منتدي أسرة البابا كيرلس السادس العلمية

منتدي أسرة البابا كيرلس السادس العلمية (http://popekirillos.net/forums/index.php)
-   طلبات الصلاة (http://popekirillos.net/forums/forumdisplay.php?f=37)
-   -   محتاج رايكم كلكم وصلواتكم ان ربنا يرشدنى (http://popekirillos.net/forums/showthread.php?t=19407)

بشوى 12-04-2010 02:43 PM

محتاج رايكم كلكم وصلواتكم ان ربنا يرشدنى
 
اخواتى انا بجد محتار قوى وفكرت كتير فقلت مفيش غير انى اشاركم الموضوع دة
فقلت اخلية هنا عشان تصلولى وانتم بتدونى رايكم
انا لسة متجوز جديد وانا بشتغل فى الكويت بسافر شهرين وبنزل اجازة شهر بس الشغل متعب قوى وصعب قوى
وانا سواء كنت متجوز او لا كان نفسى اسيب الشغل دة المهم
انا ابويا وامى واقفين ضدى ومش عازينى اسيب الكويت ومصممين انى اكمل هناك
وشايفين ان مصلحتى هناك
وانا نفسى اقعد هنا واستقر هنا انا معايا بكالوريوس علوم وتقريبا كدة قدامى فرصة هنا بس خايف اوافق عليها
وومرتبى مش حيكون وحش قوى مش عارف اسافر ولا افضل هنا
انا بقول الاستقرار احسن من فلوس الدنيا
وان الواحد حتى لو تعب هنا شوية بعد كدة ربنا اكيد حيساعدة
وافضل مليون مرة من السفر والبهدلة ياريت تصلولى كتير وتدونى رايكم انا المفروض حسافر يوم السبت الجاى 17 -4
يارب ارشدنى ودبر حياتى ونور بصرتى
واختار حياتى كما يليق بمعرفتك
ببركة ام النور ومارمينا والبابا كيرلس ومامرقس والانبا بطرس والقديسين الرومين مكسيوموس ودماديوس والقوى الانبا موسى وصلوات الشهيد ابنانوب ومارجرجسس سريع الندهة امين

admin 12-04-2010 03:24 PM

رد: محتاج رايكم كلكم وصلواتكم ان ربنا يرشدنى
 
ربنا معاك و يرشدك بس لازم الموضوع ده يكون بالإتفاق مع زوجتك قبل اي شخص آخر.

جورج نصيف 12-04-2010 05:08 PM

رد: محتاج رايكم كلكم وصلواتكم ان ربنا يرشدنى
 
كل سنة وانت طيب اولا يا اخ بيشوى
ثانيا الف مبروك الزواج السعيد
ثالثاا بالنسبة لرأيى الشخصى لو التعب اللى انت بتتعبه فى الكويت ده تعب جسدى فقط يبقى استحمل وربنا يكافئك ويعوضك وخليك فى الكويت لأن الحياه كفاح وان ما كنتش تتعب داللوقت هتتعب امتى برضه فرصة العمل بالخارج دى كويسة
اما لو اذا كان فى العمل فى الكويت تعب جسدى ونفسى ايضاا يبقى من رأيى الشخصى ان تعمل فى مصر وسط اهلك وربنا معاك ويرشدك للصالح وعمموما لازم تصلى وتحط ورقة على المذبح عشان ربنا هو اللى يختار وربنا معاك
صلى من اجلى كثيييييييييييييييراااااا

ريموندة عبد المسيح 12-04-2010 05:14 PM

رد: محتاج رايكم كلكم وصلواتكم ان ربنا يرشدنى
 
ازيك يابيشوى انا راى من راى جون لازم الموافقة الاولى او الراى الاول للزوجة لانها هى شريكت حياتك سيبها على ربنا واكيد ربنا يختار الافضل ربنا معاك ويساعدك

عفاف 12-04-2010 07:14 PM

رد: محتاج رايكم كلكم وصلواتكم ان ربنا يرشدنى
 
اهلا بيشوى ازيك
بجد وحشتنا كتير
الف مبروك وربنا ديما معاك وفى بيتك الجديد
بص يابيشوى رأى انا انك لازم تكون جنب مراتك
لو قدرت تاخدها الكويت كان بها
ماقدرتش لاى سبب
اوعى اوعى تسيب مراتك
وتقدر تشتغل شغلتين
بس ماتبعدشى عن مراتك بعد ماأهلها اعطوها لك
وبرضه مايصحش تروح تقعد عند اهلها وانت مسافر
لانها بتحس انها غريبه فى بيت ابوها بعد الجواز
ولو اخذت رأيها هتتحرج تقولك خليك معايا
دة راى وربنا يرشدك للصالح يارب

MORAMARMAR 12-04-2010 08:13 PM

رد: محتاج رايكم كلكم وصلواتكم ان ربنا يرشدنى
 
مبروك يا بيشوى على جوازك ويارب تكون سعيد دايما انت ومراتك طول حياتكم
انا رايى يا بيشوى انك زى ما كل اخواتى قالوا انك تاخد رايى مراتك وبعدين هى مممكن توافق وتقولك سافر
لكن هى هتبقى اكيد مش عايزاك تسافر وتبعد عنها اما
بالنسبة لحكاية الشغل دى انا شايفة انك بتقول هنا بارضو فى فرصة شغل كويسة طيب واية المانع لو استقريت هنا وبقيت بتشتغل هنا بارضو حتى ولو ابتديت بحاجة صغيرة ربنا هيكملك اكيييييييد
انا كنت ممكن اوافقك انك تسافر لو هنا مش فى شغل لكن انت بتقول هنا فى فرصة الى حد ما كويسة
لان السفر والغربة دى حاجة صعبة اوى انا بقولك كدة عن تجربة لبابايا
مسافر فى النمسا ومش بيجى غير قليل اوى طبعا مش عارفة اوصفلك اد اية احنا متفتقدينة وعدم وجودة ماثر معانا اوى
واولا اخيرا عايزاك تصلى يا بيشوى واطلب بركة البابا كيرلس والانبا كاراس والملاك ميخائيل وماما العدرا وهما مش هيسيبوك اكييييييييد

بشوى 13-04-2010 12:25 PM

رد: محتاج رايكم كلكم وصلواتكم ان ربنا يرشدنى
 
بجد وربنا يعلم انا بكون فرحان قوى لما بتشركونى رايكم
شكرا ليكم كلمكم على مشاركتكم لية
لاننا فعلا كلنا اعضاء جسد واحد كما قال الكتاب
مراتى نفسها اكون هنا جنبها.
بس انا فعلا علية ضغط نفسى رهيب هنا من والدتى والدى وكمان قالبين الدنيا وخايفين علية قوى لانهم حاسين انى بغلط فى حق نفسى وفى حق بيتى لو مسافرتش
لانهم بيقولوا انى مش حقدر اكفى البيت مصاريف دايما يقولوا المعيشة بقت غالية قوى
مش عارف بجد
يارب دبرنى واخترلى الصالح
مد ايدك يارب
بركة يام النور بركة الملاك ميخائيل بركة الانبا كاراس ومارمرقس والانبا بطرس والبابا كيرلس ومارمينا
وبركة جميع مصاف القديسين تكون معانا كلنا امين وتختارلى يارب ولبيتى الصالح امين

ريموندة عبد المسيح 13-04-2010 02:54 PM

رد: محتاج رايكم كلكم وصلواتكم ان ربنا يرشدنى
 
بص بقى يبشوى انا اخد راى زوجى بما اننا مرانا بالظروف دية اقبل كدة بس طبعا كان السفر قليل لو الموضوع محتاج مساندة لعمال برة ولكن الاساسى كان هنا فكان راى زوجى هنا احسن بكتير لانك لسة فى بداية الحياة الزوجية فانت وزوجتك محتاجين تقربوا اكتر مش بس كدة ولكن فى فترات لازم وجودك معاها علشان تحس بالامان على فكرة هو طلب منى ان اققولك راية بسرعة جدا وفى النهاية ربنا معاك ويدبرلك الصالح

بشوى 13-04-2010 08:17 PM

رد: محتاج رايكم كلكم وصلواتكم ان ربنا يرشدنى
 
متشكر ليكم كلمكم ولهتمامكم بجد متحرمش منكم
اذكرونى بصلوات جامدة

سامى رومان نسيم 19-04-2010 10:20 PM

رد: محتاج رايكم كلكم وصلواتكم ان ربنا يرشدنى
 
حبيبى بيشوى كما قال اخوتى ولكن انا لى راى عن تجربه شخصيه فانا كانت ظروفى مثلك تماما كنت مدير بكنتاكى السالميه الجمعيه بالكويت وكنت بشتغل من 9 صباحا وحتى الساعه 12 مساء وكنت تعبان جدا ولكن تحملت وفعلا تعبت جدا بعد ما اتجوزت واصبحت مش طايق الكويت ولا الشغل وبرده اتحملت ولما جالى او طفل ساندرا بقيت مش متحمل البعد عن مصر وحموت واكون مع امراتى وبنتى ولكن قلت امنلهم مستقبلهم واسد اقساط الشقه وارجع اعمل مشروع فاتحملت سنه بالظبط لحد ما جاء غزو العراق وهنا كان قرار العوده بس عن تجربه شخصيه وبامانه ندمت انى رجعت وما استنتش سنتين ولا تلاته كمان ولما رجعت مصر لم اجد فرصه مناسبه للعمل والمرتبات كلها تحت الصفر ولكن تدبير رب المجد لم يتركنى لحظه واحده فانصحك اخى الحبيب بان تستمر بالكويت فقط سنتان او ثلاثه لاغير حتفرق معاك كتير جدا صدقنى اخى الحبيب


الساعة الآن 02:09 AM.

Powered by Pope Kirillos Scientific Family
Copyright ©2001 - 2019