : مش شغلك خليك فى حالك



نعيم : انا اتكلمت . هو ايه اصله دة ؟



ابو العيون : سمنه ؟



نعيم : انا مقلتش سمنه



ابو العيون : سكر ايه يا بنى ادم ؟ دى محطوطه هنا تمهيدا للمزاد العالمى اللى هيتعمل عليها بكرة



نعيم : وانا مالى



ابو العيون : تحب تشترى ؟ علشان تعرف فيها ايه ؟



نعيم : مش عاوز اعرف . هى تلائيح جتت



ابو العيون : عموما دى مش للبيع

من مواضيعي 0 أحقا نحن خدام ؟
0 صدق و لابد أن تصدق الجزء الاول بصوت أبونا يوأنس كمال
0 تعريف الغباوة
0 الخلوة اليومية
0 احذية 2010
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #5  
قديم 22-01-2011, 09:27 PM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: اسكتش العلبه


نعيم : احسن



ابو العيون : استنى .... دى للمزاد لاعلى سعر ما نفسكش تعرف دى فيها ايه وبيتعمل بيها ايه ؟



نعيم : لأ



ابو العيون : استنى بس .... دى علبه , علبه , ايه ماتعرفش العلبه , ماتسمعش عن العلبه



نعيم : ايه اللى بتقوله دة ؟ ( يشير بيديه على راسه علامه الجنون )



ابو العيون : ايدك ( يمسك يده ويمنعه من لمس راسه ثم يمسك براس نعيم ويقوله : اوع تحط ايدك عليها دى لا بتاعتك ولا حتى دفعت فيها رسوم معاينه ولا شاريها تمسكها بتاع8 ايه ؟



نعيم : دى راسى مش بتاعتى ازاى واشتريها ليه ؟



ابو العيون : هتقولى طب اشترى على اى اساس اقولم انا اقولك حد قال لك اشترى حد قالك ادخل مزاد اما دى حاجه غريبه جداااا , يا خبر اوعى كده من السكه حاسب يا بنى ادماتفضل يا باشا



نعيم : هو فيه ايه ؟



ابو العيون : هو كان المفروض يجى دلوقتى



نعيم : بقى كل الهيصه دى والجنان دة علشان العلبه دى ( يضربها برجله فتطير داخل الكواليس ثم يخرج نعيم )



ابو العيون : يا خبر انت عملت ايه ؟ انت اتجننت تعالى هنا رايح فين ولما يجى الباشا هقوله ايه ؟

ياد البخت , اعمل ايه دلوقتى ؟ ياريت القى حد يساعدنى هو فين الاخ اللى كان واقف جنبى ؟ ياريته يرجع تانى



كمال : انت ناديت على ؟



ابو العيون : انت هنا الحقنى



كمال : خير فيه ايه ؟



ابو العيون : مش خير ولا حاجه



كمال : ليه بس ( يتجمد المشهد ونسمع الصوت )



الصوت : تبدأ لما الدنيا تضيق بيك تحاسب نفسك وتحكى اللى حصل بهدوء سواء لنفسك او لشخص تثق فيه ودة بدايه الاعتراف



ابو العيون : العلبه اللى من الصبح مقعدانى جنبها ودفعت علشانها رشوة واتاخد منى كل فلوسى ومحفظتى وصور عيلتى وساعتى بسببها وفى اى وقت الباشا هيودينى السجن لو زعلته علشانها , العلبه دى ما عرفتش احرسها وواحد خبطها برجله والباشا دلوقتى هيعرف ويودينى فى داهيه



كمال : انت لسه عينيك ما فتحتش ما بصيتش على العلبه وفكرت بعقلك ما اخدتش بالك ان العلبه اللى بتتكلم عليها دى حته علبه فاضيه ماتسويش حاجه ماتساويش الحاجات اللى ضاعت منك



ابو العيون : ايه دة صحيح كلامك حقيقى



كمال : الباشا نصب عليك هو وآمين استغلوا فضولك وحبك لمعرفه علشان يوهموك انك دخلت فى مشكله وخلوك بعيد عن كل واحد بيحاول يساعدك وخلوك تقدم لهم تنازلات وقدروا يأخدوا منك كل حاجه حتى حريتك اللى هى اغلى حاجه عندك



ابو العيون : فعلا كل كلامك صح انا ازاى سمحت ان دة يحصل ؟



كمال : ابقى اقعد من نفسك وحاسبه بعدين واستفيد من التجربه لكن دلوقتى لازم تواجه الباشا



ابو العيون : يا خبر , اواجه الباشا ؟



كمال : ايوة لازم تقول له لأ انت مالكش كلام معايا انت نصاب لازم تنادى بنفسك على العسكرى اللى هيقبض على الباشا ويحاكمه , اوعى تخاف من العسكرى , العسكرى بيقف مع الضعيف وبيمسك النصاب وبيعاقبه



ابو العيون : فعلا انا لازم اعمل كده لازم اتحرر من اللى انا فيه دة



الباشا : بتعمل ايه ؟ سايب الحراسه وواقف تحكى



ابو العيون : ( بتوعد ) الباشا ( يتجمد المشهد ونسمع الصوت )



الصوت : لازم تواجه الشيطان بقوة ربنا لازم ترفض علاقاتك بيه بمعونه ربنا وبمساعدته مش بقوتك



الباشا : انت وديت العلبع فين . انا هوديك فى داهيه ؟



ابو العيون : ( بتحدى ) العلبه دى مالهاش قيمه



الباشا : انت فتحتها ؟ هاسجنك



ابو العيون : ايوة شفت اللى جواها لما واحد جرئ شاطها برجله وداس عليها ساعتها اكتشفت قيمتها . عارف قيمتها ايه ؟ ولا حاجه وهم ... خيال ... كذب



الباشا : انا هندهلك العسكرى علشان يسجنك



ابو العيون : العسكرى



الباشا : ايوة العسكرى ياخذك ويحبسك



كمال : كذب



الباشا : انت هنا ؟ ( يلتفت ناحيه كمال ويخرج ابو العيون ) اااااااااااااة فهمت ايه اللى غيرة من ناحيتى .... بس انت مالك ومالى ؟



كمال : انت نسيتنى ؟ انا واحد من اللى نصبت عليهم ومن ساعتها وانا عاهدت نفسى انى اقاومك وانى اساعد الناس على انها تتخلص من خدعك واكشف لهم حيلك



الباشا : اااااااة ( يتجمد المشهد ونسمع الصوت )

من مواضيعي 0 عقيدتنا الاورثوذكسية " لماذا اربعة اناجيل ؟ "
0 قسوة أم حب
0 صلولى كتير
0 رد: الكنيسة فى عصر الرسل
0 خدعوك فقالوا ان اللة خلقنا لنعيش فى فرح ؟
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #6  
قديم 22-01-2011, 09:28 PM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: اسكتش العلبه

الصوت : مش كفايه تتخلص من الشيطان لكن الاحسن كمان انك تكون ايجابى وتساعد الناس انها تعرف حيله وتكون منقذ لناس كثير من الخطيه



الباشا : قول كدة , بس على فكرة مش تقدر تعمل حاجه لان كل ضحيه بيتكسف يفضح نفسه ويعترف انه طلع مغفل وانه عمل كذا وحصل معاة كذا نتيجه شهواته



كمال : اااااة ( يتجمد المشهد ونسمع الصوت )



الصوت : اكثر حاجه بتحمى الشيطان وتزود سلطانه على الناس عدم الاعتراف بالخطيه والخجل منها ... وبكدة بيفضل بينك زبين الشيطان سر , لكن لو فضحته يبدأ سلطانه عليك يخف



كمال : لعلمك بقى انا مش خايف ولا مكسوف من انى اقول انى اتخدعت لان دى مش حاجه تكسف لكن اللى يكسف صحيح هو الخضوع ليك



ابو العيون : ( يدخل ومعه العسكرى ) ولا انا خايف اتفضل يا عسكرى هو دة النصاب اللى قلتلك عليه



الباشا : ( يحاول اظهار تماسكه ) ايه فيه ايه ؟



العسكرى : ابدا عاوزين نتكلم معاك شويه بخصوص بلاغ من المواطن ابو العيون



الباشا : ابو العيون كداب ماحصلش حاجه من اللى هو قالها



الحكومه : ( يمسك الباشا ) انت لسه سمعت هو قال ايه علشان تكذبه (يلاحظ وجود كمال فيخاطبه ) انت تطلع مين ؟



كمال : انا شاهد على واقعه النصب وكمان الباشا نصب علىّ قبل كدة



العسكرى : وليه ما بلغتش ؟



كمال : كنت مكسوف لكن قررت اقاوم بنفسى وامنعه من انه ينصب على حد تانى



العسكرى : غلط ( يتجمد المشهد ونسمع الصوت )



الصوت : ما ينفعش تقاوم الشيطان لوحدك لانه اقوى منك لكن لما تنادى على ربنا وتعترف وتتناول بتأخد قوة وربنا بنفسه بيحارب عنك الشيطان



العسكرى : غلط لما كل مواطن يحاول بنفسه يقبض على النصاب او المجرم لان النصاب عادة اقوى واذكى لكن العسكرى يقدر عليه وعلى كل اعوانه ( ثم يلتفت للباشا ) فين بطاقتك ؟



الباشا : ( يخرج محفظه ابو العيون ويقول بإضطراب ) هى هنا



ابو العيون : دى محفظتى فيها فلوسى وصور عيلتى



العسكرى : بعد اذنك فعلا فيها صورك وفيها 300 جنيه



ابو العيون : وكمان 50 جنيه



العسكرى : بص مش كل فلوسك هترجعلك لانه ممكن يكون ضيع منها حاجات لكن اهم حاجه انك اتحررت منه وتنقذ باقى حياتك ومستقبلك خلاص



الصوت : لازم فيه ثمن مادى بندفعه فى الخطيه .... صحه , فلوس , ممتلكات . والتوبه مش بترجع لنا الماديات اللى فقدناها لكنها بتنقد باقى حياتنا وابديتنا وبتدينا فرصه نصلح غلطتنا علشان كدة بلاش تجرب الخطيه وتقول اتوب بعدة كدة فيه حاجات غاليه هتروح منك



العسكرى : ودلوقتى هنروح كلنا للقسم علشان نشوف حكايه الباشا ونرجع الحق لاصحابه ونحمى الناس من شرورة



( يخرج الجميع ويدخل آمين ويضع كرة على الارض ثم يقف امامها يحرسها مثل العلبه ثم يدخل نعيم ويقف قدام الكرة ليتفرج وتجذبه ليكرر مشهد آمين مع ابو العيون )



نعيم : قولى من فضلك الكروة دى بتاعه ايه ؟ من فضلك هى دى مش كورة عاديه ؟ طيب انتم حاطينها كدة فى وسط الطريق ممكن تحطوها على جنب



آمين : مش شغلك خليك فى حالك



نعيم : دى كورة قدم ؟



آمين : قدم ؟



نعيم : سله ؟



آمين : سله ايه يا بنى ادم دى محطوطه هنا تمهيدا للمزاد العالمى اللى هيتعمل عليها بكرة


إنتهت
من مواضيعي 0 يسوع الحنّان
0 لماذا تركتنى يا شيطان ؟؟؟
0 نادرا جدا
0 الرب يسوع المسيح في سفر أشعياء
0 أحنا دافنينه سوا !!
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
إضافة رد

شارك أصدقائك هذا الموضوع في مواقعك المفضلة

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر رد
العلبه القطيفه kirlos_milad منتدي المواضيع المكررة 3 05-03-2011 05:06 PM
اسكتش التقدير والعرفان magdy-f الخدمة و الخدام 3 04-10-2010 02:03 AM
اسكتش ينبوع الحــب magdy-f الخدمة و الخدام 2 17-09-2010 06:07 PM
لينك مسرحيه او اسكتش لعيد الميلاد t.salwa إعدادي 2 31-03-2010 10:33 PM
افتتاحيه او اسكتش عن الغطاس t.salwa إعدادي 0 13-01-2010 08:12 PM


الساعة الآن 06:12 PM.



Powered by Pope Kirillos Scientific Family
Copyright ©2001 - 2017