المساعد الشخصي الرقمي

مشاهدة النسخة كاملة : يقال ان ...........


mena azer
14-10-2007, 03:32 PM
بسم الثالوث القدوس


فى البداية احب ان انوه ان هذه المعلومات ليست اكيده مئه بالمئه ولكن معظمنا سيلمس بعض الحقائق خصوصا من يتعامل بالتجاره فى المواد الغذائيه

يقال ان ........

-[size=16pt] اللبن النيدو المصري مضاف اليه دقيق- عن تجربة عملية - خصوصا البتاع الصغير البتاع ابو جنيه وربع


- عصير المانجو اللي في محلات العصير 70% منه مش ليه علاقه بالمانجو اصلا..ده قرع عسلي.. بمرأى العين..


-اللانشون والبسطرمة.. اللي المفروض مكتوب عليها لحم بقري خالص حلال.. مفيهاش ريحة اللحمة اصلا.. دي سقط حيوانات مدبوحه مفروم مع بهارات وتوابل وجيلاتين وعضم فراخ وبالسم الهاري..


- انواع الهامبورجر المنتشره في السوق (عدا نوعين تلاتة) كوكتيل من البهارات وماده جيلاتينية بتبقي مبطنة لجلد الحيوانات بعد الذبح وبتتباع من المسلخ الطن منها بـ 250 جنيه تقريبا ..
الطن منها بيستخدم (بعد الغلي في قدور كبيرة مقززة في مناطق لاادمية باستخدام عصاية شبه المجداف كده للتقليب) وبيعمل حوالي 500 عبوة (زنة 1 كيلو برجر) بتتباع بـ 10 جنيه
الصحة تقفل المصنع ( او بير السلم) وصاحبه يلبس قضية غش تجاري محترم ياخد في الآخر حكم غرامة بـ 10 الاف جنيه او حبس سنة ..وغالبا بيدفع الغرامة ويخرج يأجّر بير سلم تاني وتبدأ عجلة العمل من جديد.


- علب الزيت الـ1 كيلو بتاع القلي ام 2 جنيه وربع و3 جنيه دي- اللي لونه غامق قوي ومش شفاف دي - اصلا زيت مستخدم من محلات الفول والطعمية بيعاد تجميعه في عربيات بتنك زي بتاعة اللبن كده وبتتفلتر بادوات بدائية جدا عشان تشيل بواقي القلي اللي فيها ويعاد تعبيتها في زجاجات - مستعملة مسبقا ومعاد غسلها بالمية والصابون- وبتتعبى يدويا بقمع بلاستيك وتتبرشم بماكينة برشمة تمنها 3 الاف جنيه.. وبيع ياباشا
الزجاجة البلاستيك من الزبالين.. الدسته بجنيه.. طن زيت مستخدم الكيلو بيتاخد من المطعم بـ 25 قرش.. قمع بلاستيك قول 10 = 5 جنيه .. وماكينة برشمه بـ 3 الاف بالكتير
تكسب في الطن 2000 جنيه مستريح جدا..


- الحلاوة الطحينية اللي في المحلات.. عليه اكسيد تيتانيوم عشان تاخد اللون بتاعها وبعضها مفيهوش ريحة السمسم اصلاً.. عليها دقيق وفورمالين عشان تمسك نفسها.. اصل الدولار بقي غالي فالسمسم غالي والزبون عاوز الارخص مش الانضف


- فلاتر ميه الشرب.. بتفلتر الطعم (عبر ازالة الكلور) والريحة (عن طريق الفلتر الكربوني) لكن المعادن التقيله اغلبها مبيتفلترش اصلا الا في الفلاتر الاكتر من 3 مراحل..


- سمك المزارع السمكية..بياكل دم ومخلفات عمليات الذبح عشان يكبر بسرعة


- فراخ المزارع.. من كتكوت عمره يوم لفرخه كاملة وزنها كيلو علي الاقل الي كيلو و200 جرام بياخد 19 يوم..حقن هرمونات في الاكل وميه الشرب.. علما ان الفرخة الطبيعه عاوزه 4 شهور عشان تقرب من الحجم ده


-طلمبة البنزين الـ 92 والـ 95 في البنزينات دلوقتي.. الطلمبتين بياخدو من خزان ارضي بنزين واحد ..مهي اصل الطلمبة ذكية ..بتميز الـ 92 من الـ 95


- محلات الحلويات اللي بتبيع الحلويات للشرقية بالسمن البلدي.. ولابلدي ولانيلة دي معموله بسمنة صناعي وعليها مكسبات طعم زي اللي بيستخدموها ف المصانع


-الجبنة الرومي القديمة.. مش قديمة ولانيلة برضه..هما يعني هيعتقوها عشان حضرتك تستمع ويركنها في المخزن 6 شهور؟
بيضيفو هيدروكلوريد اسيد تركيز 30 %.. عشرة لتر لكل طن جبنه وتتكتم في قبو قديم معفن 24 ساعه وتطلع قديمة وزى الـ.......(بلاش)


- اكياس البلاستيك: اكياس البلاستيك اي لون (غير الشفافة المفروض انها بتتصنع من رولات بولي ايثيلين خام)
الواقع ان اغلبها عبوات بلاستيك (ميه وبيبسي) وبيتم تسيحهم في افران وسحبهم على شكل رولات تاني.. ودي ارحم من الاكياس البلاستيك السوداء اللي مصدرها مخلفات المستشفيات والمراكز الطبية (حقن - سرنجات - كانيولا - فلاتر - اكياس دم مستعمله - قساطر بوليه مستعمله..)


- عبوات المياه المعدنية اكوافينا (انتاج مصانع بيبسي) عن مصدر مقرب الميه دي لابئر جوفي ولانيله.. حتي مفيش عنوان للمصدر علي عبوات القزايز
دي بخار الميه الناتج عن التكثيف في خطوط انتاج البيبسي .. بدل ماتتهدر وهم بيفعو عليها فلوس لمصلحة المياه قرروا يجمعوها في تانكات ويعبوها في قزايز ويستغلو شبكة التوزيع الضخمة بتاعتهم توزع ميه مع البيبسي وبسعر ارخص من سوق المياه المعدنيه باكتر من 50 قرش ق الزجاجه..(محدش خد بالو من طعم البيبسي في الميه دي؟)


- صابون غسيل الوجه وكريمات البشرة والشعر المنتشره في السوق(من غير الانواع المعروفة) ياريت حد يبقي يحللها يمكن نعرف نوصل للمركبات اللاارضية اللي بيستخدموها فيها

a7balmase7
14-10-2007, 05:00 PM
هههههههههههههههههههههههههه
كفايا يامينا

onlife
14-10-2007, 05:46 PM
ميرسي ليك بجد . :)

agmal_love
19-10-2007, 12:33 AM
هههههههههههههههههههه جميل اوى انا بضحك على تعليقاتك دمك عسول اوى يا مينا

وبالنسبة لموضوعك فهمو اكثر من رائع بس قولى لواحد ياكل اية او يشرب اية انت مسيبتش اى حاجة اللى واتكلمت عنها اكل وشرب وصابون وكريمات ولبن وعصائر وزيوت وبنزين وحاجات كتير تااانى نعمل اية احنا ؟؟؟؟؟؟هههههههه

mena azer
19-10-2007, 11:50 AM
هههههههههههههههههههههههههه
كفايا يامينا


هههه حاضر



ميرسي ليك بجد . :)


تحت امرك وان شاء الله في تانى قريب


هههههههههههههههههههه جميل اوى انا بضحك على تعليقاتك دمك عسول اوى يا مينا

وبالنسبة لموضوعك فهمو اكثر من رائع بس قولى لواحد ياكل اية او يشرب اية انت مسيبتش اى حاجة اللى واتكلمت عنها اكل وشرب وصابون وكريمات ولبن وعصائر وزيوت وبنزين وحاجات كتير تااانى نعمل اية احنا ؟؟؟؟؟؟هههههههه


بشكرك على تعليقك الجميل

شكرا على ردودكم الجميله ربنا يعوضكم

nesr@popekirillos.net
20-10-2007, 09:15 AM
ايه ده كله يا مينا دا انا قربت اكره كل المنتجات

a7balmase7
20-10-2007, 09:23 AM
انت قربت انا كرهت بقى هههههههههههههههههه

i need jesus
20-10-2007, 09:58 AM
كتر خير الناس انها مستحملة دة كلة
شكرا يا مينا
ربنا يباركك

fulaa
29-10-2007, 12:37 AM
والناس بتاكل وبتشرب وبتشترى ووووووووووووووووووووووووو عجبى

bosycat
23-01-2008, 02:58 AM
انا هاخد اجازه من الاكل سنتين يكونوا زودوا كل اللي انت قولت عليه ده فااخلص بسرعه ;D

ϲσɗɛ вяɛακɛɍ
20-07-2009, 03:45 PM
ههههههههههههههههههههههههههههه
عثول يا مينا