منتدي أسرة البابا كيرلس السادس العلمية

منتدي أسرة البابا كيرلس السادس العلمية (http://popekirillos.net/forums/index.php)
-   شبابيات (http://popekirillos.net/forums/forumdisplay.php?f=47)
-   -   موضوعات تهم الشباب (http://popekirillos.net/forums/showthread.php?t=28112)

ريموندة عبد المسيح 23-01-2011 07:35 PM

موضوعات تهم الشباب
 
معلش انا اسفة علشان موضوع سلسلة موضوعات تهم الشباب معلش احنا هنكمل الموضوعين التانين وبعد كدة نبقى نعمل
موضوعين عن مقايس اختيار شريك الحياة وكيفية الاختيار بدون وسيط بس بطريقة تانية بحس اننا نجمع اكبر قدر من الارا فااحنا دلوقتى هنكمل وبعد كدة نعمل الموضوعين التانين
اولا موضوع سنة اولى زواج
تانيا الشباب والتكنولوجية

سنة اولى زواج

كتير جدا من الناس يقولوا انى اكبر مشاكل بين الزوجين بتبقى فى السنة الاولى ودى علشان لسة مش وخدين على المسئولية وازاى هيمش البيت وازاى الميزانية ازاى هيقدار يغير حياتة بالكامل انا واحدة من الناس بقول انى المشاكل مش شرط تظهر فى السنة الاولى ممكن جدا تظهر بعد كدة ولكن فى الاساس زى مااحنا اقولنا اقبل كدة ادام فى توافق لية يبقى فى مشاكل المشاكل لازم تبقى موجودة وصدقونى مفيش بيت مفهوش مشاكل ولكن فى مشاكل بمحبة ومتستغربوش من دى وفى مشاكل تدمر بيوت يعنى ممكن تحصل المشكلة ولكن بالمحبة متخرجش برة الاوضة وتتحل فى نفس التوقيت
وفى مشاكل مش تخرج برة البيت لالالالا تخرج برة البلد خالص فيبقى مفيش حل فى خراب

اية رايكم فى مشاكل السنة الاولى ولية بتحصل
وهل المشاكل بتقف فى السنة الاولى بس ولا اية ازاى تحل مشاكلك بدون محد يعرف ازاى تكون حكيم ومين المطالب بالاحتوا للاخر الرجل ام الامراة طبعا هنا احنا محتاجين جميع المتزوجين فى المنتدى الاشتراك

شهيد تحت الطلب 23-01-2011 09:35 PM

رد: معلش هنكمل ونحاول نرجع اللى فاقدنا
 
طيب انا كده مش هقول حاجه لان لسه ما اتجوزتش علشان يكون فيه مشاكل بس من راي ان الست العاقله تحافظ علي بيتها وتكسب زوجها وربنا يبعد المشاكل

ريموندة عبد المسيح 23-01-2011 10:56 PM

رد: معلش هنكمل ونحاول نرجع اللى فاقدنا
 
طبعا يارامى لازم يبقى فى سؤال انت قالت الست العقلة معنى كدة انى الست هى المطالبة بااحتوا الرجل

شهيد تحت الطلب 23-01-2011 11:51 PM

رد: معلش هنكمل ونحاول نرجع اللى فاقدنا
 
مش قصدي ياريموندا بس لوتلاحظي ان المشاكل ديما تبدامن عند الست ويأامه عن طريق مشيها وراكلام امها يمعي حماتها ولازم الست تفهم ايه الي بيعمل المشاكل وتبعد عنه لان الست هي اساس الاسره والبيت

ريموندة عبد المسيح 24-01-2011 12:16 AM

رد: معلش هنكمل ونحاول نرجع اللى فاقدنا
 
بص يارامى انا عارفة انى الست اساس البيت ولكن لازم يكون الرجل كمان اساس البيت علشان الحياة تمشى وصدقنى اغلب الامهات دلوقتى مش بتدخل فى حياة ابنائهم زى الاول لانى الحياة مش زى الاول ولو الزوج والزوجة هم الاتنين بيراعوا ربنا فى حياتهم وفى بيتهم وبيرعوا بعض صدقنى استحالة حد يقدار ياثر عليهم ابدا شكرا لمشاركتك وتابع باقى الموضوعات

صنفورة 24-01-2011 10:45 AM

رد: معلش هنكمل ونحاول نرجع اللى فاقدنا
 
انا رأى ان ممكن اوى ميكونش في مشاكل سنة اولى جواز لو كان في فترة خطوبة كويسة و الاتنين عرفوا بعض كويس اوي و كان في لغة حوار ومحبة و لو حطوا قاعدة في حياتهم ان كل طرف هيبذل كل جهده لاسعاد الطرف الاخر ولو لقدر الله حصل مشاكل برده لازم يكون في قاعدة متفق عليها من الطرفين وهي
ان مهما حصل بينهم يفضل بينهم و ممنوع تدخل اي شخص مهما كان لان دى حياتهم همه و بس
اما بالنسبة للاحتواء الراجل و الست هما عمودين البيت و لازم هما الاتنين يعرفوا ازاي يحتوا بعض و علي فكرة دة مش هيحصل الا لو كان في حب و احترام بينهم

جورج نصيف 24-01-2011 11:31 AM

رد: معلش هنكمل ونحاول نرجع اللى فاقدنا
 
بصراحة يا ريموندا مش هاعرف اتكلم فى الموضوع ده لأنى زى رامى لسه ما تعرفناش على المشاكل عشان لسة لم نتأهل وربنا يسهل ويأهلنا بصلواتكم انشاء الله ههههههههههه
بس مبدأيا البيت اللى مفيهوش خوف ومحبة ربنا والاتكال عليه فى كل تفاصيل الحياه هو اللى مليئ بالمشاكل
لكن البيت لو فيه العكس موجود فيه ربنا مش هيبقى فى مشاكل اصلا وحتى لو فى والامر ما يخلاش طبعا هتنحل بسرعة وطبعااااااا مع السرية التامة وعدم التحدث مع اى احد عن المشاكل ممكن اب الاعتراف او اب او ام حكماء ممكن يحلوا المشاكل
وطبعا الصلاه بتعمل اعاجيب

ريموندة عبد المسيح 24-01-2011 03:53 PM

رد: معلش هنكمل ونحاول نرجع اللى فاقدنا
 
صنفورة الف شكر على رايك بجد راى جميل جدا وهو دى الصح لو مفيش احترام لازم هيكون فى مشاكل
اشكرك جدا على رايك الجميل دى الف شكر

ريموندة عبد المسيح 24-01-2011 04:00 PM

رد: معلش هنكمل ونحاول نرجع اللى فاقدنا
 
جورج طبعا انت اكلمت فى موضوع جميل جدا انى لو مفيش ربنا فى البيت هيحصل مشاكل بس انا عايزة اققولك انى كتير بيبقى فى ربنا وفى مشاكل انت عارف لية علشان الشيطان مش بيحب الناس تبقى مبسوطة فتاكد انى لازم تكون فى مشاكل ولكن بيختلف البيت اللى فية ربنا عن اى بيت تانى دايما تلاقى كل واحد من الزوجين اللى بينهم ربنا مهما الشيطان يوسوس فى الودن تلاقى الودن التانية تقول لالالا انا المرة دى اللى غلطان لازم اعتذار وهنا بقى تلاقى ايد ربنا تشتغل بشكل عجيب وتلاقى الشيطان ملوش مكان نهائى شكرا ليك على مشركت اللى بجد جميلة واهم حاجة اقولتها انى الصلاة تعمل العجايب

نصيف خلف قديس 24-01-2011 04:28 PM

رد: معلش هنكمل ونحاول نرجع اللى فاقدنا
 
مساء الفل اختى ريموندة
اشكرك موضوع جميل ومهم جدااااااا
اساس البيت بين الطرفين المحبة
اذا وجدت المحبة مفيش اول ولااخر سنة
العمر كلة واحد
صحيح فية مشاكل فى كل بيت المشاكل الحياتية ولكن المحبة موجودة
الاسرة اساسها المحبة تحل كل الظروف الصعبة
بدون محبة حياة الاسرة كلها مشاكل
وخاصة فى زواج المصالح والزواج التقليدى


الساعة الآن 01:34 AM.

Powered by Pope Kirillos Scientific Family
Copyright ©2001 - 2019