منتدي أسرة البابا كيرلس السادس العلمية


العودة   منتدي أسرة البابا كيرلس السادس العلمية > المنتديات المسيحية > الخدمات المسيحية

الخدمات المسيحية هذا المنتدي مخصص للإعلان عن الخدمات المسيحية المختلفة.

إضافة رد
 
أدوات الموضوع طريقة عرض الموضوع
  #1  
قديم 14-10-2007, 01:32 AM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي طلب ضغير منكم


[size=10pt][size=10pt][/size][/size]ممكن تساعدونى
ممكن لو حد عندة قصص على شكل حوار للاطفال ممكن يبعتهالى
او اسكتشات او مسرحيات للاطفال تعلمهم سلوكيات
شكرا ليكم


'gf qydv lk;l

من مواضيعي 0 إعداد الخدام
0 الشباب وتحدّّيات الألف الثالث
0 ال Face Book نظرة مسيحية
0 خريطة طريق الخادم الناجح
0 سداسية هكساجون
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس
  #2  
قديم 25-10-2007, 02:31 AM
الصورة الرمزية marmar*
marmar* marmar* غير متواجد حالياً
Administrator
 
تاريخ التسجيل: Jun 2007
المشاركات: 5,817
افتراضي رد: طلب ضغير منكم

دا موقع فيه مسرحيات واسكتشات حلوه اوى
http://www.copticforum.net/showthread.php?t=1362
من مواضيعي 0 بصلى ليل ويا نهار
0 البدايـــــــــــــــات
0 كيف تسعد من تحب؟
0 كيف تتصرف وشريكه حياتك وحبك ؟؟؟
0 مظاهر العمق والسطحية في الخدمه
__________________



عنـدمـــا يضــع اللــه ثقـــلا فوقــــك فـأنـــه يضــع ذراعــه تحتــــك
فــلا تهتــز نفســك ولا تضطـــرب
رد مع اقتباس
  #3  
قديم 03-12-2007, 12:02 AM
chetos chetos غير متواجد حالياً
عضو مشارك
 
تاريخ التسجيل: Dec 2007
المشاركات: 49
افتراضي رد: طلب ضغير منكم

موقع جميل اوى
من مواضيعي
رد مع اقتباس
  #4  
قديم 03-12-2007, 06:51 AM
magdyageeb magdyageeb غير متواجد حالياً
عضو فضي
 
تاريخ التسجيل: Dec 2005
المشاركات: 1,708
افتراضي رد: طلب ضغير منكم

الـعــطـــاءملاحظات هامه جداً في مسرح العرائس :-
1- الصوت : يجب أن يكون لكل عروسه صوت مميز جداً عن العرائس الأخري في وقت العرض فتكون عروسه مثلاً صوتها غليظ وأخري صوتها رفيع وأخري صوتها مختلف وهكذا ... لكي يستطيع الطفل تميز أي من العرائس تتكلم .
2- الحركه والسكون : عندما تتكلم العروسه يجب أن تتحرك وتفتح فاها , وعندما تسكت لتسمع عروسه أخري يجب أن تكون في سكون لاتتحرك وتغلق فمها (يمكن أن تهز رأسها قليلاً أي تأخذ وضع كمستمعه) وذلك لكي يميز الطفل من المتكلم ومن السامع .


الشخصيات :-

1- أماني 2- أيناس
3- سمسمه (عروسه)
4- سمسم (عروسه)

أماني : ياه أنتي فين ياسمسمه ياشاقيه بدور عليك كتير ومش بلاقيقي ,أنا هحطك هنا في المكان دا علشان مضعيش تاني مني (مكان مسرح العرائس) وأنا أدور علي الحصاله بتاعتي وكل الفلوس اللي معايا .. فين الحصاله ...فين (بدور) أهي الحصاله (وتخرج منها الفلوس وتعدها) أدي جنيه أثنين ثلاثه أربعه خمسه وخمسه جنيه تاني يعني كل اللي في الحصاله 10 جنيه وتخرج من جيبها جنيه وتقول كده يبقي معايا 11 جنيه ...... بس الجنيه دا (الجيب) بتاع ربنا دا اللي مفروض أدفعه في العطا مينفعش أخده ....
صوت زي صوت الشيطان : لا ينفع ياعبيطه دأنتي محتاجه لكل قرش علشان مشكلتك الكبيرة .
أماني : صح أنا فعلاً محتاجه لكل قرش من الفلوس , ودول كمان مش هيكفي خالص (بحزن) ,لآني مشكلتنا كبيرة خالص .
سمسمه : مساء الخير
أماني : تتخض أده بسم الصليب بسم الصليب ياماما !!! العروسه بتتكلم أنتي سم سم سمسمه (بخوف).
سمسمه : ماتخافيش يأماني أنا بتكلم وبأتحرك وبالعب وأكل وبعمل كــــــــــل حاجه .
أماني : طيب ليه أنا مش بشوفك تتكلمي ...... لا أنتي عروسه لعبه والعروسه مش بتتكلم ولا بتسمع ولا بتعمل أي حاجه ...دا شئ مش معقول
سمسمه : الحقيقه أحنا مش بنتكلم قدام الناس ولا بنعمل أي حاجه قدام الناس ,لكن بنتكلم ونتحرك ونمشي ونلعب مع العرايس اللي معانا لما أنتوا بتناموا أو لما تكونوا بره البيت , ومكنتش عايزة أتكلم معاكي وأعرفك أني بأتكلم , لكن لما شوفتك حزينه وعندك مشكله كبيرة وأنا عارفك أنك طيبه وعندكيش حد يفهمك وتتكلمي معاه قلت أتكلم معاكي وأشوفك فيه أيه .
أماني : ياه يعني أنتي بتسمعي وبتشوفي كل حاجه وكمان بتتكلمي وبتمشي وبتلعبي , ... وأنا أقول أنتي بتروحي فين مرات أدور عليكي ومش بلاقيقي .
سمسمه : المهم أنتي مالك زعلانه ليه وكنتي هتاخدي الفلوس ليه .
أماني: الحقيقه ياسمسمه ماما تعبانه قوي وبابا بيقول أن ماما محتاجه أنها تعمل عملية والعملية محتاجه فلوس كتيرة , وأحنا معندناش الفلوس دي , وأنا مش عارفه أعمل أيه فبجمع كل فلوسي وأديها لبابا دا حتي كمان فلوس العطا اللي المفروض أدفعه في مدارس الاحد هأعطيهم لبابا.
سمسمه : ياه الف سلامه لماما يأماني فعلاً دي مشكله بس ربنا معاكي .
أماني : وأنتي كمان تعرفي ربنا .
سمسمه : طبعاً يأماني بعرف ربنا وكمان باروح مدارس الأحد للعرايس
(يأتي صوت عروسه ولد ينادي علي سمسمه ويخرج)
سمسم : ياسمسمه ياسمسمه (بطريقه مضحكه) يالا علشان نروح مدارس الأحد .... أدا أنسان نام ..نام (يعمل نفسه عروسه عاديه مش بتتحرك)
سمسمه : قوم ياسمسم قوم متخافش .
سمسم : (وهو مازال نائم كأنه عروسه جماد بصوت خفيف) أعملي نفسك نايمه في أنسان نامي نامي هتودينا في داهيه .
سمسمه : متخفش هي عارفه كل حاجه أنا قلتلها
سمسم : صحيح يعني أقوم عادي , أهلاً وسهلاً أنا سمسم عروسه الجيران كنت عايز أخذ سمسمه وأروح مدارس الأحد .
أماني : (بأندهاش) أنا مش مصدقه اللي بيحصل دا .
سمسمه : أماني ياسمسم عندها مشكله أن مامتها تعبانه وعايزين فلوس علشان هتعمل عمليه حتي هي هتدفع الفلوس اللي المفروض تدفعها في العطا .
سمسم : هي فعلاً مشكله لكن أنتي بتفكريني بالقصه اللي أخذناها في مدارس الأحد اللي فاتت لما الأخت سماسم حكتلنا .............
صوت من الخارج : فجاءت أرمله فقيرة وألقت فلسين , فدعا الرب تلاميذه وقال الحق أقول لكم قد ألقت أكثر من جميع الذين ألقوا في العطا ,لأن الجميع من فضلتهم أعطوا أما هي فمن أعوزها أعطت كل ما عندها مرقس 41:12-44
أماني :أنا مش فاهمه , بس أنت عايز تقول أني أعطي للرب وأسيب المشكله بتاعتي وما أساعدش بابا .
سمسمه : لا طبعاً , سمسم عايز يقولك أن ربنا شكر في الأرمله الفقيرة اللي أعطت كل ماعندها للرب علي الرغم أنها كانت فقيرة ومحتاجه , وأكيد الرب أكرمها علي العمل العظيم اللي عملته . وسمسم عايزك تعملي زيها وأدفعي الجنيه بتاع العطا للرب وأعطيه كمان بفرح لأن في آيه بتقول المعطي المسرور يحبه الرب , والرب هيكرمك ويحل كل مشاكلك .ت
تأتي أخت أماني أيناس (أول ما تدخل العرائس تعمل نفسها نائمه )
أيناس : ياأماني يأماني يالا أنتي جمعتي الفلوس.
أماني : أيوة أنا معايا فلوس في الحصاله 10 جنيه وجنيه تاني علشان العطا في مدارس الأحد .
أيناس : يعني معاكي 11 جنيه كويس وأنا معايا 15 جنيه طيب يالا علشان نعطيهم لبابا
أماني : بس أنا هاخد الجنيه بتاع العطا علشان أدفعه في مدارس الاحد .
أيناس : مش مهم دلوقتي مدارس الاحد أحنا في ورطه يأماني .
(يقوم سمسم ويضرب أيناس علي رأسها ثم ينام )
أيناس : أه أه (تبص للعرايس تلاقيهم نايمين ثم تكلم كلامها ) يالا بقي يأماني
أماني: لا أنا لازم أعمل زي ماعملت الأرمله اللي دفعت فلسين
(العرائس تقوم وتقول هه هه هه ثم تنام قبل ماتشوفها أيناس)
أيناس : في حاجات بتحصل غريبة في الآوضه , وعلي العموم أنتي حرة ياأماني ثم تمشي أيناس بعد ما تأخذ الفلوس
سمسم : شاطرة ياأماني علي اللي أنتي عملتيه وعايز أقولك حاجه أن العطا مش لازم يبقي فلوس بس لكن ممكن أدي وقتي للرب أو أدي حنان لأحد محتاج لحنان أو أدي لبس قديم عندي لأحد محتاج .
سمسمه : وعايزة أقول حاجه تانيه أن الرب مش محتاج للعطا بتاعنا لكن بيعرف من عطايانا أحنا بنحبه ولا لا في حاجات تانيه أهم منه , وأنا متأكد أن الرب هيعوضك عن اللي أنتي عملتيه ياأماني .
أماني : شكرا ليكم ياأصحابي علي أن أنتم علمتموني درس كبير جداً أن لازم أكرم الرب قبل كل شىء حتي لو معوضنيش علي اللي أنا عملته لكن المهم قلت للرب بالعطا أني بحبك عن أي حاجه تانيه .
أيناس : أماني أماني عمنا جه من السفر دلوقتي وقال أنه دفع فلوس للمستشفي علشان ماما تعمل العمليه بكرة .
أماني : شكراً ليك يارب شكراً ليك بتدينا أكتر مابنفتكر أو نطلب .
(ترنيمه دا يسوع حلو قوي )
من مواضيعي 0 صورة جميله لنيافه الانبا باخوم اسقفنا
0 اعرف شخصيتك من عمرك.........
0 اقدم نصوص من الكتاب المقدس
0 واخيرا قد علمت !!!!!!!!!!!
0 نفسى اتـــــــــــو ب
__________________



رد مع اقتباس
  #5  
قديم 03-12-2007, 07:01 AM
magdyageeb magdyageeb غير متواجد حالياً
عضو فضي
 
تاريخ التسجيل: Dec 2005
المشاركات: 1,708
افتراضي رد: طلب ضغير منكم

نص مناسب لعيد الميلاد
بابا نويل و مكنة اللعب

المشهد الاول :
قبل العيد بخمس أيام في معمل الكمبيوتر عند بابا نويل
بابا نويل جالس أمام الكمبيوتر الرئيسي و المساعدين 2 انسان آلي ... أورك و بورك ... بالاضافة الى فادي و هو طفل في العاشرة و صوت الماكينة في الخلفية
بابا نويل : يلا يا جماعة ... شدوا حيلكم العيد قرب ... و الولاد مستنيين الهدايا ... احنا فاضلنا قد ايه يا أورك
أورك : (زيء- صوت ميكانيكي) فاضلنا 1/3 الهدايا يا بابا نويل
بابا نويل : 1/3 الهدايا !!!... امال كنا بنعمل ايه طول السنة لما يبقى فاضلنا 1/3 الهدايا !!؟؟
بورك : ( صوت ميكانيكي ) نعمل ايه يا بابا نويل ما المكنة كل شوية عمالة تعطل ... و نحاول نصلحها و بعد ما نصلحها نلاقي عدادا الطاقة اللي بيشغلها بينزل... و احنا مش عارفين نعمل ايه ؟...
أورك صوت ميكانيكي ) هو ايه اللي بيشغلها يا بابا نويل ...؟
بابا نويل : ده سؤال وجيه ... تصدق ان أنا مش عارف ايه اللي بيشغلها ... من ساعة ما جدي ال17 بابا نويل الاول شحنها ... و هي ما احتاجتش شحن ... و يا رب ما تحتاجش شحن لأني مش عارف ايه اللي يشحنها ...
أورك :طب ما احنا ممكن نطور في شحنها ... بدل ماهي بتتشحن مثلا مثلا بالفحم ... نشحنها احنا بالبنزين مثلا ... زي محركات العربيات كل شوية يطلعوا بنزين أعلى ليها
بورك : بنزين ... و بنزين ليه ... ما نشحنها بالطاقة الشمسية و لا طاقة الرياح علشان ما تلوثش البيئة
بابا نويل : فحم ايه و بنزين ايه و شمس ايه بس يا جماعة ... المكنة مش بتتشحن بحاجات كدة ... و عامة احنا بنفكر في شحنها ليه دلوقتي تمشي معانا لغاية بعد العيد و بعدين نفكر في شحنها
فادي : بابا نويل ... بابا نويل ... ممكن آخد اللعبة دي ... دي حلوة قوي ...
أورك : ( يصيح ) بس يا فادي ... سيب اللعبة دي ... مش وقت انك تاخدها
فادي : لأ ها أخدها ما لكش دعوة بيا
بورك : يا فادي اللعب دي علشان نوزعها على الاطفال ليلة العيد
فادي : و يعني هي دي اللي ها تفرق معاكم
أورك و بورك يقتربان من فادي في سرعة ثابتة و يقولان في صوت واحد
أورك ،بورك : هات اللعبة اللي في ايدك يا فادي ، هات اللعبة اللي في ايدك يا فادي .....
يتراجع فادي ... ثم يجري ليختبئ وراء بابا نويل ...))
فادي : بابا نويل ... حوشهم عني
بابا نويل : بس كفاية يا جماعة ... ايه اللي أنتوا بتعملوه ده ... ( يوجه حديثه نحو فادي ) فادي يا حبيبي ممكن تأجل موضوع اللعبة لليلة العيد ... خدها بس ليلة العيد ...
فادي : حاضر يا بابا نويل ... ( يوجه حديثه نحو أورك و بورك ) شايفين الناس بتتعامل ازاي ... مش زيكم
(يصدر أورك و بورك أصوات ميكانيكية و يحاولان الاقتراب من فادي ... و لكن بابا نويل يمنعهما باشارة من يده)
بابا نويل : ( يصيح ) بس يا جماعة ... مش كدة كل واحد يشوف شغله بقى
أورك ، بورك : حاضر يا بابا نويل ( صوت الماكينة يصمت)
أورك : صوت المكنة .... صوت المكنة
يذهب بورك لمعاينة عداد الطاقة ))
أورك : بابا نويل ... الحق
بابا نويل : فيه ايه يا أورك
أورك : عداد الطاقة صفر
بابا نويل : أزاي ... ايه اللي حصل ... ليه كدة ...
أورك : لازم نشحن المكنة
بابا نويل : يبقى لازم نعرف ايه اللي ممكن يشحن المكنة دي ... فادي تعال اقعد قدام الكمبيوتر و افتح البابا نويل نت على السايت اللي أسمه
)www. Taket-makanet-elle3ab.com(
فادي : حاضر يا بابا نويل ... ( يجلس الى الجهاز و يحرك أصابعه على لوحة المفاتيح) عملت عليه سيرش و مش موجود على البابا نويل نت ... مش لاقيه ... الكمبيوتر بيقولي ان حاجة زي كدة ممكن تكون موجودة في المكتبة القديمة بتاعة بابا نويل الاول
بابا نويل : ايه ده و احنا ما دخلناش معلومة مهمة زي دي ازاي
فادي : لازم عمر ما حد فكر ان المكنة ممكن تحتاج شحن تاني
أورك : مش ضروري نضيع وقت في المناقشة يا بابا نويل ... يالا نشوف المكتبة القديمة ...
بابا نويل يحاول اخراج كتاب من المكتبة القديمة فيسقط عليه عدد من الكتب بالاضافة الى التراب
بابا نويل : ( كح كح كح - يسعل من التراب) ياه ايه التراب ده كله ... تاريخ مكنة اللعب ... تاريخ مكنة اللعب ... تاريخ مكنةاللعب ... أهو ... ( يسحب كتاب من المكتبة ) ندور بقى جوة الكتاب ... طاقة المكنة ... طاقة المكنة ... طاقة المكنة ... أهي ... طاقة المكنة صفحة 11385 ( حداشر الف و تلتماية خمسة و تمانين ) الكتاب بيقول ان المكنة دي مش بتشتغل لا بالخشب و لا بالفحم لكن بنوع طاقة اسمه المحبة و أول مرة اتشحنت فيها كانت في القرن التالت الميلادي مع بابا نويل الاول سيدنا البابا نيكولاوس ... و ده كان شخص بيحب الناس و يساعدهم و من كتر محبته اتشحنت المكنة و زي ما المحبة بتشحن المكنة الكره يقلل الطاقة بتاعتها . فلازم نلاقي مصدر للمحبة علشان المكنة تتشحن ...
أورك : طبيعي جدا ان طاقة المكنة تقل الفترة اللي فاتت... لأنها كانت فترة مليانة حروب كتير ... ده غير جيرانا اللي جنبنا اللي قعدوا يتخانقوا امبارح ...
بابا نويل : و ناسيين خناقتكم بتاعة النهاردة ... هي المكنة ها تتحمل ايه و لا ايه بس يا ربي ... أعمل ايه دلوقتي ...؟؟
فادي : كدة يبقى لازم نلاقي مصدر تاني للمحبة زي ما الكتاب اللي معاك قال
بورك : ايه رأيك نجرب محبة اتنين اصحاب ...
بابا نويل : نجرب مش ها نخسر حاجة ...
فادي : جون و جورج أصحابي بيحبوا بعض قوي ... تحب نجيبهم ...
بابا نويل : و ماله ... هاتهم ...
( يذهب فادي لأحضار جون و جورج
) أظلام
يضاء المسرح ثم يدخل جون و جورج مع فادي … ينظران الى جنبات المكان في ذهول
جون : فادي انت قلتلنا احنا جايين فين
فادي : جون … مالك … احنا عند بابا نويل
جورج : بابا نويل… بابا نويل …، بابا نويل اللي بيحكولنا انه بيجي يوزع علينا الهدايا في ليلة عيد الميلاد
فادي : أيوة هوة
جورج : أنا كنت فاكره قصة خيالية … مش موجودة غير في الحكايات بتاعة تيتة و جدو … و بعدين احنا في معمل كمبيوتر مش قصر تلج زي اللي في الحكاية
جون : و فين العربية بتاعة بابا نويل اللي الغزلان بتجرها ؟…
فادي : مهو ده بابا نويل القرن ال21 … و طبعا لازم يكون متطور …
( يدخل بابا نويل)
بابا نويل : أهلا … أهلا … أصحابي و حبايبي (يتلفت جون و جورج في ذهول )
جون : … انت بابا نويل …. انت بابا نويل بجد ..!!!؟؟
بابا نويل : ( بهدوء و ابتسامة واثقة) أيوة أنا بابا نويل بجد …ايه مستغربين …؟
جورج : احنا كنا فاكرينك حكاية …؟
بابا نويل : ما هي كل حكاية خيالية …و ليها أصل حقيقي …
فادي : خلينا في المهم يا بابا نويل …
بابا نويل : ماشي كلامك يا فادي … خلينا في المهم ..بصوا يا ولاد... احنا محتاجينلكم
جون : ازاي يا بابا نويل
بابا نويل : هو فادي ما حكالكمش … ماشي ها أحكيلم أنا مكنة الهدايا اللي بتعمل هدايا لكل أطفال العالم كل سنة وقفت و محتاجة تشحن ، و اللي يشحنها مش بنزين أو سولار اللي يشحنها محبة بجد
جون : طب و احنا دورنا ايه
بابا نويل : محبتكم لبعض هي اللي هاتشحنها
جون : طب نجرب يا بابا نويل
بابا نويل: طيب أنا ها أفتح الكتاب علشان أعرف المكنة دي تتشحن أزاي ... أدينا عندنا طاقة حب بس نشحن بيها ازاي
أورك : الكتاب بيقول انه لازم يكون حب مستمر بدون مقابل و مالهوش غرض، ممكن اللي يحب فيه يفدي حبيبه حتى لو أنكره أو أهانه أو رفضه
جون : بس احنا محبتنا مش من النوع ده ، يعني أنا و جورج آه بنحب بعض ... بس مش لدرجة نموت علشان بعض ، صدقني كان نفسنا نساعدك
بابا نويل :كدة يبقى لازم ندور على نوع تاني من الحب
بورك :ايه رأيك في حب ام لأولادها
بابا نويل : فكرة كويسة قوي ..
فادي : بس برضه ... بيتهيألي ان الحب ده مش هيكون كفاية لأنه موجه لعدد محدود من الناس من الام لأولادها حتى لو بقوا 10
بابا نويل : كدة مش هاينفع ... احنا لازم ندور في التاريخ كله على الحب اللي مفيش بعده حب و لا قبله حب ... الحب اللي غطى ناس كتير من غير غرض و لا هدف ، أعملي عليه سيرش على البابا نويل نت يا فادي
شاشة كبيرة للكمبيوتر تظهر عليها الكرة الارضية تدور .. و مؤشر زمني يتحرك
فادي : بابا نويل ... بابا نويل ... الحق
بابا نويل : فيه ايه يا فادي .. لقيت حاجة
فادي: لقيت نقطة منورة ... بس نقطة النور دي من سنين
يتحرك بابا نويل نحو فادي لمتابعة الحدث
فادي : شايف نقطة النور دي كانت سنة 1 ميلادي
بابا نويل : 1 ميلادي !؟ فين يا فادي
فادي : في اورشليم يا بابا نويل في بيت لحم
بابا نويل : ميلاد المسيح ؟! ازاي حاجة زي كدة ماجتش في بالي ... بقى أنا اللي طول عمري بخدم الاطفال في عيد الميلاد ... انسى حب ربنا اللي في الميلاد .. و احتاج للكمبيوتر علشان يفكرني بيه.. طبعا حب المسيح اللي منغير مقابل ... و اللي راح لكل الناس في كل زمان ومكان هو اللي ممكن يشحن المكنة ...
بورك : مش لازم نضيع وقت بابا نويل
بابا نويل : فعلا مش لازم نضيع وقت ... بينا يا أولاد على آلة الزمن علشان نروح نشوف ميلاد ربنا يسوع المسيح .. أورك ماتنساش بطارية المكنة ... بورك مؤشر الطاقة ...

( يدخل الجميع آلة الزمن تكون موضوعة الى الخارج من ستارة المسرح ... و تقفل ستارة المسرح )
المشهد الثاني:
(تبدأ الماكينة في التوقف عن الاهتزاز الى أن تقف تماما و يبدأ بابانويل و الاولاد في الخروج من الماكينة و يفتح ستار المسرح على مشهد منقسم ثلاثة أجزاء
1-المذود
2- الرعاة
3- قصر هيرودس
تتم أضاءة المشاهد بالتناوب حسب المشهد و أظلام الآخرين
كل المسرح مظلم مع وجود سبوت على بابا نويل و الاولاد عند خروجهم من الآلة
فادي : ايه ده احنا فين ...؟؟
بابا نويل : احنا سنة 1 لميلاد المسيح
أورك: احنا في اورشليم و اللي قدامنا مكان ميلاد السيد المسيح
فادي : معقولة .. بقى رب الاكوان ده كله يتولد في المكان الفقير ده ... لأ أنتوا بتضحكوا علي
بابا نويل : أمال احنا ليه بنقول انه حب لا قبله و لا بعده ... يعني هو تنازل ربنا ده لدرجة انه يتولد من بنت فقيرة ...و فمكان فقير كدة ...ده مش حب .... كونه ياخد جسد زي جسدنا ده مش حب ... كونه يهرب من ملك كان عاوز يموته ده مش حب ...
فادي : أعظم حب ...
اظلام
اضاءة المذود :
المكان عبارة عن جدران مغطاة خيش و الارضية قش و مجموعة من الحيوانات محيطة بهم
(صوت طفل يبكي)
سالومي :مبروك يا ست مريم ... ولد زي الفل هتسميه ايه
العذراء : يسوع زي ماقال الملاك
(يدخل يوسف النجار)
سالومي : الف مبروك يا شيخ يوسف ... يتربى في عزك ...امه قالت هتسميه يسوع ... انت ايه رأيك
يوسف : يسوع زي ما قال الملاك
سالومي : خلاص يبقى اسمه يسوع
( تعطي الطفل لأمه ثم تخرج)
يوسف : حمدلله على سلامتك يا مريم ... مبروك ليكي
مريم : مبروك للبشرية كلها ... أخيرا اللي البشرية كلها استنته جه أهو ...
يوسف :يا ربي يسوع ... يا ما كان نفسي تيجي و نستقبلك في قصر ... مش في مكان وحش و ضيق و الحيوانات حوالينا زي كدة
مريم : المكان اللي يجي فيه ربنا ... يبقى أحسن من من القصر يا شيخ يوسف ... ده احنا حوالينا الملايكة فرحانة و بتمجد ربنا من كتر فرحتها
يوسف : بقى انت يا ربي بتحبنا لدرجة انك تاخد جسم زينا و تيجي و تعيش وسطنا
مريم : و يتولد من بنت فقيرة زي و فمكان زي المكان ده ... قد ايه انت حبك كبير لينا يا ربي ...
اظلام

اضاءة منظر الرعاة
الرعاة مجتمعين حول النار
راعي 1: الجو برد قوي ... ايه البرد ده ...
( واحد فيهم ينظر في ذهول امامه )
راعي 2: انت شايف اللي أنا شايفه ...
راعي 1 : شايف ايه ... هو فيه هنا الا العتمة و الخرفان و الديابة ...
راعي 3: هناك فين ... انت شايف ايه ...
راعي 2 : زي ما يكون فيه نجمة من السما نزلت و بتتمشى على الارض ...
راعي 3 : شكلك كدة كتر القعدة مع الخرفان أثر على دماغك ...
راع1 : الله ... ايه ده بصوا هناك ... ده بجد زي ما تكون نجمة
راعي 3 : لأ دي بتقرب مننا كمان
راعي 2 : يلا بينا نهرب بجلدنا من هنا ...
راعي 1 : و الخرفان ...
راعي 3 : خرفان ايه بس ...
الملاك : استنوا يا جماعة ... خايفين ليه
راعي 1: ( بارتعاب ) انت مين و عاوز ايه
الملاك : أنا ملاك الله و جي أبشركم ان فيه فرح كبير هيكون لكل الشعب ... اتولد النهاردة في مدينة داوود مخلص هو المسيح الرب . هتلاقوا طفل صغير ملفوف و محطوط في مزود للبقر
(تظهر مجموعة من بقع الضوء في الخلفية و صوت "المجد لله في الاعالي و على الارض السلام و بالناس المسرة" على 3 دفعات و يظهر دخان ... يختفي الملاك و بقع الاضاءة )

راعي 1: يلا يا رجالة على بيت لحم
راعي 2 : أيوة أنا نفسي أشوف المسيح ابن داود ... يلا يا رجالة
(يقوم الرجال للتحرك)
أظلام
قصر هيرودس الملك
هيرودس جالس على العرش يأتي اله الحارس
الحارس : مولاي الملك
هيرودس : عاوز ايه دلوقتي ...
الحارس : مجموعة مجوس من الشرق جايين يقابلو عظمتك يا مولاي ...
هيرودس : مجوس من الشرق ... أمم ...ممكن يكونوا جايبين معاهم هدايا ... علشان يتمنوا رضايا ... و ماله خليهم يدخلوا
(ينصرف الحارس و يدخل المجوس)
مجوسي 1 : مولاي الملك هيرودس
هيرودس : أهلا بالضيوف ... شرفتوا اورشليم ...
مجوسي 2 : الشرف لينا يا مولاي ...
هيرودس : هل ليكم هدف معين من الزيارة ...
مجوسي 3 : الحقيقة يا مولاي ... أحنا مجموعة من مجوس المشرق
مجوسي 1 : و طبعا اللي زينا يحبوا يراقبوا النجوم و الكواكب و مساراتها هي ماشية ازاي
مجوسي 2 : و فليلة ... و احنا بنراقب النجوم لقينا نجمة أكبر من كل النجوم و شكلها مختلف عن كل النجوم
هيرودس : (بنفاد صبر) ها ... و بعدين ايه اللي حصل
مجوسي 3 : ما احنا جايين لك في الكلام يا مولاي
مجوسي 1 : لما لقينا النجمة دي فكرنا ندور في كتبنا عن معناها ... و لقينا ان معناها ان فيه ملك هايتولد ... و الملك ده يا مولاي هايتولد هنا في اورشليم
مجوسي 2 : طبعا يا مولاي الملك اللي يتولد لازم يتولد في قصر ملكي ... و الحقيقة احنا جينا علشان نسجدله
هيرودس : (ينتفض هيرودس من على كرسيه و يتكلم كمن يحادث نفسه) ملك جديد...ملك تاني ...(يحاول تصنع الهدوء ) اه طبعا طبعا ... بس الحقيقة ما فيش مواليد جداد في القصر
مجوسي 1 : مفيش ... ازاي الكلام ده ... دي النجمة وقفت هنا ...
هيرودس : و هانعرف ازاي ... مفيش غيرهم... اليهود (يحادث نفسه)طيب هانتأكد من الموضوع ده ... يا حراس
حارس : أمر مولاي ....
هيرودس : ابعتوا هاتولي الكهنة و رؤساء الكهنة اليهود (يوجه هيرودس كلامه نحوهم) أما ضيوفنا الاعزاء فيتكرموا بالوجود في ضيافتي لغاية لما يجي كهنة اليهود و نتأكد ...
مجوسي 3 : يكون لينا الشرف يامولاي
(يخرج المجوس ويتحرك هيرودس ذهابا و عودة في المكان)
هيرودس يحدث نفسه) ملك ... ملك برة القصر ... هياخد مني و من عيلتي الملك ...أما نشوف ... هيقدريعمل ايه جلالة الملك ...
(اظلام)
المذود
(الرعاة يدخلون يحاولون استكشاف المكان )
راعي 1:معقولة ... هو ده المكان...؟؟
راعي 2 : بقر و معيز و خرفان
راعي 1 : و حمار و حصان
راعي 2 : تبن و قش و خيش ... ليه اختار ده المكان
راعي 3 : متهيألي هو زي اللي وصفهولنا الملاك
الرعاة يشاهدون العذراء و الطفل فيشيرون لبعضهم بالسكوت))
راعي 1: السلام ليكي يا سيدتي ... السلام ليك يا سيدي ..
يوسف : انتوا قاصدينا احنا
راعي 2 :أيوة يا سيدي ..
راعي 3 : أحنا جايين نشوف المخلص ... و نسجدله
العذراء : وانتوا عرفتوا مكننا منين يا جماعة
راعي 1: من الملايكة ... الملايكة جت و بشرتنا بميلاد السيد
راعي 3 : أنا مشتاق جدا اني أشوفه يا مولاتي ... هو فين
العذراء : أهو...
راعي 2: هو ده ملك اسرائيل ... هو ده مخلص العالم ... الشكر ليك يا رب ... يالي اديتنا فرصة اننا نشوف الميلاد ... ده
راعي 1 : اسمه ايه ...
العذراء : يسوع زي ماقالي الملاك ...
راعي 3 : يسوع ... يعني مخلص
يوسف : و هو جي علشان كدة ... علشان الخلاص
(يسجد الرعاة للطفل مع ثبات لثواني
) اضاءة ... مشهد العرش
هيرودس الملك مع المجوس
الحارس: مولاي الملك هيرودس ... الكهنة طالبين الاذن بالدخول
هيرودس : يدخوا فورا ...
رئيس الكهنة : مولاي الملك هيرودس ...
كاهن 1 : خير يا مولاي ...
هيرودس : خير ... بقى ضيوفنا الاعزاء المجوس .. جايين من بلادهم و بيقولوا في ملك جديد اتولد في اورشليم و افتكروا انه اتولد في القصر و كانوا عاوزين يسجدوله ...
رئيس الكهنة : حسب نبوات الكتاب المقدس ... السيد المسيح هيتولد هنا في اورشليم في بيت لحم ...
كاهن 2 : أيوة و النبوة بتقول " و انت يا بيت لحم أرض يهوذا... لست الصغرى بين رؤساء يهوذا ... لأن منك يخرج مدبر يرعى شعبي اسرائيل " أكيد هو الملك اللي قصدهم عليه ...
هيرودس : بقى كدة ( محدثا نفسه) طيب ... ( ثم يتصنع الابتسام ) أحبابنا و ضيوفنا الاعزاء المجوس ...دلوقتي ... أحنا كلنا عرفنا الملك ده هايتولد فين ... و ياريت لما تروحوا تسجدوله تبعتولي أنا كمان علشان أسجدله ...
مجوسي 1 : شاكرين فضلك يا مولاي ...طبعا و احنا راجعين هنعدي عليك علشان تعرف مكانه
مجوسي 2 : دلوقتي يا مولاي احنا بنطلب الاذن بالانصراف ...
هيرودس : اتفضلوا ...
( ينصرف الجميع)
هيرودس : ملك ... ملك آل ... اما نشوف أخريتها ايه معاك ... يا عظمة الملك ...( بعنف)
اظلام))
اضاءة مشهد المذود ))
يدخل المجوس في ايديهم هداياهم
مجوسي 3 : مش مستغربين من حاجة ...
مجوسي 2 : قصدك على ايه ...
مجوسي 3 : كهنة اليهود ... مع انهم عرفوا بميلاد الملك مجوش يسجدوا معانا ... مع ان النبوة واضحة في كتابهم
مجوسي 1 : مش جايز فيه حاجات تانية شغلاهم
مجوسي 3 : جايز
ينظر مجوسي 1 للمكان حوله باندهاش
مجوسي 1 : معقولة ملك اليهود يتولد في مكان زي ده
مجوسي 2 : واضح انه مش أي ملك أكيد له مملكة من نوع تاني ...
مجوسي 3: الملك أهو و أم الملك اهي...
مجوسي 1 : السلام لأم الملك ...
العذراء : السلام ليكم ... انتوا مين ...
مجوسي 2 : احنا مجوس من المشرق و عرفنا بأمر الملك اللي هيتولد و جينا نسجد له
مجوسي 3 : و جايبين معانا هدايا دهب و لبان و مر ..
مجوسي 1 : يا ريت تقبلوا مننا الهدايا البسيطة دي
( تفتح الهدايا و توضع عند أقدام المسيح ثم يحدث ثبات للمشهد ثواني )
يتحرك بابا نويل و الاولاد الى المذود يسجدون مع ثبات المشهد ثواني
ستار
المشهد الثالث
يخرج بابا نويل و الاولا د
فادي : أنا حاسس براحة و فرحة مش قادر أوصفها
بابا نويل : عندك حق يا فادي ميلاد ربنا يسوع ادانا حاجات كتير قوي .. ربنا علمنا الحب اللي بجد و الفرح و السلام
أورك : بابا نويل ... البطارية اتشحنت للآخر
بورك : عداد الطاقة للآخر يا بابا نويل
بابا نويل : يوه ... فكرتوني بموضوع الهدايا ... بينا يا ولاد نركب البطارية و نشغل المكنة مش فاضل قدامنا وقت كتير ...
يركب بابا نويل و الاولاد آلة الزمن و تغلق الستارة أثناء ذلك و تبدأ في الاهتزاز الى أن تتوقف))
ينزلون ثم تفتح الستارة

المشهد الرابع : في المعمل :

بابا نويل : يلا يا جماعة ... الوقت اللي قدامنا مش كتير
أورك : أنا ركبت البطارية يا بابا نويل
بورك : و أنا ركبت عداد الطاقة
فادي : بابا نويل الحق
بابانويل : فيه ايه يا فادي
فادي : المكنة ..
(يتحرك بابانويل نحو الماكينة)
بابا نويل : ايه ده
فادي : ده حب ربنا ... شايف المكنة شغالة ازاي (الماكينة تدفع بكمية من الهدايا في كل الاتجاهات)
بابا نويل : احنا لازم نبتدي نوزع الهدايا ... و الا مش هنلاحق على اللي بتطلعه المكنة ... يالا يا فادي اديني كيس الهدايا
فادي : كيس الهدايا أهو يا بابا نويل
بابا نويل : شكرا يا فادي
( يملأ بابا نويل الكيس بالهدايا )
بابا نويل : سلام يا جماعة أنا رايح أوزع هدايا العيد ...لازم كل أطفال العالم ياخدوا هدية عيد الميلاد
أورك : هديتك يا فادي
فادي : أنا خلاص مابقتش عاوز هدية ... لأن ميلاد ربنا هو أغلى هدية ...
ستار
من مواضيعي 0 حكاية رقم جزء اول
0 رساله خاصه جدا
0 انتبهوا جميعا وخدوا بالكم
0 قالوا عن الصداااااااااقه
0 نقل: أبونا بيشوى كامل +++++أقوال عن الصلاة
__________________



رد مع اقتباس
  #6  
قديم 28-08-2009, 01:36 PM
الصورة الرمزية كود29
كود29 كود29 غير متواجد حالياً
عضو نشيط
 
تاريخ التسجيل: Aug 2009
الدولة: موقعى بقلب يسوع
المشاركات: 87
إرسال رسالة عبر مراسل Yahoo إلى كود29
افتراضي رد: طلب ضغير منكم

عمل رائع جدا
ربنا يعوضكم خير
من مواضيعي 0 فيلم الجحيم برابط واحد فقط وخفيف الحجم
0 ادخل وشوف مش هتندددددددددددم
0 منتديات يا عدرا ضمينا
0 الى كل محبى البابا كيرلس
0 شات افا كيرلس لكل محبى البابا كيرلس
__________________
صلوا من اجل ضعفى

رد مع اقتباس
  #7  
قديم 09-10-2009, 02:50 PM
bent-yaso3 bent-yaso3 غير متواجد حالياً
عضو مشارك
 
تاريخ التسجيل: Oct 2009
المشاركات: 46
افتراضي رد: طلب ضغير منكم

حلو قوى الموضوع ده

اكيد كلنا لازم نستفاد منه
من مواضيعي 0 شات ومنتديات افا كيرلس
رد مع اقتباس
  #8  
قديم 22-02-2010, 02:55 AM
ىثقةخ-ىثقةخ ىثقةخ-ىثقةخ غير متواجد حالياً
عضو مشارك
 
تاريخ التسجيل: Feb 2010
المشاركات: 17
افتراضي رد: طلب ضغير منكم

قصص جميلة قوى وربنا يبارك حياتكم وصلوا من اجل ضعفى نرمين
من مواضيعي
رد مع اقتباس
  #9  
قديم 22-02-2010, 02:57 AM
الصورة الرمزية Armia
Armia Armia غير متواجد حالياً
عضو ماسى
 
تاريخ التسجيل: Oct 2007
الدولة: Egypt
المشاركات: 8,033
إرسال رسالة عبر مراسل Yahoo إلى Armia
افتراضي رد: طلب ضغير منكم

قصص جميلة قوى وربنا يبارك حياتك وخدمتك
من مواضيعي 0 كيف تتخلص من العادات الضارة للانترنت
0 إزاي تعملc.v بروفيشنال المواضيع دى مهمة لمستقبلكم
0 مفهوم جديد تم اكتشافه في الساحة النفسية
0 قلوب هادئه تصرخ بصمت
0 افكار الشباب !!!!!!!
__________________







انت تحتض وجودى برعايتك وكأنك لا تتطلع على اخر سواى تسهر على
وكأنك قد نسيت الخليقة كلها تهبنى عطياك وكأنى وحدى


رد مع اقتباس
  #10  
قديم 25-02-2010, 11:16 PM
magdyageeb magdyageeb غير متواجد حالياً
عضو فضي
 
تاريخ التسجيل: Dec 2005
المشاركات: 1,708
افتراضي رد: طلب ضغير منكم

شكرا ليكم يااخوتى على مروركم الجميل ربنا يبارك حياتكم جميعا
من مواضيعي 0 مناجاه
0 رسالة هامة الى جميع الشعوب المسيحيه
0 س و ج فى العقيــــدة المسيحية الارثوذكسية
0 قالوا عن الصداااااااااقه
0 نكته جديده
__________________



رد مع اقتباس
إضافة رد

شارك أصدقائك هذا الموضوع في مواقعك المفضلة

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر رد
محتاجه مساعده منكم ϲσɗɛ вяɛακɛɍ منتدى المشاكل 12 15-08-2009 01:28 AM
عضو جديد ولى الشرف ان اكون واحد منكم سامى رومان نسيم الترحيب بالأعضاء الجدد و اللإفتقاد. 9 12-06-2009 06:14 PM
بصراحه يا جماعه انا اتخنقت منكم farah منتدى النكت و الفكاهات 19 09-08-2007 08:14 PM
برجو منكم تصلوا عشان والدي ناردين طلبات الصلاة 5 04-07-2007 04:06 PM
ممكن اقتراح زكى منكم وارجوكم الاهتمام؟ marko george طلب وظيفة 2 01-05-2007 12:34 PM


الساعة الآن 04:54 PM.



Powered by Pope Kirillos Scientific Family
Copyright ©2001 - 2017