عرض مشاركة واحدة
  #7  
قديم 31-10-2012, 10:14 AM
astra9500 astra9500 غير متواجد حالياً
عضو جديد
 
تاريخ التسجيل: Oct 2012
المشاركات: 1
افتراضي رد: اعمل ايه ....تعبانة جدا :'(

دنيا ..يمكن يكون ردى متأخر ...لكن اسمحى لى انى ارد على موضوعك لأنه مهم ..جميل انك تلجأى وتشاركى المنتدى بمشكلتك .. وجميل انك تحسى انك تعبانه ..دا دليل على محبتك لماما ..انتى نفسك انها تغير علشان ترضيكى ..ونفسك انها تلبس اللبس اللى يعجبك علشان ترضيكى وترضى اصحابك ..وكأننا عاوزين من اهالينا يفضلوا يقدموا طول عمرهم ... كل اب وكل ام يتمنوا ان اولادهم يبقوا احسن منهم يتعلموا احسن منهم ..اشكرى ماما انها دخلتك المدرسة وعلمتك ووقفت جانبك...اشكرى ماما انها جابتلك اللبس المختلف عنها والاحسن من لبسها حتى لو هى مش قادره تغير اللبس اللى اتعودت عليه ..اشكرى ماما انها خلتك ورفعتك للمكان اللى بتتعرفى فيه على ناس يبدو فى الظاهر انهم احسن منها ..لكن هى زيهم تماما من الداخل وممكن تبقى احسن منهم كمان .... فى سنك ده لازم تعرفى وتتعلمى ان المظاهر والشكل اكثر حاجة ممكن تخدع ... انا طولت عليكى ..ٍامحينى ... وخللى بالك اوعى ماما يوصل لها الأحساس بتاعك انها مش عاجباكى ..لأنك حلم وهدف حياتها اللى عاشت علشانه ..ربنا يعينك ويقويكى من حرب الشيطان واليأس
من مواضيعي
رد مع اقتباس