منتدي أسرة البابا كيرلس السادس العلمية

منتدي أسرة البابا كيرلس السادس العلمية (http://popekirillos.net/forums/index.php)
-   الإستشارات القانونية و القضائية (http://popekirillos.net/forums/forumdisplay.php?f=90)
-   -   معلومات قانونية (1) (http://popekirillos.net/forums/showthread.php?t=13148)

صلاح صدقى 08-10-2009 01:45 PM

معلومات قانونية (1)
 
س: أعمل إيه لو حد من الشرطة جالي البيت وقاللي البيه المعاون عايزك في القسم؟
ج: مفش حاجة اسمها البيه المعاون ف القسم، لازم يديك ورقة مكتوب فيها طلب حضور أو طلب استدعاءللقسم
. س: يعني إيه طلب حضور للقسم؟
ج: طلبالحضور للقسم هو طلب من ضابط في القسم عشان تروح القسم يسألوك في محضر حد شاكيكفيه، أو لسؤالك عن معلوماتك في جريمة حصلت.
س: إيه شكل ورقة طلب الحضور للقسم؟
ج: هي ورقةطالعة من القسم مطبوعة علي نموذج وممكن تكون مكتوبة بخط اليد لمقابلة ضابط في القسمأو في المركز أو في النقطة بخصوص الرد علي محضر أو شكوي أوبلاغ.
س: طلب الحضور للقسم بيكون مختوم ولا لأ؟
ج: طلبالحضور دايماً بيكون بدون ختم
. س: لازم أروح للقسم مع الشخص اللي جاب لي طلب الحضور؟
ج: إنت حرتروح أو متروحش في طلب الحضور للقسم، لكن حاول تعرف إنت مطلوب في إيه قبل متروحللقسم في طلب الحضور.
س: أعمل إيه لو اللي جابلي طلب الحضور طلب مني بطاقتي يخدها معاه عشان يضمن إني أروح القسم؟
ج: مفيش حدمن حقه يسحب بطاقتك أو يخدها ضمانة عشان تروح القسم وارفض تديلهبطاقتك.
س: لو مروحتش في طلب الحضور، ممكن يخدوني ع القسم بالعافية؟
ج: ميقدرش حديخدك في طلب الحضور للقسم بالعافية أو يقبض عليكبالقوة.
س: إيه المسئولية لو مروحتش القسم في طلب الحضور؟
ج: مفيش مسئولية عليك لو مروحتش القسم في طلب الحضور، لكنهم هيبعتو المحضر للنيابة، ولوالنيابة شايفة إنه لازم حضورك هتبعتلك طلب حضورللنيابة.
س: أعمل إيه لو جالي طلب حضور م القسم واللي جايبه كان مصمم يخدني معاه؟
ج من حقك متروحش معاه في نفس الوقت، لإنك حر تروح أو متروحش، وممكن تستلم الطلب من الشخصاللي جايب لك طلب الحضور للقسم، والأفضل إنك تبعت الأول محامي يكون معاه توكيل منك يعرف إيه الحكاية قبل متروح القسم في طلب الحضور.
س: وليه أبعت محامي؟
ج: علشان يعرف إنت مطلوب في إيه قبل متروح القسم، لإنك لو رحت بنفسك القسم الصبح بدري فيطلب الحضور وكان فيه حد شاكيك في محضر هيخدوا أقوالك في المحضر ويبعتوك علي النيابة، لكن لو رحت القسم بالليل ممكن يبيتوك ليلة في الحجز ويبعتوك ع النيابةتاني يوم.
س: المفروض أعمل إيه في الحالة دي؟
ج: تبعت محامي معاه توكيل عنك يعرف إيه الموضوع ويرد بدل عنك في المحاضر.

صلاح صدقى 08-10-2009 01:47 PM

رد: معلومات قانونية (1)
 
س: لازم يكون مع المحامي توكيل مني علشان يرد عني في المحاضر؟
ج: لازم يكون للمحامي توكيل قضايا عنك علشان يقدر يعرف إيه الموضوع ويقدر يرد علي المحضر، لأنهم في القسم مش هيعرفوه أي حاجة عن المحضر لو مفيش معاهتوكيل.
س: إيه هو توكيل المحامي وبيطلع منين؟
ج: توكيلالمحامي بيكون توكيل في القضايا فقط، وبيطلع من أي شهر عقاري خلالساعة.
س: لو حد معاه توكيل عام عني يقدر يحضر للقسم ويرد علي المحاضر بدلاً مني؟
ج: مكنش حدغلب، لازم يكون محامي ومعاه توكيل عنك في القضايافقط.
س: من حقي يحضر معايا المحامي في القسم؟
ج: يجوزلمحاميك إنه يحضر
طلب الحضور للنيابة سواء كنت متهم أو شاهد.. شكله إيه؟
في طلبالحضور للقسم أنت حر تروح أو ما تروحش بس مهم تعرف إنت مطلوب في إيه وبرضه أنت حرفي طلب الحضور للنيابة لكن لو مارحتش تقدم عذرمقبول
س: أعمل إيه لو جالي طلب حضور من النيابة؟
ج: المفروض تروح للنيابة لو مفيش عندك عذر مقبول تقبله النيابة العامة أو ممكن تبعت محامي معاه توكيل عنك عشان يعرف إيه الموضوع ويرد علي المحاضربدالك.
س: الشخص اللي بيجيب طلب الحضور للنيابة ممكن ياخدني ع النيابة بالعافية؟
ج: مش من حقحد يخدك بالعافية أو بالقوة في طلب حضور للنيابة.
س: هو بيسلمني صورة من طلب الحضور للنيابة؟
ج: لازم يسلمك صورة من طلب الحضور للنيابة ويكون متحدد فيه ميعاد ومكان الحضور وهتقابل مينمن أعضاء النيابة.

سامى رومان نسيم 08-10-2009 06:51 PM

رد: معلومات قانونية (1)
 
ميرسى اخى الحبيب صلاح على الموضوع الرائع ده وفيه معلومات هامه جدا ومفيده ربنا يبارك تعب محبتك للجميع ويعوضك فرح وسلام يا اغلى الغالين

nancy00 08-10-2009 07:00 PM

رد: معلومات قانونية (1)
 
موضوع جمييييييييييييل ومهم جدا تسلم ايديك

صلاح صدقى 08-10-2009 07:36 PM

رد: معلومات قانونية (1)
 
اقتباس:

المشاركة الأصلية كتبت بواسطة سامى رومان نسيم (المشاركة 77529)
ميرسى اخى الحبيب صلاح على الموضوع الرائع ده وفيه معلومات هامه جدا ومفيده ربنا يبارك تعب محبتك للجميع ويعوضك فرح وسلام يا اغلى الغالين



شكرا اخى الحبيب سامى على مشاركتك الجميلة بالرد نورت الموضوع يا اغلى الغالين

صلاح صدقى 08-10-2009 07:38 PM

رد: معلومات قانونية (1)
 
اقتباس:

المشاركة الأصلية كتبت بواسطة nancy00 (المشاركة 77531)
موضوع جمييييييييييييل ومهم جدا تسلم ايديك


شكرا اختى العزيزة نانسى على مرورك وردك الجميل نورتى الموضوع اختى العزيزة

admin 09-10-2009 12:35 AM

رد: معلومات قانونية (1)
 
موضوع رائع و انا اول مرة اعرف المعلومات دي.
ربنا يعوضك.

صلاح صدقى 09-10-2009 12:52 PM

رد: معلومات قانونية (1)
 
اقتباس:

المشاركة الأصلية كتبت بواسطة admin (المشاركة 77590)
موضوع رائع و انا اول مرة اعرف المعلومات دي.
ربنا يعوضك.


شكرا اخى الحبيب جون على مشاركتك الجميلة بالرد نورت الموضوع الرب يبارك حياتك وخدمتك

بموا 09-10-2009 08:04 PM

رد: معلومات قانونية (1)
 
شكرا على الموضوع الرائع بجد

ربنا يبارك حياتك


صلاح صدقى 09-10-2009 08:20 PM

رد: معلومات قانونية (1)
 
شكرا اخى الحبيب بمواعلى مشاركتك الجميلة بالرد نورت الموضوع الرب يبارك حياتك وخدمتك


الساعة الآن 12:50 AM.

Powered by Pope Kirillos Scientific Family
Copyright ©2001 - 2017