منتدي أسرة البابا كيرلس السادس العلمية

منتدي أسرة البابا كيرلس السادس العلمية (http://popekirillos.net/forums/index.php)
-   منتدي المواضيع المكررة (http://popekirillos.net/forums/forumdisplay.php?f=72)
-   -   الانانية (http://popekirillos.net/forums/showthread.php?t=47977)

اكليسيا 29-08-2016 09:25 PM

الانانية
 
+تعالوا نفتح قلوبنا لبعض شوية...ونتكلم عن حاجة بنعملها وهى خطية وبحبة ثقة ندخل في حياتنا الشخصية...ونفتش عن شئ اسمه الانانية + حب النفس الزايد والغيرة الجنونية...والسيطرة علي الاخر بدون احقية وحرمانه من ممتلكاته بطريقة مؤذية...حتى لو مش محتاجها لكن ترتاح النفسية +كل ده يسبب عداوة مع الناس من حواليا...ويملى حياتى كره وحسد واتكالية بضميرى الميت وصعودى علي كتاف الناس بذاتية...وطمع وغرور وتكبر يحرمنى من الابدية ولازم افهم مش علشان اكون مميز عن الناس العادية...انى ادور علي مصلحتى علي حساب مصلحة الباقية +ببساطة وهدوء وروية...ناخد الموضوع مرة بجدية +ونركز مع الناس اللي جاية ...هنشوف الانانية ف مواقف حياتهم مستخبية +ياللي بغيرتك قتلت اخيك...وبغدرك مش سايب ربنا يهديك +وعن الخطية يبعد عنيك ...صدقت ابيس مهو بالغيظ بقي ماليك +لكن يا قايين ربنا مش عايز يفنيك...واللي يمسك او يأذيك هو بنفسه ينتقم ليك +ياللي اخترت الارض لنفسك ...اجمل موقع وافضل من عمك +فكرت ف راحتك بطريقتك...مسيبتش ربنا يختارلك +يا لوط ده الهك بيحبك ...ودليلي ف سدوم مسمحش بحرقك +ياللي بتزرعى انانية ف ابنك ...وخدعتى اسحاق بمكرك +حتى طعامه صنعتى بنفسك...عايزة البركة تكون له اكمنه قريب من قلبك +وانت يا يعقوب حتى ف فكرك...خايف بس ابوك يكتشفك +وتتحول بركته الي لعنك...لكن حب النفس ده غلطك +وانتوا ليوسف كنتوا اخوات...حسدتوه علي احلامه وقميصه الملون بالذات +فكرتوا يوم جه يطمن عليكم والغنمات...وبعتوه لقافلة وقولتوا لابوه انه مات +لكن ربنا اللي ساكن في السموات ...مدبرله خطة كبيرة فيها خيرات +والانانية ملكتك يا شاول ...خوفك علي ملكك خلاك تحاول +تقتل داود وهو مسيح الرب ازاى تتطاول...وتملك ابليس علي قلبك بكل تهون +ويوم ميلاد يسوع ظهرت انانيتك...ف لحظة حسيت مملكتك بتروح من ايدك +اول ماسمعت المجوس يا هيرودس قلقت انت وبيتك...وقتلت كل صبيان بيت لحم بغيظك وبغيرتك +متعرفش ان المولود ملكه بعيد عن ايدك +ايه رأيكوا انتوا يا شباب...لما نبقي مع ابليس صحاب +بالانا وحب النفس والاغتياب...وانتقام وتذمر وتحويلي انسان كداب +وافتح للخطية ف قلبي خمسميت مليون باب...ومن كلام ربى مقبلش اي عتاب + حتى كمان انا طبعى انانى...اول ما اقع واتعب واعانى +اجرى استنجد باللي فدانى...ومن حنيته يوقف جمبى ودايما حاطط نفسه مكانى +وبطبعي اللي مالي كيانى ببعد عن ربنا من تانى...وربي عشان بيحبنى جدا عمره ف يوم ما بينسانى +++++++اوفوميا جرجس+++++++++++++++


الساعة الآن 12:01 AM.

Powered by Pope Kirillos Scientific Family
Copyright ©2001 - 2017