Hebrew Old Testament

Hosea 2

Hosea

Return to Index

Chapter 3

1

ויאמר יהוה אלי
עוד לך אהב־אשה
אהבת רע ומנאפת
כאהבת יהוה את־
בני ישראל והם
פנים אל־אלהים
אחרים ואהבי אשישי
ענבים׃

2

ואכרה לי בחמשה
עשר כסף וחמר
שערים ולתך שערים׃

3

ואמר אליה ימים
רבים תשבי לי לא
תזני ולא תהיי
לאיש וגם־אני
אליך׃

4

כי ימים רבים ישבו
בני ישראל אין מלך
ואין שר ואין זבח
ואין מצבה ואין
אפוד ותרפים׃

5

אחר ישבו בני
ישראל ובקשו
את־יהוה אלהיהם
ואת דוד מלכם
ופחדו אל־ יהוה
ואל־טובו באחרית
הימים׃

Hosea 4

 

 

 

Holy Bible    
الكتاب المقدس