منتدي أسرة البابا كيرلس السادس العلمية

منتدي أسرة البابا كيرلس السادس العلمية (http://popekirillos.net/forums/index.php)
-   المنتدي العام (http://popekirillos.net/forums/forumdisplay.php?f=35)
-   -   القصب والقلقاس فى عيد الغطاس (http://popekirillos.net/forums/showthread.php?t=16376)

سندريلا 17-01-2010 06:21 PM

القصب والقلقاس فى عيد الغطاس
 
كل سنة وانتم طيبين بمناسبة عيد الغطاس
انا حاولت اجمع اغلب المعلومات اللي بتتكلم عن الغطاس ويارب تكون سبب افادة ليكم

وديه قصة صغيرة بتوضح سر القلقاس والقصب في عيد الغطاس

توتة: كل سنة وأنت طيبة يا ميرو الشهر ده فيه أعياد كتيير أوي حلوة وجميلة وفاضل كام يوم على عيد أنا بحبه إسمه ............. عيد الغطاس


ميرو : كل سنة وأنت طيبة؛ فعلاً عيد الغطاس من الأعياد الجميلة فى كنيستنا، انت عارفة أنهم كانوا بيسموه بعيد الشموع أو عيد القصب والقلقاس كمان.

توتة: عيد القصب والقلقاس!!!!!!!!!!!!!! أنا مش فاهمة حاجة إيه دخل القصب والقلقاس بالعيد

ميرو :دي أصلها عادة قديمة عندنا، لأننا لقينا إن القلقاس والقصب فيهم رمز للمعمودية.
توتة: (بإستغراب): للمعمودية!!!
ميرو : أيوة رمز للمعمودية .... القلقاس مثلاً علشان تطبخه الأول بنغسله ونغطسه فى الميه السخنة عشان ينضف، تمام زي الإنسان إللي بيتعمد بيغطس فى ميه المعمودية وينضف من خطاياه القديمة.

أما القصب كانوا زمان بيحطوا شمع فوقيه بيرمز لنور الروح القدس، ويدوقوا حلاوته، زي الإنسان إللي بيتعمد بياخد بركة المعمودية ويدوق حلاوة ربنا.

يا ترى عرفتي بقى إيه هو سر القلقاس والقصب فى عيد الغطاس

دة ولكن هل لنا ان نتأمل
ان عيد الغطاس هو عيد الظهور الالهى (الابيفانيا)وقد نأكل القصب كنبات ينمو فىالاماكن الحارة ،وربما يذكرنا ذلك بأن حرارة الروح يجعل الانسان ينمو فى القامة الروحية ويرتفع باستقامة كاستقامة هذا النبات(اقصد القصب)
نبات القصب ينقسم الى عقلات وكل عقلة هى فضيلة اكتسبها فى كل مرحلة عمرية حتى نصل الى العلو
بداخل القصب نجد القلب الابيض
والقلب الابيض مملؤ حلاوة
فالمستقيم القلب ينبع من قلبه الحلاوة وكل المشتهيات
يذكرنا هذا النبات بضرورة العلو فى القامة الروحية وافراز الحلاوة من قلوب بيضاء نقيه،تعتصر من اجل الاخرين فتعطى شبعا
هذه الكلمات ما هى الا تأمل بسيط

في عيد الغطاس تمتلئ البيوت "بالقلقاس" وليس عبثاً نأكل هذا الطعام بالذات في عيدالغطاس،
فهناك أطعمة كثيرة أشهي منه، لكننا في الحقيقة نأ كل القلقاس لأنه يقربنا من معمودية المسيح،
ففي القلقاس مادة سامة ومضرة للحنجرة، وهي المادة الهلامية، إلا أنهذه المادة السامة إذا اختلطت بالماء تحولت إلي مادة نافعة، مغذية،
ونحن من خلال الماء نتطهر من سموم الخطية كما يتطهر "القلقاس" من مادته السامة بواسطةالماء!.-
والقلقاس يدفن في الأرض ثم يصعد ليصير طعاماً، والمعمودية هي دفن أو موت وقيامة مع المسيح، ولهذا يقول معلمنا بولس الرسول "مدفونين معه في المعمودية التي فهيا أقمتم أيضاً معه" (كو 2: 12) (رو 6: 4).- والقلقاس لا يؤكل إلا بعد خلع القشرة الخارجية، فبدون تعريته يصير عديم الفائدة، فلابد أولاً من خلع القشرةالصلدة قبل أكله، ونحن في المعمودية نخلع ثياب الخطية لكي نلبس بالمعمودية الثياب الجديدة الفاخرة، ثياب الطهارة والنقاوة، لنصير أبناء الله."

منقول للامانة
صلوا لأجل ضعفى


بموا 17-01-2010 08:22 PM

رد: القصب والقلقاس فى عيد الغطاس
 
موضوع ومعلومات جميلة شيرى
تسلم ايدك

admin 18-01-2010 09:31 AM

رد: القصب والقلقاس فى عيد الغطاس
 
ربنا يعوضك يا شيري,
و اتكمنا قبل كدة عن البرتقال كمان علي:
http://popekirillos.net/forums/showthread.php?t=8912
كل سنة و الكل بخير.

سامى رومان نسيم 18-01-2010 10:57 AM

رد: القصب والقلقاس فى عيد الغطاس
 
وانت طيبه يا اغلى شيرى وكل عيد غطاس وكل المنتدى والعالم كله فى احسن حال وانا رايح اشترى قصب وبرتقال دلوقتى هههههههههه كل سنه وانتم طيبين

امير صبحى 18-01-2010 11:11 AM

رد: القصب والقلقاس فى عيد الغطاس
 
متنساش القلقاس يا سامي ههههههههه

كل سنة وانتم طيبين

ربنا يباركك يا شيري ع المعلومات الهايله دي

سندريلا 20-01-2010 08:40 PM

رد: القصب والقلقاس فى عيد الغطاس
 
ميرسى ليك يا بموا وكل سنة وانت طيب

سندريلا 20-01-2010 08:43 PM

رد: القصب والقلقاس فى عيد الغطاس
 
ميرسى يا جون على ردك وكل غطاس وانت بخير

سندريلا 20-01-2010 08:45 PM

رد: القصب والقلقاس فى عيد الغطاس
 
كل سنة وانت طيب ياسامى وخلى بالك اللى ماياكلش قلقاس يصبح من غير راس

سندريلا 20-01-2010 09:07 PM

رد: القصب والقلقاس فى عيد الغطاس
 
ميرسى يا امير على ردك نورت الموضوع ربنا يبارك خدمتك وكل سنة وانت طيب


الساعة الآن 08:25 PM.

Powered by Pope Kirillos Scientific Family
Copyright ©2001 - 2019