الموضوع: اسكتش العلبه
عرض مشاركة واحدة
  #6  
قديم 22-01-2011, 09:28 PM
الصورة الرمزية fulaa
fulaa fulaa غير متواجد حالياً
المشرف العام
 
تاريخ التسجيل: Apr 2007
الدولة: القاهرة
المشاركات: 5,495
افتراضي رد: اسكتش العلبه

الصوت : مش كفايه تتخلص من الشيطان لكن الاحسن كمان انك تكون ايجابى وتساعد الناس انها تعرف حيله وتكون منقذ لناس كثير من الخطيه



الباشا : قول كدة , بس على فكرة مش تقدر تعمل حاجه لان كل ضحيه بيتكسف يفضح نفسه ويعترف انه طلع مغفل وانه عمل كذا وحصل معاة كذا نتيجه شهواته



كمال : اااااة ( يتجمد المشهد ونسمع الصوت )



الصوت : اكثر حاجه بتحمى الشيطان وتزود سلطانه على الناس عدم الاعتراف بالخطيه والخجل منها ... وبكدة بيفضل بينك زبين الشيطان سر , لكن لو فضحته يبدأ سلطانه عليك يخف



كمال : لعلمك بقى انا مش خايف ولا مكسوف من انى اقول انى اتخدعت لان دى مش حاجه تكسف لكن اللى يكسف صحيح هو الخضوع ليك



ابو العيون : ( يدخل ومعه العسكرى ) ولا انا خايف اتفضل يا عسكرى هو دة النصاب اللى قلتلك عليه



الباشا : ( يحاول اظهار تماسكه ) ايه فيه ايه ؟



العسكرى : ابدا عاوزين نتكلم معاك شويه بخصوص بلاغ من المواطن ابو العيون



الباشا : ابو العيون كداب ماحصلش حاجه من اللى هو قالها



الحكومه : ( يمسك الباشا ) انت لسه سمعت هو قال ايه علشان تكذبه (يلاحظ وجود كمال فيخاطبه ) انت تطلع مين ؟



كمال : انا شاهد على واقعه النصب وكمان الباشا نصب علىّ قبل كدة



العسكرى : وليه ما بلغتش ؟



كمال : كنت مكسوف لكن قررت اقاوم بنفسى وامنعه من انه ينصب على حد تانى



العسكرى : غلط ( يتجمد المشهد ونسمع الصوت )



الصوت : ما ينفعش تقاوم الشيطان لوحدك لانه اقوى منك لكن لما تنادى على ربنا وتعترف وتتناول بتأخد قوة وربنا بنفسه بيحارب عنك الشيطان



العسكرى : غلط لما كل مواطن يحاول بنفسه يقبض على النصاب او المجرم لان النصاب عادة اقوى واذكى لكن العسكرى يقدر عليه وعلى كل اعوانه ( ثم يلتفت للباشا ) فين بطاقتك ؟



الباشا : ( يخرج محفظه ابو العيون ويقول بإضطراب ) هى هنا



ابو العيون : دى محفظتى فيها فلوسى وصور عيلتى



العسكرى : بعد اذنك فعلا فيها صورك وفيها 300 جنيه



ابو العيون : وكمان 50 جنيه



العسكرى : بص مش كل فلوسك هترجعلك لانه ممكن يكون ضيع منها حاجات لكن اهم حاجه انك اتحررت منه وتنقذ باقى حياتك ومستقبلك خلاص



الصوت : لازم فيه ثمن مادى بندفعه فى الخطيه .... صحه , فلوس , ممتلكات . والتوبه مش بترجع لنا الماديات اللى فقدناها لكنها بتنقد باقى حياتنا وابديتنا وبتدينا فرصه نصلح غلطتنا علشان كدة بلاش تجرب الخطيه وتقول اتوب بعدة كدة فيه حاجات غاليه هتروح منك



العسكرى : ودلوقتى هنروح كلنا للقسم علشان نشوف حكايه الباشا ونرجع الحق لاصحابه ونحمى الناس من شرورة



( يخرج الجميع ويدخل آمين ويضع كرة على الارض ثم يقف امامها يحرسها مثل العلبه ثم يدخل نعيم ويقف قدام الكرة ليتفرج وتجذبه ليكرر مشهد آمين مع ابو العيون )



نعيم : قولى من فضلك الكروة دى بتاعه ايه ؟ من فضلك هى دى مش كورة عاديه ؟ طيب انتم حاطينها كدة فى وسط الطريق ممكن تحطوها على جنب



آمين : مش شغلك خليك فى حالك



نعيم : دى كورة قدم ؟



آمين : قدم ؟



نعيم : سله ؟



آمين : سله ايه يا بنى ادم دى محطوطه هنا تمهيدا للمزاد العالمى اللى هيتعمل عليها بكرة


إنتهت
من مواضيعي 0 الرب يسوع المسيح في سفر أشعياء
0 شوية ترانيم للاطفال
0 اليوم الروحى الناجح للشباب
0 إعداد الخدام
0 مذكرات داليا في الجامعة
__________________

احب حرف ( ذ ) ليس لأن الحرف يعنيني كثيراً... أو أنني أحب شخصاً بهذا الاسم ... ولكن لأنني أجده بعيداً عن كل صراعات الحروف أحب أن أعيش مثله بعيداً عن مشاكل البشر
رد مع اقتباس